———————————— مهم ———————-
عايز انقلك مشهد بيحصل خلف الكواليس انت مابتشفهوش من بعد ما تبعت ال C.V بتاعتك

أولاً كدة الأرزاق على الله مش على شركات وعلى بنى أدمين
بس احنا اللى علينا ناخد بالأسباب .. اللى هيقعد فى بيته مابيدورش على شغل الطبيعي انه مش هيلاقى شغل .. صح ولا ايه؟
الأستثناء ان يجيله شغل وهو نايم ..
فخلينا نتكلم عن الطبيعي ونسبنا من الأستثناءات


انا شخصياً لما بستقبل C.Vs لوظيفة معينة وبيكون العدد كبير بقسم ال C.Vs الى batches
علشان نقدر نشتغل عليها

دي نتيجة الفحص ل batch مكون من 85 C.V

مؤهل 10
اقل من المطلوب 53
فترات عمل قليلة 5
بعيد عن المطلوب 11
غير واضحة 6

النتيجة دي معناها انى هكلم 10 فقط من ال 85 علشان نبدأ ال process

بالنسبة للباقى
ال 53 اقل من مطلوب دول معناهم ان مؤهلاتهم اقل من المطلوبة فى الوظيفة دي تحديداً

ال 5 فترات عمل قليلة .. دول اشتغلوا فى 3 positions فترات تقل عن 6 اشهر لكل position
حتى لو كانوا مهؤلين من الناحية الفنية .. المخاطرة عالية جداً ان يتم قبولهم فى ال process
وبفكرك اننا اتفقنا نتكلم عن الطبيعي ونسبنا من الأستثناءات
يعني لو انت اشتغل اقل من 6 اشهر فى اكتر من شركة وعادى بتلاقى شغل فده الأستثناء واللى هيشغلك هيبقى مقلق منك حتى تثبت العكس
ومافيش اى قصد من كلامي انك تستحمل ظروف شغل مش كويسة انت مش قادر تستحملها
لا انا قصدى اختار صح على اد ما تقدر .. مش طبيعي خالص ان اختياراتك كلها غلط .. 3 شركات مش كويسين وراء بعض !! كدة انت فى حاجة غلط فى تفكيرك .. يا اما الدنيا حاطة عليك بزيادة .. ربنا يعينك

ال 11 بعيد عن المطلوب .. فى الأساس هم كانوا شغالين حاجة مالهاش علاقة بالوظيفة لفترة طويلة .. وواضح انهم عملوا shift career من اقل من سنة .. هم ممكن نحطهم مع قائمة اقل من المطلوب .. لكن هنا الوضع مختلف .. دي ناس بقالها سنين بتشتغل مش لسه متخرجين .لكن مجالهم كان مختلف
انا شخصياً شايف ان مافيش اى مشكلة ان حد يغير مجاله .. لكن خليني اقولك ان اغلب الشركات بتبقى مش مستريحه لحاجة زى كدة .. وقبل ما حد يسخن انا بقول اغلب الشركات .. رزقك موجود ماتخافش

ال 6 غير واضحه دول بقى الفئة الوحيدة اللى عايز اقلهم كلام ناشف .. ليه؟ .. لأنه ممكن يكون مؤهل للوظيفة لكنه مش موضح هو متخرج امتى او من اين او اشتغل فين قبل كدة .. C.V تحسها business card اسم ومعلومات اتصال وشوية مشاريع


تانى بأكد .. الأرزاق على الله
هيرزقك حتى لو انت مش مؤهل اساساً للشغل
بس ناخد بالأسباب .. ونعرف ايه اللى بيحصل من ورانا علشان نحاول نستعد له على اد ما نقدر وفرصنا تبقى افضل .. أظن ده كلام مايزعلش.. ولا ايه؟

ف كنز اسمه https://medium.com/ بس للاسف ممنوع ف مصر معرفش ليه الصراحه ممكن عشان هو حاجه مفيده مثلا الله اعلم المهم

الموقع ده بيكون فيه مقالات عظيمه عن كل حاجه عشان تفتحه حط . ف اخر
url ((https://medium.com./))

لو مفتحش معاك جرب حط اللينك الموقع هنا https://mirrorrr-181015.appspot.com/ هيفتح معاك ان شاء الله

لو انت front-end developer حاول ماتزنقش نفسك فى framework واحدة ويبقى ال title بتاعك مرتبط بال framework
خصوصاً لو انت لسه بتبدأ ال career بتاعك

اساس ال front-end هو ال JavaScript
هتقولى فى typescript وفى dart وفى سمك وجمبري
هقولك اساس ال front-end هو ال JavaScript

احترف JavaScript وبعدين اتعلم اكتر من framework وارمى الشبكة وسوف هتصاد ايه
وانا عارف انك مش هتبقى جامد فى كل ال frameworks بس لما تكون فاهم منهم اتنين تلاتة بنسبة معقولة هتبقى فرصك فى الشغل اكتر
وبأكد .. خصوصاً لو انت لسه فى الأول


الكلام ده هدفه انك تزود فرصك فى السوق ومالوش اى اهداف تانية

اللي بيعملوا ال JavaScript Frameworks بيكون غرضهم يخلوا حياتك اسهل و دا بيتحقق انك لما تستخدم ال Framework تكتب كود قليل ويبقي الكود بتاعك Consistent بما يجعل اعضاء الفريق اللي فاهمين البيزنس يقدروا يكملوا شغل بعض.
لو لقيت فريقك بيكتب كود كتير و معقرب و مفيهوش تجانس ومحدش بيقدر يكمل شغل حد بسهوله يبقي فريقك بيستخدم ال Framework غلط و مش فاهمينه كويس.
راجع معاهم فهم ما يعطيه لهم ال Framework لانهم غالبا بيحاولوا يعملوا حاجات مش مفروض هم اللي يعملوها لان مفروض ال Framework يوفرها بشكل متجانس لمختلف الوظايف.

————— مهم —————-
اتعلم ازاي
Object Oriented Programming (OOP)

الموضوع ده من اهم الموضوعات اللي للأسف مش بتاخد غير قشور منها في الكلية مع انها حساسة وغاية في الأهمية في بناء الأنظمة

مؤخرا قرأت أكثر من مصدر في هذا الموضوع ودي خلاصة التسلسل الأمثل في رأيي لتعلم هذا الموضوع بشكل جيد (أرحب بكل الترشيحات والمصادر الجيدة في التعليقات)

أولا اتعلم لغة برمجة بتدعم الOOP وشوف معناه ايه وبتطبق ازاي.
افهم يعني ايه
Base class
Sub class
Interface
Abstract class
Abstract method
Inheritance
Polymorphism
Public, Protected, Private access

فهمت معنى الكلام ده وعارف تطبقه ازاي؟ تمام.

تاني خطوة. ذاكر كتاب
Head First Object-Oriented Design & Analysis
هايعلمك بالتفصيل وبلأمثلة الجيدة يعني ايه تعمل سوفتوير كويس
Requirements
Use cases
Analysis
UML diagrams
Relationships between objects
وخلالها هاتتعلم مبادئ بناء OO
SOLID priciples.

خلصت وفهمت ال
SOLID principles
كويس وفهمت دورها وتأثيرها في السوفتوير اللي بتبنيه؟

اقرا عنها كمان شوية على النت علشان تأكد فهمك ليها.

بعدها ادخل على كتاب
Head First design patterns
ده بيشرح المستوى اللي بعد كده. شوية طرق متعارف عليها في ربط ال
Objects
ببعضها لتسهيل حل مشاكل معينة.
المبادئ دي بتؤكد وترسخ مفاهيم ال
SOLID
بشكل أو بآخر وفي نفس الوقت بتديك مفاتيح حلول شوية مشاكل من غير ما تقعد تفكر فيها.

ممكن تبصلها على انها خبرات أجيال ارتقت لمستوى القواعد علشان ماتفكرش كتير في حلول مبتكرة لمشاكل اتهرست قبل كده

لو عايز تختم بحاجة كمان ممكن بعدها تقرأ كتاب
Clean Architecture
ده للمؤلف اللي ألف كتاب
Clean Code
وهو كتاب بنفس العظمة بس على مستوى بناء النظم بدلا من تفاصيل الكود

دمتم موفقين

https://www.youtube.com/watch?v=cGDAS5tLU4I&t=113s
بعيدا عن اسم البودكاست 😂 😂😂
اسمع الحلقه دي رايقه مع احمد الالفي و ازاي عمل career chift من دكتور جراحه ل frontend dev ودلوقتي بقي team lead

https://www.clubhouse.com/room/xX6q712d
شويه كلام ف الsecurity

https://www.freecodecamp.org/news/javascript-promise-tutorial-how-to-resolve-or-reject-promises-in-js/
للحبايبنا ال frontend devs
ال article دي موضحه كل حاجه تخص ال promises بصوره سهله وبسيطه

—copied
هشارك معاكم شوية معلومات يمكن ال junior مش عارفها او مش واخد باله منا
بحكم خبرتي كشخص شغال في Ux Ui لسنين طويله و تصنيفي ك senior
طبعا التصنيف ده مجاش بحكم السنين جيه بحكم الشغل طبعا
واحدة من اكبر الاخطاء الي موجودة عند الناس ال junior انهم فاهين ان الشغل كله كشكل بس و انه لازم يكون جديد و هما الي عامليه من A to Z و ده لانهم ما يعرفوش قاعدة ال ٦٠٪؜ الي بتقولك اي تصميم تغير فيه ٦٠٪؜ بقا بتاعك و جديد و عشان كدة في مواقع كتير Ui ket و اكبرهم uplabs
طبعا مش محتاج اقول ان عدم معرفه المعلومة دي بتضيع وقت منهم قد ايه
ال Ux مهم جدا جدا و دي معلومة ضايعة عندهم ان ال Ux اهم من ال Ui و للاسف المعظم فاكر ان Ux Ui مصلح واحد و اصلا احنا بنقول شوية كلام و خلاص
اي junior بيبدا بيبقى عاوز يبان باي شكل فبيعمل شغل بسيط و ٤ صفحات من موبايل او صفحة ويب و ينشر على behance و بيدايق لما بيشوف ناس senior بياخدو بعض الاجزاء من شغله و بيشتغلو عليها و ده لانه ما يعرفش الشغل مع الشركات الكبيرة و المشاريع الضخمة بيتعمل ازاي
طيب ال senior بيعمل ايه و هنا خلي بالك كويس قبل ما تقول على نفسك senior
١- بيشارك في تحليل المشروع يعني لازم يكون عنده فكرة عن لغات البرمجة سواء ويب او موبايل
٢- بيعمل work flow و ده اصعب مرحلة في التحليل و لازم يكون عنده خبرة في databaseعلشان تطلع صح
٣- بيشارك في mind map و بناء عليه بيبدا يشتغل
٤- بعد ما يخلص التطبيق او الويب لازم يقفل المشروع كاملا ك prototype و هنا في ادوات كتير و افضلها هو Xd الي هو مدفوع
٥- لازم يعمل لوحة التحكم الخاصة بالمشروع dashboard و الي لازم تكون ماشيه مع المشروع خطوة بخطوة و لازم تكون صح لان الغلطة هنا فيها مصيبه في البرمجة فلازم تكون فاهم database و programming languages
٦- لازم يعمل test للمشروع بعد ما يخلص ك Ux Ui علشان يتاكد انه مفيش اي اغلاط او اخطاء
طبعا ده جزء من اجزاء كتير ضمن مجال الشغل عشان كدة لازم تكون عارف لغات البرمجة و التحليل و الحجات الي ينفع تتبرمج و الي ما تنفعش و ازاي ال assets بتطلع للمبرمج علشان يشتغل و ما يتعبش
٧- لازم المشروع يكون متكامل و لو كان ويب و موبايل لازم ياخد باله ان ال api هتكون واحدة مع اختلاف طريقه العرض بس لازم تكون زيها بالظبط يعني ما ينفعش يضيف حاجة لمجرد انها ماشية معاه و شكلها حلو و الويب يشيلها عشان ملهاش مكان الapi الي انت راسمه في ال Ux لازم يكون متطابق
٨- لازم يدرس كل ال scenariosالمتاحة و الغير متاحة و يعمل حسابها و لازم يتعامل على انه التطبيق هيروح لمستخدم اول مرة يمسك موبايل او لابتوب في حياته و لازم يوجهه بطريقة صحيحة

للاسف المعظم فاكر المجال ده مجرد صورةو ناس كتير من ال junior بيعملو حجات غريبة زي ٤ layers فيهم shadow او مثلا الوان متداخلة بطريقة غلط و الالوان ليها قصة تانيه خالص و علم لوحده ولازم تكون عارفها

بشوف شغل لناس junior كتير و لما باخد source file بتصدم من الي بشوفه و ان الشغل اصلا مستحيل يطلع منه assets مع انه شكله حلو

الموضوع مش سهل خالص و لا كلمه senior سهله
كل الي قولته كان لمثال صغير كبرنامج e-commerce مثلا
تخيل بقا لو انت بتعمل نظام حكومي او انظمة متاكملة زي الخدمات او حاجة زي social media

حبيت اشاركم شوية من خبرتي لان للاسف بنشوف حجات كتير غلط و بيجيلنا شغل لناس قايله عن نفسها senior و بنتعذب و احنا بنصلح اخطائهم

اتمنى التوفيق للجميع

Now live
Technical Career Development with Eng. Aya Elgebeely

https://www.facebook.com/GDGDamanhour/videos/613505759624977/

من أفضل المواقع اللى عرفتها مؤخراً

learnhowtobecome.org
بتحدد مجالك ايه او عاوز تتعلم ايه، وهو بيقولك:
١- كل حاجة عن المجال ده وبيعمل ايه من أول ماطلع لحد دلوقتى.
٢- ايه الخطوات اللي انت محتاجها عشان توصل للوظيفة ديه وتبقى أفضل حد فيها من أول الشهادات واللغات والكورسات والعلاقات والتطوع والكتب اللى المفروض تأخذها.
٣- هيعرفك ازاى تبقى قوى فى المجال بتاعك وهل انت محتاج تاخد بكالوريوس ولا ماجستير ولا دكتوراه ولا أونلاين وانهى فيهم أفضل ويفيدك أكتر يعنى.
٤- بعد كده هيقولك أفضل الأماكن اللى ممكن تدرس فيها الكلام ده وطبعا أنت هتعرفها وتدور فيها على منح وتجهز نفسك ليها إن شاء الله.
٥-هتعرف المهارات والمعلومات والادوات اللي أنت محتاجها.
٦- هيقولك شويه احصاءات عن المجال وقوته وشهرته او ضعفه والقرار قرارك.
7- هيقولك تقريباً الدخل السنوى للى بيشتغل فى المجال دا كام وإيه أحسن مناطق ودول بتدفع رواتب فى المجال دا وطبعا متركزش أوى فى الأرقام دى بالنسبة لمصر عشان أحنا مش موجودين فى الوجود

8- الموقع لو قلبت فيه هتلاقى بيتكلم شوية عن المنح وشوية عن الكورسات الأونلاين وأفضل جامعات فى المجالات المختلفة وحاجات كتير الأحسن تشوفها بنفسك

‏رابط جلسة: S.O.L.I.D Design Principles

https://t.co/U3LOLop6SQ‎

Meeting ID: 946 4618 7551
Passcode: 992040

Now
https://www.clubhouse.com/room/M50X43N8

— copied
ال Node JS مش Framework ❌
ال Node JS مش Programming Language ❌
ال Node JS هي Runtime Environment ✅


يعني ايه بقى Runtime Environment و ايه الفرق بين المصطلح ده و بين ال Framework ؟!🤔


خلينا نبدأ بال Framework: ال Framework تعتبر Structure أو template بيوفرلك Base تبدأ تشتغل عليه بدل ما تبدأ كل شغلك من الصفر فبيوفرلك وقت و مجهود.


أما فيما يخص ال Runtime Environment فتخيل معايا أنه عبارة عن Box موجود جواه شوية tools دورها انها تعمل execution لل JS Code من غير ال Box ده مقدرش انفذ ال Code اللي عندي فحاليا باستخدام ال Box بتاع ال NodeJS انا اقدر انفذ ال JS Code على اي كمبيوتر او خلينا نكون أعم على اي Operating System متوفر فيه ال Box بتاعي اللي هو ال Runtime Environment، طب تخيل معايا كده لو مفيش Node ما قبل ال Node كان Code ال JS مقدرش اعمله Execution غير في ال Browser طب ليييييه !؟
بالظبط كده لان ال Browser بيوفرلي JS Runtime Environment و ده اللي كان مخلي استخدام ال JS محصور في ال Front end لاني مقدرش اشغل ال JS Code على ال Server مثلا لأن معنديش Runtime Environment أو Box ارمي فيه الكود يتنفذ.

طيب ايه محتوى ال Box بتاعنا ده !؟
بشكل عام بيبقى عبارة عن:-
- JS Engine
- Task Queue
- Event Loop
- و شوية APIs
الحاجات دي مشتركة بين ال Node و ال Runtime Environment اللي بيوفرها ال Browser بتاعك ايا كان اه اكيد في اختلافات لكن نقدر نعتبر ده الشكل العام أو ال General Components

في جانب ال Browser هو بيديك شوية APIs اسمهم Browser web APIs على سبيل المثال من اشهر الحاجات في ال JS هي console.log تخيل دي اصلا مش من ال syntax أو ال basic structure لل JS دي عبارة عن API بيوفرها ليك ال Browser و حاجات غيرها كتير زي ال DOM, Fetch, SetTimeout and Location و غيرهم كتير.

أما بالنسبة لل Node فال APIs عبارة عن ال Node modules اللي بتوفرهالك ال Node على هيئة Module أو small packages زي مثلا fs module و ده بيديك اللي انت محتاجه عشان تجيب و تغير و تضيف و تمسح files على الجهاز سواء your personal computer OR server و زي ال OS, Http, path و غيرهم كتير.

اما فيما يخص باقي الأجزاء فدول فيهم تفاصيل و رغي كتير جداً لو انت عجبك الرغي اللي فوق ده و حابب تقرأ أو تسمع اكتر عن ال NodeJS أو ال JS Runtime Environment عموماً قولي في ال Comments و متنساش تقولي Feedback و شكراً 😌❤️

Now

https://www.clubhouse.com/room/PrbqlKRL

اهم لغه تتعلمها لو عاوز تلاقي شغل كويس هي الانجليزي .

عشان تبقي جامد ف ال Database شوف الكورسين دول من ترشيح البشمهندس محمد حماد
Intro to DB | CMU = > https://www.youtube.com/playlist?list=PLSE8ODhjZXjbohkNBWQs_otTrBTrjyohi
Advanced DB | CMU = > https://www.youtube.com/playlist?list=PLSE8ODhjZXjasmrEd2_Yi1deeE360zv5O

فيه نقاش حلو هنا ولو عندك سوال تعالي
https://www.clubhouse.com/room/M5Dp8p04