اعاهدكِ مولاتي سوف اترك الغناء من الآن ✋
حباً ووفاءاً لكِ💎

اخواتي المهدويات.. اخواني المهدويين
أن رأيتم فيها فائدة انشروها
حباً لصاحب الزمان و تمهيدا له 👇

https://t.me/+gRLYSt2sP8BhZDg0

شنسوي بمُحَرم حتى نطلع من
عنده وأحنا حالتنا متغيرة للأفضَل :

1⃣ لازم نعرُف هذا الشَهر مو فقط للدمعةَ بدون أي تأثير باطني او تَغير في مَجرى الحَياة إنما الإمامُ الحُسين عَبرةٌ وعِبرة كون كُل دَمعة تنزل من عندي أعاهد بيها الله سُبحانه على تَرك ذَنب مُعين.

2⃣ الصلاة ثُمَّ الصَلاة فهي عَمود دينكُم َأبحثو راح تلگون روايات واحاديث عَجيبة عنها وعن اهميتها لأن ما يُقام لَنا أيمان بدونها وكذلك بالموت إنّ قُبلت فراح تنقبل كُل الأعمال بعدها واذا ما نقبلت فكُل أعمالنا تروح سُدى ف هالله هالله بالصَلاة لأن لازم نعرف ماكو اي عُذر يمنعنا إمامنا تمطر عليه السهام وأقام الصَلاة وأصحابه بليلة العاشر كانو يلگوهم بين ساجد وراكع زين ليش يصلي وهو باجر رايح للجنة؟ حتى يثبت إطاعة الكاملة لإوامر الله سُبحانه بأنهم حتى لو مكانهم الجنة مستحيل يستخفّون بحقوق الله وما اجمَل لقاء الحَبيب بالمَحبوب عند الصَلاة، الله سبحانه يقول واصطبر عَليها يعني يعرف بيكم راح تملون وتتعبون بس يوصيكم بالصَبر والتوجه القَلبي والروحي لان مفاتيح حَياتكم بيد الصَلاة متصلون ماتذكرون الله لا تفكرون بحياة جيدة لانها هي سر سعادتكم الحقيقة والحياة كم يوم ورايحين احنا يااخوان متسوه نفرط بالاخرة من اجل كم يوم والامام الصادق ع يقول بالمضمون لَن تنال شفاعتنا مُستخف بالصَلاة ففكرو بهذا الحَديث.

3⃣ عليكُم بالقُرآن لان هاذي وصية رسَول الله الي راح نتحاسب وننسأل عن تَقصيرنا بحقه راجعو خطبة الغَدير للتأكيد لأن هو اعظم الثَقلين وهو وال محمد ما ينفصلون فآحنا كون من نتبع ال محمد نتبع القران ايضاََ مو نعوف القران شهر ماكلة التراب ونروح بس نلطم ع صدرنا لا كون نعمل بالثقلين نلطم ونبجي ونسوي بواجبات الله الي وصونا بيها ال محمد حاولو تقرون ويه اي قارئ حتى تصححون اللفظ مالتكم والكم اجر وثواب عظيم جداََ جداََ.

4⃣ هالله هالله بأمكم وابوكم لتقصرون بخدمتهم مهما كانو سيئين وياكم تره جنتكم وناركم بيدهم وبرضاتهم خلو زين العابدين مثال كدامكم اشتغلو بالبيت ولتضوجون كل شغلة تشتغلوها الكم اضعاف اضعاف اجرها وكله متسجل ورقة وقلم عند الله تردون مرضاة الله ارضو اهلكم عنكم مهما كان الثَمن بوسو ايدهم كل يوم احضنوهم لتصيحون عليهم لتغلطون لترفعون صوتكم لتخزروهم لان هذا كله عقوق ولو احنا كلنا مقصرين بس راح نحاول بكل جهدنا نصير خوش أوادِم ترة باچر عگبة اهلكم يموتون وتضلون تتحسرون عليهم استغلو الفرصة هسة حباََ بأبي عبد الله ع.

5⃣ الي يسمع اغاني يحاول يتركها قليلاََ بهل شهر كرامة لمصيبة الحسين وتقرباََ لله واقرو عن مضرات الغناء النفسية والدينية والدنيوية اتركوها وخلو ثواب ترككم الها لله وصدگوني راح يعوضكم بأضعاف أضعاف هل تَرك

إِنْ يَعْلَمِ اللَّهُ فِي قُلُوبِكُمْ خَيْراً يُؤْتِكُمْ خَيْراً مِمَّا أُخِذَ مِنْكُمْ وَ يَغْفِرْ لَكُمْ وَ اللَّهُ غَفُورٌ رَحِيمٌ.

6⃣ لاتتلفظون بألفاظ سيئة هَل شَهر لتغلطون لتسبون تعلمو على الكَلام اللطيف والطيب راح تكسبون خير الدُنيا والاخرة وتخلقو بأخلاق نبينا الأعظم وإنّكَ لعلى خُلُقٍ عَظيم.

7⃣ كل يوم سوو مجلس ويه روحكم وابجو هاي الدموع راح تغير قلوبكم وتطهركم ومن تبجون ادعو من كل كلبكم وگولو :
الهي احنا عبادك الموخوش أوادم جينا نريد تسوينا خوش أوادم بالحُسين.

8⃣ عليكم بصلاة اليل عليكم بصلاة اليل عليكم بصلاة اليل بيها صلاح آمركم وقضاء حوائجكم وتقربكم من الله وتزيح الغل من قلوبكم وتفتح بوجهكم خير الدنيا والاخرة اقرو عن فضائلها وهي وصية رسولنا الكريم للإمام علي ع كل يوم خلو الكم لقاء ليلي مع الله اشكو لله احوالكم لان كل اموركم بين يديه الكَريمتين وياهن كل يوم اقرو مناجاة وحدة لزين العابدين واحرصو على مناجاة المريدين والمحبين ومستحيل شَخص يرفع ايده لله باليل والله يخذله بالنهار مستحيل.

9⃣ زيحو عن قلوبكم شكو حقد وكره وبغض وضغينة وغيبة ونميمة ع كُل شَخص حتى ظالميكُم صيرو مثل ابو علي اخلاقه عالية لدرجة محد ممكن يستوعبها لا اتجاوز ع اعداء ولا خطأ بحقهم وهمَّ اهل العيلة فشكو واحد قاهركم سامحو حباََ بالحُسين وبطلو تشيلون غيبته يم احد اخذو عهد على نفسكُم.

🔟 اهم نقطة ديرو بالكم تغلطون بحق اي شخص مو ملتزم وكلساع تكلوله انت شجابك ع اللطم انت ابو الاغاني انت وانت تره محاسبين ع كل حجاية تحجوها بحقهم عوفوهم هلة بيهم بشهر امامهم وولي نعمتهم هدايتهم بيد الله مو بيدكم رحبو بيهم فتحولهم گلوبكم قَبل بيوتكم وارواحكم قَبل دواوينكم ليش؟

لأن : يارَب انت المُحسن وانا عَبدُك المُسيء مَن يرحم المُسيء غيرَ المُحسِن.

تريد تعرف من هو الحسين وشنو الي يريده منه هاي النصيحه خاصة لبعض الشباب والبنات ليش يا اخي اتعب نفسك وفوگ كل هذا تحصل حرام يعني انت من تروح علمود ضرب الدمام لان تترائه بيه گدام الناس وبلأخص گدام بعض البنات😒😒

او علمود صديقك لان معجب بي.. او علمود حتى ينشرونك بالتواصل الأجتماعي ووو وغيرها من التفكيرات الشيطانيه وكذلك انتي يا اختي تفترين وي الملايه من بيت البيت واكو البعض متبرجه واكو البعض علمود تسولف 🙁💔

واكو البعض علمود الشباب واكو البعض فقط علمود الأكل واكو البعض تروح للمواكب وتطلع موبايلها وتصور بالشباب وتفكيره شيطاني معقوله يعني هو هذا الي يريده منه الامام الحسين وزينب ع) انت تدري الامام الحسين يشوفك😔💔

وتدري اذا انت من هذا النوع يتأذى ليش خلينه حزن الامام الحسين كأنه عيد سعيد وبيه مفسده ترى اكو شباب وبنات حسينيون بالفعل وغائبين عن هذا النوع الشيطاني الحسين يريدك ان تصلي بوقت الصلاة وتخشع لله يريدك تقرء قرآن بخشوع📖❤️

يريدك تزوره كل يوم حتى مماتك يريدك تغض بصرك وتطيع والديك وتصير متواضع وعفيف وطاهر ما يريدك تنتظر مصابه علمود تغير بيه جو انتم جاي تلاحضون المجالس قليل الناس تجيهه وتروح للمواكب والطبل واكو اشياء تجاوزت ع الحسين ع)😔💔

تلگه اكثر الناس تروح للمواكب لان بيه تغيير جو وبيه بعض النساء.. وبيه شباب متبرجين ورياء صح مو كل شخص يروح للمواكب من هذا النوع لكن الأكثر يروحون بهاي النوايه وخاصة المراهقين اخواني اخواتي خلي نخلي الحسين بين عيونه بعد الله عز وجل👁🌸👁

صدكني اذا ما تخاف وما تحب الله ترى الحسين ما يريدك نهائيا ليش من يخلص محرم بعض الشباب والبنات تسمع اغاني او تعمل اشياء قبيحه يعني انت تخاف من الحسين ع) وما تخاف من الي خلق الحسين ع) راجع نفسك😢🥀

صدگني الحسين ما يرضى علينه اذا نبقى هيج خلي نعرف شنو الدنيا الي مجرد حلم الله يحبك ويريدك ترجع اله وتعوف الشيطان ارجع لله والحسين يفرح بك 🌸❤️☘🌼🧚‍♂🌺💚


@asaala❤️👈|تيليگرام