أنا مش زعلان من الدنيا قد ما أنا زعلان من نفسي.. زعلان إني أوقات ببعد عن ربنا مع إن مفيش أمان ولا راحه حقيقية غير في قربه..
يمكن اتشغلت.. يمكن اتعبت.. ويمكن نسيت إن باب ربنا عمره ما اتقفل في وشي..
نفسي أرجعله بقلب صادق.. وأقرب أكتر.. وأسيب كل حاجه بتبعدني عنه نفسي صلاتي تبقا راحتي.. ودعائي يبقى ملجأي.. وقلبي يفضل متعلق بربنا قبل أي حاجه تانيه..
يارب سامحني على كل تقصير.. وردني إليك ردا جميلا.. وثبت قلبي على طاعتك.. أنا محتاج قربك أكتر من أي وقت فات..

- ميصعبش عليك حد ،
عشان لو كانوا قدروا عليك مكانوش رحموك !!

جهاد النفس مش إنك تكسب معركة مع حد…
جهاد النفس إنك تكسب المعركة اللي محدش شايفها.

لما تبقى موجوع وتختار ما تجرحش غيرك.
لما تبقى مكسور وتكمل واقف.
لما الغضب يملأ قلبك وتسكت عشان ما تظلمش حد.
لما نفسك ترد وتنتقم وتثبت إنك صح… وتختار إنك تسيب حقك عند ربنا.

أصعب حرب مش مع الناس…
أصعب حرب مع نفسك كل يوم.

وكل مرة بتنتصر فيها على غضبك، وشهوتك، ويأسك، وضعفك…
أنت بتنتصر في أعظم جهاد.

“أشد الناس قوة ليس من يغلب الناس، ولكن من يغلب نفسه.” ♥️

كان عندي شغف يِملّي بلد، بس الدنيا دي غريبة عندها طرق تقتل شغف الإنسان في ثانية

بتكلم عن نفسي بثبات عشان واثق إني أنضف وأحن حد شال حد في شدته وعمري ما اتعاملت بصفار ولا نقص

حد عاقل في مره قالي .. مش كل الناس عندها السلام النفسي انها تشوف حد احسن منها وتفضل تحب ليه الخير..
" ف اللهم إنا نعوذ بك من كل حاسد ، حاقد ، مؤذي "