🚫ልዩ መልዕክት🚫
ሰላም ወዳጆች

እንደሚታወቀው ባለፉት 3 አመታት በእንግሊዘኛ ትምህርት ለተማሪዎች ቲቶሪያል እየተሰጠ ቆይቷል። ዘንድሮ ካለፉት አመታት በተሻለ እና ሰፋ ባለ መልኩ ተማሪዎችን የማስተማር እና የማብቃት ስራ እየተሰራ ነው። አልሐምዱሊላህ

የዘንድሮው የእገዛ ፕሮግራም ለየት የሚያደርገው ተማሪዎችን ካስተማርን በኋላ በአመቱ መጨረሻ በተማሪዎች መካከል የሚካሄድ የጥያቄና መልስ ውድድር መኖሩ ነው።

ውድድሮቹ በሁለት መልኩ እንዲደረጉ የታቀደ ሲሆን የመጀመሪያው በወራቤ አንደኛ ደረጃ ት/ቤት (ጁኒየር) ተማሪዎች መሃል የሚደረግ ነው። ይህ ፕሮግራም በሰኔ 29/2018 ዓ.ል. የተከናወነ ሲሆን አሸናፊ ተማሪዎቻችን በሰኔ 30 በወላጆች ቀን በወላጆች ፊት የሰርተፊኬትና የገንዘብ ማበረታቻቸው በተሳካ ሁኔታ ተበርክቶላቸዋል። የ2000 ብር፣ የ1500 ብር እና የ1000 ብር ሽልማት ከሰርተፊኬት ጋር ለአሸናፊዎች ሲበረከት ለተቀሩት ተማሪዎች የተሳትፎ የምስክር ወረቀት ተበርክቷል።

ሁለተኛውና አጓጊው ውድድር በሁለቱ የከተማችን ታላላቅ ሀይስኩል ተማሪዎቻችን መካከል የሚደረግ ሲሆን ይህም በዕለተ እሁድ 10/12/2018 ዓ.ል. የሚካሄድ ይሆናል። እነዚህም የወራቤ አጠቃላይ ሁለተኛ ደረጃ ትምህርት ቤት እና የዘሞ ባቴ አጠቃላይ ሁለተኛ ደረጃ ትምህርት ቤት ናቸው።

ይህንን ፕሮግራም ልዩ እና አጓጊ የሚያደርጉት ነጥቦች እንደሚከተለው ተጠቅሰዋል፦

🔠. የእገዛ ትምህርቱ ያለ ምንም ክፍያ ፍላጎት ለነበራቸው ተማሪዎች ሁሉ በነጻ ሲሰጥ የቆየ መሆኑ

🔠. የጥያቄና መልስ ውድድሩ በከተማችን (ወራቤ ከተማ)፣ በዞናችን (ስልጤ ዞን) ምናልባትም በክልላችን (ማዕከላዊ ኢ/ያ) ለመጀመሪያ ጊዜ በእንግሊዘኛ ትምህርት የሚደረግ ልዩ ውድድር መሆኑ

🔠. ውድድሩ የሚካሄደው በሁለቱ ሀይስኩል ተማሪዎች መካከል መሆኑ

🔠. የውድድሩ አሸናፊዎች ከሰርተፊኬት በዘለለ የገንዘብ ማበረታቻ ሽልማት መሸለማቸው

🔠. የውድድሩ አሸናፊ ሶስት ተማሪዎች ለእያንዳንዳቸው የ10,000 ብር፣ የ7,000 ብር እና የ5,000 ብር ከሰርተፊኬት ጋር እንደየደረጃቸው ከ1ኛ እስከ 3ኛ ተሸላሚ መሆናቸው እና ለተቀሩት ተሳታፊዎች የተሳትፎ የምስክር ወረቀት መበርከቱ ይህ ውድድር ከሌሎች ውድድሮች ልዩ የሚያደርገው ሆኗል።

በመሆኑም ይህ የጥያቄና መልስ ውድድር ቀጣይ ሳምንት በዕለተ እሁድ 10/12/2018 ዓ.ል. የሚደረግ በመሆኑ በትምህርት ስራ ተሳታፊ የሆናችሁ አካላት፣ የት/ቤት ዳይሬክተሮች፣ መምህራን፣ ተማሪዎች እና የከተማው ነዋሪዎች በክብር ተጋብዛችኋል።

የጥያቄና መልስ ውድድሩም የሚካሄደው በወራቤ ከተማ አዲሱ ፓርክ ውስጥ በሚገኘው አዳራሽ ይሆናል።

ተወዳዳሪ ተማሪዎች እስካሁን የተማራችሁትን እየከለሳችሁ ተዘጋጁ። ኢንሻአላህ በጣም ጥሩ እና አስደሳች ጊዜ የምናሳልፍ ይሆናል።

ለዚህ ቀን ሰላም ያድርሰን። መልዕክቱን በማስተላለፍ ተባበሩን። መልካም ጊዜ!

.
Main Channel
https://t.me/Werabesps 🚀
.
Tutorial Channel
https://t.me/WSPSTutorial 🚀
.
DM
@Abboud1088 ☑
.

🚫 የምዝገባ መልዕክት 🚫
ሰላም

በ2018 ዓ.ል. ሲሰጥ በቆየው የእንግሊዘኛ እገዛ ትምህርት ላይ ተሳታፊ የነበራችሁ በጥያቄና መልስ ውድድሩ መሳተፍ የምትፈልጉ የሁለቱ ሀይስኩል ተማሪዎች ከአሁን ጀምሮ እስከ ነገ ሰኞ 04/12/2018 ዓ.ል. ድረስ ምዝገባ መካሄድ ስለጀመረ እንድትመዘገቡ ለማስታወስ እወዳለሁ።

በውድድሩ ለመሳተፍ የሚከተሉት መሥፈርቶች መሟላት አለባቸው፦
🔠. በእገዛ ትምህርት ፕሮግራሙ ቢያንስ 70% እና ከዚያ በላይ ተሳታፊ የነበረ/ች
🔠. የወራቤ አጠቃላይ ሁለተኛ ደረጃ ት/ቤት እና የዘሞ ባቴ አጠቃላይ ሁለተኛ ደረጃ ት/ቤት ተማሪ የሆነ/ች
🔠. በቴሌግራም አድራሻ (@Abboud1088) ላይ መመዝገብ

የምዝገባ አድራሻ እዚሁ በቴሌግራም ሲሆን በውስጥ መስመር መጥታችሁ መመዝገብ ትችላላችሁ። ለምዝገባ የምትመጡ ተማሪዎች ስትጽፉ በሚከተለው መንገድ ይሁን፦

የትምህርት ቤት ስም: XOXOXOXO
የተማሪ ስም: XOXOXOXO
የተማሪ ክፍል: XOXOXOXO

ለመመዝገብ ይህን አድራሻ ተጠቀሙ፦
@Abboud1088

በተቻለ መጠን መልዕክቱን በመማር ሲሳተፉ ለነበሩና ፍላጎት ላላቸው ተማሪዎች ሁሉ አድርሱ። መልካም ጊዜ

.
Main Channel
https://t.me/Werabesps 🚀
.
Tutorial Channel
https://t.me/WSPSTutorial 🚀
.
DM
@Abboud1088 ☑
.

🚫የገለጻ ቀን🚫
ሰላም

ከሁለቱም ሀይስኩሎች ለመጨረሻው ዙር ያለፋችሁ ስምንት (8) ተማሪዎች ነገ ቅዳሜ ከቀኑ 8:30 ሰዓት (በኢ/ያ አቆጣጠር) ወንዝ ዳር ፕሮጀክት ውስጥ በሚገኘው አዲሱ አዳራሽ እንድትገኙ ይሁን።

🚫እሁድ 10/12/2018🚫
ሰላም ሰላም ሰላም

አመት ቀረ፣ ወር ቀረ፣ ሳምንት ቀረ እያልን ሰንብተን እነሆ ለታላቁ የመጀመሪያ ዙር የጥያቄና መልስ ውድድር 24 ሰዓታት ብቻ ቀሩን። አንድ ቀን ብቻ!
▪️እሁድ ከጠዋቱ 03:00 ሰዓት▪️📌

በከተማችን ለመጀመሪያ ጊዜ ለሚካሄደው የእንግሊዘኛ ቋንቋ ስዋሰው ውድድር እንድትገኙ ሁላችሁም ተጋብዛችኋል።

በተለይ የዘሞ ባቴ ሀይስኩል ተማሪዎችና የወራቤ ሀይስኩል ተማሪዎች በዕለቱ ተገኝታችሁ ተወዳዳሪ ጓደኞቻችሁን እንድትደግፉ 🏁፣ እንድታበረታቱ 💪 እና የሞራል ድጋፍ እንድትሰጡ👏 ተጋብዛችኋል።

መልዕክቱ ላልደረሳቸው ማድረሳችሁን አትርሱ።

🚫ድህረ-ውድድር🚫
ሰላም

ከትናንት ወዲያ እሁድ ዕለት (10/12/2018 ዓ.ል.) ወራቤ ከተማ በሚገኘው ሜላያን ፓርክ አዳራሽ በተከማችን፣ በዞናችን እና በክልላችን ለመጀመሪያ ጊዜ በሁለቱ ትምህርት ቤቶች መካከል በተካሄደው የእንግሊዘኛ ቋንቋ ስዋሰው ውድድር በሰላም አስደሳች በሆነ መልኩ ተጠናቋል።

በዚህ የውድድር ፕሮግራም ተሳታፊ የነበሩ የወራቤ አጠቃላይ 2ኛ ደረጃ ት/ቤት ተማሪዎች እና የዘሞ ባቴ አጠቃላይ 2ኛ ደረጃ ት/ቤት ተማሪዎች አስደሳች፣ እልህ አስጨራሽ እና ትጋት የታየበት ፉክክር ያደረጉ ሲሆን ለሽልማቱ ሲባል አቻ ውጤት የነበራቸውን ተማሪዎች በመለየት 1ኛ፣ 2ኛ እና 3ኛ የወጡ ተማሪዎችን ሸልመናል።

🥇 አንደኛ የወጣው በራሱ እስከ ጥግ የተማመነው 💅 የወራቤ አ/ሁ/ደ/ት/ቤት ተማሪ የሆነው ተማሪ አይመን ነስረዲን የ 10,000 ብር የገንዘብ ሽልማትና ሰርተፊኬት ተበርክቶለታል።
🥈 ሁለተኛ የወጣው ትሁቱ 😇 የወራቤ አ/ሁ/ደ/ት/ቤት ተማሪ የሆነው ተማሪ ሙዓዝ ሙሐመድኑር የ 7,000 ብር የገንዘብ ሽልማትና ሰርተፊኬት ተበርክቶለታል።
🥉 ሶስተኛ የወጣችው ሮኬቷ 🚀 የዘሞ ባቴ አ/ሁ/ደ/ት/ቤት ተማሪ የሆነችው ተማሪ ሐናን ሙሰማ የ 5,000 ብር የገንዘብ ሽልማትና ሰርተፊኬት ተበርክቶላታል። (ስሟ "ሐናን ሮኬቷ" እንዲሆን ተወስኗል¡)

የውድድሩ አሸናፊዎችና ተሸላሚዎች እንኳን ደስ አላችሁ። ለኔ ከተወዳዳሪ ተማሪዎቼ በተጨማሪ፣ የማጣሪያ ውድድሩን የተሳተፉ ተማሪዎችና ትምህርቱን ሲከታተሉ የነበሩ ተማሪዎች ሁሉ አሸናፊዎች ናቸው።

በፕሮግራሙ ከሁለቱ ትምህርት ቤቶች ዳይሬክተሮች በተጨማሪ የሌሎች ት/ቤቶች ዳይሬክተሮች፣ መምህራን፣ የወራቤ ዩኒቨርሲቲ አመራሮች፣ የዞናችን የመጅሊስ አመራር፣ የኦሮሚያ ባንክ ስራ አስኪያጅ፣ ወላጆች እና ተማሪዎች የተገኙ መሆናቸው የፕሮግራሙ ድምቀት አካል ሆኗል።

ምስጋና

ከ2016 ዓ.ል. መነሻ ጀምሮ በተለይ በዚህ አመት በሳምንት ለ6 ቀናት ያለመታከት ተማሪዎችን ሳስተምር ቆይቼ ለዚህ በመድረሴ በቅድሚያ አላህን ላመሰግን እወዳለሁ።

1. ለኔ በዚህ ምድር ላይ መገኘት ሰበብ ለሆኑ ወላጆቼ ምስጋና ይድረስ። ከወላጅነት ባሻገር "አብሽር" ብለውኛል፣ ደግፈውኛል፣ ጠግነውኛል።

2. በመማር ማስተማር ሂደት ውስጥ የሚገጥሙኝን መሰናክሎች በብቃት እንድወጣ፣ በምን መልኩ ማስተማር እንዳለብኝ ምክረ-ሐሳቦችን ሲሰጠኝ ለነበረው፣ አስፈላጊ የሐሳብና የተግባር ድጋፍ ሲያደርግልኝ ለነበረው የወራቤ ዩኒቨርሲቲ ሁማኒቲ ኮሌጅ ዲን ለሆነው አቶ አወል ሱንከሞ ምስጋናዬ ይድረስ።

3. እንደ እናት፣ ወዳጅ እና መካሪ የሐሳብ እና የምክር ድጋፍ ስታደርግልኝ ለነበረችው ሶፊያ ባርጊቾ ልባዊ ምስጋናዬ ይድረስ።

4. ከዚህ በመቀጠል የሀይስኩል መምህሮቼ የነበሩ እና ዛሬ ደግሞ የዚህ ፕሮጀክት አማካሪዎቼ ለሆኑት መምህር ዋበላ እና መምህር ኢብራሂም ምስጋናዬ ይድረስ። ተማሪ በነበርኩ ጊዜ እኔን ያስተማሩበት ውለታ እያለብኝ ዛሬ ለዚህ ስራ ከጎኔ በመቆም ውለታቸውን መክፈል የተራራ ያህል እንዲገዝፍብኝ አድርገዋል።

5. ባልጠበቅኩት ሁኔታ ቅዳሜ ማታ ስለፕሮጀክቱ እና የእሁዱን ፕሮግራም ሰምተው ሁሉን ትተው ይህን ፕሮግራም ከመታደም አልፈው በቀጣይ የማይቋረጥ ድጋፍ እንደሚያደርጉ ቃል ለገቡልኝ ለከተማው መጅሊስ የወጣቶች ካውንስል ፕሬዝደንት አቶ አብዱልከሪም እና የዳሩል ሂጅረተይን አክሲዮን ማኅበር አባል ለሆነው አቶ ሳዲቅ ልባዊ ምስጋናዬ ይድረስ።

6. ኦሮሚያ ባንክ (ስራ አስኪያጁ አቶ መለሰን ጨምሮ) ለተማሪዎቼ ባደረገልኝ ነገር እና ወደፊትም በጋራ ተማሪዎችን የምናገለግልበትን እድል በማመቻቸቱ ምስጋና ይድረሰው።

7. በመቀጠል ተማሪዎቼን ማመስገን እፈልጋለሁ። ከኔ የሚጠቅም እውቀት እንደሚያገኙ በመተማመን በየፈረቃው ደከመን ሰለቸን ሳይሉ የዚህ ፕሮጀክት ዋና አካል በመሆን የተሰጣቸውን የመማር ስራ በብቃት በመወጣት ለዚህ በመብቃታቸው ተማሪዎቼ ምስጋና ይድረሳቸው። እኔ ብቻ አልነበረም እነርሱን ያስተማርኩት፤ እነርሱም መምህሮቼ ነበሩ። ሁላችሁንም አመሰግናለሁ። ነገ የተሻለ ቦታ እንደማያችሁ ምንም ጥርጥር የለኝም!

8. የወራቤ ከተማ ትምህርት ጽ/ቤት ይህን ፕሮግራም እንዳከናውን የበኩሉን ድርሻ በመወጣቱ ምስጋና ይድረሰው።

9. ያልጻፍኳቸው ደጋፊዎቼ፣ መካሪዎቼና አጋዦቼ ምስጋና ይድረስ።

10. በመጨረሻም ማመስገን የምፈልገው #ራሴን ነው። በለጋ እድሜዬ ጊዜዬን በማይጠቅም ነገር ከማሳለፍ ይልቅ፣ ኅብረተሰቤ ላይ መ'ሸፈን ያለበትን ጉድለት አይቼ ያን ጉድለት ለመሙላት ባለኝ አቅም ተጨማሪ ነገር ሳልፈልግ ለሶስት አመታት ተማሪዎቼን ማገዝ በመቻሌ ራሴን ላመሰግን እወዳለሁ።

ከዚህ ፕሮግራም በኋላ ምን ታሰበ? ከዚህ በኋላ ይቀጥላል ወይስ ሙሉ በሙሉ ተቋጭቷል? እነማንን ለማካተት ታስቧል?
በቅርቡ መልሱን በተግባር የምናውቅ ይሆናል። በአላህ ፈቃድ በቅርቡ መልካም ዜና እንሰማለን። ⚪️

እናስታውስ
ዛሬ ለደረስንበት ቦታ ሰበብ የሆነውን ኅብረተሰባችንን ማገልገል ግዴታ እንጂ ነጻ ምርጫ አይደለም።

መልካም ጊዜ

🚫Natural Science or Social Science🚫
ሰላም

ይህ ሳምንት ለ2019 ዓ.ል. ምዝገባ የተጀመረበት ሳምንት በመሆኑ ከ10ኛ ክፍል ወደ 11ኛ ክፍል የተቀላቀላችሁ ተማሪዎች stream መረጣ ላይ ጥያቄዎችን እያነሳችሁ በመሆኑ ያለፈው አመት በተመሳሳይ ተማሪዎች ለተጠየቀው ጥያቄ የሰጠሁትን ምላሽ እንድታነቡት እጋብዛችኋለሁ።

ከታች የሚቀመጡላችሁን ማስፈንጠሪያዎች በመንካት ወደ ተጻፉት ጽሑፎች በመሄድ ጠቃሚ መረጃዎችን መውሰድ ትችላላችሁ።

ዘለግ ያለ ጽሑፍ ቢሆንም በህይወታችሁ ከምትወስኑት ትልቅ ውሳኔዎች አንዱ በመሆኑ ታግሳችሁ አንብቡ፤ አወያይታችሁ ምረጡ።

ክፍል 1
https://t.me/Werabesps/900

ክፍል 2
https://t.me/Werabesps/902

ክፍል 3
https://t.me/Werabesps/906
https://t.me/Werabesps/909

​✅ Too vs. Enough — በቀላል መንገድ!

​1️⃣ Too = "ከመጠን በላይ" (Negative Meaning)

​አንድ ነገር ከሚገባው በላይ ሲሆን እንጠቀመዋለን። ሁልጊዜ ከቃሉ ፊት ይገባል!

​✅ Too + Descriptive Word (Adjective)

• ​Too expensive ➔ በጣም ውድ ነው (መግዛት አልችልም)
• ​Too late ➔ በጣም ዘግይቷል!

​2️⃣ Enough = "በቂ" (Sufficient)

​አንድ ነገር በቂ መሆኑን ለማሳየት እንጠቀምበታለን። ነገር ግን ቦታው እንደ ቃሉ ዓይነት ይለያያል፡

​▪️ ከማብራሪያ ቃል (Adjective) ጋር ከሆነ ➔ ከቃሉ በኋላ ይገባል!

​✅ Adjective + Enough

• ​Old enough ➔ በቂ እድሜ ያለው
• ​Tall enough ➔ በቂ ቁመት ያለው

• ​Example: "He is old enough to drive." (መኪና ለመንዳት እድሜው ደርሷል።)

​▪️ ከስም (Noun) ጋር ከሆነ ➔ ከስሙ በፊት ይገባል!

​✅ Enough + Object/Noun

• ​Enough money ➔ በቂ ገንዘብ
• ​Enough time ➔ በቂ ጊዜ

• ​Example: "I have enough time." (በቂ ጊዜ አለኝ።)


❌ hot too  ➔  ✅ too hot (ከፊት)
❌ enough old  ➔  ✅ old enough (ከኋላ)
❌ money enough  ➔  ✅ enough money (ከፊት)

❓ ለ Quiz
@Fetan_English

✅️ ለተማሪዎች መረጃ
@TemariNews

❤️ @English_Ethiopian ✅
🌐Follow Us