#سردة
ذكريات وفاة💛 🖤
بهديك اللحظة فتحت عيوني ل بداية جديدة بعد ليلة كانت أصعب يوم ب حياتي
انا وين
م عم اقدر امشي عل ارض ي رب وين انا
فجئة بلاقي امي قاعدة هديك القعدة عم تقرأ القرآن رحت لعندها ندهتلا امي امي بس م ردت هيه م بتحب تقطع قراءة القرآن
قلت ل روح شوف ابي بكون نزل ع الجامع طلعت ع التوقيت م عم يمشي
معقول
معقول..
انا انتهى وقتي
لحظة انا صرت حر
بقدر اعمل اللي بدي رحت ل بيتها اللي طول حياتي كنت انطرها تحت شباك غرفتها
فتت 💛
ي الله شو حلوة ي الله شعراتك وعيونك كيف مدبلين انا شتقتلك لك انا بحبك
فجأة وعيت وصارت تصرخ وتبكي
انا اسفة بحببببك😭😭😭😭😭
لحظة انا مو زعلان منك انا صح متت
بس رح تضلي روحي 🖤💔
#mouner

‏

تواضعي أيتها الصدف ، دعينا نلتقي 🖤

قال رسول الله صلى الله عليه وسلم :
من صلى علي صلاة واحد صلى الله عليه عشرا💜

اكثرو من الصلاة على النبي صلى الله عليه وسلم 🧡🌵

اليوم هوه اليوم العالمي للسرطان
بتعرفي شي
بتمنى ما أطيب منك بس ب كل لحظة بكون قريب منك ببعد عنك
صدقيني أملي ب الله مو فيكي
مشيتي ب دمي وصلتي ل قلبي
انا بتمنى قضي حياتي
بس
أنتي ب قلبي عم تقتليني ي حياتي 😔
#mouner

أحكي عن برد الشتوية ولا احكي للشتوية عن برودك 🖤🍃 !

- قبل مآ تناموا الله يرتب هالكركبة إللّي جواكم ، ويطمن قلبكم من التعب
"آمين " من القلب💙 🌵
تصبحو ع خير 🖤

دع حلمك أمامك مهما كان فلا بد من أن يتحقق يوما ما إما بك وإما عن طريق أحد منك ....💙
#mouner

في لحظات تاريخية مدينة حلب آمنة ومحررة بشكل كامل وأفراح عارمة في كامل أرجاء حلب.
يا تاريخ سجل 16/2/2020 #حلب_عيونها_خضر 💚 💚

الإنسان الصّلب، المتماسك، اللي تجاوز ألف قصة وألف خيبة !
الروح الحديديّة الظاهرة، الجسد اللي ما بيهتزّ..، بتحسّو عم يشرب من ميّ الشمس رغم حرارتا !!
ليضوّي حالو ويضوّي الناس الي حواليه ويضوّي بيتو هالصغير ..
جوّاتو حكايات غريبة، آمال محطمة، مشاريع فاشلة
جوّاتو طفل صغير بدّو يركد ليلاقي إيدين مفتوحين مشانو، جوّاتو إنسان تعبان ناطر كتف يسند راسو عليه بآخر هالليل، جوّاتو حدا وحيد محتاج مين يحاكيه ويونسو ويشرب معو كاسة شاي.
جوّاتو جزء زعلان ومحروم، بدو مين يراضيه ويطبطب عليه بكل وقت.
جوّاتو أمنية ما يسهر لوحدو .. متمني حدا يشاركو فلم وضحكات وحكي لوش الصبح.
بقلبو حُب مكسور ومرمي بوجوه صحابا المشوّهة ..ناطر يبدا قصّة حقيقية تعيشو بين الغيموم وتسرقو من حالو.
بعيونو دموع ..بدو مين يقلو: لا تضحك عليي وتخبين، ابكي هون ابكي بحضني، وإذا صعبة منبكي سوا !..
إيدو بردانة ..عم ترجف، محتاجة إيد تحتويا وتصبّ كل الدفا والأمان عليها .
ربيع دبلان بروحو، جرّب تصير سما !
وَمطّر عليها شوي، مَطّر كتير، مطّر كل هالعمر..
صدقني من جوّا صورة ما بتشبه اللي متخيلا .. قرّب شوي .. بيوضح كلشي، شوي كمان ..أيوه هيك، "حبّو والصّورة واضحة
#mouner 💛💙

"أعرف أنني على الطريق الخطأ،وأعرف أن الحالة التي وصلت إليها لا تناسب ربيع شبابي، أدرك مدى خطورة استمراري في هذه اللامبالاة، وأعرف أن لا أحد غيري سيتحمل توابع الطريق الخطأ، أحفظ قصص الأمل عن ظهر قلب، لأن معاناتي ليست في الإكتئاب، وإنما في فقدان الشغف في كل شيء."🥀
# mouner

بتقول فيروز بأغنية " ياريت "جملة من رحم الحزن : 💔
ياريت منن مديتن ايدي وسرقتك ، لانك الن رجعتن ايديي وتركتك حبيبي ♡
شغلتها لأغنية "ياريت منن " تحديداً بهالوقت كوني بآمن إنو المعاني بتتبدل وبتتحول من الصبح لليل ، بالليل بتكون القصص والذكريات والأغاني أكثر شفافية ومصداقية وواقعية ، بالليل مافيك تضحك ع حالك بأنك مشغول أو مضطر تخبي لأنك بين الناس وبشغلك ، أو .. أو ..أو ، الليل حقيقي أكتر من اللازم ، بنرجع للأغنية ( عم بسمعها وعيوني عم يدمعوا ، صوت فيروز عم يقول يارررريت وأنا عم عيدها مرة تانية وراها ، ايه ايه لأنك إلن رجعتن إيديي وتركتك حبيبي )
ايه ايه !! كلمة مليانة عتب وحكي ، بعتقد فيروز كانت عم تقلو كيف اللي بحب بضحي بالشخص اللي حبو ، معقول تخليني قلك (ياريت) وإنت هون ؟!.. في وجع أصعب من هيك ..
حتى فيروز أكدتلنا إنو الليل بدو رفيق لنقدر نتخطاه سوا ، صعب ترجعلك كل الاشيا اللي عم تهرب منها كل النهار وتلاقيها حدك آخر الليل : ( ندهتك خلصني من الليل و يا ريت ، نرجع إلنا أشياء نحبا و عنا بيت )
ولأنها أتأكدت إنو مش رح يسمعها قالتلو بغصة "رجعتن إيديي وتركتك #حبيبي ، كانت عم تحاول تستعطف مشاعرو لآخر مرة بكلمة "حبيبي"
ولما حست إنو مافي فايدة من كل الكلام قالتلو " شو بكره حياتي لما بشوفا عندك ، يا بتحرمني منها يا بسرقها سرقا "

هون سكتت فيروز بس الوجع صاحي أكبر من إنو يغفى ، فيروز وأنا بنعرف من الأول إنو مافي أمل وإنو كلمة" ياريت " بعمرها ماعمرت بيت ، كيف بدها تعمر قلب !!

و شو قالوا يا عمر حلو و ما دقتك ❤
#mouner

اديه في علاقات بحياتنا كنا منعطيها مسمى ،وهي ما بتستاهل إنها تتسمى حتى؛ في علاقات هشّة ومزيفة طلعنا منعطيها أكبر من حجمها،
غريب قديه القرب بيعمي ..💙🌵
_
#mouner

وهـل تعتقـــد بأنــي سأتمنـــى قلبــاً بعــد قلبــك🖤
Do you think that I will wish a heart after your heart 🖤

وربما لم يحبك أحد
كنت مثيراً للفضول لا أكثر 💔💔!

كثرةُ الصَّلاة على النَّبيِّ ﷺ تخفف أثقال الهموم.. شفيع الغلابة وجابر المنكسرين
اللهم صلِّ وسلم وبارك على سيدنا محمد وعلى آله وصحبه أجمعين
#جمعة مباركة💜

قال رسول الله صلى الله عليه وسلم :
من صلى علي صلاة واحد صلى الله عليه عشرا💜

اكثرو من الصلاة على النبي صلى الله عليه وسلم 🧡✨

- ‏دائمآ لما بدك تصحى الصبح حاول تتصبح بشي حلو مثل ضمة حلوة من أمك أو اغنية حلوة ع رواق ، أو ضحكة ولد صغير أو فنجان قهوة تتروق عليه ..
أو حتى صورة حلوة ع جوالك تضل تتأملها و أنت قاعد بالتخت حتى تقوم ع شغلك
المهم أي شي .. بلش نهارك من اليوم بهيك شغلات مشان يضل حلو مثل أي صباح يمر عليك 💜🌿
يسعد صباحكن 🌸