أنا بطبعي بحب الخصوصية بحياتي بشكل عام..
ما بحب حدا يعرف عني أي إشي، إلا إذا أنا حبيت وقررت أشاركه.
وكمان ما بحب أتدخل بحياة الناس، ولا تهمّني تفاصيل ما إلها دخل فيّ، ولا راح تفيدني ولا تضرّني لو عرفتها.
بعمرّي ما كنت من النوع اللي بيتطفل ويسأل: “قديش بتقبض؟ إيمتا ناوي تتزوج؟ ليش ما خلّفت؟" وأسئلة ما إلها معنى.
بصراحة، لازم نعيش على أساس: “اللي بتدخل فيما لا يعنيه، سَمِع كلاماً لا يرضيه”.
وما لازم نستحي نوقف أي حدا بيتدخل بحياتنا بطريقة بتزعجنا، لأنه هو ما استحى لما اتدخل بشي ما إلو دخل فيه.