الإنسان الصّلب، المتماسك، اللي تجاوز ألف قصة وألف خيبة !
الروح الحديديّة الظاهرة، الجسد اللي ما بيهتزّ..، بتحسّو عم يشرب من ميّ الشمس رغم حرارتا !!
ليضوّي حالو ويضوّي الناس الي حواليه ويضوّي بيتو هالصغير ..
جوّاتو حكايات غريبة، آمال محطمة، مشاريع فاشلة
جوّاتو طفل صغير بدّو يركد ليلاقي إيدين مفتوحين مشانو، جوّاتو إنسان تعبان ناطر كتف يسند راسو عليه بآخر هالليل، جوّاتو حدا وحيد محتاج مين يحاكيه ويونسو ويشرب معو كاسة شاي.
جوّاتو جزء زعلان ومحروم، بدو مين يراضيه ويطبطب عليه بكل وقت.
جوّاتو أمنية ما يسهر لوحدو .. متمني حدا يشاركو فلم وضحكات وحكي لوش الصبح.
بقلبو حُب مكسور ومرمي بوجوه صحابا المشوّهة ..ناطر يبدا قصّة حقيقية تعيشو بين الغيموم وتسرقو من حالو.
بعيونو دموع ..بدو مين يقلو: لا تضحك عليي وتخبين، ابكي هون ابكي بحضني، وإذا صعبة منبكي سوا !..
إيدو بردانة ..عم ترجف، محتاجة إيد تحتويا وتصبّ كل الدفا والأمان عليها .
ربيع دبلان بروحو، جرّب تصير سما !
وَمطّر عليها شوي، مَطّر كتير، مطّر كل هالعمر..
صدقني من جوّا صورة ما بتشبه اللي متخيلا .. قرّب شوي .. بيوضح كلشي، شوي كمان ..أيوه هيك، "حبّو والصّورة واضحة
#mouner 💛💙

"أعرف أنني على الطريق الخطأ،وأعرف أن الحالة التي وصلت إليها لا تناسب ربيع شبابي، أدرك مدى خطورة استمراري في هذه اللامبالاة، وأعرف أن لا أحد غيري سيتحمل توابع الطريق الخطأ، أحفظ قصص الأمل عن ظهر قلب، لأن معاناتي ليست في الإكتئاب، وإنما في فقدان الشغف في كل شيء."🥀
# mouner

بتقول فيروز بأغنية " ياريت "جملة من رحم الحزن : 💔
ياريت منن مديتن ايدي وسرقتك ، لانك الن رجعتن ايديي وتركتك حبيبي ♡
شغلتها لأغنية "ياريت منن " تحديداً بهالوقت كوني بآمن إنو المعاني بتتبدل وبتتحول من الصبح لليل ، بالليل بتكون القصص والذكريات والأغاني أكثر شفافية ومصداقية وواقعية ، بالليل مافيك تضحك ع حالك بأنك مشغول أو مضطر تخبي لأنك بين الناس وبشغلك ، أو .. أو ..أو ، الليل حقيقي أكتر من اللازم ، بنرجع للأغنية ( عم بسمعها وعيوني عم يدمعوا ، صوت فيروز عم يقول يارررريت وأنا عم عيدها مرة تانية وراها ، ايه ايه لأنك إلن رجعتن إيديي وتركتك حبيبي )
ايه ايه !! كلمة مليانة عتب وحكي ، بعتقد فيروز كانت عم تقلو كيف اللي بحب بضحي بالشخص اللي حبو ، معقول تخليني قلك (ياريت) وإنت هون ؟!.. في وجع أصعب من هيك ..
حتى فيروز أكدتلنا إنو الليل بدو رفيق لنقدر نتخطاه سوا ، صعب ترجعلك كل الاشيا اللي عم تهرب منها كل النهار وتلاقيها حدك آخر الليل : ( ندهتك خلصني من الليل و يا ريت ، نرجع إلنا أشياء نحبا و عنا بيت )
ولأنها أتأكدت إنو مش رح يسمعها قالتلو بغصة "رجعتن إيديي وتركتك #حبيبي ، كانت عم تحاول تستعطف مشاعرو لآخر مرة بكلمة "حبيبي"
ولما حست إنو مافي فايدة من كل الكلام قالتلو " شو بكره حياتي لما بشوفا عندك ، يا بتحرمني منها يا بسرقها سرقا "

هون سكتت فيروز بس الوجع صاحي أكبر من إنو يغفى ، فيروز وأنا بنعرف من الأول إنو مافي أمل وإنو كلمة" ياريت " بعمرها ماعمرت بيت ، كيف بدها تعمر قلب !!

و شو قالوا يا عمر حلو و ما دقتك ❤
#mouner

اديه في علاقات بحياتنا كنا منعطيها مسمى ،وهي ما بتستاهل إنها تتسمى حتى؛ في علاقات هشّة ومزيفة طلعنا منعطيها أكبر من حجمها،
غريب قديه القرب بيعمي ..💙🌵
_
#mouner

وهـل تعتقـــد بأنــي سأتمنـــى قلبــاً بعــد قلبــك🖤
Do you think that I will wish a heart after your heart 🖤

وربما لم يحبك أحد
كنت مثيراً للفضول لا أكثر 💔💔!

كثرةُ الصَّلاة على النَّبيِّ ﷺ تخفف أثقال الهموم.. شفيع الغلابة وجابر المنكسرين
اللهم صلِّ وسلم وبارك على سيدنا محمد وعلى آله وصحبه أجمعين
#جمعة مباركة💜

قال رسول الله صلى الله عليه وسلم :
من صلى علي صلاة واحد صلى الله عليه عشرا💜

اكثرو من الصلاة على النبي صلى الله عليه وسلم 🧡✨

- ‏دائمآ لما بدك تصحى الصبح حاول تتصبح بشي حلو مثل ضمة حلوة من أمك أو اغنية حلوة ع رواق ، أو ضحكة ولد صغير أو فنجان قهوة تتروق عليه ..
أو حتى صورة حلوة ع جوالك تضل تتأملها و أنت قاعد بالتخت حتى تقوم ع شغلك
المهم أي شي .. بلش نهارك من اليوم بهيك شغلات مشان يضل حلو مثل أي صباح يمر عليك 💜🌿
يسعد صباحكن 🌸

وقت قالت فيروز :
" يا هم العمر "
ڪانت عرفانة انُّو هالوجع سكن
الأيّام وما عاد ينمحى . . 💙
#mouner

‏لا تقبلوا إطلاقاً أن تُشيّد ذواتكم بسقفٍ مهزوز، أن يرميكم أحدهم نحو فظاعات الاحتمال، أن تُزرع في دروبكم الالآف من "ماذا لو" أو "ربما"، لا تتساهلوا مع المتلونين، ومع كل الذين يعاملونكم بناءً على الحالة المزاجية.توقفوا عن التعايش مع أنصاف الأشياء
#mouner

وحده سرابُك يُروِّضُ قلبي ، قلبي الذي يتضوَّرُ شوقاً..
#mouner

بستغرب يلي بيعرفوا وجَع حدا و بيضلهن يسألو عنو
هدول المزعجين ،
يلي لازم يضلو يذكروك أنك مجروح ..

ماحدا ناطر منك تقطّب جروحو
أو تعتذرلو لأن الدنيّ قاسية

فلا تضلك تبحبش بجروح الناس و تنكشها
مين مفهمك أنو مواساتك دوا ..!
عدم تدخلك هوي الدوا 💜
#mouner

أحاول أن أكتب شيء أشعر به منذ فترة طويلة لكن لم استطع أن أعبر عنه لشدة سواده ..💔
#Nour

بتعرف شو . انت ولاحدا ، يعني ماعاد عم لاقيك جواتي ،
بس مابعرف ليشّ دائماً بحب تكون موجود
بحب تكون الحدا يلي بكتبلو وبحكيِلو و بحنّلو و بشتقلوّ ، مابعرف هاد مكانَك ولا انا عم اعملوّ مكانَك ، يمكن كل المشاعر يلي بحسّا بتكّون بتشبَهك ، يعني لما حن بيلبقلَك إني حنلَك !
و لما بكرٍه كتير بيلبقلَك إني اكرهَك ..
ولما بِحب .. بحبَك انتَ 💙✨
_

يقولُ أحدهم :
كان لها مُعجبان .. يقولان إنهم يعشقانها (على حد قولهم) يمطرون عليها بالهدايا المتكلِّفة .. والمشاعر الباردة والإهتمام الشكلي و الإنتظار الإجباري ليلاً .. فكان الأول يتجرَّع مشروبات الطاقة ليكتب لها نصاً فقيراً من كل معاني الحب .. يقولُ فيهِ إنه يقدس لمعة عينها عندما تبتسم .. والثاني يغالبُ النعاس بأكواب القهوة .. ليرسم لوحة بألوانٍ رغم بهرجتها لكنها ذابلة .. يرسم فيها نفس ما كتب الاول .. كان الأول يرتدي ملابس أغلى من راتِبي السنوي .. ويتأنق بآخِر صيحات الموضة .. أما الثاني فكان يدقق على ارتداء ساعته الرولِيكس وربطة عنقهِ الكلاسيكيَّة ويضع عطره الفرنسي ليزيد غموضهُ .. بينما كنتُ أنا أتاخر كل ليلة في البحث عن قميصي الوحيد لأرتديهِ للقائِنا .. نعم اختارتني عوضاً عنهم .. إختارت الطبقة الكادحة عوضاً عن الارستقراطية .. تركتهُم وهربت إلى ما بين أحضانِ معطفي المُهترئ .. تسائل الِاثنان لماذا ؟
ونسوا أنَّهم بينما كانوا يتملَّقون لمعة عينيها عِند الإبتسامة كُنت أنا من يجعلُها تبتسِم💜!
#mouner

صحيح إنه الرأي رأيك والقرار قرارك، بس بدي ياكِ تكوني حقيقية مع حالك💜..
هاد زواج يا بابا مو لعبة! والزواج يعني هو مسيرة مشتركة مع إنسان رح تعيشي كل حياتك معه وحياتك لازم تكون غالية عليكِ كتير يا بابا، يعني ما لازم تفرطي فيها لمجرد إنك بدك تجاكري فلان أو بدك تردي الصاع صاعين ل علتان..
وبالنتيجة أنا يعني ما بهمني مازن الجوربار، ولا بيعنيلي أبداً إذا تزوجتي واحد متل سامي أوغلي باشا ولا غيرو..
أنا الشي الوحيد اللي بيعنيلي بالعالم بأسرو هو سعادتك أنتِ يا بابا، حتى لو اخترتِ واحد ما عندو قدرة يعيشك إلا على خبزة وبصلة.

#mouner