قصيده بقفلة الهوسه للاخوان

ولوعالو علينه/نريد عياله
الحرمه اخلاف اهلها الدنيه مياله
..................
لوعالو علينه شلون يالخوان
غدار الدهر ويريدله عوان
شالو وين اهلنه وعافو الديران

الراعيها//والدار اتون
..................
لوعالو عليه بعد ماعيلن
دمعاتي عكبكم من دمه ايسيلن
متوني امن المصايب شنهي اليشيلن
ندهولي//راعي الكلفات
.................
ندهولي الولي كلوله مهضومه
متوني طايحات وحيل ملچومه
من ضرب السياط الروح مالومه
گلوله// يسطرلي العايل
................
گلوله تماده العايل هوايه
بلكت لن يفزلي صاحب الرايه
مايرضاش اخيي ادريبه بهايه

وترابه //ينفض من گبره
..............
خل ينفض اترابه ويگعد اشويه
چاوين الحنين النگعد ابفييه
تهزهز ياگبر لهل العزوبيه
خطاره// جيت بهاليوم
......................
گوم انشدني جيت امنين ياديره
رديت بهضم عباس وابحيره
محتاره واحشم راعي الغيره
ضربونه// والثار انريده
......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلواتhttps://t.me/Vvb313/3682

نعي للاحباب والاخوان

اليوم روحي تريد اهلها
وتريد شيالة حملها
عيوني تره الدمعه تهلها
.......................
عندي هضم وارد اشتكيله
اخط الجدم گوه ونحيله
وثوب العلي مابييه اشيله
.....................
دمعي سبگ جدمي تراني
جيت وهضم تارس ابداني
فگد الاهل غير الواني
......................
كل النضرني ما عرفني
كثر النوايب غيرتني
وصعدت على عيوني
........................
شالو اهلنه ومايردون
لوسلمينه مايسلمون
واهل المگابر مايگعدون
....................
حطو الوعد يمته ترجعون
نگضي العمرو شلون بشلون
واللوم خليهم يلومون
.......................

من يومهم وانه نحيله
وحته الهدم مابييه حيله
بس الدمع ضليت اسيله
.............................
تچایتی وطاحت امن ایدی
راح الكبل فرحتي وعيدي
ياونتي للشال زيدي
.....................
طبيت بيتك حيل وانعه
للكسرو بالخيل ضلعه
كلساع اصيح هنا يبضعه
...................
كلساع اصيح هنا يزهره
وابعيني شفته نگطع نحره
ودمه على التربان يجره
......................
ابچو علیيه كون تبچون
حيل لمصابي ودرو العيون
انه المشيت وعفته مرهون
.......................
لامن غسل لاصحل اچفان
وتلعب عليه الخيل ميدان
ابن الزچيه يون عريان
......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلواتhttps://t.me/Vvb313/3682

محاضره حول خصائص الأم
:
أولاً: حقها أكبر من حق الأب:
وتشير في الحديث إلى الروايات التي خصَّت الأم بخصوصيات لم يخص بها الأب. في الرواية أنَّ موسى بن عمران (ع)، قال لربه: أوصني. قال: أوصيك بي. فقال: ربي أوصني. قال: أوصيك بي -ثلاثاً-، قال: يارب أوصني. قال: أوصيك بأمك، -ثم قال ذلك (ثلاثا)- أوصيك بأمك، أوصيك بأمك، ثم قال: أوصيك بأبيك)(21).
 
ثانياً: الجنة تحت أقدامها
في الرواية أن احد الصحابه كان مع النبي (ص)، وكانوا على جبل، وهذا الجبل مُشرف على وادي، فرأوا شاباً حسن المظهر، قويّ البُنية، فقال الرجل: ما أحسن هذا الشاب، لو كان عمله في سبيل الله "أي لو كان هذا الرجل يأتي للجهاد يقاتل، لأنه يظهر عليه أنه قوي البُنية" فقال النبي: لعله في سبيل الله "أي، لماذا حصرت سبيل الله في الجهاد؟! لعله في سبيل الله وأنت لا تعلم؟" ثم دعاه النبي (ص) فقال: يا شاب هل لك من تعول؟ قال: نعم، قال: من؟ قال: أمي، فقال النبي (ص): إلزمها، فإنَّ عند رجليها الجنة)(22). نعم، الجنة عند رجلي الأم، كما أنّ الجنة تحت أظلة السيوف، فالجهاد والبرّ بالأم في مرتبة واحدة.
 
يستصغر الإنسان بعض الطاعات، ولا يدري أنها هي السبيل إلى الرِّضوان، وإلى الجنة. فلذلك ورد -في روايات كثيرة- أنَّ النبي (ص) أمر بعض الناس أن يجلس ولا يذهب للجهاد؛ وذلك لأن أمه تحتاجه.وهو شاب كبير وقادر على تصريف اموره فكيف بنا اذ نرى مولاتنا فاطمه الزهراء عليها السلام حينما عصروها بين الباب والحائط واسقطو منها جنينها وهي ام لاطفال صغار لازالو يحتاجون الى حنان الام ورعايتها وزينب روحي لها الفداءلازالت طفله صغيره وهي تنضر امها امام ناضرها تتلوى من الالم ومحنيه الضهر من شدة الم كسر الضلع رحم الله من ناده وااه سيدتاه وامضلوتاه

ابوذيه

 اجرعت ضيم ومرار البين بس مر
على النابت ابوسط الصدر بسمار
بيوم المر عليه البين بس مر
خذه مني الحنينه بهالمسيه

نعيييييييييي
اليوم الكلب زايد ونينه
عالوالده وامي الحنينه
بعد لانجيها ولاتجينه
بيتج وحش مضلم علينه
................................
طبيت بيتج حيل ونيت
ناديت يام البيت ناديت
يمه هله تكلي تمنيت
بس الدمع بعيوني رديت
..........................
وين التون وي زينب اليوم
تبجي وتنوح بكلب مهضوم
آآيالوالده شيالت اهموم
جيت اشتكي والكلب مالوم
..........................
جيت اشتكي ياماي عيني
للوالده زايد حنيني
كومي ييمه وتلكيني
كلبج اطاج اتفاركيني
..............................
ارد اشتكي هاليوم حالي
طبيت لن البيت خالي
وينج يالحبيبه تعالي
ضلمه واون طول الليالي
..........................
وين الحنينه الكابلتني
وبهموم كلبي شاركتني
حملي ثكل وانهدل متني
وانه الليالي دولبتني
..............................
ونيت والونه شجيه
يمه ام حسن نشدي عليه
عكبج صرت بيد الدعيه
اخوي انجتل وانه سبيه
...........................
وحسين عالتربان عاري
ضل عالرمل والرمل ذاري
ودعته وانه الدمع جاري
نار الكلب تسعر يناري
.............................
     كل البجي لزينب واهلها
شافت هضم محد مثلها
عكب الاهل مايل حملها
ضاع الخدر ضايع املها

 إعداد ورثاء الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلواتhttps://t.me/Vvb313/3682

اعلاااااان مهم

السلام عليكم حبايب اعلان حبايب الي رايده تدخل دورة اوزان تراسلني
تتبيه الدروس تحت اشراف الاستاذه ام سجاد العسكري ولايحق من دخل في الوجبه الاولى ان يدخل في الثانيه إلا من دخل في نهاية الدروس مع تمنياتي لكم بالتوفيق خادمتكم ام حسين العسكري

#الفرح عم بسمانه

#بصوت: علي العيداني

#بقلم الخادمات

ام مهدي العيداني
ام علي الحلفي
زمن حاتم
ࢪﺣمة ﷲ تحسين
ام احمد الحچامي
زينب الواسطي

#تجمع_ملتقى_ناعيات_الطف

شعر لشهداء الثوره وجسر الزيتون
مقدمه:_

وي طرت الفجر سير علينه الموت
وزف شبان من عدنه بحظن تابوت
لّبسهم چفن والكاتل الزاتوت
....................
.....................
....................
بعدها ارواحهم خضره بهوى القمصان

مو مالت چفن للبعده ازغيرون

وبعدها بشوك للمه وشقه الصحبان

مو مالت اتراب برمله يندفنون

ترفه اخدودهم بهداي يادفان

بهيده اوي الشوارب خافن يخربون

توها العام خطت شارب الصبيان

وسدهم ورد لتحطهم بتربان

لازم نص حديقه الولد ينحطون

تلوك الهم تره لنهم شطب ريحان

غصن يم غصن حطهم خافن يسيرون

واحد على الثاني وتلتم الشبان

حطلهم مشط ومرايه ليطلعون

وكت عصريه كلهم صحبة الشجعان

الثوره اشتاكت الكم ليمت تكومون

بعدها ماطفت وتفور كالبركان

ياكشخة الثوره ليمت تثورون

كلها متانيتكم والوعد مابان

كشختو بخشبة التابوت حيف شلون

وصرتو شلون ذكرى وكان ياما كان

كان هناك اكو شبان يلتمون

يم راس الجسر خيمات للصدگان

جسركم مابقه بأسمه جسر زيتون

شامخ صار متنومس وبييه نيشان

صار اسمه بأسمكم خاف ماتدرون
صار اسمه بأسمكم خاف ماتدرون

ام حسين العسكري ناصريه
https://t.me/ssaakknn/5051

نعي للحبايب
عذباني
والله المغيسل عذباني
دولباني
وبعزاز كلبي دولباني
تراني
لا عدله لاميته تراني
..................
وشلون اشوفج عالمغيسل
ودموع عيني لشوفج تسيل
خيه وداعتج مانمت بليل
...................
بيدي يخيه كلبيتج
فوك المغيسل وسيدتج
يم ليث خيه وجفنيتج
...................
عفيه اعله كلبي شلون صابر
ميلوكلج نوم المكابر
لجرح الكلب شنهي اليجابر
.....................
جيت ابهمه لرض النجف واسعه
يحفار الكبر بالله وسعه
لام وجه الحلو والعين وسعه
المشت ترفه وتحب الناس هييه
.....................
ترفه وحنينه حيل امنه
لوجينه تتلكه وتزتنه
يمعدله يم المحنه

..................
كعدي البيتج كومي لميه
بيتج خرب بس لاتتيهيه
وابنج ازغير اووين عفتيه
...................
طب الولد وايدور اعليج
وايريد حضنج مايلاكيج
متعلم اعليج اويشم بيج
....................
كعدي بناتج يريدنج
وضل بكلبهن يرن ونج
من غربيتي شنهي ضنج
..................
وصيتي بيمن بالبنيه
تنعه وتون صبح ومسيه
شلتي يخيه وهاي هيه
................
محلاتها لمتنه جانت
خربت العشره اعليج هانت
والخله بينه هواي بانت
................
بانت الخله من مشيتي
بينه ابد ماحسبيتي
واشصار بينه مادريتي
................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلواتhttps://t.me/Vvb313/3692

اصدار جديد ٢٠٢٣- ١٤٤٤
محاظرات ومجالس نسائية
في المصائب الفاطمية ج ١
الشاعرة ام حسين العسكري
الشاعرة ام زينب السعداوي
اعداد ام حسين الموسوي

متوفر في مكتبة الغدير بغداد
لدينا توصيل لكافة المحافظات
للحجز واتساب فقط ٠٧٧١١٣٩٥٥٨٠
https://t.me/eheh10

قصيده لام البنين ع بقفلة الهوسه


كريمه ودوم/// معروفه سواجيها
شدي بيرغ الحره واطلبيها
..................
شدي بيرغ ام عباس
هاي البل وفه مقياس
معروفه الاصل و الساس
وشعندج قضيه اليوم حشميها

حشميها/ وتحل
الصعبه
......................
حشميها على الحاجه
ماترجع المحتاجه
بالمجلس تره اعلاجه
والحاجه عليها اليوم ذبيها

ذبيها /بجفوف الحره
.........................
بجفوف السخيه اليوم
يبرد كل كلب مهضوم
بس حلفيها بالجيدوم

عباس الشفيه البطل راعيها

تكضيها /وام العباس
................
بالعباس احلفنج
يم عباس اندبنج
باللوعات وابونج
عللي ونتج لحسين عليها

شديها /واللطمه بجفج
..................
عللي ونت المذبوح
للضل عالارض مطروح
دمه امن الكفه مسفوح
خيل اتسحكه واضلوعه مطشريها

مطحونه/بالخيل اضلوعه
................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلواتhttps://t.me/Vvb313/3701

قصيده لام البنين ع بقفلة الهوسه

صيتچ محله طاريه// يبدويه

بكل مجلس كرامه اعليج محچيه
................
صيتج عجب الوادم /يبدويه
اليتعناج مانادم /مانادم
جيتج والكلب هايم/يبدويه

وانتي ام الكرم وام العزوبيه
صيتج محله طاريه/يبدويه
..................
هوسي براية الحره /يبدويه
اعليج الي نكطع نحره/ يبدويه
يمج كل مرض يبره /يبدويه

حلفتج واريد الحاجه مكضيه
وتكضيها/امك يالكافل
..............
والله والنعم منها /يبدويه
بس بحسين حلفنها /يبدويه
عالحاجات كلفنها/يبدويه

وتردين بيتج وانتي مرضيه

وتلكيها /والحاجه ابابج
صيتج محله طاريه
............
جيت اليوم محتاره /يبدويه
منج رايده الجاره /يبدويه
فدوه اعليج منداره /يبدويه

ادريبج كريمه بغير منيه

حلفيها// بجفوف الكافل
صيتج محله طاريه
..................
شدي اللطمه شديها /يبدويه
للحلوه سواجيها /يبدويه
واشتردين اطلبيها /يبدويه

تحفضلي الولد تحفضلي البنيه
........................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلواتhttps://t.me/Vvb313/3703

فزاعيه لام البنين ع
واليوم اجيت ابحاجتي
يمج اذب احجابي
...............
يمج واريد الحاجه
والفزعتج محتاجه
كل مرض انتي اعلاجه
نار الكلب لهابي
.............
يم البطل فزعيلي
والحاجتي تكضيلي
يالبشدد تحميلي
جيت الدمع سجابي
..............
جيتج واهل عيوني
يهل الكرم عينوني
ابجاه النبي تكرموني
وكل الاجو احبابي
............
لهل الكرم عنايه
جيتج وشلت الرايه
واتعنه للوفايه
ويمج احط اسبابي
.............
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف
https://t.me/Vvb313/3703

قصيدة لمولاتي الزهراء ( عليها السلام ) وكأني بلسان حالها تنعى ولدها المحسن ( عليه السلام )
※«✦»❥-❀-«✦»❥-❀-«✦»※

تعب العمر يـايمه ضـاع بلا ربح

محسن جنين اباب داري ينذبح

※«✦»❥-❀-«✦»❥-❀-«✦»※

ابـــاب داري سـگـطـوا ذاك الــولـــد

ويلـي عليه ارويحـتي هدانـي هــد

لا نـاغـه ابـنـي بـعـده لايـمـي گـعـد

اودلالي عالمحسن حزين اومنجرح

أم عــ✍🏻ــلــي الـحـلـفـي

※«✦»❥-❀-«✦»❥-❀-«✦»※

گلبي على اوليدي تراهو منفطر

بعيوني شفته طاح مني من انعصر

احااا يا يمه واشفت منه العمر

لاني سهرت اعليك حد طرت الصبح

✍️رغــد البهادلي

※«✦»❥-❀-«✦»❥-❀-«✦»※

مذبوح دلالي عله الراح بعجل

والگلب محــزن والجنيني شگد زعل

ياطير جنه ويا ونس عني ارتحل

عمري ابعمرك انه ابدل لويصح

زمــــ✍🏻ـــن حـاتــم الربيعــــي واســــــــــــــــــــــــط

※«✦»❥-❀-«✦»❥-❀-«✦»※

عمري او عمر كون اخلصنه سوه

من دمنه يا يمه الترب هذا ارتوه

شفتك طحت يوليدي ولحيل التوه

عالعتبه دمك ليش يمه ينمسح

زيـ✍🏻ـنب الـواسطـي

※«✦»❥-❀-«✦»❥-❀-«✦»※

لاشفت وجهك لاسمعت امناغه الك

يمه الولد فدوه تروح امك الك

كبال المهد اكعد الولي واندهك

والناضر الاعتاب بابي ينشبح

✍🏻ام حسين عباد التميمي

※«✦»❥-❀-«✦»❥-❀-«✦»※

عالعتبه يشهك والدمع من عينه هل

عينه علة اضلوع الزجيه وابتهل

رافع اجفوفه ويندعي وكلبه ابوجل

ضاك الهوى وبنفاسهم جنه يشح

ام حسين العسكري

※«✦»❥-❀-«✦»❥-❀-«✦»※

تمت بحمد الله وتوفيقه باقلام شاعرات الملتقى الحسيني لناعيات الطف بتاریخ/ ١٤٤٤هـ🌙تحت اشراف الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لامواتنا

https://t.me/Alaqelaa313/2167

🚩أداب أخذ التربة الحسينية؛ عن أبي عبد الله الصادق (عليه السّلام) قال: طين قبر الحسين (عليه السّلام) شفاء من كل داء، فإذا أكلت، فقل: "بسم الله وبالله، اللهم اجعله رزقا واسعا، وعلما نافعا، وشفاء من كل داء إنك على كل شيء قدير، اللهم رب التربة المباركة، ورب الوصي الذي وارته، صل على محمد وآل محمد، واجعل هذا الطين شفاء من كل داء، وأمانا من كل خوف." 📚بحار الأنوار ج ٩٨ ص ١٣٤

«بسم الله الرحمن الرحيم»

اللهم صلِّ على« محمد وآل محمد»

🎁🎁🎁🎁🎁🎁🎁

قـــــنوات شاعـرات( ناعيات الطف)
للملتقــــــــــــى الحسيـني
💫💫💫💫💫💫

1: ⭐القناة الأولى للشاعرة:الحاجه أم حســـين ناصريه. https://t.me/ssaakknn/4816

2:⭐القناة الثانية  للشاعرة: الحاجه أم حســـــين العسكري ناصريه. https://t.me/Vvb313/3438

3:⭐قناة الشاعرة: العلويـة أم منتـظرجمال الدين. https://t.me/UmMuntaderh

4:⭐قناة الشاعرة: أم زينب السعداوي
https://t.me/almosoy2

5: ⭐قناة الشاعرة: أم مهــدي العيـداني. https://t.me/zainabiat88

6:⭐قناة الشاعرة أم سـجـــادالعسكري. https://t.me/Alaqela313


7:⭐قناة الشاعرة: زمــــــــــن حاتم الربيعي. https://t.me/pntAlMirza_zamn

8:⭐قناة شاعرات: ناعيـات الــــطف للقصائـــــد المشتـركة. https://t.me/Alaqelaa313

9:⭐ قناة الشاعرة: سـجى أم حســـــين. https://t.me/ramad111


10:⭐القناة الأولى للشاعرة: أم مــــــنذر الحجــار.

https://t.me/joinchat/AAAAAD7aFAI0xCJPp8wm2Q

11:⭐ القناة الثانية للشاعرة أم منـذرالحجار.

https://t.me/joinchat/AAAAAD7aFAI0xCJPp8wm2Q

12⭐: القناة الثالثة للقصائدالمشتركة للشاعرة أم منذرالحجار.

https://t.me/joinchat/U2pI_2agCS5iN2M6

13⭐قناة الشاعرة: أم علي الحلفي. https://t.me/joinchat/AAAAAEwOKHGXOfMP5uf_dQ

14⭐قناة الشاعرة:أم علـــــي الصالحـي. https://t.me/+Ux8gQ4oLLFpYp6d2

15⭐قناة الشاعرة: أم وسـام  آل حيــــــدر. https://t.me/Ali45445

16⭐قناة الشاعرة: الحجيه أم علــــــــــي بصره. https://t.me/ahzan2018

17⭐قناة الشاعرة: أم أحمــــــدالعبودي. https://t.me/msnobk

18⭐قناة الشاعرة: زينب الواسطي

.https://t.me/zainabalwasty

19⭐قناة الشاعرة: أم سكينة العبودي. https://t.me/gddaogt

20⭐قناة الشاعرة: أم عبدالله العابدي.
https://t.me/cccccccUm_abbd_allcoooooo_9



https://t.me/pntAlMirza_zamn

قصيدة لتشيع الزهراء عليها السلام
ــــــــــــــــــــــــــــــــــ

شالتها الخدم /رايتج يالزهره

للتشيع كلها تنحب بعبره

شالتها الخدم// رايتج يالزهره


.⋖⋖⋖⋖⋖ يازهــــــراء⋗⋗⋗⋗⋗

شالتها بغضب راييتج واتنادي

مضلومه الزجيه ابنيية الهادي

خل تدري البريه شنهي السادي

من كسرو ضلعها ومنه ادادي

جرحج يدي دم //يافاطمه الحره

شالتها الخدم رايتج يالزهره

✍🏻ام حسين العسكري ناصريه

⋖⋖⋖⋖⋖ يازهــــــراء⋗⋗⋗⋗⋗

شالوهه الخدم وبروح مالومه

تبچي عالزچيه ويلي مظلومه

يواسون العقيله الليله مهظومه

لمصاب العزيزه الحره مهمومه

تواسي حيدره//وتواسي العتره

شالتها الخدم //رايتج يالزهره

✍ الحاجه ام احمد الحچامي

⋖⋖⋖⋖⋖ يازهــــــراء⋗⋗⋗⋗⋗

تواسي حيدره خدامچ الليله

محزونه عليها المدمع اتسيله

نعش ام الحسن بگلوبنه انشيله

واليعادي الزچيه ويله ياويله

يمته انشوف گبرچ // يمه وانظره

شالتها الخدم رايتچ يالزهره

أم عــ✍🏻ــلــي الـحـلـفـي

⋖⋖⋖⋖⋖ يازهــــــراء⋗⋗⋗⋗⋗

اريد الكبرچ اكصد فدوة دليني

بهوسات وعراضه ورايه وفقيني

امشيلج زحف وانت التسجليني

نظرة عاطفة رايد ترزقيــني

ودموعي لمصابج تجري ابعبره

شالتها الخدم // رايتج يالزهره

زيـ✍🏻ـنب الـواسطـي

⋖⋖⋖⋖⋖ يازهــــــراء⋗⋗⋗⋗⋗

شالو رايتچ شيعتچ وفايه

اجو من كل مكان اليوم مشايه

نصبوو فاتحه وسووها القرايه

كلها تعنتج مولاتي عنايـــه

نعازي المرتضى بظلع والسطره

✍🏻 الحجيه ام علي
.
⋖⋖⋖⋖⋖ يازهــــــراء⋗⋗⋗⋗⋗

هايه رايتج خليني اشمنّها

واعله اجنازتج بوداع ازتنُها

گاع الكون بالهوسـه لرجنّها

يا أم الأيمــه الما يصح منها

أمرالله الجليل //المهدي ينتظره

شالتها الخدم//رايتج بالزهره

✍🏻زمـــــــن حـاتــم الربيعــــي واســــــــــــــــــــــــط

⋖⋖⋖⋖⋖ يازهــــــراء⋗⋗⋗⋗⋗



تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜  ١٤٤٤هـ🌙 بـإشــــــراف الشــاعــــــــرة والحاجـه  أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.


https://t.me/Alaqelaa313