واقي الشمس الفيزيائي

هذا النوع يعمل عن طريق تكوين طبقة عازلة على البشرة تعكس اشعة الشمس ويكون سريع المفعول ويكون مناسب لأصحاب البشرة الحساسة



ما بيها مواد سامة والمكونات والفلاتر مالتها وافقت عليها الـ
FDA

تكون صديقة البيئة بأعتبار موادها امينة

#Ph_Zainab

شلون نميزة ؟ وشنو الفلاتر مالتها ؟

يحتوي على
- zinc oxide
- titanium dioxide

نميزة عن طريق وجود كلمة mineral sunscreen
او
inorganic sunscreen
على العلبة

#Ph_Zainab

سلبيات هذا النوع انهُ يترك طبقة بيضاء على الوجه وهالشي يكون مزعج للشخص خصوصاً للشباب

يحتاج نجددها

#Ph_Zainab

هالصورة توضح
عمل واقي الشمس الفيزيائي وشلون تعكس اشعة الشمس ( بدون ان تمتصة خلايا البشرة )

للامانة اني احب الفيزيائي لان منعش وبارد ولطيف عالبشرة
حتى لو يترك طبقة بيضة اكو نوعيات تمتصها البشرة وتستقر واللون يخف وميبين اصلاً
افضلة للبنات واصحاب البشرة البيضة والحنطاوية

الكيميائي تحسو يسوي حرارة عالوجه من يمتص الاشعة ويكون ثگيل

#Ph_Zainab

صفحتي ع الانستا تابعوني اذا يعجبكم شرحي وتوضيحي
هم انزل الكم شرح
#Ph_Zainab

الميزة الحلوة بواقيات الشمس الفيزيائية انهُ
متحسس
تكون امنة


✅للاطفال
✅لأصحاب البشرة الحساسة

للحامل والمرضع🤰🏽🤰🏼🤰🏻

#Ph_Zainab

واقي الشمس الكيميائي

هذا النوع يعمل عن طريق امتصاص اشعة الشمس
وممكن تحول جزء من الاشعة الى جذور حرة Free Radical
( اسولف الكم عالجذور الحرة بالبارت الخ )

يحتاج 20 دقيقة حتى يبدي مفعولة
لذلك ننصح يخلو قبل نصف ساعة من خروج المنزل


من فوائدة :
ميترك طبقة بيضاء على البشرة
لكن ممكن يسبب حساسية عند بعض الاشخاص بسبب المكونات والفلاتر مالتة


هذا النوع نميزة عن طريق وجود كلمة organic sunscreen على العلبة

#Ph_Zainab

هنا يگول شغلة مثل الاسفنجة
تمتص الاشعة وتحولها الى حرارة
لذلك كلت الكم الشي المزعج بي تحسون اكو حرارة على وجهكم


تحتوي على فلاتر ممكن تكون غير آمنة
#Ph_Zainab

اشهر الفلاتر الكيميائية هي :

oxybenzone
benzophenones
para aminobenzoic acid (PABA)


تلكونها خلف العلبة بقائمة المكونات تساعدكم حتى تعرفون نوع الواقي

#Ph_Zainab

گلنا واقي الشمس الكيميائي ممكن يسبب Free Radical جذور حرة

تصير بسبب تفاعل الفلاتر مع اشعة الشمس

الجذور الحرة راح تسرع من التجاعيد

مو كأنما صار تناقض؟ 🙂 احنه نستخدم واقي الشمس حتى نحمي بشرتنا من التجاعيد
شلون ممكن تسبب تجاعيد اكيد هالكلام متناقض !

#Ph_Zainab

الشركات متصدگ من تلگة مشكلة
حتى تزيد ارباحها و حتى تحل هاي المشكلة خلت antioxidant مضادات الاكسدة
حتى تلغي التأثير ومتسبب ضرر وتجاعيد 😉😉

#Ph_Zainab

⬆️⬆️⬆️ جنتو تعرفون هالمعلومة لو لا ؟
#Ph_Zainab

هاي مثال على اشهر مضادات الاكسدة الموجودة بواقي الشمس
#Ph_Zainab

هسة نراجع معلوماتنا

واقي الشمس الفيزيائي
عادة يكون مكتوب عليه
inorganic suncream
Mineral suncream
Nonchemical suncream

الكيميائي
Organic suncream

#Ph_Zainab

واذا ممكتوبات نگدر نميز من الفلاتر المكتوبة بالمكونات
#Ph_Zainab

ممكن نشوف واقيات شمس تكون مختلطة تحتوي على فلاتر فيزيائية و فلاتر كيميائية
سووها الشركات حتى تنطينه حماية اكبر و تقلل من الاعراض الجانبية

#Ph_Zainab

باجر اوضح الكم الرموز والارقام الموجودة
عالمنتجات
تصبحون على خير
#Ph_Zainab

مسائوووووو 💚💚

راح نعرف شنو معنی الرموز والعلامات

وشنو تعني الارقام والمواد المكتوبة عالبرودكت

#Ph_Zainab

SPF
UVA
UVB
UVC
منو يعرف شنو تعني
#Ph_Zainab