📢 2026 йил 17 февраль куни Ўзбекистон мусулмонлари идораси Фатво маркази уламолари ҳижрий 1447 йил Рамазон ойи ҳилоли кўринмаганини маълум қилади. Шунингдек, Ўзбекистон Республикаси Фанлар академияси Астрономия институтининг тақдим этган маълумоти ҳам мазкур кузатишларни тасдиқлади. Шу боис, жорий йил 18 февраль кунини ҳижрий 1447 йил Шаъбон ойининг ўттизинчи куни, Рамазон ойининг биринчи куни эса шу йилнинг 19 февраль кунига тўғри келиши ҳақида қарор қабул қилинди.

Қуйидаги аксар мусулмон мамлакатлари ҳам Рамазон ойининг биринчи кунини шу йилнинг 19 февраль куни, деб эълон қилди:

🇪🇬 Миср Араб Республикаси
🇯🇴Иордания
🇸🇾Сурия
🇮🇶Ироқ
🇮🇷Эрон
🇹🇷 Туркия
🇰🇿 Қозоғистон
🇰🇬 Қирғизистон
🇹🇯 Тожикистон
🇹🇲 Туркманистон
🇦🇿 Озарбайжон
🇮🇩 Индонезия
🇧🇳 Бруней
🇴🇲Уммон
🇸🇬Сингапур
🇦🇺 Австралия
🇯🇵Япония
🇵🇰Покистон
🇮🇳Ҳиндистон
🇲🇾 Малайзия
🇰🇷 Жанубий Корея

⏺Шунингдек, Европа фатво ва тадқиқотлар кенгаши томонидан жорий йил 19 февраль кунини Рамазон ойининг биринчи куни, деб эълон қилинди.

Ўзбекистон мусулмонлари идораси Матбуот хизмати

Ҳар йили Рамазон ҳилоли масаласида мусулмон уммати ташвиши янгиланади. Сабаби илмсизлик. Жуда кўп одам эртага рўза тутиш масаласида савол бермоқда. Халқимиз ташвишини кўриб, ушбу постни эълон қилишни лозим топдим.

Азизлар, дунёда Саудиядан бошқа мамлакатларда ҳам ой кузатилган ва кўп жойларда ҳилол кўринмаган.

Туйғуга кўра, қибламиз бугунги Саудия мамлакати тасарруфида бўлгани учун биз уларга кўпроқ қулоқ соламиз. Аммо бу илм билан ёндашув эмас. Вақт зиқлиги учун ҳозирча гапни қисқа қиламан. Билиб билмай раддия ёзиб юрманг, вақти билан масалани ёритаман, иншооллоҳ.

Биз юртимиз уламолари фатвоси ва бошқа кўплаб мусулмон уламолар ҳайъатининг сўзига кўра, пайшанбадан рўза тутамиз.