Jeffrey Epstein — америкалик молиячи бўлиб, у жуда бой ва нуфузли одамлар билан яқин алоқада бўлган. Унга нисбатан вояга етмаган қизларни жинсий эксплуатация қилиш, одам савдоси ва бошқа оғир жиноятлар бўйича айбловлар қўйилган.

2019 йилда у ҳибсга олинган, аммо шу йилнинг ўзида қамоқхонада вафот этган. Расмий хулосага кўра — ўз жонига қасд қилган дейилади, лекин бу ҳолат ҳанузгача кўплаб саволлар ва шубҳаларни келтириб чиқаради.

“Эпштейн файллари” деб эса тергов жараёнларида йиғилган ҳужжатлар, гувоҳлар кўрсатмалари ва Эпштейн билан алоқада бўлган машҳур сиёсатчилар, бизнесменлар ва бошқа таъсирли шахслар ҳақидаги маълумотлар тушунилади.

Бу ҳужжатлар очиқланаётгани сабаб:
— айрим машҳур шахслар номи тилга олинмоқда
— жамиятда адолат ва жавобгарлик масалалари яна кун тартибига чиқмоқда
— “кимлар жазодан қочиб қолган?” деган саволлар кўпаймоқда

Шунинг учун ҳам Эпштейн файллари атрофидаги муҳокамалар ҳозирча тўхтагани йўқ.

Иш материалларига кўра, ҳодиса Фарғона вилояти Тошлоқ туманидаги «Юқориқишлоқ» маҳалласида жойлашган, оила яшаб келган уйда содир бўлгани аниқланган.

Маълум бўлишича, ўтган йил октябрь ойида айбланувчи уйда турмуш ўртоғи йўқлигидан фойдаланиб, келинини қучоқлаб, унга нисбатан тегажоғлик қила бошлаган. У ўғли келинига етарлича эътибор бермаётганини, гўёки ўзи унга ғамхўрлик қилиши мумкинлигини айтган.

Орадан бир ой ўтиб, хотини билан оилавий жанжал пайтида эркак келинининг хонасига кириб, уни севишини айтган ва оёқларидан ушлаб олган.

Жабрланувчи содир бўлган ҳолат ҳақида қариндошлари ҳамда ўша пайтда Россияда ишлаб юрган турмуш ўртоғига хабар берган. Шундан сўнг аёл уйни тарк этиб, фарзандлари билан ота-онасининг уйида яшай бошлаган.

Аёлнинг айтишича, бундай ҳаракатлар у уйда ёлғиз қолган пайтларда мунтазам равишда содир этилган.

Айбланувчи эса ўз айбини тан олмаган, ҳеч қандай қонунга хилоф ҳаракат содир этмаганини ва унинг айбини тасдиқловчи далиллар йўқлигини билдирган.

Суд уни Ўзбекистон Республикаси Маъмурий жавобгарлик тўғрисидаги кодексининг 41-1-моддаси (жинсий тажовуз/жинсий тегажоғлик) билан айбдор деб топиб, 5 сутка маъмурий қамоқ жазосини тайинлаган.