📚🧠 Vet Channel🌡️💊

اكو بيجات بالفيسبوك ياخذون منشوراتي الي بالقناة ويمسحون الحقوق ويضيفون اسمهم على اساس المعلومة الناشريها من عدهم.
حبيبي اذا انت فاشل ليش تسرق مجهودات الاخرين، ادرس وابحث وبعدين انشر.
اخذ منشورات غيرك وتضيف اسمك عليها هاي يسموها "سرقه"

واذا تقول كل هذا بخدمة المهنه فليش ماتضيف اسم صاحب المنشور وثانياً اكو كتب وبوسترات ليش ماتنشرها؟!!
لو بس تريد شي سهل تضيف اسمك عليه حتى يكولولك "عفيه"

بالمناسبة اذا تقولون عليش كاتل نفسك على الحقوق اولا لازم تعرف كمية الوقت الي اخذه على مود انشر موضوع بسيط وواحد من المنشورات اخذ مني يومين من بحث بأكثر من مصدر وترجمة وكتابه وتجي حضرتك على الحاضر تاخذه.

وثق بالله كل شخص ينشر بكروب او بيج علمي او طبي بيطري او عام حيل يتعب لذالك تقديراً لمجهوداته انشر بكامل حقوقه.

وطبعا اكو اطباء بيطريين رائعين بمعنى الكلمة ويحملون امانة علميه كبيره مثل دكتور عاطف الهندي من الاردن صاحب بيج veterinary medicine على الفيسبوك و د. خدر و بعض قنوات التلكرام مثل قناة البيطري الناجح و البيطريون اطباء إلانسانية وماعرف اذا اكو غير هاي القنوات تنشر بدون ماتمسح الحقوق واذا اكو غيرهم فكل الشكر والتقدير الهم

849 viewsDr. Ali Kareem, 10:57