د دفاع له وزارته د جګړې تر وزارته!

غرب خپل نقاب لیرې کړ، په ښکاره يې د دفاعي سياست پر ځاى تعرضي سياست اعلان کړ!!!
اسلامي امت به کله د دفاعي سیاستونو او جعلي سرحدونو له قفس نه تعرضي سياست او د جهاد پر مټ بشريت ته د اسلام د نور او رسالت رسولو ډګر ته ښکته کېږي؟!

هغه څه چې دوى يې غواړي موږ يې بايد مخه ونیسو؛ ولې يې مخه نه نېول کېږي؟

رنډ څېړنیز مرکز او فکري خونې په ۲۰۲۲م کال د بایډن ادارې ته یوه پالیسې وړاندې کړې وه، چې په افغانستان کې د امریکا د سیاسي ګټو خوندیتوب یې پکې یوازې د طالبانو له چارواکو سره د نږدې تعامل له لارې ممکن بللی وو او نن ورځ موږ وينو چې هغه پالیسي تطبیق کېږي او تعامل روان دى؛ چارواکي يې بايد مخه ونیسي کنه د نورو تېرو شوو منفورو حکومتونو په برخلیک به اخته شي!

‏دوی به بیا عکسونه واخلي، ډوډۍ به وخوري او په عصري تشنابونو کې به ځانونه خالي کړي. نه د اسلامي هېوادونو ناټو جوړېږي او نه دا حللاره ده. دوی پخوا هم د اسلامي امت کومه ستونزه نه ده حل کړې او له دې وروسته يې هم نشي حلولی‌. تر هغو چې د امت پوځونه د واحد خلافت په چوکاټ کې د يوه امير د قيادت لاندې منظم نشي، د غرب او اسراييلو مخنیوی ناشونی ښکاري.

خپلمنځي دښمني او بل منځي تعامل دغه پايلې لري!

نن پر غزې د اسرایلو پوځ ځمکني عملیات پیل کړي، سبا به په لندن کې د سوریې په چارو کې د امریکا د ځانګړي استازي تام باراک په منځګړیتوب د اسرایلو د ستراتیژیکو چارو د وزیر ران درمر او د سوریې د بهرنیو چارو د وزیر اسعد الشیباني ترمنځ د امنیتي تړون د رامنځته کولو او لاسلیک کولو لپاره ناسته او خبرې اترې وشي.
او په نیږدې راتلونکې کې به احمد شرع له اسرایلو سره امنیتي تړون لاسلیک او اسرایل به د احمد شرع په امنیتي همکار او دوست بدل شي.
دې ته د مصلحت او واقعیت په اساس سیاست ویل کیږي. اسلام یې سېکولیزم بولي، خو خلک یې د مصلحت په نامه توجيه کوي.

نتانیاهو له ګوګل کمپنۍ سره د 45 میلیون ډالرو په ارزښت تړون امضأ کړ، ترڅو په غزه کې د اسراییلي وحشتونو لپاره پرده وکړي. سرمايه داري او پانګوال نظامونه هيڅکله انساني ارزښتونه نشي ساتلى اسلامي ارزښتونه خو لرې خبره ده؛ خو جالبه دا ده چې اوس هم مسلمان چارواکي همدغه نظامونه په اسلامي امت باندې تپي... که نن نه وي سبا به خامخا د دغه لويو خيانتونو دروند قېمت پرې کړي!

د دین په نوم د علمي او تخنیکي پرمختګونو د مخنیوي هڅه، په حقیقت کې له دین او امت سره ستره جفا ده.

اسلامي خلافت؛ د نړيوال نظم د زوال اصلي سيال

نه روسيه توان لري چې د نړۍ د رهبرۍ مقام ته بېرته راستنه شي او نه چين دا وړتيا لري چې فکري او تمدني بديل وړاندې کړي. د پکن وروستۍ هڅه د کوم ايډيولوژيک اتحاد لپاره نه ده بلکې يوازې په اقتصادي ډګر کې د نسبي يووالي رامنځته کولو لپاره ده. بلخوا لوېديځ د امريکا په مشرۍ له زړو او سولېدلو لېبرال‌ـ‌سرمايه‌داريزو ارزښتونو سره د عدالت او ثبات په تحقق کې عاجزه پاتې شوي دي. په دې توګه، ختيځ او لوېديځ دواړه د انساني او عادلانه نظم په وړاندې کولو کې پاتې راغلي دي.

نننی جهان تر هر وخت زيات يو رښتيني بديل ته اړتيا لري؛ داسې بديل او نظم ته چې د انساني فطرت سره برابر او پر الهي وحې ولاړ وي.

دغه بديل، هماغه د الله سبحانه وتعالى لخوا د نبوت پر منهج د دوهم راشد خلافت وعده ده، يوازې همدغه نظام دی چې کولی شي اسلامي امت يو ځل بيا د تاريخ په مرکز بدل کړي او بشريت د اوسنيو بحرانونو له گرداب څخه وژغوري.

په ختیځ ترکستان کې چین د مسلمانانو پر ضد سخت ظلمونه کوي؛ ماشومان له کورنیو جلا کوي، انجونې عقیموي او خلک په کمپونو کې د دین پرېښودو ته اړ باسي. دا ظلمونه د ښکلو نندارو او تبلیغاتو تر سیوري لاندې پټوي، خو موږ په مسلمانانو غږ کوو چې د واحد راشد خلافت په تاسیس سره قتيبه پيدا کولى شئ چې ستاسو د وروڼو دفاع وکړي؛ اوسني حکومتونه هيڅکله له تاسو دفاع او ستاسو نمايندګي نشي کولى، نو له دوى نه د خير تمه مه کوئ!

د امت د عزت او ځواک راز یوازې د اسلام په پلي کولو او د اسلامي خلافت په رامنځته کولو کې دی. هغه کسان چې د لویدیځ په لمسون د اسلام پر وړاندې دریږي، نه یوازې د خپلو خلکو خاین دي، بلکې د تاریخ په مخ هم تل د خیانت‌کارانو په نوم پېژندل کېږي.

ظالم تمدن به بالاخره ړنګېږي!
د لوېدیځ تمدن د استعمار او ملتونو د استثمار پر بنسټ جوړ شوی دی؛ بې‌وسه او مظلوم خلک یې د فقر په ژوره کنده کې غورځولي، او د انسان کرامت یې د تېلو او سهامو (سټاکونو) په بدل کې پلورلی دی.
آيا دا ډول تمدن زيات دوام موندلى شي؟
تاریخ ښيي چې ظلم او سرکشي که هر څو زوروره هم وي، خو بالاخره د زوال پر لور ځي. لکه څنګه چې پخواني ظالم تمدنونه له منځه ولاړل، همداسې به دا ظالم نظام هم ړنګ شي، او له دې ورانۍ وروسته به يو نوی تمدن راپورته شي چې بنسټ به يې د الهي وحې پر اصولو ولاړ وي.
اسلام به د خپل پاک او عادلانه نظام په مټ دا تباهي بدله کړي؛ داسې نظام چې ربا (سود) جرم ګڼي، زکات واجب بولي، او عدالت د خپل بنسټ ډبره ګرځوي. د الله په اراده به دا الهي منهج يو ځل بيا راژوندی شي او بشريت به د بندګانو له بندګۍ د رب بندګۍ ته بوځي.
https://whatsapp.com/channel/0029Vb6vaCn3QxRrHLNRNs2O

د مبارزې اوږدېدل ناکامي نه ده؛ مهمه دا ده چې ته د حق په صف کې یې که د باطل!
https://whatsapp.com/channel/0029Vb6vaCn3QxRrHLNRNs2O

دنیا د آزموینې ډګر دی، نه د پوچ‌ګرایۍ (بې‌هدفۍ) میدان!

کله چې د یونان فلسفه د اسلامي فکر نړۍ ته ننوتله او د علم کلام (د عقیدې د فلسفي بحثونو) بنسټ کېښودل شو، نو د مسلمانانو تر منځ عقیدوي شخړې او ژور بحثونه زیات شول. دا لاره، پر ایمان او نېک عمل د زیاتوالي پر ځای، د امت ځواک په داسې مباحثو ولګاوه چې نه یې ګټه لرله او نه یې کوم درد ټکوراوه. په دې توګه د مسلمانانو یووالی له دننه څخه کمزوری شو.

ورو ورو د یقین ځای شک او تردید ونیو، او د «دیني پوچ‌ګرایۍ» یوه بڼه راپیدا شوه، چې حتی تر ټولو څرګند اصول یې هم د شک لاندې راوستل. پایله دا شوه چې اسلامي ټولنه له هغه روښانه لارې واوښته، کومه چې د قرآن او سنتو ساده او بې‌واسطې پیروي وه همغه لاره چې صحابه‌کرامو او د هغوی لومړنیو نسلونو درک کړې وه.

له همدې امله، نن اړینه ده چې قرآن د نزول د زمانې په شان په طبیعي، صفا او شفاف فهم سره درک کړو؛ داسې فهم چې له فلسفي او کلامي پېچلتیاوو پاک وي. ځکه یو مسلمان باید دنیا د ازموینې ډګر وبولي او خپل مسؤلیت او مکلفیت وپېژني، نه دا چې د پوچ‌ګرایۍ او بې‌مفهومۍ په دام کې سرګردان شي.
https://whatsapp.com/channel/0029Vb6vaCn3QxRrHLNRNs2O

زموږ خپرونې په واټساف کې هم له لاندې لنک څخه لاسته راوړلى شئ؛ هم يې خپله فالو کړئ او هم يې نورو ته ورسوئ!
https://whatsapp.com/channel/0029Vb6vaCn3QxRrHLNRNs2O

هغه پولې چې وروري يې ختمه کړې

هغه هېوادونه چې د دولت ـ ملت په نظم جوړ شوي؛ د اسلامي امت په ټټر د سرطان له دانې پرته بل څه نه دي، د دې دانې له ختمولو پرته بله لار نشته، دغه داسې دانه ده چې کافرانو کلونه مخکې زموږ په منځ کې کرلې او اوس حاصل ته رسيدلې؛ ترڅو هېڅ هېواد د هغوی له ټاکل شوو حدودو څخه تېر نه شي حتى تر دې پورې چې په خپلو کې دومره سره پردي شي چې د ظلم په ليدو ووايي: «پرېږده يې موږ يې څه کوو؛ دا خو د دوى خپله مسله ده.»

دغه پولې چې کافرانو رسم کړي دي، بايد د مسلمانانو ترمنځ خنډ نشي؛ ځکه مسلمانانو ته د خپلو وروڼو وينه تویول روا نه دي. مسلمانان يو د بل وروڼه دي، د يو بدن غړي دي، او هېڅ مصنوعي پوله يې له يو بله نشي بېلولى.
https://whatsapp.com/channel/0029Vb6vaCn3QxRrHLNRNs2O

نتانیاهو په داسې حال کې ټرامپ ته د سولې نښه ډالۍ کړه، چې دواړه لاسونه يې د غزې په وينو سره دي. دوى د سولې په نامه د جګړې تخم په څو هېوادونو کې وکرلو، دا د سولې د موسکا او جنايت ترمنځ ښکاره ټکر دى که پوهيږئ!
https://whatsapp.com/channel/0029Vb6vaCn3QxRrHLNRNs2O

په افغانستان او پاکستان کې د اسلامي وحدت ننګونې: له خلافته تر وطني کرښو!
د افغانستان او پاکستان د مسلمانانو د يو امير تر مشرۍ لاندې د اسلامي خلافت په چوکاټ کې د اتحاد امکان ډېر لوړ دی؛ ځکه چې د دې دواړو هېوادونو مسلمانان نه يوازې د عقيدې له مخې يو له بل سره تړلي دي، بلکې د ژبې او وينې له مخې هم سره ګنډل شوي دي.
کله چې امريکا له دې سيمې څخه د خطر احساس وکړ، د دواړو لورو د پوځونو تر منځ يې د جګړې لمبې بلې کړې، تر څو د دواړو غاړو مسلمانانو تر منځ د دښمنۍ او کينې فضا ګرمه کړي او د هغوی له يووالي څخه مخنيوی وکړي.
ملي، وطني او قومي مفکورې هم د غرب هغه بله وسيله ده چې د څو مزدورانو له لارې يې خپره کړې ده، څو مسلمانان د اسلام پر ځای د وطن، سرحد او قوم په مفکوره د ډيورند ستونزه د حل معيار وبولي.
او د دې پر ځای چې خلک د پولو د ماتولو او د اسلام پر بنسټ د يووالي او د يو خليفه سره د بيعت لپاره وهڅول شي؛ برعکس د پولو دفاع، د وطن پر بنسټ د يووالي او د څو واکمنانو تر فرمان لاندې پاتې کېدو ته هڅول کېږي.
https://whatsapp.com/channel/0029Vb6vaCn3QxRrHLNRNs2O

هغه پوځ چې د کشمیر او غزې د دفاع لپاره باید جنګېدلى واى؛ ولې د خپلو مسلمانو وروڼو وژلو ته صفونه تړي؟؟!
ملت پالنه او وطن پالنه ده چې موږ يې خپل منځي دښمنۍ ته تړلي يو!
آيا د دې وخت نه ده رسيدلى چې نور دغه پوچه مفکوره وغورځوو او د امت او خلافت په مفکوره منګولې ولګوو؟؟!
https://whatsapp.com/channel/0029Vb6vaCn3QxRrHLNRNs2O

زياتې هيلې د مرګ له هيريدو څخه راځي!
#عمر فاروق رضي الله عنه
https://whatsapp.com/channel/0029Vb6vaCn3QxRrHLNRNs2O

د ټرمپ سوله؛ که په غزه کې د نوې جګړې پیل؟!

د ټرامپ له جعلي سولې وروسته څو څو ځله د صهیونیستي رژیم ځواکونو د غزې پر مظلوم ولس بریدونه کړي او لسګونه بې‌ګناه انسانان یې په خاورو او وينو لت پت کړي. موږ څو ځله په امت غږ کړى وو چې دا سوله یوازې د یو نوي جنګ پټ پیغام دى. دا خلک تراوسه پورې نه کوم تړون ته ژمن پاتې شوي او نه هم د مسلمانانو خير غواړي، نو ولې باور پرې وشي؟!

د افسوس ځاى خو دا ده چې خاين او ګوډاګي واکمنان تل کافرانو ته لاس په نامه وي، خو په خپلو خلکو جبر کوي. موږ بيا هم خپله خبره په خورا دردوونکي توګه تکراروو او په امت غږ کوو چې دا دښمنان هیڅکله په خپلو ژمنو نه درېږي او هېڅکله به هم ونه درېږي. نور باید نه پر دوى او نه د دوى پر چاپلوسانو باور وشي!
https://whatsapp.com/channel/0029Vb6vaCn3QxRrHLNRNs2O

هره بوختيا چې د الله سبحانه وتعالى په رضایت پورې نه وي تړلي، هواى نفس دى؛ په دې اړه باید ووېرېږو!
https://whatsapp.com/channel/0029Vb6vaCn3QxRrHLNRNs2O

پاکستان، عربستان، ترکیې، مصر، اماراتو، اردن، مالیزیا او اندونیزیا د الله په خاطر غزې ته د مظلومانو د دفاع لپاره پوځ ونه لېږه خو نن يې د ټرمپ په خاطر د ظالمانو ملاتړ ته ور لېږي؛ آيا اوس هم دا حکام د امت بولئ؟؟! آيا د نبوت پر منهج د دوهم راشد خلافت وخت نه دى رارسېدلى چې تاسو وحدت او عزت ته ورسوي او د امريکا له غلامۍ مو د الله غلامۍ ته لوړ کړي؟؟!
https://whatsapp.com/channel/0029Vb6vaCn3QxRrHLNRNs2O