‏"كم واحدٍ ما درى عنه العدم و الوجود
للموت يخشى و هو ما حيا حتى يموت"

آلا يا ضلعي اللي تصطفق فوقك هبوب النود
أنا ماعندي؟ إلا كلمة ماني مثنيها

إلى جيت البلاد اللي عربها دخلهم محدود
يقولون الرجال بفعلها ماهيب بساميها

تجيهم وانت ضامر بطن وتعود وبطنك عود
علامك تفهم حقوق الرجال أن مر طاريها

يا حقار؟ البعوضة والبعوضة تذبح النمرود
تسويها (بعوضة) وانت ما تقدر تسويها

تسدني يماني عن رمحّ الزناتي وأم التاج
ان عشت راسي للسماء وان مت نفسي كارمة

وأنا طموحيّ لثقال من الجواهّر يالخفيف
مانيب أدور عملةٍ .. ما ينعرف صرافها

اسلي «قلوب الناس» وأنا اتفقد سلوايّ
عقب ما مزوحّ الناس كانت تسليني

مثل ما للخصومه شان يبقى للفضيّله شان
مانيب اللي تخونه شيمته لأمن نقص وده
— عويّد النجود

طلة تمحي سواد الليل لا أرخى جديله
وتخطف القلب الكبير اللي هقاويه كبيره

ما معي في عينها لا سلهمت قوه وحيله
من يقاوي سطوة المصقول لا فارق جفيره

يوم ذاق القلب نزعات الهيام اشفى غليله
مثل ما يستشفي الطلاب غله ف المغيره

لا تعيش قلبي الضامي على جمر اللمليه
ابن عون الي تولع عند طيره؟ فك طيره

تذكرني ليَامنه ضاعت اوهامك فِمن وهمت
وعرفت الفرق في حب الخشوم وحَب الأقدامي

—أمّا عني :
كريم بالفرصَ ، كثير صبَر
أعوذ بالله من نفسَي إذا طابت .

­­­­­­­­­­­­­­­­­­­­­­­­­­­­­­ليه اعبد الوجيّه وليه اخاف المصايب
كل «حاجةٍ» على وجه البسَيطه بسيطه

يامصيون النبا شوفتك فنجال على مقداع
تقهويته ودلة شوفك من الجمر فواحه

اطيوفك كل ليلً لها على جرح النسيم إيقاع
لو ان للجرح صوت تستمع له هزك إنياحه

ورا الذكرى تجيبك وانت قاطع فوق سبع رياع
تعاقبني بذكراً من صبي العين مياحه

مثل ميح الدلي لاضحت ورود الباديه نجاع
على مطويتً من قدمها بالغرز نضاحه

في متاهات الافكار وكثر الاوهام
انقضى صبري والمزاج اختلف طبّعه
—بن جدلان

انا القانع إللي في تفاصيلها مشفوح
وانا اللي يطيع الشوف والعفه تطيعه

رعى الله ليالٍ راسها بالوصل ممسوح
وتفاصيل حب ما جنينا منافيعه

مازلت أنتظر برق البشاير متى بـ يلوح
واعد الشهر لليله ويومه واسابيعه

نسيم الصباح الحدري اللي يرد الروح
يكفيني انه من جهتها ذعايعه

أرفق ترا النفس العزيزة عيوفه
ماكل عذرً بقبله منك لا اخطيت

لايحسبني يوم قفيت ناسيه
لعيونه إني ماتحاليت عذرّى

ليت الزمن يرجع وأنا اعلمه ليه
ولا الحظوظ من المقابيل تشرى

كل العذارى في الوفاء ماتسّاويه
كنه اليمين وباقي الغيد يسرى

قولو له إني مارتضي بالبدل فيه
كلا مال قارون ولا عرش كسرى

يرتاح ماغيره ملا عين هاويَه
غلاه نهر النبيل والقلب مجرى

وأكبر دليل إني الى غاب احاتيه
كم ليلةٍ ماتت على كف مسَرا

وإن قالوا إنه شرق وازريت لاجيه
وجهت وجهي كل مانمت حدرى

ليَا مرني طاريه فالمجلس المليان
أخاويه واترك هيّكل الجسم متراكي
—بن قضعان