Game of Thrones နဲ့ House of the Dragon တို့ရဲ့ အဆက်ဖြစ်ပြီး George R.R. Martin ရဲ့

"Tales of Dunk and Egg" ဝတ္ထုတိုများကို အခြေခံထားတာဖြစ်ပါတယ်။

ဒီဇာတ်လမ်းဟာ Game of Thrones ထဲက အဖြစ်အပျက်တွေမတိုင်မီ နှစ်ပေါင်း ၁၀၀ ခန့်အလို (သို့မဟုတ်)

House of the Dragon အပြီး နှစ်ပေါင်း ၇၀ ကျော်အကြာမှာ အခြေတည်ထားပါတယ်။

Targaryen မင်းဆက်တွေ Iron Throne ပေါ်မှာ စိုးစံနေဆဲကာလဖြစ်ပြီး နဂါးတွေ ပျောက်ကွယ်သွားတာ

သိပ်မကြာသေးတဲ့ အချိန်လည်း ဖြစ်ပါတယ်။

Luna Nera (2020)

မွေးကင်းစကလေးဟာ ကံမကောင်းအကြောင်းမလှစွာသေဆုံးလုဆဲဆဲအချိန်မှာ မွေးလူနာက အာဒီကိုစုန်းမဆိုပြီး ထိတ်လန့်မောင်းထုတ်ခဲ့သလို အဲ့ဒီကလေးငယ်လည်း သေဆုံးသွားခဲ့ရပါတယ်

အခြေအနေတွေကိုကြိုမြင်တဲ့ နာတာလီဟာ တကယ်လို့ သူ့ကိုစုန်းလိုက်မုဆိုးတွေလာခေါ်သွားပြီး ပြန်မလာနိုင်ခဲ့ရင်ဆိုတဲ့အကြောင်းပြချက်နဲ့ ဆန်းကြယ်တဲ့ရှေးဟောင်းစာအုပ်တစ်အုပ်၊ ပြီးတော့ ပျောက်ဆုံးနေတဲ့မြို့တော်များလို့ခေါ်တဲ့နေရာတစ်ခုကိုရှာတွေ့နိုင်ဖို့ လိုအပ်တာတွေကို အာဒီထံသင်ကြားပြသပေးပြီး မောင်ဖြစ်သူ ဗလန်တေးကိုလည်း စောင့်ရှောက်ဖို့မှာထားခဲ့ပါတယ်

ပီထရိုဆိုတဲ့ကောင်လေးကတော့ ရောမမှာခေတ်ပေါ်ဆေးပညာကိုသင်ကြားနေသူဖြစ်ပြီးတော့ သူတို့ကိုသူ့ဆရာကနေ ဒီခေတ်မှာစုန်းတွေမှော်အတတ်တွေဟာ တကယ်မရှိတော့ဘဲ ဆေးသိပ္ပံနည်းကသာအရာရာကို ဖြေရှင်းနိုင်ကြောင်း လက်တွေ့ပြသလေ့ရှိပါတယ်

သူ့အမေနေမကောင်းဘူး ဆိုတဲ့သတင်းစကားကြောင့်နေရပ်ကိုပြန်လာချိန်မှာတော့ သူ့ဖခင်ဟာ စုန်းလိုက်မုဆိုးအဖွဲ့ခေါင်းဆောင်ဖြစ်နေပြီး သူ့အမေမကျန်းမာဖြစ်ရတာရယ်၊မွေးကင်းစကလေးသေဆုံးမှုရယ်ဟာ နာတာလီဆိုတဲ့
စုန်းမကြီးလက်ချက်လို့တစ်ထစ်ချယုံကြည်ပြီးစုန်းတွေကို အမြစ်ဖြတ်ချေမှုန်းတော့မယ့်အချိန်ပါပဲ

ဆန့်ကျင်ဘက်နောက်ခံနှစ်ခုဆီက အာဒီနဲ့ ပီထရို၊ ရှေးဟောင်းအယူသီးမှုတွေနဲ့ခေတ်ပညာတတ်လူငယ်တွေကြားက လွန်ဆွဲအားပြိုင်မှုတွေ၊ ရှေးခေတ်သဘာဝလွန်ပညာတွေရဲ့နက်နဲမှုနဲ့ လျှို့ဝှက်ချက်တွေကိုရပ်သပ်ရှုမောတွေ့မြင်ရပါလိမ့်မယ်

ရာဇဝတ်နောက်ခံ ဇာတ်လမ်းသဘောကျနှစ်သက်သူတွေ၊ စုန်းကဝေမှော်ကားကြိုက်ပရိသတ်တွေ အကြိုက်တွေ့မယ့်ဇာတ်ကားဖြစ်ပါတယ်

အဲတော့ နာတာလီတစ်ယောက် စုန်းလိုက်မုဆိုးတွေလက်က ပြန်လာနိုင်ပါ့မလား၊ သူ့မြေးမငယ်အာဒီကရော တကယ်ပဲစုန်းတစ်ကောင်လား၊ သူရှာဖွေတွေ့ရှိစေချင်ခဲ့တဲ့ ရှေးဟောင်းစာအုပ်နဲ့လျှို့ဝှက်မြို့တော်မှာဘာတွေရှိနေမလဲ အစရှိတာတွေကို ဇာတ်လမ်းထဲမှာဆက်ပြီးရှုစားစေချင်ပါတယ်