Berlin (2023) Complete

IMDB 9.8 ရရှိထားတဲ့ ဇာတ်ကားကောင်းလေး တစ်ကားကို တင်ဆက်ပေးလိုက်ပါတယ်။
ဒီဇာတ်လမ်းကတော့ ဒါရိုက်တာ အဲလက်စ် ပင်ညာက ရိုက်ကူးထားပြီး
မင်းသား ပက်ဒရို အလွန်ဆိုက အဓိက ဇာတ်ကောင်အဖြစ် ရိုက်ကူးထားပါတယ်။

ဇာတ်လမ်းအကျဉ်းကတော့ လူတိုင်းနဲ့ သိပ်မစိမ်းတဲ့ Money Heist ဆိုတဲ့ နာမည်ကြီး ဇာတ်လမ်းတွဲထဲက ဘာလင်လို့ခေါ်တဲ့ အန်ဒရက်စ် ဒီ ဖိုနိုလိုဆာ ဇာတ်ကောင်ရဲ့ Money Heist မတိုင်ခင်
ဇာတ်ကြောင်းကို ရိုက်ကူးထားတာဖြစ်ပါတယ်။ Money Heist S2 မှာ နိဂုံးချုပ်သွားရတဲ့ ဘာလင် ရဲ့ ဇာတ်ကောင်ကို ဒီဇာတ်လမ်းတွဲမှာ အဓိက ဇာတ်ကောင်အဖြစ် ကြည့်ရှုရမှာ ဖြစ်ပါတယ်။

ပိုက်ဆံအများကြီးနဲ့ အချစ်ကသာ ယောက်ျားတစ်ယောက်ရဲ့ နေ့ဆိုးတစ်ခုကို ပြောင်းလဲပေးနိုင်တယ်လို့ ခံယူထားတဲ့ ဘာလင်ဟာ
ပဲရစ်မြို့မှာ ဖောက်ထွင်းမှု တစ်ခုကို စီစဉ်တဲ့အကြာင်းကို Money Heist ဇာတ်လမ်းတွဲထဲက အရသာအတိုင်းကြည့်ရှုခံစားရမှာပဲဖြစ်ပါတယ်။

ဖောက်ထွင်းမှုကို စီစဉ်နေရင်း သူတို့ ဖောက်ထွင်းမယ့်သူရဲ့ ဇနီးဖြစ်သူကို ဘာလင်တစ်ယာက်
ချစ်မိသွားတဲ့အခါမှာတော့ ဘာတွေ ဆက်ဖြစ်သွားမလဲဆိုတာကို စိတ်ဝင်တစား ကြည့်ရှုခံစားရမှာ ဖြစ်ပါတယ်

The Big Door Prize (2023) Complete

ဒီတစ်ခေါက်တင်ဆက်ပေးမှာကတော့ Comedy, Drama, Sci-Fi အမျိုးအစား ဇာတ်လမ်းတွဲလေးတစ်ခု ဖြစ်ပါတယ်။

ဇာတ်လမ်းအကျဉ်းကတော့ Dusty က မြို့ငယ်လေးတစ်မြို့မှာ ဇနီးရယ် သမီးရယ်နဲ့အတူ
ကျောင်းဆရာအလုပ်လုပ်ရင်း သမားရိုးကျဘဝတစ်ခုကို ဖြတ်သန်းနေတဲ့သူပါ။
သူအသက် ၄၀ ပြည့်တဲ့နေ့မှာပဲ မြို့ငယ်လေးက စတိုင်းဆိုင်မှာ MORPHO ဆိုတဲ့
လူတွေရဲ့ ဘဝအနာဂတ်ကို ခန့်မှန်းပေးနိုင်တဲ့ စက်တစ်လုံး ပေါ်လာခဲ့ပါတယ်။
အရင်းအမြစ်သေချာမသိရတဲ့ အဲဒီစက်အကြောင်းက မြို့ငယ်လေးမှာ ရေပန်းစားလာပြီး
စတိုးဆိုင်မှာလည်း စက်ကိုစမ်းသုံးကြည့်ချင်တဲ့လူတွေ တန်းစီနေပါတယ်။
စက်ကထုတ်ပေးတဲ့ ဟောပြောချက်ကတ်တွေကြောင့် လူတော်တော်များများကလည်း
သူတို့ရဲ့လျှို့ဝှက်ထားတဲ့ ရည်မှန်းချက်တွေကို စက်ကသိနေပြီးတော့ သူတို့ကို လမ်းပြပေးနေတယ်လို့ လက်ခံလာပြီး
ဘဝအပြောင်းအလဲတွေလုပ်ဖို့ စိတ်အားထက်သန်လာကြပါတယ်။
Dusty ကတော့ စက်တစ်လုံးက အနာဂတ်ကိုပြောင်းလဲမပေးနိုင်ဘူးလို့ လက်ခံထားပေမယ့်
လူတော်တော်များများက အဲဒီအကြောင်းပဲပြောနေကြတော့ အဲဒီကိစ္စကို ခေါင်းထဲကထုတ်မရဖြစ်လာတာကြောင့်
တစ်ညမှာ စတိုင်းဆိုင်ကိုသွားပြီး စက်ကို စမ်းသုံးကြည့်လိုက်တဲ့အခါ သူ့အနာဂတ်က ဘာဖြစ်လာမလဲ၊
ဘာတွေပြောင်းလဲသွားမလဲဆိုတာကို ဇာတ်လမ်းထဲမှာပဲ ကြည့်ရှုလိုက်ပါနော်။

El Cid (2020) Season 01 Complete
===========================

~ IMDb – 6.7/10, Rotten Tomatoes – 75% ~



El Cid စီးရီးကို တော်တော်များများကတော့ ကာရိုက်တာတွေတော်တော်ကြမ်းပြီး တိုက်ပွဲခန်းတွေ တော်တော်လန်းတဲ့ဇာတ်လမ်းတွဲလို့ မှတ်ချက်ပေးထားကြတယ်။ ကြည့်သင့်တဲ့စီးရီးတစ်ခု အဖြစ်လည်း တော်တော်များများက ညွှန်းဆိုထားကြတယ်။



ဒီဇာတ်လမ်းတွဲက Rodrigo Díaz de Vivar လို့ခေါ်တဲ့ အလယ်ခေတ်စပိန်က သူရဲကောင်းတစ်ယောက်အကြောင်းကို အကျယ်တဝင့်ရိုက်ပြထားတဲ့ ဇာတ်လမ်းတွဲ။ သူ့အဖေက ဘုရင်စေလွှတ်တဲ့ နယ်စပ်ကလေးမှာ စောင့်ကြပ်ရင်း အသက်ပေးခဲ့ရတဲ့ သူရဲကောင်းတစ်ယောက်။ သူ့အဖေဟာ နိုင်ငံအတွက် အသက်ပေးတိုက်ခိုက်ရင်း သေဆုံးခဲ့ပေမဲ့ တိုင်းပြည်ကရော သူတို့အရှင်တွေကရော သူ့အဖေကို ရှိတယ်လို့တောင်မထင်ခဲ့ကြဘူး။ ဘာလို့ဆို သူ့အဖေက စစ်ရှုံးပြီး ကျရှုံးသွားတာကိုး။ ဒီတော့ သူက တိုက်ပွဲတိုင်းအောင်တဲ့ သူရဲကောင်းဖြစ်ရမယ်လို့ ဆုံးဖြတ်ခဲ့တယ်။ သူရဲကောင်းတွေရဲ့ မြင်းတွေကို အစာကျွေး မြင်းချေးကျုံးရတဲ့ အကူဘဝကနေ ကြီးကျယ်တဲ့ El Cid ဖြစ်လာတဲ့အထိ သူလျှောက်လှမ်းလာခဲ့တာတွေကို ကျွန်တော်တို့မြင်ရလိမ့်မယ်။



သူတို့ခေတ်ကိုက နိုင်ငံငယ်လေးတွေ အစိတ်စိတ်ကွဲလိုက် စစ်ဘုရင်တွေကတိုက်လိုက် ပြန်စုသွားလိုက် နန်းလုကြလိုက် ပြန်ကွဲသွားလိုက် ဖြစ်နေတဲ့ ခေတ်ဆိုတော့ နန်းတွင်းထဲက ဆွေတွေမျိုးတော်တွေ တော်ဝင်မျိုးတွေကြားက အာဏာလုပွဲတွေ၊ တိုင်းတစ်ပါးနဲ့ စစ်ပွဲတွေ အစုံပါသလို ဗာတီကန်ရဲ့ဩဇာသက်ရောက်မှုရှိနေတဲ့ နိုင်ငံတွေဖြစ်လို့ နိုင်ငံရေးလှည့်ကွက်တွေမျိုးစုံကိုလည်း မြင်ရမယ့် တကယ့်အလယ်ခေတ်စီးရီးပါပဲ။ မာယာတွေရော သတ်တာဖြတ်တာတွေရော ကြမ်းသလို မင်းသားကလည်း ပြောရရင် ဗျာဒိတ်ရသူရဲကောင်းလိုဖြစ်နေတာဆိုတော့ ဂျွန်စနိုးတောင် နည်းနည်းဆန်ချင်သလိုပါပဲ။ စိတ်ကူးယဉ်မဟုတ်ဘဲ တကယ့်ဖြစ်ရပ်ကို ရိုက်ထားတဲ့ထဲတော့ ဒီစီးရီးဟာ တော်တော်စုံလင်ပြီး ကြမ်းတဲ့စီးရီးလို့ပြောရပါမယ်။

Rise Of Empires: Ottoman (2020) Season 1/2 Complete
============================

သမိုင်းဖြစ်ရပ်မှန်များကို စိတ်ဝင်စားသူတွေ မဖြစ်မနေကြည့်ရမယ့် series တစ်ခုလာပါပြီ။
အော့တမန်အင်ပါယာကို အင်အားကြီးစေပြီး သမိုင်းလမ်းကြောင်းကိုလဲ
ကြီးကြီးမားမားပြောင်းလဲစေခဲ့တဲ့ အော့တမန်ဘုရင် စူလ်တန်မာမက်ရဲ့သမိုင်းကြောင်းပါ။
စူလ်တန်မာမက်ကတော့ သူ့ခမည်းတော်နတ်ရွာစံအပြီးမှာ ၁၉ နှစ်အရွယ်နဲ့နန်းတက်ခဲ့တဲ့စူလ်တန်ငယ်တစ်ပါးပါ။
အသက်အရွယ်ငယ်တော့ သူ့အင်ပါယာတွင်းကရော အပြင်ကရန်သူကပါ သွေးတိုးစမ်းမှုတွေနဲ့ကြုံရပါတယ်။
မာမက်ကလဲ သူ့စွမ်းရည်ကိုပြသဖို့ရာအတွက် ဘိုင်ဇင်တိုင်းအင်ပါယာရဲ့မြို့တော်ဖြစ်တဲ့ ကွန်စတန်တီနိုပယ်ကိုသိမ်းဖို့ဆုံးဖြတ်လိုက်ပါတယ်။
ဘိုင်ဇင်တိုင်းအင်ပါယာကတော့ အရှေ့ရိုမန်အင်ပါယာပါပဲ။
သူတို့မြို့တော် ကွန်စတန်တီနိုပယ်က ခရစ်ယာန်ဘာသာရေးအရ အထွတ်အမြတ်နေရာလဲဖြစ်ပြီး
ဒီမြို့ကိုသိမ်းပိုက်ချင်ခဲ့တဲ့တခြားတပ်ပေါင်း၂၃ တပ်က အရှုံးပေးလက်လျှော့ပြန်ခဲ့ရတဲ့မြို့ပါ။
အဲ့ဒီတပ်တွေထဲမှာ မာမက်ဖခမည်းတော် စူလ်တန်မူရက်ဒ်ရဲ့တပ်လဲအပါအဝင်ပါပဲ။
ဒီဇာတ်လမ်းမှာတော့ ၁၉နှစ်သားအရွယ်စူလ်တန် မာမက်ရဲ့ကွန်စတန်တီနိုပယ်ကို ကြိုးပမ်းမှုအကြောင်းအဓိကကြည့်ရမှာပါ။
ဒီစီးရီးရဲ့ ထူးခြားချက်ကတော့ Docudrama အဖြစ်ဖန်တီးထားခြင်းပါပဲ။
ဒီဒရာမာဇာတ်လမ်းသွားထဲမှာပဲ ပညာရှင်တွေရဲ့အမြင်တွေရှင်းလင်းချက်တွေကို တစ်ပါထဲထည့်ပေးထားတော့
ဒီသမိုင်းကြောင်းကိုကိုယ်သိမထားရင်တောင် ဂူဂဲလ်သွားရှာစရာမလိုပဲ အဆင်ပြေပြေကြည့်နိုင်သွားသလို
ပါဝင်တဲ့ဇာတ်ကောင် အဲ့ဒီခေတ်ရဲ့အနေအထား အယူအဆတွေကိုလဲတစ်ပါထဲသိရမှာပါ။
ရုပ်ရှင်ကြည့်နေရင်း ကိုယ်သိချင်တဲ့မေးခွန်းတွေကိုလဲဖြေပေးမယ့် စပွိုင်လာလဲမပေးမယ့်သူမျိုး ဘေးမှာရှိနေသလိုပေါ့။
အဲ့ဒါအပြင် နောက်ခံစကားပြောသူကလဲ GOT ထဲက အားလုံးသဘောကျနှစ်ခြိုက်ရသူကြီး တိုင်ဝင်လန်နစ်စတာ (Charles Dance) ဆိုတော့
သူ့အသံပါဝါ အနိမ့်အမြင့် အစွဲအငင်တွေရဲ့ ပံ့ပိုးမှုကလဲ ဒီစီးရီးကိုအသက်ဝင်စေတာမို့ တော်တော်ပြည့်စုံတဲ့စီးရီးတစ်ခုပါပဲ။