Dr. Death (2021) Complete

လူရယ်လို့ဖြစ်လာပြီဆိုရင် သမုဒ္ဒရာဝမ်းတထွာအတွက် လူတိုင်းရှာဖွေစားသောက်ကြရတာ သဘာဝပါ…..အဲဒီလို သက်မွေးဝမ်းကြောင်းတွေထဲ ဆရာဝန်ဆိုတဲ့ သက်မွေးဝမ်းကြောင်းတစ်ခုလည်းပါဝင်ပါတယ်……လူတွေရဲ့ အသက်ဆက်ရေး ကျန်းကျန်းမာမာနေရရေးအတွက် သေမင်းနဲ့ စီးချင်းထိုး ကုသပေးရတဲ့သူတွေလို့ ဆိုကြတာပေါ့…….

အဲဒီလို လူ့အသက်တွေကို ကိုင်တွယ်နေရတဲ့ ဆရာဝန်တစ်ယောက်က အတ္တကြီး ကြွားလုံးထုတ်ပြီး ကိုယ့်ဂုဏ်ကိုယ်ဖော်နေတာကလွဲ ဘာမှဖြစ်ဖြစ်မြောက်မြောက် မလုပ်နိုင်ဘူးဆို ဘာဖြစ်သွားမလဲ…..တွေးကြည့်ဝံ့စရာပင်မရှိတော့…..ခွဲစိတ်ဆရာဝန်ဖြစ်နေပြီဆိုရင်တော့ ပိုလို့ပင်ပြောစရာမရှိတော့ပါ…….ဟုတ်ပါတယ် ကိုယ့်ခန္ဓာတခုလုံး ဝကွက်အပ်လိုက်ရမဲ့လူက အဲဒီလိုလူမျိုးဆိုတာသိနေလို့ကတော့ မခွဲခင်က သေနှင့်ပြီဆိုတာတွေ ပုံအောလာမှာပါပဲ……..

ဒီဇာတ်ကားလေးမှာတော့ အဲဒီလိုဖြစ်နေတဲ့ ဦးနှောက်နှင့်အာရုံကြောခွဲစိတ်ဆရာဝန် တစ်ယောက်အကြောင်း တင်ဆက်ပေးထားတာပါ ဖြစ်ရပ်မှန်ပါ….သူခွဲလိုက်ရင် သေရင်သေ မသေရင် ဒုက္ခိတတော့အနည်းလေးဖြစ်တတ်တာဆိုတော့ တကယ်တတ်ကျွမ်းပြီး လူနာတွေပေါ် စေတနာထားတဲ့ ဆရာဝန်ကြီးနှစ်ယောက်က သူ့ကို တားနိုင်ဖို့ အားကုန်ထုတ်ကြိုးစားပါတော့တယ်……ကျွန်တော်တို့ဆီမှာဆိုရင်တော့ ဆမသိမ်း ရွာပြန်အိပ်ရအောင်လုပ်သလိုမျိုးပေါ့……….

ဒါပေမဲ့ သူတင်ကြောက်ဖို့ကောင်းတာလားဆိုတော့မဟုတ် အတ္တကြီးမားလှတဲ့လူတွေရဲ့ ကိုယ်ကျိုးတစ်ခုတည်းကြည့်တတ်တဲ့ အကျင့်ကြောင့် ဆရာဝန်ကြီးနှစ်ယောက်ကြိုးစားသမျှက အရာမဝင်ဖြစ်နေတော့တာပေါ့…….အဲဒီတော့ ဘယ်လိုမှလက်ခံလို့မရတဲ့ ကိစ္စကို ဆရာဝန်ကြီးနှစ်ယောက်က ဘယ်လိုတားဆီးကြမလဲ……သူတို့ကို ကူညီပေးမဲ့သူရော ရှိနေပါ့မလား……အရာရာ အပေါ်ယံသာကြည့်တတ်တဲ့ လူ့လောကကြီးထဲ အပေါ်ယံနဲ့ဆုံးဖြတ်ထားတဲ့ မှတ်တမ်းကောင်းတွေကြောင့် ကျင့်ဝတ်ပျက်ဆရာဝန်ကရော ဘယ်လောက်ထိ ရူးမိုက်ဦးမလဲဆိုတာ ဆက်လက်ရှုစားလိုက်ပါဦးလို့………


Dr. Death Season 2 ထပ်လာပါပြီ။ ဆေးလောကရဲ့ ကြောက်စရာ အဖြစ်အပျက်တွေကို ရိုက်ပြတဲ့ ဒီစီးရီးဟာ တစ်စိမ့်စိမ့်နဲ့ ကျောချမ်းချင်စရာတွေကို အသားပေးထားပါတယ်။ Season 2 မှာ ရင်ခေါင်းခွဲစိတ်ဆရာဝန် ပါအိုလို မာခီယာရီနီအကြောင်းကို ရိုက်ကူးပြထားပါတယ်။

ဆရာဝန်အလုပ်ဆိုတာ ရောဂါဖြစ်နေတဲ့ လူနာတွေရဲ့ အားကိုးမှု၊ ယုံကြည်မှုတွေကို အလေးထားပြီး လုပ်ဆောင်နေရတဲ့ ပရော်ဖက်ရှင်နယ်တစ်ခုဖြစ်ပါတယ်။ ဒီလူကတော့ ဒီလူနာတွေရဲ့ အားကိုးမှု၊ ယုံကြည်မှုတွေကို အလွဲသုံးစားလုပ်ပြီး လူနာတွေကို သက်သက်မဲ့ သတ်ဖြတ်ခဲ့ပါတယ်။ လူနာတွေ ဘာဖြစ်ဖြစ် သူကတော့ ဂရုမစိုက်ဘဲ ခပ်တည်တည်နဲ့ တစ်ကမ္ဘာလုံးပါ လှည့်စားနိုင်တဲ့သူပါ။

လူနာတွေအပေါ်တင် မကဘဲ သူ့ရဲ့ ပုဂ္ဂိလအရေးကိစ္စတွေမှာပါ လိမ်တာ၊ ညာတာဟာ ထမင်းစားရေသောက်လို လုပ်နေတဲ့သူ ဖြစ်ပါတယ်။

ကိုယ်ယုံကြည်အားကိုးရတဲ့ ဆရာဝန်က ကိုယ်နားမလည်တဲ့ ပညာရပ်အပိုင်းတွေမှာ ကိုယ့်ယုံကြည်မှုကို အလွဲသုံးစားလုပ်ပြီး ကိုယ့်အသက်ကို ထိခိုက်အောင် လုပ်မယ်ဆိုတဲ့ စိတ်က တကယ့်ကို ကျောချမ်းစရာ ကောင်းပါတယ်။ ဒါမျိုးက ဇာတ်ကားထဲပဲ ရှိမယ်လို့ ထင်နေရင်တော့ မှားသွားပါလိမ့်မယ်။ ပါအိုလို မာခီယာရီနီဟာ အပြင်မှာ တကယ်ရှိခဲ့တဲ့ ဆရာဝန်တစ်ယောက်ဖြစ်ပါတယ်။ လက်ရှိသူ့အကြောင်းတွေကို Google မှာလည်း အကုန်ရှာဖတ်ကြည့်လို့ရပါတယ်။

Berlin (2023) Complete

IMDB 9.8 ရရှိထားတဲ့ ဇာတ်ကားကောင်းလေး တစ်ကားကို တင်ဆက်ပေးလိုက်ပါတယ်။
ဒီဇာတ်လမ်းကတော့ ဒါရိုက်တာ အဲလက်စ် ပင်ညာက ရိုက်ကူးထားပြီး
မင်းသား ပက်ဒရို အလွန်ဆိုက အဓိက ဇာတ်ကောင်အဖြစ် ရိုက်ကူးထားပါတယ်။

ဇာတ်လမ်းအကျဉ်းကတော့ လူတိုင်းနဲ့ သိပ်မစိမ်းတဲ့ Money Heist ဆိုတဲ့ နာမည်ကြီး ဇာတ်လမ်းတွဲထဲက ဘာလင်လို့ခေါ်တဲ့ အန်ဒရက်စ် ဒီ ဖိုနိုလိုဆာ ဇာတ်ကောင်ရဲ့ Money Heist မတိုင်ခင်
ဇာတ်ကြောင်းကို ရိုက်ကူးထားတာဖြစ်ပါတယ်။ Money Heist S2 မှာ နိဂုံးချုပ်သွားရတဲ့ ဘာလင် ရဲ့ ဇာတ်ကောင်ကို ဒီဇာတ်လမ်းတွဲမှာ အဓိက ဇာတ်ကောင်အဖြစ် ကြည့်ရှုရမှာ ဖြစ်ပါတယ်။

ပိုက်ဆံအများကြီးနဲ့ အချစ်ကသာ ယောက်ျားတစ်ယောက်ရဲ့ နေ့ဆိုးတစ်ခုကို ပြောင်းလဲပေးနိုင်တယ်လို့ ခံယူထားတဲ့ ဘာလင်ဟာ
ပဲရစ်မြို့မှာ ဖောက်ထွင်းမှု တစ်ခုကို စီစဉ်တဲ့အကြာင်းကို Money Heist ဇာတ်လမ်းတွဲထဲက အရသာအတိုင်းကြည့်ရှုခံစားရမှာပဲဖြစ်ပါတယ်။

ဖောက်ထွင်းမှုကို စီစဉ်နေရင်း သူတို့ ဖောက်ထွင်းမယ့်သူရဲ့ ဇနီးဖြစ်သူကို ဘာလင်တစ်ယာက်
ချစ်မိသွားတဲ့အခါမှာတော့ ဘာတွေ ဆက်ဖြစ်သွားမလဲဆိုတာကို စိတ်ဝင်တစား ကြည့်ရှုခံစားရမှာ ဖြစ်ပါတယ်

The Big Door Prize (2023) Complete

ဒီတစ်ခေါက်တင်ဆက်ပေးမှာကတော့ Comedy, Drama, Sci-Fi အမျိုးအစား ဇာတ်လမ်းတွဲလေးတစ်ခု ဖြစ်ပါတယ်။

ဇာတ်လမ်းအကျဉ်းကတော့ Dusty က မြို့ငယ်လေးတစ်မြို့မှာ ဇနီးရယ် သမီးရယ်နဲ့အတူ
ကျောင်းဆရာအလုပ်လုပ်ရင်း သမားရိုးကျဘဝတစ်ခုကို ဖြတ်သန်းနေတဲ့သူပါ။
သူအသက် ၄၀ ပြည့်တဲ့နေ့မှာပဲ မြို့ငယ်လေးက စတိုင်းဆိုင်မှာ MORPHO ဆိုတဲ့
လူတွေရဲ့ ဘဝအနာဂတ်ကို ခန့်မှန်းပေးနိုင်တဲ့ စက်တစ်လုံး ပေါ်လာခဲ့ပါတယ်။
အရင်းအမြစ်သေချာမသိရတဲ့ အဲဒီစက်အကြောင်းက မြို့ငယ်လေးမှာ ရေပန်းစားလာပြီး
စတိုးဆိုင်မှာလည်း စက်ကိုစမ်းသုံးကြည့်ချင်တဲ့လူတွေ တန်းစီနေပါတယ်။
စက်ကထုတ်ပေးတဲ့ ဟောပြောချက်ကတ်တွေကြောင့် လူတော်တော်များများကလည်း
သူတို့ရဲ့လျှို့ဝှက်ထားတဲ့ ရည်မှန်းချက်တွေကို စက်ကသိနေပြီးတော့ သူတို့ကို လမ်းပြပေးနေတယ်လို့ လက်ခံလာပြီး
ဘဝအပြောင်းအလဲတွေလုပ်ဖို့ စိတ်အားထက်သန်လာကြပါတယ်။
Dusty ကတော့ စက်တစ်လုံးက အနာဂတ်ကိုပြောင်းလဲမပေးနိုင်ဘူးလို့ လက်ခံထားပေမယ့်
လူတော်တော်များများက အဲဒီအကြောင်းပဲပြောနေကြတော့ အဲဒီကိစ္စကို ခေါင်းထဲကထုတ်မရဖြစ်လာတာကြောင့်
တစ်ညမှာ စတိုင်းဆိုင်ကိုသွားပြီး စက်ကို စမ်းသုံးကြည့်လိုက်တဲ့အခါ သူ့အနာဂတ်က ဘာဖြစ်လာမလဲ၊
ဘာတွေပြောင်းလဲသွားမလဲဆိုတာကို ဇာတ်လမ်းထဲမှာပဲ ကြည့်ရှုလိုက်ပါနော်။

El Cid (2020) Season 01 Complete
===========================

~ IMDb – 6.7/10, Rotten Tomatoes – 75% ~



El Cid စီးရီးကို တော်တော်များများကတော့ ကာရိုက်တာတွေတော်တော်ကြမ်းပြီး တိုက်ပွဲခန်းတွေ တော်တော်လန်းတဲ့ဇာတ်လမ်းတွဲလို့ မှတ်ချက်ပေးထားကြတယ်။ ကြည့်သင့်တဲ့စီးရီးတစ်ခု အဖြစ်လည်း တော်တော်များများက ညွှန်းဆိုထားကြတယ်။



ဒီဇာတ်လမ်းတွဲက Rodrigo Díaz de Vivar လို့ခေါ်တဲ့ အလယ်ခေတ်စပိန်က သူရဲကောင်းတစ်ယောက်အကြောင်းကို အကျယ်တဝင့်ရိုက်ပြထားတဲ့ ဇာတ်လမ်းတွဲ။ သူ့အဖေက ဘုရင်စေလွှတ်တဲ့ နယ်စပ်ကလေးမှာ စောင့်ကြပ်ရင်း အသက်ပေးခဲ့ရတဲ့ သူရဲကောင်းတစ်ယောက်။ သူ့အဖေဟာ နိုင်ငံအတွက် အသက်ပေးတိုက်ခိုက်ရင်း သေဆုံးခဲ့ပေမဲ့ တိုင်းပြည်ကရော သူတို့အရှင်တွေကရော သူ့အဖေကို ရှိတယ်လို့တောင်မထင်ခဲ့ကြဘူး။ ဘာလို့ဆို သူ့အဖေက စစ်ရှုံးပြီး ကျရှုံးသွားတာကိုး။ ဒီတော့ သူက တိုက်ပွဲတိုင်းအောင်တဲ့ သူရဲကောင်းဖြစ်ရမယ်လို့ ဆုံးဖြတ်ခဲ့တယ်။ သူရဲကောင်းတွေရဲ့ မြင်းတွေကို အစာကျွေး မြင်းချေးကျုံးရတဲ့ အကူဘဝကနေ ကြီးကျယ်တဲ့ El Cid ဖြစ်လာတဲ့အထိ သူလျှောက်လှမ်းလာခဲ့တာတွေကို ကျွန်တော်တို့မြင်ရလိမ့်မယ်။



သူတို့ခေတ်ကိုက နိုင်ငံငယ်လေးတွေ အစိတ်စိတ်ကွဲလိုက် စစ်ဘုရင်တွေကတိုက်လိုက် ပြန်စုသွားလိုက် နန်းလုကြလိုက် ပြန်ကွဲသွားလိုက် ဖြစ်နေတဲ့ ခေတ်ဆိုတော့ နန်းတွင်းထဲက ဆွေတွေမျိုးတော်တွေ တော်ဝင်မျိုးတွေကြားက အာဏာလုပွဲတွေ၊ တိုင်းတစ်ပါးနဲ့ စစ်ပွဲတွေ အစုံပါသလို ဗာတီကန်ရဲ့ဩဇာသက်ရောက်မှုရှိနေတဲ့ နိုင်ငံတွေဖြစ်လို့ နိုင်ငံရေးလှည့်ကွက်တွေမျိုးစုံကိုလည်း မြင်ရမယ့် တကယ့်အလယ်ခေတ်စီးရီးပါပဲ။ မာယာတွေရော သတ်တာဖြတ်တာတွေရော ကြမ်းသလို မင်းသားကလည်း ပြောရရင် ဗျာဒိတ်ရသူရဲကောင်းလိုဖြစ်နေတာဆိုတော့ ဂျွန်စနိုးတောင် နည်းနည်းဆန်ချင်သလိုပါပဲ။ စိတ်ကူးယဉ်မဟုတ်ဘဲ တကယ့်ဖြစ်ရပ်ကို ရိုက်ထားတဲ့ထဲတော့ ဒီစီးရီးဟာ တော်တော်စုံလင်ပြီး ကြမ်းတဲ့စီးရီးလို့ပြောရပါမယ်။