The Great 18+ (2020-2021) S1/2/3 Complete ✅

ဒီတခါတော့ Hulu ကနေ လွှင့်ထားတဲ့ The Great ဆိုတဲ့ Mini series လေးကို တင်ဆက်လိုက်ပါတယ်။
ဇာတ်လမ်းကတော့ Comdey အမျိုးအစားဖြစ်ပြီး IMDB မှာ 7.9 နဲ့ RT မှာ 80%ထိရထားတဲ့ ဇာတ်ကားလေးပါ။
ပထမဆုံးပြောရမှာကတော့ မင်းသမီးက Elle Fanningပါပဲ။ Super 8 ထဲက ကလေးမလေးက Maleficent 1&2 နဲ့ အောင်မြင်လာခဲ့ပြီး အခုလွမ်းနေတဲ့သူတွေအတွက် The Great နဲ့ ထွက်ပေါ်လာပြန်ပါပြီ။
မင်းသမီးကတော့ ဟုတ်ပါပြီ မင်းသားကရော။ ဟုတ်ကဲ့ မင်းသားကတော့
Worm Bodies တို့ Jack:Giant Slayerရယ် X-menကားတွေထဲလည်း ပါတဲ့ Nicholas Hoult ပါပဲ။
အပြင်မှာတကယ်ရှိတဲ့ ရုရှားဧကရီ Catherine The Great ရဲ့အကြောင်းကို ကျောရိုးလေးယူပြီးComdey အနေနဲ့ရိုက်ထားတာပါ။ Comedy ဆိုပေမယ့် 18th ရာစုဝန်းကျင်မှာဖြစ်တဲ့အတွက်အမျိုးသမီးတွေကို ခွဲခြားဆက်ဆံမှုတွေအကြောင်းတွေ အဲဒီခေတ်မှာ အမျိုးသားတွေက အမျိုးသမီးတွေကို
ဘယ်လိုသဘောထားတယ်ဆိုတာတွေကိုပါ ထည့်သွင်းထားပါတယ်။ ဇာတ်လမ်းကတော့ လာလာခြင်းမှာပဲ
Catherine က Peter III က လက်ထပ်ဖို့ ထွက်ခွာလာတာနဲ့ စပါတယ်။ အင်ပါယာကြီးတခုရဲ့ ဧကရာဇ်ကို
လက်ထပ်ရမယ့်မိန်းကလေးတယောက် ရဲ့ လက်ဆောင်ကတော့ ထင်းရှူးရွက်လေး တခုပါပဲ။
သူနဲ့ ဧကရာဇ်ရဲ့ အချစ်ဟာ မီးကျီး မီးပွားလေး တခုကနေ အရှိန်ပြင်းပြင်းတောက်လောင်လာပြီး နိုင်ငံတော်ကြီး တခုလုံးကို အလင်းပေးနိုင်လောက်တဲ့အထိတောက်ပအောင်ဖြစ်စေချင်ပါသတဲ့။
ဧကရာဇ်ကတော့ ကဗျာဆန်ပါရဲ့လား။ အရင်ကပို့ခဲ့တဲ့စာတွေကတောင် သူပို့တာ မဟုတ်ပါဘူးတဲ့။
အဲလိုနဲ့ မင်္ဂလာပွဲကျင်းပပြီး မင်္ဂလာဦးညကို စိတ်ကူးယဉ်နေတဲ့မိန်းကလေးတယောက်ရဲ့စိတ်ကူးနဲ့ယောကျာ်းတယောက်ဖြစ်တဲ့ ဧကရာဇ်ရဲ့ လက်ထပ်မှုအပေါ်ထားတဲ့ သဘောထားတွေဖော်ပြရင်း
မင်္ဂလာဦးညကိုပုံဖော်ထားခဲ့တယ်။ ပြင်သစ်ကို စိတ်ဝင်စားတာချင်းတူကြပေမယ့်
ပြင်သစ်နောက်ဆုံးပေါ်ဖက်ရှင်တွေကို စိတ်ဝင်စားတဲ့ နန်းတော်က အမျိုးသမီးတွေနဲ့မတူကွဲပြားစွာ Catherine ကတော့ ပြင်သစ်အတွေးအခေါ်ပညာရှင်တွေရဲ့ စာပေတွေကိုသာစိတ်ဝင်စားဖတ်ရှုသူပါ။သူတို့က စာတောင် မဖတ်တတ်ကြဘူး။ နောက်ထပ်သူတို့စိတ်ဝင်စားတာကတော့
အိမ်ထောင်ရေး အတင်းအဖျင်းတွေပဲ။ နန်းတော်ကအမျိုးသမီးတွေရဲ့ စိတ်ဓာတ်နဲ့သူတို့ရဲ့ပျော်စရာကစားနည်းတွေကအစ Catherine နဲ့ ကွဲပြားနေခဲ့တော့တယ်။
အဲလိုနဲ့ Catherine ရဲ့ သည်းခံနိုင်မှုတွေ ကုန်ဆုံးလာတဲ့အခါမှာတော့သူဟာ
ရုရှားနိုင်ငံကြီးကို ပြောင်းလဲဖို့ ဆုံးဖြတ်ချက်ချလိုက်တော့တယ်…….
Elle လေးရဲ့ ချစ်စရာကောင်းတာလေးတွေနဲ့တင်တန်နေပါပြီ။
ဟာသတွေကလည်း ပြောတာတွေ ရယ်နေရတယ်။
အရမ်းကြီးရယ်ရအောင် လုပ်ထားတာမဟုတ်ပဲနဲ့ သူ့နေရာနဲ့သူ ထည့်ထားတယ်။
ဧကရာဇ်ကလည်း ရုပ်တည်ကြီးနဲ့ ဟာသတွေလုပ်စလာလာခြင်းကတည်းက သူနဲ့ယူမယ့်သူကို စနောက်နေတာ။
သူတယောက်နဲ့တင် ရယ်နေရတယ်။
စကားလုံးတွေကတော့ နည်းနည်းကြမ်းတာတွေပါပါတယ်။ကဲ ကြည့်ရှုခံစားလိုက်ပါအုံ

Devotion, a Story of Love and Desire (2022) (စ-ဆုံး)
--------------------------------

IMDB (6.4/10)

အချစ်နဲ့ အိမ်ထောင်ရေးဇာတ်လမ်းမျိုးကို နှစ်သက်သူတွေအတွက် Netflix Italian Original Series လေးလာပါပြီ

ကာလိုနဲ့ မာဂရီတာက ပေါင်းသင်းလာတာ ငါးနှစ်ရှိနေပြီဖြစ်တဲ့ ဇနီးမောင်နှံပါ၊ ကာလိုက အနုပညာတက္ကသိုလ်က ပါမောက္ခဖြစ်ပြီး စာရေးခြင်းနဲ့ အသက်မွေးပါတယ်

မာဂရီတာကတော့ ဗိသုကာပညာနဲ့ ဘွဲ့ရထားတဲ့ ပညာတတ်ဖြစ်ပေမယ့် အိမ်ခြံမြေအကျိုးဆောင်လုပ်နေတဲ့သူပါ၊ ပေါင်းသင်းခဲ့တဲ့ (၅) နှစ်တာလုံး မာဂရီတာက ကာလိုကိုပဲ ဦးစားပေးခဲ့တယ်ဆိုပါတော့

ကာလိုကလည်း စာမရေးတာလေးနှစ်ရှိပြီဆိုတော့ ဝင်ငွေအများကြီးရှိမနေတာကြောင့် သူတို့နှစ်ယောက်ဟာ အိမ်ငှားဘဝနဲ့နေနေရလို့ ကိုယ်ပိုင်အိမ်လေးတစ်လုံးရှာဖွေနေကြတာပါ

ဒီလိုနဲ့ သူတို့ရဲ့နှစ်ယောက်တစ်ကမ္ဘာလေးထဲကို ဆိုဖီယာဆိုတဲ့ (၂၀) အရွယ်ဆယ်ကျော်သက်လေးတစ်ယောက်ဝင်ရောက်လာခဲ့ပါတယ်

ဆိုဖီယာက အသက်ကငယ်ငယ်၊ လှရေးကြွယ်ပြီး နူးညံ့သိမ်မွေ့သူလေးဖြစ်နေတော့ ကာလိုရဲ့စိတ်တွေဟာလည်း ရေကန်ထဲကို ခဲလုံးပစ်ချလိုက်သလို လှုပ်ခါလာပါတော့တယ်

ငါးနှစ်လုံး မာဂရီတာအပေါ်သစ္စာရှိခဲ့တဲ့ ကာလိုရဲ့သစ္စာတရားဟာ မေးခွန်းထုတ်စရာတွေဖြစ်လာခဲ့ပြီး သူ့ကိုအလိုလိုက်ချစ်ခဲ့တဲ့ မာဂရီတာအပေါ်အချစ်တွေလျော့ပစ်ခွာသွားမလား၊ သူတို့ရဲ့ငါးနှစ်တာအိမ်ထောင်ရေးကရော ဘာတွေဆက်ဖြစ်လာမလဲဆိုတာကိုတော့

အချစ်မေတ္တာနဲ့ လိုအင်တပ်မက်မှုအကြောင်းဇာတ်ကွက်ပုံဖော်ထားပြီး (18+) အခန်းလေးတွေပါပါဝင်တဲ့ အချစ်ဇာတ်လမ်းလေးတစ်ပုဒ်ပဲဖြစ်ပါတယ်

𝐍𝐢𝐤𝐢𝐭𝐚