افتتحت السنه الجديده بمخالفه.!

و انت/ي؟!

يغرك التفكير في بعض الأوهام
وتشوفنا مخطين وتصد عنا

لا تَحسب إنا للمقفين خداّم
من يتبع المقفين ماهو حنا

مالك علينا حق في وصل الارحام
عشان نمشيلك على ما … تمنى .

ياحبيبي يمرض الشوق في بعض الليال
أبعد الله … عني و عنك "تأثير" المرض

ودي أسلى .. لكن شلون والسلوة محال
بعد زادت حلكة الليل والعارض عرض

مكتفي باللي يجي منك من باب الوصال
إن عجزت تسوي الصعب سوي المفترض

أرسل … إن عيت عليك الظروف الاتصال
الرسايل بعض الاحيان توفي بالغرض

-

يا جعلني ما انحرم وصلك لو إنه حرام
امنت بـ اقدار حبي لك وربي غفور

احتاج قربك مثل ما احتاج حلو المنام
والحاجه تخلي الواحد يلف ويدور ..

-

له اللّٰه خفوقٍ منك جرّب وشاف وعاف
ولا عاضه اللي ينثر الحسن ، ويلمه

تبسّم فديتك وافهق الهم عنك خلاف
الا يابعد من حط همك .. على همه

ولا تلحق دموع الحسافه على ماطاف
عطايب طعونك عندي ابرد من الجمه

اعتقد وصلت انا والحظ لـ آخر حلقه
كل ماقلت استوت لي قال كثر منها

-

من لذّة النفس و الآثام وجهي شحوب
مذنب و أحسب الليالي كلها تسليه

يا الله ثوابك ليا من جيت من غير ثوب
بـ الجنه البارده و الرحمه المنجيه .

خبرتوا لي حدٍ قلبه .. يشابه بالحنان أبوي ؟
يخاف من المطر يقسى علي ويجرح ثيابي

غلاك لو انه يقسَم على الخلق
حتى عدوي يمكن يصير غالي

(E)

ظنوا ان الصمت في وجهي رضى
مادروا بالصمت في وجهي جدال

نظرتي اوسع من - حدود الفضى
والسكوت ابعد من حدود الخيال

شف على كثر الكلام اللي مضى
ماعطيت مدوّر - الزلّه - مجال

من نوى صدي ف انا جمرٍة غضى
ومن نوى وصلي ف انا ماءٍ زلال .

-