العام من شان عينه نزعل احباب
ونقوم ونطيح يوم الشان شانه

واليوم صرنا بعينه مثل الاجناب
حتى سلامه علينا فيه اهانه ..

الصدمه اللي تجي من جيز خلق الله
تصدم جدار الثقه وتموت طوالي .

جيتي وأنا ادور مجيك من زمان
لا يابعد كل الوجيه النّيره

وشلون بعطيك السلامه والأمان
وانا فهد . . وانتي غزالٍ مثيره .

وطبع حبك بقلبي والأيام ما تمحيه هـذا هجرك يحاول يموجه ولا ماجه
يموت الأمل لكن ظنون الغلا تحييه وعروق الوفا فالروح والقلب وجاجة .

‏أعظم تساؤل :
‏إن ذبحني طاري الفرقا وش انتِ مستفيده؟

انا منيب سيف يلمع نهار العيد
انا سيف حربً ضالمينه هل العرضه .

دعيتيه بأسمه من حوالي ثلاث شهور
وهو من ثلاث شهور ماعيّن الراحه

مازاح الستار اللي على سدك المستور
على كثر من وده يزيحه ولا زاحه

يشوف الغلا فعيونك الناعسات الحور
مثل من يشوف الموت فعيون ذبّاحه .

في مثل هذي العيون اللي هدبها كثيف
تسلم الروح .. ويموت الشجاع بـ شرف.

مضارب رموشها اللي حدها حد سيف
مكانها الصدر واللي غيرها فـ الطرف .

راحت بـ قلبي مثل ماراح حكم الشريف
مراح غرسٍ جرفه السيل .. يوم إنجرف

وإن مال ذاك القوام المنصهر يا لطيف
غصنٍ لاهب النسيم يميل منه طرف

أطيح طيحة قوي ماهيب طيحة ضعيف
طيحة شجاعٍ هزمه الحب لين إعترف .

الطواري كل مطلع صبح .. تسرج قبا
والغلا مثل الشجاع اللي مايثلم سيفه .

تساؤل :
البرود اللي بدون أسباب وش تعريفه ؟

أنت مايحتاج لك خطة ورسم اطبّا
الله اللي راسم زينك كذا من كيفه .

تمنيت العمر وياك لكن للظروف احكام
وانا ربي حكم اني احبك وانحرم منك .

أخاف قحطان مع الايام تدريبه
والله يابيت الفرج ماينقفل بابه

حنا خذينا الحكم والمجد والهيبه
وشلون ماناخذ المحبوب لأحبابه .

وحن قحاطين لي جات السبايا فلول
سلمنا يقصر الفنجال عمن جفل

ننقلب جن واعقلنا يصير مهبول
يفقد العقل وإليا اشفا غليله عقل .

وبنت الردي لايعجبك زينها الجذاب
تراها كما المخيال خيل وتخيالي

ولو شفت حمر خدودها والثمان عذاب
لابدك تمنى ليت . . ماجالك عيالي

ولدها لياشاف اللقاء والملاقا هاب
بخيل ذليلٍ فيه خفخاف وجفالي

اخذ بنت قرمن طيبن ساسها ماعاب
تنومسك بنت الشبل ويجيك اشبالي .