1⃣“Kirpi konsepsiyasi” (The Hedgehog Concept). Buyuk kompaniyalar kirpi kabi harakat qilishadi — ular yuzlab g‘oyalarga chalg‘imasdan, bitta asosiy kompetensiyaga fokuslanishadi. Ushbu strategiya uchta savol kesishmasida yotadi:
— Biz dunyoda qaysi yo’nalishda eng yaxshi bo‘la olamiz?
— Bizning iqtisodiy modelimizni harakatlantiruvchi kuchi nima?
— Nima bizni chin dildan ilhomlantiradi?

2⃣Avval “Kim”, keyin “Nima”. O‘rtamiyona kompaniyalar avval strategiyani o‘ylab topishadi, keyin esa uning ostiga odamlarni moslashtirishga urinishadi. Buyuk kompaniyalar esa avval o‘z “avtobusi”ga kerakli odamlarni yig‘ishadi, tasodifiy yo‘lovchilardan xalos bo‘lishadi va shundan keyingina bu “avtobus” qayerga qarab yurishini hal qilishadi. Investor uchun faqatgina xarizmatik lider shaxsiga emas, balki boshqaruv jamoasining sifati va intizomiga baho berish birinchi darajali vazifadir.

3⃣G‘ildirak effekti (The Flywheel). Buyuk natijalar hech qachon bir lahzali mo‘jizaviy qaror yoki tasodifiy omad hosilasi hisoblanmaydi. Biznes — bu og‘ir g’ildirakdir. Avvaliga siz uni uzoq va qat’iyat bilan bir tomonga qarab itarasiz va ko‘zga ko‘rinarli natijani darrov ko‘rmaysiz. Ammo tizimli va ketma-ket harakatlar hisobiga g’ildirak inersiya yig‘adi va katta tezlikda aylana boshlaydi. Aynan mana shunday kompaniyalarga uzoq muddatga investitsiya kiritish lozim.

⏺Toshkent xalqaro moliya markazi tashkil etiladi: Markaz ishtirokchilari uchun foyda, QQS, mol-mulk soliqlari va bojxona bojlari 0 foiz etib belgilanadi. Kapitalning erkin harakati va istalgan valyutada hisob-kitob qilish kafolatlanadi. Dastlabki bosqichda ushbu imtiyozlar muddati 50 yilni tashkil etadi. Markazda Angliya huquqiga asoslangan maxsus tartib va mustaqil xalqaro tijorat sudi joriy etiladi.

⏺Huquqiy baza mustahkamlanadi: Islohotlarning huquqiy poydevori sifatida yaqin orada “Kapital bozori to‘g‘risida”gi va “Muqobil investitsiya jamg‘armalari to‘g‘risida”gi qonunlar qabul qilinadi.

⏺Xalqaro infratuzilma integratsiyasi: O‘zbekistonda xalqaro kliring kompaniyalarining faoliyat ko‘rsatishi uchun keng imkoniyatlar ochiladi.

⏺Yangi moliyaviy vositalar va IPO: Investitsiya oqimini diversifikatsiya qilish maqsadida suveren islom obligatsiyalari — sukuk dasturini amalga oshirish boshlanadi. Shuningdek, qator yirik kompaniyalarni IPOga chiqarishga tayyorgarlik ko‘rilmoqda.

⏺Xususiylashtirish dasturi: Joriy yilda xususiylashtirish doirasida 6 milliard dollarlik ko‘chmas mulk, korxonalardagi davlat ulushi va yer uchastkalari auksionga chiqariladi.