Mazkur e’tirofga sazovor bo‘lgan ushbu raqamli mahsulot OneID tizimi bilan integratsiya qilingan bo‘lib, investorlarga uydan chiqmagan holda masofaviy identifikatsiyadan o‘tish va depo hisobvaraqlarini onlayn ochish imkoniyatini taqdim etadi. Foydalanuvchilar o‘zlariga tegishli bo‘lgan barcha qimmatli qog‘ozlar portfelini real vaqt rejimida monitoring qilib borishlari va hisobvaraqlardan istalgan vaqtda onlayn ko‘chirmalar olishlari mumkin. Tizim orqali depozitar operatsiyalarini masofaviy rasmiylashtirish va xizmatlar uchun to‘lovlarni ilova ichida onlayn amalga oshirish yo‘lga qo‘yilganligi qog‘ozbozlikdan butunlay voz kechish imkonini berdi. Bundan tashqari, hisobvaraqlardagi har qanday harakatlar yuzasidan yuboriladigan tezkor bildirishnomalar (push-notifications) hamda zamonaviy biometrik himoya tizimi foydalanuvchi aktivlarining xavfsizligi va uzluksiz nazoratini kafolatlaydi.

1⃣“Sehrli formula”ning mohiyati. Grinblatt bozorni ikkita fundamental ko‘rsatkich asosida saralashni taklif qiladi:
⏺Biznesning sifati: kompaniya o‘z kapitaliga nisbatan qanchalik yuqori foyda keltirayotganligi (yuqori ROIC ko‘rsatkichi);
⏺Aktivning narxi: kompaniya o‘z daromadiga nisbatan qanchalik arzon baholanayotganligi (past P/E yoki EV/EBIT koeffitsiyentlari). Tizim ushbu omillarning eng yaxshi uyg‘unligiga ega kompaniyalarni tanlaydi va kelajakni fol ochib topish zaruratini yo‘qqa chiqaradi.

2⃣Uzoq muddatli intizom kuchi. Formula har doim ham darhol natija beravermaydi va uning asosiy siri ham aynan shunda. U 1-2 yillik qisqa davr ichida bozordan ortda qolishi mumkin, shu sababli ham qisqa muddatli investorlarning aksariyati undan voz kechadi. Ammo 3 yildan 5 yilgacha bo‘lgan davrda ushbu strategiya indeks fondlarini barqaror ravishda ortda qoldiradi.

3⃣ Bozordagi nomutanosibliklardan unumli foydalanish. Qisqa muddatli istiqbolda aksiyalar narxi olomonning his-tuyg‘ulari (ochko‘zlik va qo‘rquv) ta’sirida shakllanadi. Shu bois, hatto eng yaxshi bizneslar ham vaqtincha real qiymatidan ancha past narxda sotilishi mumkin. Tizimli investorning vazifasi — formula yordamida bozorning mana shunday vaqtinchalik xatolari va o‘tkinchi tebranishlaridan sovuqqonlik bilan foydalanishdir.