🗓 Qimmatli qog'ozlar Markaziy depozitariysining bayram kunlaridagi ish tartibi

🕊9-may — Xotira va qadrlash kuni munosabati bilan belgilangan bayram va qo‘shimcha dam olish kunlariga muvofiq, Qimmatli qog‘ozlar markaziy depozitariysi quyidagi grafik asosida ishlaydi:

⏺9-may (shanba) — Xotira va qadrlash kuni (bayram, barcha uchun dam olish kuni);

⏺10-may (yakshanba) — barcha uchun odatiy dam olish kuni;

⏺11-may (dushanba) — ko‘chirilgan dam olish kuni.

✅ 2026-yil 12-maydan (seshanba) boshlab barcha operatsiyalar va xizmat ko‘rsatish odatiy ish tartibida davom ettiriladi.

RU🇷🇺

📱Web 📱Telegram 📱Instagram 📱Facebook 📱Youtube 📱Linkedin

🗳 E-vote: aksiyadorlar yig‘ilishida masofadan turib ishtirok eting!

🗣 Aksiyadorlar va kuzatuv kengashi a’zolari uchun yig‘ilishlarda qatnashish endi geografik chegaralarni bilmaydi. E-vote elektron ovoz berish platformasi orqali siz emitentlar yig‘ilishlariga to‘g‘ridan-to‘g‘ri ulanib, jarayonlarni jonli efirda kuzatishingiz, kun tartibidagi materiallar bilan oldindan tanishishingiz va elektron byulletenlar orqali onlayn ovoz berishingiz mumkin. Buning uchun sizda internet va OneID orqali tasdiqlangan akkaunt bo‘lsa kifoya.

⏺Tizimning yagona va tushunarli interfeysi barcha jarayonlarni ochiq-oydin ko‘rsatib turadi. Shuningdek, emitent bilan onlayn muloqot qilish va kerakli xizmatlarni masofadan tanlash imkoniyati yaratilgan. Barcha ma’lumotlar xavfsiz aloqa kanallari orqali himoyalanadi.

🔔Platformadan foydalanish bo‘yicha batafsil yo‘riqnoma bilan evote.uz saytida tanishishingiz mumkin.

Murojaat uchun:
📞 +998 (71) 211-09-09 (ichki raqam: 162)
🛜 www.evote.uz

RU🇷🇺

📱Web 📱Telegram 📱Instagram 📱Facebook 📱Youtube 📱Linkedin

🇺🇿9-may — Xotira va qadrlash kuni muborak bo‘lsin!

✨ Bugun biz tariximizning o‘chmas sahifalarini esga olamiz, xalqimizning jasorati va matonati oldida ta’zim qilamiz. Bu kun — tinchlik va ozodlik yo‘lida jonini fido qilgan ajdodlarimiz xotirasini yod etish, safimizda bo‘lgan faxriylarimizga cheksiz minnatdorchilik bildirish kunidir.

🗣Markaziy depozitariy jamoasi barcha yurtdoshlarimizni ushbu qutlug‘ ayyom bilan chin qalbdan muborakbod etadi.

🕊Yurtimiz osmoni hamisha musaffo, xonadonlarimizda esa tinchlik-osoyishtalik va qut-baraka hukm sursin. Bizga bugungi yorug‘ kunlarni tuhfa etgan qahramonlarimizning jasorati hech qachon unutilmaydi.

RU🇷🇺

📱Web 📱Telegram 📱Instagram 📱Facebook 📱Youtube 📱Linkedin

📣 E-vote — zamonaviy aksiyadorlar va ilg‘or emitentlar tanlovi!

🗣Bugungi shiddatli zamonda masofa korporativ qarorlar qabul qilishga to‘sqinlik qilmasligi kerak. E-vote platformasi aynan shu maqsadda — jarayonlarni soddalashtirish va shaffoflikni ta’minlash uchun yaratilgan.

❔ Nima uchun aynan E-vote?

🗣Aksiyadorlar uchun

⏺Geografik erkinlik: Dunyoning istalgan nuqtasidan turib yig‘ilishda to‘laqonli ishtirok etish imkoniyati.

⏺Tezkorlik: Elektron byulletenlar kutishlarsiz, bir zumda yetkaziladi.

⏺Xavfsizlik: Ovoz berish jarayoni eng zamonaviy himoya tizimlari bilan ta’minlangan.

🗣Emitentlar uchun

⏺Xalqaro standart: Korporativ boshqaruvni xalqaro talablar darajasiga olib chiqadi.

⏺Jozibadorlik: Shaffoflik investorlar va hamkorlar oldida kompaniya nufuzini oshiradi.

⏺Faollik: Aksiyadorlarning yig‘ilishlardagi ishtiroki va qaror qabul qilishdagi ulushi sezilarli darajada o‘sadi.

✅ Eng asosiysi: Barcha natijalar inson omilisiz, real vaqt rejimida avtomatik shakllanadi. Bu — xatolik va noaniqliklarga o‘rin qoldirmaydi.

✨ Markaziy depozitariyning E-vote platformasi bilan har bir ovoz muhim, har bir yig‘ilish esa samarali!

Murojaat uchun:
📞 +998 (71) 211-09-09 (ichki raqam: 162)
🛜 www.evote.uz

RU🇷🇺

📱Web 📱Telegram 📱Instagram 📱Facebook 📱Youtube 📱Linkedin

🗓 2026-YIL 1-CHORAKNING TOP-5 EMITENTI
 
🗣Markaziy depozitariy tizimida hisobga olingan aksiyadorlik jamiyatlari va ularning ustav kapitallari bo‘yicha 2026-yilning 1-chorak yakunlari sarhisob qilinganda, jami AJlar soni 699 tani, ularning umumiy ustav kapitali hajmi esa 264,94 trln so‘mni tashkil etdi.
 
💻 Bozorning qariyb 35,4 foizi quyidagi beshta yirik emitent hissasiga to‘g‘ri kelmoqda:
 
1⃣“O'zbekiston Milliy Investitsiya Jamg'armasi” AJ — 25,27 trln so‘m
2⃣“O'zbekneftgaz” AJ — 22,48 trln so‘m
3⃣“O'zmilliybank” AJ — 17,77 trln so‘m
4⃣“Navoiy kon-metallurgiya kombinati” AJ — 15,07 trln so‘m
5⃣“Issiqlik elektr stansiyalari” AJ — 13,31 trln so‘m

RU🇷🇺

📱Web 📱Telegram 📱Instagram 📱Facebook 📱Youtube 📱Linkedin

✍✍✍✍✍✍✍

🌐 Global moliyaviy ko‘prik: O‘zbekiston kapital bozoridagi tarixiy IPO

🗣2026-yil 18-may kuni O‘zbekiston o‘z iqtisodiy tarixida yangi sahifa ochdi — O‘zbekiston Respublikasi Milliy investitsiya jamg‘armasi (UzNIF) aksiyalari bir vaqtning o‘zida ham Toshkent fond birjasida aksiya shaklida, ham London fond birjasida global depozitar tilxatlar (GDR) shaklida muvaffaqiyatli joylashtirildi. Bu voqea nafaqat mamlakat kapital bozorining xalqaro moliyaviy tizimga integratsiyalashuvida muhim burilish nuqtasi bo‘ldi, balki milliy infratuzilmaning xalqaro amaliyot va zamonaviy talablarga mos ravishda rivojlanayotganini ham namoyon etdi.

⏺Mazkur murakkab va ko‘lamli global jarayonda Qimmatli qog‘ozlar markaziy depozitariysi asosiy infratuzilmaviy institutlardan biri hisoblanadi.

💬 Xalqaro amaliyotga ko‘ra, The Bank of New York Mellon tomonidan global depozitar tilxatlar (GDR) chiqarilishi uchun, eng avvalo, ushbu tilxatlarning zamirida turgan bazaviy aktiv — ya’ni UzNIF aksiyalarining ishonchli va markazlashgan hisob tizimida saqlanishi talab etiladi. Markaziy depozitariy ushbu poydevor vazifasini to‘liq ta’minlab berdi.

Aynan Markaziy depozitariyda xorijiy kastodian bankning depozitar hisobvarag‘i ochildi va Londonda savdoga chiqarilgan GDRlar uchun asos bo‘lgan milliy aksiyalar mazkur hisobvaraqqa o‘tkazilishi ta’minlab berildi. E’tiborli jihati, Markaziy depozitariy o‘z tarixida birinchi marta xorijiy va xalqaro banklar uchun depozitar vakillik (nominal saqlovchi) hisobvaraqlarini ochdi. Bu xorijning eng yirik moliya institutlari va kastodianlari O‘zbekistonning mahalliy depozitar infratuzilmasiga to‘liq ishonch bildirayotganidan dalolat beradi.

⏺Markaziy depozitariyning roli faqatgina aksiyalarni xavfsiz saqlash bilan cheklanib qolmaydi. Endilikda u emitent (UzNIF) va global investorlar o‘rtasidagi muhim axborot hamda korporativ kommunikatsiya ko‘prigiga aylandi.

Jamg‘arma tomonidan qabul qilinadigan har qanday muhim korporativ qarorlar — dividend to‘lovlari, aksiyadorlarning umumiy yig‘ilishi, ovoz berish jarayonlari, aksiyalar konvertatsiyasi yoki boshqa korporativ harakatlar haqidagi ma’lumotlar Markaziy depozitariy orqali xalqaro bozorga tizimli va tezkor ravishda uzatiladi.

⏺Markaziy depozitariy o‘zining aksiyadorlar reyestri va zamonaviy hisob tizimi asosida dividend olish huquqiga ega bo‘lgan investorlarni aniq belgilaydi va mablag‘larning o‘z vaqtida, aniq taqsimlanishini kafolatlaydi.

Yangi tizimga ko‘ra, GDR egalari bo‘lgan xorijiy investorlarga ham dividendlar va muhim korporativ ma’lumotlar Markaziy depozitariydan xorijiy depozitar bank va kastodian infratuzilmasi orqali zanjirsimon tarzda, xalqaro standartlar asosida yetkazib beriladi.

🗣UzNIFning Londondagi muvaffaqiyatli debyuti O‘zbekiston kapital bozori uchun yangi davrni boshlab berdi. Ushbu davrda Markaziy depozitariy o‘z faoliyatini xalqaro andozalarga muvofiq transformatsiya qilishda davom etadi va milliy bozorning xalqaro investorlar uchun xavfsiz, shaffof hamda jozibador bo‘lishini ta’minlashda muhim ko‘prik bo‘lib xizmat qiladi.

RU🇷🇺 EN🇬🇧

📱Web 📱Telegram 📱Instagram 📱Facebook 📱Youtube 📱Linkedin

💻Korporativ obligatsiyalar bo‘yicha kupon to‘lovlari

🗣Qimmatli qog‘ozlar Markaziy depozitariysi 2026-yil 20-may holatiga yuqorida keltirilgan korporativ obligatsiyalar bo‘yicha navbatdagi kupon daromadlari to‘lanishi kutilayotganini ma’lum qiladi.

⏺Mazkur to‘lovlar emitentning chiqaruv shartlarida belgilangan muddatlarda va tartibda amalga oshiriladi. Qo‘shimcha ma’lumot uchun emitentga yoki xizmat ko‘rsatuvchi investitsiya vositachisiga murojaat qilishingiz mumkin.

RU🇷🇺 EN🇬🇧

📱Web 📱Telegram 📱Instagram 📱Facebook 📱Youtube 📱Linkedin

✅ Aksiyalar bo‘yicha dividend to‘lovlari

🗣Qimmatli qog‘ozlar Markaziy depozitariysi 2026-yil 20-may holatiga yuqorida keltirilgan aksiyalar bo‘yicha navbatdagi dividend daromadlari to‘lanishi kutilayotganini ma’lum qiladi.

⏺Mazkur to‘lovlar amaldagi qonunchilikda hamda aksiyadorlarning umumiy yig‘ilishi qarorida belgilangan muddatlarda va tartibda amalga oshiriladi. Qo‘shimcha ma’lumot uchun emitentga yoki xizmat ko‘rsatuvchi investitsiya vositachisiga murojaat qilishingiz mumkin.

RU🇷🇺 EN🇬🇧

📱Web 📱Telegram 📱Instagram 📱Facebook 📱Youtube 📱Linkedin

✍✍✍✍✍✍✍

🏛 Qimmatli qog‘ozlar markaziy depozitariysi O‘zbekiston Respublikasi Milliy investitsiya jamg‘armasining IPOsiga bag‘ishlangan tadbirda ishtirok etdi

🌐 2026-yil 20-may kuni Toshkent shahrida O‘zbekiston Respublikasi Milliy investitsiya jamg‘armasi (UzNIF) IPOsiga bag‘ishlangan tadbir bo‘lib o‘tdi. Tadbirda davlat organlari, xalqaro moliya institutlari, fond bozori infratuzilmasi, shu jumladan, Qimmatli qog‘ozlar markaziy depozitariysi hamda kapital bozorining professional ishtirokchilari vakillari qatnashdilar.

🗣O‘zbekiston Respublikasi Milliy investitsiya jamg‘armasi kapital bozorini rivojlantirish, investitsiya imkoniyatlarini kengaytirish hamda xalqaro investorlarning O‘zbekiston Respublikasi iqtisodiyotiga bo‘lgan qiziqishini oshirishga qaratilgan eng muhim strategik loyihalardan biri hisoblanadi.

🗣Ishtirokchilarning alohida e’tibori London fond birjasida (LSE) O‘zbekiston Respublikasi Milliy investitsiya jamg‘armasi savdolarining ochilish marosimi hamda London fond birjasi va “Toshkent” respublika fond birjasidagi yakuniy narxlar aks ettirilgan bozor yopilish marosimi (Market Close) videolavhalari namoyishiga qaratildi.

🗣Qimmatli qog‘ozlar markaziy depozitariysining ushbu tadbirdagi ishtiroki O‘zbekiston Respublikasi kapital bozori infratuzilmasini rivojlantirish, qimmatli qog‘ozlarga bo‘lgan huquqlarni hisobga olishning zamonaviy mexanizmlarini joriy etish, depozitar tizimining ishonchliligini oshirish hamda milliy bozorning xalqaro moliyaviy makonga integratsiyalashuviga ko‘maklashish borasidagi tizimli ishlarning uzviy davomidir.

🗣Qimmatli qog‘ozlar markaziy depozitariysi investorlar va bozorning professional ishtirokchilari zamonaviy talablariga javob beradigan qimmatli qog‘ozlar bozorining shaffof, ishonchli va samarali infratuzilmasini rivojlantirishga ko‘maklashishda davom etadi.

RU🇷🇺 EN🇬🇧

📱Web 📱Telegram 📱Instagram 📱Facebook 📱Youtube 📱Linkedin

💻Korporativ obligatsiyalar bo‘yicha kupon to‘lovlari

🗣Qimmatli qog‘ozlar Markaziy depozitariysi 2026-yil 21-may holatiga yuqorida keltirilgan korporativ obligatsiyalar bo‘yicha navbatdagi kupon daromadlari to‘lanishi kutilayotganini ma’lum qiladi.

⏺Mazkur to‘lovlar emitentning chiqaruv shartlarida belgilangan muddatlarda va tartibda amalga oshiriladi. Qo‘shimcha ma’lumot uchun emitentga yoki xizmat ko‘rsatuvchi investitsiya vositachisiga murojaat qilishingiz mumkin.

RU🇷🇺 EN🇬🇧

📱Web 📱Telegram 📱Instagram 📱Facebook 📱Youtube 📱Linkedin