🟦 BOY BO‘LISH — BU SIZNING MAS’ULIYATINGIZ!

📚 Bodo Shefer — “Moliyaviy erkinlikka yo‘l”

🗣 Ko‘pchilik boylikni omad deb hisoblaydi. Bodo Shefer esa aksini isbotlaydi: boylik — bu siz o‘zingizga qo‘ygan intizom va qoidalarning natijasidir. Agar yetti yil ichida birinchi millioningizga ega bo‘lishni istasangiz, pul haqidagi qarashlaringizni tubdan o‘zgartirishingiz shart.

❔ “Moliyaviy erkinlikka yo‘l” asarini nega o‘qish shart?

⏺ Ushbu kitob — shunchaki nazariya emas, balki kambag‘allik tafakkuridan qutulish va kapital yig‘ish bo‘yicha amaliy yo‘riqnomadir. Shefer sizga qanday qilib daromadni oshirish, xarajatni jilovlash va "oltin tuxum qo‘yuvchi g‘oz"ni yaratishni o‘rgatadi.

🔔 Investor uchun 3 ta qat’iy dars:

🔵 O‘zingizga to‘lang (10 foiz qoidasi). Har qanday daromad tushganda, eng birinchi qiladigan ishingiz — uning kamida 10 foizini jamg‘arish bo‘lsin. Bu pullar sizning kelajakdagi kapitalingiz uchun “daxlsiz fond”dir.

🔵 “Oltin tuxum qo‘yuvchi g‘oz”ni asrang. Sizning jamg‘armangiz — bu g‘oz. Undan keladigan foizlar esa — oltin tuxumlar. Hech qachon asosiy kapitalni (g‘ozni) sarflamang! Haqiqiy boy odam — bu o‘z kapitaliga emas, balki kapitalidan keladigan foyda (tuxum) hisobiga yashaydigan odamdir.

🔵 Daromad oshsa, xarajatni oshirmang. Ko‘pchilik ko‘proq pul topishi bilan qimmatroq mashina yoki telefon oladi. Sheferning maslahati: daromadingiz har gal oshganda, o‘sha oshgan qismning 50 foizini jamg‘armaga yo‘naltiring. Shundagina kapitalingiz geometrik progressiyada o‘sadi.

❕ Boylik — bu sizning qancha topayotganingiz emas, balki o‘zingizda qancha pul olib qola olganingizdir. Bugungi tejamkorlik — ertangi moliyaviy erkinlikning narxidir.

#InvestorKutubxonasi

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

✍️✍️✍️✍️

🌐 Qimmatli qog'ozlar markaziy depozitariysi: Infratuzilmaviy transformatsiyaning yangi bosqichi

🇺🇿 Prezidentimizning PF-254-sonli Farmoni Markaziy depozitariyning kapital bozoridagi rolini tubdan o‘zgartirdi. Endilikda muassasa shunchaki hisob yurituvchi tizim emas, balki global bozorlar bilan integratsiyani ta’minlovchi asosiy infratuzilmalardan biriga aylanmoqda.

🗣Ushbu islohotlar xalqaro moliya instrumentlarini joriy etish, valyutadagi hisob-kitoblar shaffofligini ta'minlash va obligatsiyalar bo‘yicha to‘lovlarni kafolatlash orqali O‘zbekiston bozorini jahon kapitali uchun jozibador qiladi.

📹 Batafsil videoda.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

#KunSavoli

❔ Dividend olish huquqiga ega aksiyadorlar reyestriga kiritilganligimni qanday aniqlash mumkin?

⏺ Dividendlar to‘lash to‘g‘risidagi qaror (shu jumladan, dividendlar miqdori, aksiyalarning har bir turi bo‘yicha ularni to‘lash muddati va tartibi) Jamiyat aksiyadorlarining umumiy yig‘ilishi tomonidan qabul qilinadi.

⏺ Agar emitent Markaziy depozitariy bilan dividendlarni to‘lash to‘g‘risida shartnoma tuzgan va aksiyadorlar reyestrini shakllantirish hamda ushbu reyestrga muvofiq dividendlar to‘lash uchun buyurtma bergan bo‘lsa, Markaziy depozitariy reyestrga kiritilgan barcha aksiyadorlarga dividendlar hisoblanganligi to‘g‘risida tegishli SMS-xabarlar yuboradi. Bu holda, aksiyadorning shaxsiy ma’lumotlarida joriy mobil aloqa vositasi raqamining mavjudligi muhim shart hisoblanadi.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

🟦 BOYLIKKA ELTUVCHI 5 TA OLTIN QOIDA: QADIMGI BOBIL SIRLARI

📚 Jorj Kleyson — “Bobillik eng boy odam”

🗣 Nima uchun ba’zi odamlar tinmay mehnat qilsa-da, hamon hamyoni bo‘sh, boshqalari esa boyib boraveradi? Javob qadimgi Bobilning qumloq ko‘chalari kabi oddiy, ammo o‘zgarmas qoidalarda yashiringan.

❔ “Bobillik eng boy odam”ni nega o‘qish shart?

⏺ Ushbu asar 100 yildan beri dunyo investorlarining kitob javonidan mustahkam o’rin olib kelmoqda. Muallif boylikka erishishning murakkab formulalarini emas, balki asrlar davomida sinovdan o‘tgan oddiy tamoyillarni hikoya qiladi.

❕ Investor uchun 3 ta hayotiy dars:

⏺ Hamyoningizni semirtirishni boshlang. Har qanday daromadingizning kamida 1/10 qismini o’zingizga olib qo'ying. Bu pul — sizning kelajakdagi investitsion “armiyangiz” uchun birinchi askarlardir.

⏺ Oltinni asrashni o‘rganing. Pulni ko‘paytirishdan oldin uni yo‘qotmaslikni o‘rganish kerak. Maslahatni ushbu sohada tajribasi bor odamdan oling. G'isht teruvchidan oltin haqida maslahat so'rash — bu xatodir.

⏺ Uyingiz — bu investitsiya emas, boshpana. Kitobda o'z uyingga ega bo'lish xarajatlarni kamaytirishi aytiladi, lekin zamonaviy investor uchun eng muhim dars — aktiv va passivni ajrata olishdir.

💻 Boylik — bu kutilmagan omad emas, balki aniq intizom natijasidir. Agar siz bugun daromadingizning bir qismini investitsiya qilishni boshlamasangiz, ertaga ham xuddi hozirgidek yashashga majbur bo'lasiz.

#InvestorKutubxonasi

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

✍✍✍✍✍✍✍

🌐 2026-yil 27-fevral kuni Qimmatli qog‘ozlar markaziy depozitariysida Deutsche Bank vakillari bilan uchrashuv bo‘lib o‘tdi. Muloqot davomida global depozitar tilxatlarni (GDR) chiqarish va ularga xizmat ko‘rsatish, shuningdek, Deutsche Bank hamda Markaziy depozitariy o‘rtasidagi hamkorlik masalalari muhokama qilindi.

🗣 Uchrashuvda GDR dasturi tuzilmasida Deutsche Bank'ning o‘rni, mazkur sohadagi boy tajribasi, xususan, MDH mamlakatlari kompaniyalari qimmatli qog‘ozlarini London Stock Exchange (LSE) listingiga kiritish amaliyoti atroflicha ko‘rib chiqildi.

✅ Shu bilan birga, tomonlar o‘zaro hamkorlikni yo‘lga qo‘yish, aktivlarni saqlash va hisob-kitob xizmatlarini tashkil etish, GDR dasturini tartibga solishning huquqiy jihatlari hamda ushbu instrumentdan xususiylashtirish jarayonlarida foydalanish imkoniyatlari yuzasidan fikr almashdilar.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin