🔐 Qimmatli qog‘ozlar bozori ishtirokchilari diqqatiga!

🔎 Kapital bozorida raqamli xizmatlar va dividend toʻlovlari jarayonida xavfsizlik madaniyati juda muhimdir. Markaziy depozitariy tomonidan investorlarning shaxsiy ma’lumotlarini himoya qilish maqsadida qo‘shimcha choralar ko‘rilgan bo‘lib, ma’lumotlarni sizning roziligingiz asosida tizimlarga (bank, sug‘urta, moliya tashkilotlari) taqdim etish yoki cheklash imkoniyati yo‘lga qo‘yildi.

🗣Agar siz Markaziy depozitariyning "UzCSD" mobil ilovasidan to'laqonli foydalanishni xohlasangiz, OneID tizimi orqali quyidagi amallarni bajarishingiz mumkin:

⏺ Kompyuter orqali id.egov.uz saytiga o‘ting.
⏺ Tizimda ro‘yxatdan o‘tmagan bo‘lsangiz, buni bajaring.
⏺ Saytda ko‘rsatilgan usullar bilan tizimga kiring.
⏺ ERI (imzo) yoki Mobile-ID yordamida "Shaxsga doir ma’lumotlarni boshqarish" bo‘limida xizmatni faollashtiring.
⏺ "Qimmatli qog'ozlar Markaziy depozitariysi" nomi qarshisidagi qulf belgisini oching yoki yoping.

❕ Maslahat: Agar OneID tizimga QR-kod orqali kirish usulini tanlasangiz, "Shaxsga doir ma'lumotlarni boshqarish" bo‘limi avtomatik faollashadi:

🔵 Mobil qurilmangizga GooglePlay yoki AppStore’dan OneID ilovasini yuklab oling.
🔵 Mobile-ID yoki MyID orqali tezkor avtorizatsiyadan o‘ting.
🔵 Ilovaning quyi qismidagi skanerlash tugmasini bosing va kompyuteringiz ekranidagi QR-kodni skanerlang.

🔔Hurmatli foydalanuvchilar!

📱Ma’lumotlarga kirishni cheklash — bu ortiqcha ovoragarchilik emas, balki kiberjinoyatchilikdan himoyalanishning eng samarali usulidir. O‘z xavfsizligingizga mas’uliyat bilan yondashing.

✅Sizning ma’lumotlaringiz — o‘z nazoratingizda!

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

#kunraqami

💻2026-yil 1-fevral holatiga ko‘ra, jismoniy shaxslar (chakana investorlar) tomonidan O‘zbekiston kapital bozoriga kiritilgan investitsiyalarning umumiy hajmi 12,8 trln so‘mdan oshdi.

🗣Bugungi kunda mamlakatimizning 956 667 nafar fuqarosi qimmatli qog‘ozlar bozori orqali o‘z jamg‘armalarini iqtisodiyotning turli tarmoqlariga yo‘naltirgan.

✅Mazkur ko‘rsatkich aholining moliya bozoriga bo‘lgan ishonchi ortib borayotgani, investitsion savodxonlik darajasi yuksalayotgani hamda qimmatli qog‘ozlar bozorining xalqchil va ochiq bo‘lib borayotganidan dalolat beradi.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

#kunraqami

🗣 “Asakabank” AJ aksiyalarining navbatdagi chiqarilishi depozitar ro‘yxatga olindi

⏺Chiqarilishning umumiy hajmi: 1,2 trln so‘m
⏺Aksiya soni: 8 679 231 710 dona
⏺Aksiya turi: Oddiy
⏺Nominal qiymati: 139,01 so‘m

❕ Qimmatli qog‘ozlar yopiq obuna usulida joylashtiriladi.

🔐 Qimmatli qog‘ozlar Markaziy depozitariysi ushbu qo‘shimcha chiqarilishni depozitar ro‘yxatdan o‘tkazganligini ma’lum qiladi.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

#kunraqami

📊 Rekord ko‘rsatkich: Korporativ obligatsiyalar bozori 5 trln so‘mdan oshdi

🌐 2026-yil 13-fevral holatiga ko‘ra, Markaziy depozitariy tomonidan hisobga olingan korporativ obligatsiyalar hajmi rekord daraja — 5,28 trillion so‘mga yetdi.

🗂 Tahlillar oxirgi bir yillik dinamika bozorning nafaqat hajm jihatidan, balki sifat jihatidan ham yangi pog‘onaga ko‘tarilganini ko‘rsatmoqda.

🗣 Bir yillik o‘sish besh yillikdan ustun

⏺2025-yil boshida bozor hajmi 1,9 trln so‘mni tashkil etgan bo‘lsa, bugungi kunga kelib bu ko‘rsatkich 2,7 barobarga oshdi. Eng e’tiborli jihati, oxirgi bir yilda bozorga kirib kelgan kapital miqdori (3,3 trln so‘m), avvalgi besh yillikdagi (2020–2024) jami o‘sish ko‘rsatkichidan bir necha barobar ko‘pdir.

🗣 Emitentlar konsolidatsiyasi

⏺ Garchi emitentlar soni 43 tadan 34 taga kamaygan bo‘lsa-da, bozor hajmi deyarli 3 barobar o‘sdi. Bu bozorning sinov emissiyalari davridan ishonchli resurs jalb qilish maydoniga aylanganidan dalolat beradi.

🗣 Xususiy sektor - asosiy "o'yinchi"

⏺ Emitentlarning qariyb 76 foizi (26 tasi) mas’uliyati cheklangan jamiyatlar (MChJ) hissasiga to‘g‘ri kelmoqda. Bu xususiy biznesning an’anaviy bank kreditlariga muqobil ravishda to‘g‘ridan-to‘g‘ri kapital bozoridan resurs jalb qilishga bo‘lgan ishonchi mustahkamlanayotgani belgisidir.

🗣 Chakana investorlar uchun imkoniyatlar

Muomaladagi obligatsiyalar soni bir yil ichida 170 milliondan 223,5 million donaga oshdi. Obligatsiyalar sonining bunday ko‘payishi ularning nominal qiymati optimallashayotganini va kengroq investorlar qatlami, jumladan, jismoniy shaxslar uchun ham jozibador aktivga aylanayotganini tasdiqlaydi.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

📚 BOY BO‘LISH UCHUN INTIZOMLI BO‘LISH QANCHALIK MUHIM?

🟦Morgan Hauzel — “Pul psixologiyasi”

💻 Investitsiya — bu raqamlar va formulalar emas, balki sizning o‘zingizni qanday tutishingizdir. Dunyodagi eng bilimli daho ham his-tuyg‘ularini jilovlay olmasa, moliyaviy halokatga uchrashi mumkin. Aksincha, moliyaviy ma’lumoti bo‘lmagan, lekin sabrli inson boyib ketishi hech gap emas.

❔ “Pul psixologiyasi” asarini nega o‘qish shart?

Morgan Hauzel ushbu kitobda pul bilan bog‘liq qarorlarimiz laboratoriyada emas, balki qo‘rquv, nafs va shaxsiy dunyoqarashlar ta’sirida qabul qilinishini isbotlab beradi.

🔔Investor uchun 3 ta muhim dars:

🔵 Hech qachon "yetarli" degan to‘xtamga kelmaslik xavfi. Ko‘pchilik investorlar ko‘proq foyda quvib, o‘zlariga kerak bo‘lgan narsani (erkinlik, xotirjamlik) xavfga qo‘yadilar. Baxtning siri — "yetarli" degan chegarani bilishda.

🔵 Murakkab foiz (Compound interest) — bu sehr emas, bu sabr. Uorren Baffetning boyligining 90% dan ortig‘i u 65 yoshdan oshganidan keyin shakllangan. Investitsiyada eng kuchli qurol — bu vaqt.

🔵 "Boy bo‘lish" va "Boy bo‘lib qolish" — ikki xil narsa.
Boy bo‘lish uchun tavakkal va optimizm kerak. Boy bo‘lib qolish uchun esa kamtarlik va "hamma narsadan ayrilib qolish" qo‘rquvi (ehtiyotkorlik) kerak.

💻 Pul — bu matematika emas, bu psixologiya. Sizning boyligingiz qanchalik ko‘p kitob o‘qiganingizga emas, balki bozordagi vahima paytida o‘zingizni qanchalik bosiq tutishingizga bog‘liq.

#InvestorKutubxonasi

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin