Noyabr oyida davlat ulushi hajmidagi o‘zgarishlar dinamikasi

🏛Qimmatli qog‘ozlar Markaziy depozitariysining 2025 yil 1 dekabr holatidagi ma’lumotlariga ko‘ra:

Noyabr oyida aksiyadorlik jamiyatlari ustav kapitalidagi davlat ulushi hajmi 592,5 mlrd. so‘mga ortdi va 183,5 trln. so‘mni tashkil etdi.
Davlat ulushi tuzilmasiga ko‘ra:
⏺Iqtisodiyot va moliya vazirligi jami davlat ulushining 66,7 foiziga (122,5 trln. so‘m);
⏺Taraqqiyot va tiklanish jamg‘armasi 25,7 foiz (47,1 trln. so‘m);
⏺Davlat aktivlarini boshqarish agentligi 7,1 foiz (12,9 trln. so‘m);
⏺Boshqa vazirlik va idoralar esa 0,5 foiz (980,0 mlrd. so‘m) davlat ulushlariga egalik qilmoqda.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

Noyabr oyida aksiyadorlik jamiyatlaridagi xorijiy investorlar ulushi bo‘yicha o‘zgarishlar dinamikasi

🏛Qimmatli qog‘ozlar Markaziy depozitariysining 2025 yil 1 dekabr holatidagi ma’lumotlariga ko‘ra:

⏺O‘zbekiston kapital bozorida 60 ta xorijiy davlatning 4 mingdan ziyod xorijiy sarmoyadori 335 ta mahalliy emitentning 11,8 trln. so‘mlik aksiyalariga egalik qilmoqda.
⏺Chet ellik yuridik shaxslar aksiyalardagi xorijiy ulushning 98,2 foiziga, jismoniy shaxslar esa 1,8 foiziga egalik qilmoqda.
⏺Xorijiy sarmoyalarning eng yirik hajmi moliya sektori tomonidan chiqarilgan aksiyalar hissasiga (10,3 trln. so‘m) to‘g‘ri kelmoqda.
⏺Mamlakatlar kesimida eng yirik ulush Buyuk Britaniya rezidentlariga (3,6 trln. so‘m) taalluqli.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

🇺🇿 Milliy liboslar kuni — dildan chiqqan birlik hissi

Bugun Markaziy depozitariyda har bir milliy libos, har bir rang va har bir naqsh jamoamizning ichki ruhini yanada yorqin aks ettirdi.

Bugun oddiy ish kuni emas — iftixor, ilhom va o‘zlikni his qilish kuni bo‘ldi.

📱Web 📱Telegram 📱Instagram 📱Facebook 📱Youtube 📱Linkedin

✍✍✍✍✍✍✍

Investitsiya vositachisi faoliyati toʼxtatib turilganda, depozitar operatsiyalar boʼyicha harakatlar tartibi belgilandi

Аdliya vazirligi "Investitsiya vositachisi faoliyati toʼxtatib turilgan va tugatilgan taqdirda, depozitar operatsiyalar boʼyicha harakatlar tartibi toʼgʼrisida"gi nizomni davlat roʼyxatidan oʼtkazdi (roʼyxat raqami 3727, 18.12.2025 y.).

⏺Nizomga koʼra, investitsiya vositachisining litsenziyasi toʼxtatib turilganda, u depozitar operatsiyalarni toʼxtatadi hamda bu haqida 2 ish kunida OАV va fond birjasining veb-saytida eʼlon qiladi.

⏺Investitsiya vositachisi uning litsenziyasi tugatilganda yoki bekor qilinganda, deponentlarning hisobvaraqlaridan koʼchirmalarni shakllantiradi va faoliyati tugatilganligi toʼgʼrisidagi xabarnomani deponentga yuboradi.

⏺Deponent xabarnoma 1 hafta muddatda tugatilayotgan investitsiya vositachisiga oʼz qimmatli qogʼozlarini boshqa investitsiya vositachisiga oʼtkazish toʼgʼrisida topshiriq beradi.

⏺Deponent tomonidan bunday topshiriq taqdim etilmaganda, investitsiya vositachisi qimmatli qogʼozlarni «Qimmatli qogʼozlar markaziy depozitariysi» АJga oʼtkazadi.

⏺«Qimmatli qogʼozlar markaziy depozitariysi» АJga vaqtincha saqlash uchun topshirilgan qimmatli qogʼozlarni 1 kun ichida deponent tanlagan investitsiya vositachisiga oʼtkazib berish orqali deponentlarga qaytaradi.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin

✍✍✍✍✍✍✍

2025 yil 18 dekabr kuni O‘zbekiston Respublikasi Prezidentining “Kapital bozorida investitsiya muhitini yaxshilashga doir qo‘shimcha chora-tadbirlar to‘g‘risida”gi PF-254-son Farmoni qabul qilindi.

Farmonning ijrosini ta’minlash doirasida, kapital bozorini rivojlantirish va zamonaviy moliyaviy instrumentlarni joriy etishga yo‘naltirilgan islohotlarda Qimmatli qog‘ozlar Markaziy depozitariysi muhim infratuzilmaviy bo‘g‘inga aylanmoqda.

Farmonda ko‘zda tutilgan yangi rivojlanish bosqichida Qimmatli qog‘ozlar Markaziy depozitariysining asosiy vazifalari quyidagilardan iborat bo‘ladi:

⏺yangi moliyaviy instrumentlarni joriy etish – Markaziy depozitariy mahalliy investitsiya vositachilari tomonidan xalqaro bozorlarda xarid qilingan hamda “Toshkent” RFBning maxsus savdo maydonchalarida sotiladigan xorijiy aktivlar (aksiyalar, obligatsiyalar, ETF, depozitar tilxatlar) chiqarilishini hisobga olish hamda ularning egalari reyestrini yuritishni amalga oshiradi.

⏺kliring va xorijiy valyutadagi hisob-kitoblarni ta’minlash – Markaziy depozitariy “Toshkent” RFB maydonchalarida xorijiy qimmatli qog‘ozlar bilan o‘tkaziladigan savdo yakunlari bo‘yicha kliringni amalga oshiradi hamda agent-bank orqali xorijiy valyutadagi hisob-kitoblarni ta’minlaydi.

⏺“Tartibga solish qumdoni” maxsus huquqiy rejimi doirasida – Markaziy depozitariy O‘zbekiston rezidentlari tomonidan xorijiy valyutada chiqarilgan korporativ obligatsiyalar bo‘yicha operatsiyalarga kliring, hisob-kitob va depozitar xizmatlarni ko‘rsatadi.

⏺jarayonlarni avtomatlashtirish – Davlat organlari bilan ma’lumotlar almashinuvi bo‘yicha avtomatlashtirilgan tizimlar takomillashtiriladi. Ushbu omil bitimlarni ro‘yxatga olish va korporativ harakatlarni o‘tkazish tezkorligini hamda ishonchliligini oshiradi.

Mazkur chora-tadbirlar sarmoyadorlar ishonchini mustahkamlash, xalqaro kapital bozorlariga kirish imkoniyatlarini kengaytirish hamda O‘zbekiston qimmatli qog‘ozlar bozorida zamonaviy, xavfsiz va shaffof infratuzilmani shakllantirishga xizmat qiladi.

Рус🇷🇺

📱Web 📱Telegram 📱Instagram 📱Facebook 📱Youtube 📱Linkedin