اليوم السّادس فِي السِّلسلة

- كيف تبدأ صفحةً جديدةً مع الله

إذا أراد الله أن يفتح لكَ باب التوبة فلن يمنعك ماضٍ ، ولن تقف فِي وجهك ذنوبٌ ملأت الأرض ، لأنّك لا تتعامل مع بشرٍ يذكرون إساءتك ، بل مع ربٍّ قال عن نفسه ؛ ﴿كَتَبَ رَبُّكُمْ عَلَىٰ نَفْسِهِ الرَّحْمَةَ﴾ .
أعظم خُدعةٍ يزيّنها إبليس للعاصي ليست المعصية ، وإنّما يُقنعه أنَّ باب التوبة قد أُغلق ، ابدأ صفحةً جديدةً مع الله ، لأنك لا تضمن أن تُدرك الغد ، ربما يكون بينك وبين القبر صلاةٌ أخّرتها ، أو استغفارٌ لو قلته ، غُفر لكَ .

- فلا تُؤجل النّجاة !

فما بينكَ وبين الله خطوة ، وما بينكَ وبين الموتِ لحظة ، وما بين التّائب والجنّة إلا صدقُ الرجوع إلىٰ الله
واعلم أنّ أعظم بدايةٍ فِي حياتك ليست يوم وُلدت ، ولا يوم نجحتَ ، ولا يوم جمعت مالًا ، بل يوم تُقبل عَلىٰ الله بقلبٍ مُنكسر ، فيقبلك الله ، ويكتب اسمك فِي ديوان التائبين

نجحتتت 🧸💗💗🫂

الحمد الله هادا كله ب فضل ربي والدعاء رغم انه مش متأكده من ولا ماده انه نصفيها 😭💗💗

ف حد هون ؟🙂🎀

جايه نبي نحكي شوي 🙂

اول شي كيف حالكم

المهم المهم

تعرفوا شن أكثر حاجة تعلمتها من فترة التعب هادي والامتحانات ؟

إن الإنسان مرات يوصل لمرحلة يحس فيها إنه خلاص معش عنده طاقة، يقرا وهو تعبان وينوض وهو يفكر في اللي وراه ويرقد وهو خايف من اللي جاي لكن رغم كل هدا يكمل

مش لأنه قوي كل الوقت لكن لأنه عنده أمل إن ربي ما يخذلش حد تعب وسعي ودار جهده كله

يمكن فيه ناس تشوف النتيجة في النهاية لكن ما تعرفش قداش من مرة قلنا خلاص ورجعنا فتحنا الكتاب من جديد ما تعرفش عدد السهرات ولا كمية التوتر ولا الدعوات اللي كانت بين العبد وربه لكن تعرفوا شنو؟ مش مهم الناس تعرف المهم إن ربي يعرف

وربي عالم بكل لحظة تعب وكل دقيقة قريتها وكل مرة قاومت فيها نفسك باش تكمل وكل مرة بكيت من الضغط وقلت يارب أعني

حني علينا إن نديرو اللي علينا وبس نجتهدو ونسعو ونحاولو بقدر اللي نقدرو عليه أما النتيجة ف هي رزق من عند الله

ولو ربي شاف منك صدق السعي مستحيل يضيع تعبك حتى لو الخير جاك بطريقة ماكنتش متوقعها.

ف لو الشخص منا اليوم تعبان ولا قاعد يستنى نتيجة أو قلبه مليان خوف ف يهدي روحه ويفكر إن عنده رب كريم ما ينساش تعب عباده وما يضيعش أجر المحسنين.

يمكن التأخير خير ويمكن الفرحة اللي ربي كاتبها لينا أكبر بهلبا من اللي في بالنا

وربي يفرح قلب كل حد تعب ويجبر خاطر كل حد كان يحارب في صمت ويكتب لكل مجتهد النتيجة اللي يتمناها ويخلينا بعد فترة نقولو الحمد لله كان يستاهل كل التعب هدا. 🎀

وفي النهاية ربي ما يضيعش تعب حد وإن شاء الله الفرحة تكون على قد التعب وأكثر يارب 🎀

والسلام عليكم ورحمه الله 🎀