Hurmatli talabalar Sizlarga Koreya hukumati tomonidan Yozgi maktab 5 xaftalik tashkil etilmoqda. Kim ingliz tilini mukammal bilsa topshirishi mumkin. Deadline 10 May.

​​Адабиёт ўқитувчиси журнални стол устига қўйди-да, думалоқ кўзойнагини бурни учига қўндириб, синфга разм солди.

– Демак, гап бундай: 30-йиллар адабиётини ўрганишни кечиктирамиз. РайОНОдан топшириқ бўлди, бугун сиз бизга «Бахтли болалик» деган мавзуда эркин иншо ёзиб берасиз.

– Ҳамма ёзадими?

– Бу нима деганлари бўлди? Зоирали бўтам, сизга алоҳида таклиф лозимми, ё?

– Иншони эркин деяпсиз-ку?

– Номи шунақа, бўтам. Қани, қоғоз олиб, иш бошланглар. Вақт кетмасин.

– Самад ака, биз болаликдан ўтдик-ку, нимасини ёзамиз?

– Ҳали ўтиб бўлганингизча йўқ, Зоирали бўтам, энди ўтяпсиз. Қилаётган ишингизга ўзингиз ТЎҒРИ БАҲО бера олган онингиздан бошлаб болалигингиз билан видолашасиз. Ҳа, ҳа, айнан ВИДОЛАШАСИЗ. Болалик сизнинг хотирангизга кўчади. Вақти келиб, бу хотира виждон азобига солади. Вақти келиб, нималарнидир қўмсашга мажбур қилади. Хуллас, сизни ҳар кўйга солади. У билан видолашишга ошиқманг. Болалик – ҳаётнинг асал палласи, ундан кўпроқ баҳраманд бўлишга интилинг. Асалдан кейин турли аччиқликларига дуч келасиз.

– Самад ака, шуларни ёзсак-чи? «Бахтли болалик» эмас, «Алвидо, болалик» десак-чи?

– Бўтам, кўп ақлли боласиз-ку, бироқ айрим вақтларда калтафаҳмлик қилиб қўясиз. Тушунинг, «Бахтли болалик» менга эмас, РайОНОга керак. Шу боис мен билан тортишманг. Ишни бошланг.

Болаларни сизлаб, юмшоқ гапирувчи бу одам кўпинча ўз ишини ўзи қийинлаштирарди. Болалар уни бўшанг деб билиб, баравар тортишишдан тап тортишмасди. Баъзан бутун дарс тортишув билан ўтарди. Китоб ўқишни жонидан ҳам ортиқ яхши кўрадиган Зоир кўпинча баҳс бошлаб қоларди.

Самад ака бугунги баҳсга барҳам бериш учун дераза олдига борди-да, қўлини орқасига қилиб, ҳовлига тикилиб олди.

Синфда шивир-шивир, қоғозлар шитири бошланди.
Асрор дафтар орасидан икки варақ йиртиб олиб «Бахтли болалик» деб ёзди-да, ўйга толди:

«Зоир тўғри айтди. Иншо эркин бўлганидан кейин ҳаммани мажбур қилишнинг нима кераги бор? Ҳамма ўзини бахтли деб ҳисоблайдими? Ана, Туроб, акасининг жасадини Афғонистондан олиб келишди. Онаси бунга чидолмай жинни бўлиб қолди. Ҳозир жиннихонада. Етти бола отасининг ўзига қолган. «Мен бахтлиман…» деб бошлайдими иншосини. Манзура-чи? Отаси кетиб қолган. Онаси иккови туради. У нима деб ёзади? Отауллага ҳам қийин. «Мен бахтлиман, чунки отамнинг пули кўп» дея олмайди. Аслида-ку, улар пулнинг кўплигини бахт деб билишади. Лекин очиқ айта олишмайди. Бу бахтми ё бахтсизлик? Ҳарҳолда нима деб ёзаркин, у бойвачча? Бунақа гапларга Зоир уста, қотириб ташлайди. Умуман, бахтли бола у. Ота-онаси инженер, уйда ўзию синглиси. Газетага хабар ёзади. Нима истаса, шунга эришади. Эргаш-чи? Отаси аравакаш. Дарс бошланиши билан сомонбозорга югуради. Шуни ёзадими? Агар Дилфузаларга ҳам шу мавзу берилса у нимани ёзади? Икки оёғи қирқиб ташланган отасининг инжиқликлари, онасиз қолишнинг нақадар бахтсизлик эканини баён қиладими? Хўш, ўзим-чи? Ўзим нимани ёзай, кечаги воқеаними ё отам билан тўйма-тўй юришимними? Отамнинг ўйинчи хотинга суйкалишиними? Минг лаънат!»

Асрор хаёлига келган фикрдан титраб, ўзини тутолмай қолди. Қаламни стол устига тақ этиб урди. Ўзига тикилган нигоҳларни туйиб, бошини эгди. Ич-ичидан нимадир қизиб, кўкрагини ёндирди. У синфда ўтира олмаслигини сезиб, шарт ўрнидан турди-да, чиқиб кетди.

Тоҳир Малик, «Алвидо, болалик!»

​​Hamma narsa biz xohlagan vaqtda amalga oshavermaydi. Ba'zida sabr qilishimiz kerak.
Bu o'rinda bir misol: xitoy bambuk daraxti. U yerdan ko'karib chiqishidan oldin 5 yil davomida har kuni suv quyilishni va o'g'it berishni talab qiladi. Agar suv quyish jarayoni bir marta bo'lsa ham bajarilmasa, bu daraxt yer ostidayoq o'lib qoladi. 5 yildan so'ng yerdan o'sib chiqadi va 6 hafta ichida 27 metrgacha o'sib ketadi...
Xo'sh, bambuk daraxti o'sib ketgunicha qancha vaqt talab qilindi? 5 yilu 6 haftami? Yoki 6 haftami?
Albatta, 5 yilu 6 hafta!
Shuning uchun ham ba'zan sabr qilishimizga to'g'ri keladi, ishlarni o'rganish uchun, tizimni o'rganish uchun ma'lum bir vaqtimiz ketadi. Ma'lum vaqt xizmat qilishimizga to'g'ri keladi. Lekin taslim bo'lib qomasak, bir kuni bu albatta natija beradi! Shoshilmang...

Бугундан қабул жараёнлари бошландими?

Бугун - 15 июнь. Таълимга оид қонунчиликка биноан, бугундан ОТМлар учун қабул жараёни бошланиши керак эди.

Аммо қабул квоталари тасдиқланмагани сабабли, қабул жараёнлари маълум муддатга кеч бошланади. Чунки қабул квоталари аниқ бўлмасдан туриб, кимдандир ҳужжат қабул қилишнинг иложи йўқ.

Ҳисоб бўйича бешинчи марта қабул квоталари кеч тасдиқланиши ортидан қабул жараёнлари кеч бошланмоқда. Бунгача 2004, 2011, 2014 ва 2015 йилларда шундай ҳолат кузатилгани ҳақида ёзган эдим.

Одамнинг дилини хира қиладиган жойи шундаки, бу каби «кечикишлар» айниқса сўнгги йилларда кўп кузатилган.

Солиштириш учун айтаман, масалан, 1998 йилдан 2011 йилгача бўлган даврда, яъни 13 йилда фақат 1 марта шундай ҳолат кузатилган (2004).

2011-2019 йилларда эса, яъни охирги 9 йилда 4 марта кечикиш кузатилди. Жумладан:

2011/12 — 4 июль (кечикиб);
2012/13 — 7 май (ўз вақтида);
2013/14 — 11 июнь (ўз вақтида);
2014/15 — 26 июнь (кечикиб);
2015/16 — 23 июнь (кечикиб);
2016/17 — 26 май (ўз вақтида);
2017/18 — 5 май (ўз вақтида);
2018/19 — 4 июнь (ўз вақтида);
2019/20 — ??? (кечикиб).

Хулоса ўзингиздан.

Айтишларича, қабул квоталари эрта ёки индин тасдиқланиб қолиши кутилмоқда экан.


👉 @xushnudbek 👈


Qabul bo`yicha so`ragan yaqinlarizga yuboringlar...

​​Ayni damda barcha Universitetda qabul jarayoni boshlandi...

quyida esa TATU qabul komissiyasining ishonch telefon raqamlari...


2019/2020 ўқув йили ТАТУ қабул комиссияси телефон рақамлари:
(95) 142-10-53
(95) 142-10-54
(95) 142-10-55
(95) 142-10-56
(95) 142-10-57
маълумот учун.

​​Lochin

Bir kuni qirolga lochin bolasini sovg‘a qilishdi. Qirolning qushboqari uni katta qildi, ammo hech uchishga o‘rgatolmadi. Lochin polaponligida o‘tirgan daraxt shoxini tark etishni aslo xohlamasdi.

Qushboqar qirolga lochin ustidan arz qilib, uni aslo uchishga o‘rgatolmayotganini, hattoki yemishni ham qush o‘tirgan shoxga qo‘yishga majbur bo‘layotganini aytdi.

Qirol jarchi orqali lochinni uchishga majbur qiladigan odam topishni e'lon qildi va ertalab qush bog‘ ustida parvoz qilib yurganini ko‘rdi.

– Bu mo‘jizaning muallifini oldimga keltiringlar! – dedi qirol.

Uning oldiga oddiy dehqonni olib kelishdi.

– Uni uchishga qanday majbur qilding? Sehrgarmisan?– so‘radi qirol.

Dehqon qirolni xursand qila olganidan shod edi:

– Bu qiyin bo‘lmadi, zoti oliylari. Men shunchaki lochin o‘tirgan shoxni arralab tashladim va u qanotlari borligini tushunib ucha boshladi.

Xulosa: ayrim odamlar ham ana shu lochinga o‘xshaydi. Ular qanotlari borligini anglab yetmay daraxt shoxida o‘tiraverishadi. Hayot ayrimlar o‘tirgan shoxni sindiradi va shundagina ular ucha olishlarini tushunishadi. Ayrimlarning hamma narsasi borligi uchun o‘tirgan joylarini yo‘qotishdan qo‘rqib uchishni istashmaydi. Balki hayotimizda hech bo‘lmasa bir bor parvoz qilishimiz uchun kimdir biz o‘tirgan shoxni arralashi kerakdir? Ba'zan boshida yomondek tuyulgan voqea ham parvoz qilishimiz uchun imkoniyat taqdim etishi mumkin.

Facebook dan olindi

​​⚡️ Абитуриентлар диққатига!

Қандай қилиб тўловларни навбатда турмасдан, 5 дақиқада электрон тўлаш мумкин?
#abituriyent

Агар Сиз ҳужжат топшириш пайти банк кассаларида соатлаб навбатда туришни ният қилган бўлгансиз, унда дарҳол бу шаштингиздан қайтинг.

Қуйидагиларни яхшилаб ўқиб олинг ҳамда қимматли вақтингизни ва асабларингизни асраб қолинг.

Электрон тўлов қилиш аслида жуда ва жуда оддий. Атайин ўзимда синаб кўрдим. 5 дақиқа ҳам кетмади. Бунинг учун қуйидаги 4 та ишни бажарасиз:

1) pay.dtm.uz сайтига кирасиз. Чиққан майдончага паспорт маълумотингиз ва телефон рақамингизни киритасиз ҳамда «Яратиш» тугмасини босасиз;

2) шунда экранда квитанция пайдо бўлади. Агар банклар орқали тўлов қилмоқчи бўлсангиз, унда ушбу квитанцияни принтердан чоп этишингиз керак. Лекин мен айтаётган усулда чоп этиш ҳам шарт эмас. Шунчаки 14 та рақамдан иборат инвойс рақамини кўчириб олсангиз (ёзиб олсангиз) бўлди;

3) энди электрон тўлов қилишга ўтамиз. Бунинг бир нечта йўли бор:

а) ўша квитанцияни тагида «пластик карта орқали тўлаш» деган тугмани босиш;
б) https://pay.upay.uz/checkget?sId=402 манзилига кириш;
в) iOS ёки Android тизимларидаги UPAY иловаси орқали тўлаш;
г) upay.uz сайти орқали.

Дастлабки 2 та усулда инвойс рақамини киритишингиз кифоя, рўйхатдан ўтиш ҳам шарт эмас. Мобил илова ва сайт орқали эса рўйхатдан ўтишни сўрайди.

4) охирги босқичда пластик карта рақами, амал қилиш муддати ва карта уланган телефон рақамини киритиш кифоя. Телефонга келган SMSни киритасиз, тамом-вассалом. Тўловни амалга оширдингиз!

❗️Маълумот учун: ушбу тўлов ДТМ базасида автоматик кўринади. Тўлаганингизни исботлаш учун қанақадир чек ёки квитанция олиб боришингиз шарт эмас.

🔁 Ушбу хабарни абитуриент дўстларингиз ёки уларнинг ота-оналарига ҳам юборинг. Токи жазирама иссиқда навбатларда қийналишмасин, тестга яқин қолганда қимматли вақтини ҳавога совуришмасин.

P.S.: электрон тўловда 1%, яъни минг сўм қўшимча хизмат ҳақи олади.


Абитуриентларга оид бошқа хабарлар:
👉 @xushnudbek 👈

Токиода, дeнгиздан оқиб кeлиб дeнгизга қуйилувчи бир дарё бор. Бу дарё шахар марказида жойлашгани учун, дарёнинг икки қирғоқи одамлар сайр қиладиган, болалар ўйнайдиган сўлим гўша қилиб қўйилган.
Адашмасам бундан икки йил олдин, айнан мана шу пайтлари эди. Гоҳ-гоҳида китоб ўқиш учун ўша ерга борар эдим. Бу гал ҳам бордим. Тинч , осойишта жой. Ҳар доимгидeк, Японлар сайр қилиб юрибди. Кимдир китоб ўқиябди, кимдир итини сайрга олиб чиққан, кимдир мусиқа тинглаябди, кимдир югуриш машқларини бажараябди, бир нeчта болалар маҳсус болалар майдончасида ўйнаябди. Болалар майдончасига яқин жойга “скамeйка” га бориб жойлашдим. Тўсатдан, бир 3-4 ёшлар атрофидаги Япон болача югураман дeб йиқилиб тушди ва болаларча бeғуборлик билан ўксиниб йиғлаябди. Ўрнидан турмай, кимдир кeлиб кўтариб турғизиб қўйишини, эркалаб овутишини кутаётгандeк йиғлаябди. Бизни Ўзбeк мeнталитeтимиздан кeлиб чиқиб, болажонлигимиздан кeлиб чиқиб қарайдиган бўлсак, бeгона бўлишидан қатиий назар , овутишга, ёрдамга ошиқамиз. Балки бу бизнинг хатойимиздир. Қисқа фурсат ичида ҳаёлимга шундай фикрлар кeлди-да, ўзимча ғудраниб , сўкиниб кeтдим наҳотки, жондан азиз фарзандинг йиқилиб йиғлаб ўтирибди бориб овутмасанг, хавотир олмасанг дeган маьнода, нарироқда икки учта аёл кўриб пинагини ҳам бузмагани учун( уларнинг қайси биридир боланинг онаси).
Ҳуллас, ўрнимдан турдим-у , югуриб бориб болакайни тургузиб қўйдим, кийимидаги чангларини қоқиб, овутдим. Шу пайт бир аёл биз томонга кeла бошлади. Фаҳмладимки, болани онаси. Кeлиб раҳмат айтса кeрак дeган ҳолатга тайёр турган миямга болға билан ургандай бўлди. Аёл кeлиб бақириб- бақириб мани урушиб кeтди-ку. Нима дeйишимни, нима қилишимни билмай қолдим. Яхшилик қилганимга жавобинг шуми дeдим-у, бузилган кайфиятда ўз “скамeйка”мга бориб ўтирдим. Бунақа кайфиятда китоб ҳам ўқиб бўлмайди, сайр ҳам қилиб бўлмайди. Қаердан ҳам, шу ишни қилдим , айбсиз айбдор бўлдимми? Ёки хақиқатдан ҳам айбдорманми? Каби бир қанча саволлар қийнаб, жаҳлим чиқиб , уйга қайтаман дeб турганимда, ҳалиги аёл яна ман томонга кeла бошлади. Бу сафар миямни бошқа ҳолатга тайёр қилиб тургандим, жаҳл билан аччиқ гапириб ташлайман дeб тургандим. Аммо, ҳалиги аёл бу сафар жуда мулойимлик билан, Японларга хос маданият билан гап бошлади:
- Боя бўлиб ўтган воқeа учун чин қалбимдан узр сўрайман. Жуда ҳам ясашии ( мeҳрибон) инсон eкансиз.
-ие, нимага ҳeч қиси йўқ.
-Сизни урушмасам ҳам бўлар эди. Аммо сизни қилган хатти ҳаракатингиз мани фарзандимни кeлажаги учун, тарбияси учун ёмон таьсир қилар эди.
- Нимага ? Ман нима ёмон иш қилдим? Ёрдам бeрдим ҳолос.
- Тўғри сиз ёрдам қилдингиз.Аммо бир томондан катта зарар ҳам қилдингиз. Ҳозир болам йиқилиб тушиб, кимдир кeлиб тургизиб қўйсин дeб йиғлаб ётибди, ман бориб тургизиб қўйсам ёки бошқа одам тургизиб қўйса болалар псиҳологиясидан кeлиб чиқсак, у ўрганиб қолади ҳар сафар йиқилса кимдир тургизиб қўйишига. Ёрдамга суяниб қолади. Эртага кeлажакда ҳам бирор қийинчик бошига тушса, қоқилса, кимдинидир ёрдамини, суянчини кутиб яшайдиган бўлиб қолади. Ўзи қўлидан ҳeч нарса кeлмайдиган бўлиб қолади. Агар сиз кeлажакда ҳам мани фарзандимни тургизиб қўяман, қийинчиликка тушса ёрдам бeраман дeсангиз, бўйнингизга олсангиз бeмалол ёрдам қилавeринг. Қила олмайсиз а? Мури ( имконсиз) бу нарса. Бугунги ҳолат учун узр сўрайман. Хайр.
-Фарзандингиз буюк инсон бўлсин. Минг бор узр.

Анчадан бeри ўйлайман бу воқeани. Кўпчилик Японларни нима сабабдан бировдан унча-бунчага ёрдам сўрамаслигини сабабини тушундим.Кўп сонли Японларни қийинчиликда ухламасдан, ўқиб ишлаётганларини кўриб ҳайрон қоласиз. Қайсидир акаси, таниш билишни ишга солиб бирор бир ишини ҳал қилаётганларини дeярли кўрмайсиз. Кўпчилик қисми, фарзандларини ўқиш контракт пулларини тўлашмайди. Ўзлари арубаито ( соатбай иш) қилиб тўлашади. Ёки давлатдан крeдит олиб ўқишади. Ўқишни битиргандан кeйин нeччи йиллар давомида ойлигидан ушлаб қолишади.( Яхши тизим).
Болалигидан бундай тарбияда ўсган фарзанд, ҳар қандай қийинчиликка дош бeриши, енгиб ўтиши табиий. Кўп ҳолатларда кўрасиз Япон болалари ёнида онаси ёки отаси бўлса ҳам каттаааа сумкасини ўзи кўтариб кeта

​​ди. Синф хоналарини ўзлари тозалашади. Болалигидан минглаб иероглифлар ёдлашади. Поездларда ўзлари қатнашади мактабларига бировни ёрдамисиз. Шулар давлатни давлат қилаётгани шак шубҳасиз.
Бу воқeаларни ўйлаб, бундан бир нeча йиллар олдин,бир қўшнимизнинг болачаси йиқилиб тушгани эсимга тушди. Оилавий югуриб чиқишганди, кўтариб, эркалаб етмаганига қўшнилар билан жанжал хам қилишганди.
Ҳуллас, азизлар фарзанд тарбиясига жиддий эьтибор қаратинг.
Зeро, кeлажакда сиз борлигингизда ҳам, йўқлигингизда ҳам ўзини эплай оладиган, қийинчилликка дош бeра оладиган, соғлом фикрли, сабрли, илмли, чиниққан етук инсон бўлсин. Оминн. 🤲

Bahodir Iskandarov

​​Ўз фарзанди учун касб танлаб берадиган ота-оналарни хечқачон тушунмасам керак. Одамга нисбатан эгоизмни энг ғалати кўринишларидан бири шу нарса. Қулликдан бир поғона тепада холос бу. Ҳаттоки дўстлик ёки севги муносабатларида ҳам агар бир киши иккинчисини қийнайверса, хоҳламаган нарсасини буюраверса буни йўли бор. Алоқани узиш, кетиш. Лекин болада бундай йўл йўқ.

Боласига бирон бир касбни танлаб бериб сен шу касбни эгаллайсан дейдиган ота-оналар энг эски, ахмоқона ўрнатилган қоидаларга амал қилишади. Қиз бола ўқиб нимани қойиллатиб берарди бор тикувчиликни ўрган! Тўхтанг, балки у биологияга чин дилидан севиб қизиқар? Эртага кучли биолог олима бўлар? Қиз бола четда ўқиб нима бор шу ерда ўқийвер. Тўхтанг, ахир у ўз билими билан миллионлаб талабалар ўқишни орзу қиладиган чет эл университетига кирди, нега йўлини тўсасиз? Қизини ўқитишни ор деб билади, эртага ўша қизи касал бўлса аёл доктор қидиради. Мен ич ичимдан хис қиламан, бизда қанчадан қанча қобилятли, ақлли қизлар шунчаки қул сифатида оила ташвишларига кўмилиб кетишганини... Агар ўша қиз ўқиганида эртага кучли ўқитувчи, врач чиқиб жамиятга фойдаси тегиши мумкин эди...

Ўғил болага эрта кечи йўқ ўқишни бор ишла пул топ, қўшнимни ўғли Ғишмат Расиядан жарағ жарағ пул топиб жўнатяпти. Тўхтанг, уни қобилятига қаранг ахир у ўқишга қизиқса, ўзидан билим бўлса қўйинг ўқисин. (Бу нарсалар йўқ бўлса ҳа ишласин) Ўғлим юридическийга киради, прокурор бўлади. Бой бўлади. (Прокурор нима учун бой бўлиши керак убу ким тушунтирворсин?) Балки у мусиқани севар? Балки у врач бўлмоқчидур, машина устаси, инженер, архитекторлик қизиқтирар уни балки?

Ота оналар ўз фарзандларига унга ёқмайдиган касбга йўналтираётганларида, болани қанчалик қийин ахволга солаётганини сезишмайди. Ахир ўша касб ва иш билан у яшайди бутун умрини сиз эмас.

Касб – бу жуда кўп соатлар, кунма-кун ва йиллар давомида, шуғулланиб ўрганиладиган нарса. У инсонга ёқиши керак.

Каналга уланиш 👉@nurbekalimov

​​100% xato javoblarni topishning oʻzi bir mahorat...

Ўзбекистон Республикаси
Марказий банкининг стипендиясига танлов эълон қилинади

Ўзбекистон Республикаси Марказий банкининг махсус стипендияси олий таълим муассасалари банк ва ахборот технологиялари йўналишлари бўйича бакалавриатуранинг кундузги бўлими охирги курсида ҳамда магистратура босқичида таълим олаётган, танлов асосида саралаб олинадиган талабаларга тайинланади.

2019/2020 ўқув йили учун Марказий банк стипендияси 1 октябрдан бошлаб тайинланади.
Ҳужжатларни қабул қилиш муддати - 2019 йил 5 - 15 сентябрь, кўриб чиқиш ва танлов муддати - 16 сентябрь - 25 сентябрь.
Марказий банк стипендияси республика ҳудудида ўрнатилган базавий ҳисоблаш миқдорининг 3 бараваридан кам бўлмаган миқдорда белгиланади.

Марказий банк стипендиясини тайинлаш учун қўйидаги мезонлар белгиланади:
ўқув жараёнида (сўнгги семестр натижаларига кўра) юқори рейтинг кўрсаткичига эга бўлиши;
давлат тили, рус тили ва битта хорижий тилни мукаммал билиш талаб қилинади
(IELTS - 7.0 / TOFFL - 94 сертификатига эга бўлган номзодлар инглиз тили тест синовидан озод этилади);
банк ва ахборот технологиялари йўналишлари бўйича халқаро ёки республика олимпиадаси ғолиби ёки совриндорига устуворлик берилади.

Боғланиш учун телефон рақамлари (71) 212-6064, 212-6044.

Hurmatli talabalar harakat qilib koʻringlar ☝️☝️☝️

This Presentation for Group: 210-215-221-17
Subject: Web APP

#Биласизми
Қонунчиликка кўра, кундузги таълим шаклида таҳсил олаётган талабаларга ўқишдан бўш вақтларида (куннинг иккинчи ярмида) меҳнат шартномаси бўйича олий таълим муассасасида ёки бошқа ташкилотларда ишлашга рухсат берилади.

This Presentation for Group: 218-16
Subject: Java game development

Талабалар учун мукофот жамғармаси 100 000 АҚШ доллари бўлган танлов эълон қилинди

Бирлашган Араб Амирликлари билан биргаликда талабалар орасида Ўзбекистонда давлат мобиль иловаларини ишлаб чиқиш бўйича биринчи «mGovAward» республика танлови эълон қилинди.

«mGovAward» танловида иштирокчилар Ўзбекистондаги мавжуд муаммолардан бирини ҳал қилишга ёрдам берадиган мобиль илова яратишлари керак бўлади.

Талабалар 5 йўналишда ўзларини синаб кўришлари мумкин:

👉 Таълим;
👉 Соғлиқни сақлаш;
👉 Туризм;
👉Транспорт ва логистика;
👉 Бизнес ва G2B.

Танловнинг асосий мезонлари: илованинг самарадорлиги, унинг инновационлиги ва фойдаланишда оддийлиги.

Танловга аризаларни қабул қилиш жорий 26 сентябрда АКТ ҳафталиги доирасида бошланади.

Танловнинг мукофот жамғармаси - $100,000:

1️⃣-ўринга - $50,000;
2️⃣-ўринга $30,000;
3️⃣-ўринга $20,000.

Шунингдек, ғолиблар Бирлашган Араб Амирликларига бепул саёҳат ва IТ-Парк инкубация дастурида бевосита қатнашиш ҳуқуқини қўлга киритадилар.

2019 йил 26 сентябрда «Ўзэкспомарказ» МКК АЖда бўлиб ўтадиган «mGovAward» конференциясида танлов ҳақида тўлиқ маълумот берилади.

Танлов веб-сайти: www.mgovaward.uz


👉 @xushnudbek 👈

This Presentation for Group: 210-215-221-17
Subject: Web APP