Kecha markazimizga juda muhim mehmon tashrif buyurdi. Kim deb o'ylaysiz? 🤔

Kichik ishora: Mehmonimiz yoshlar va ta'lim sohasiga befarq emas. Kim ekan? 😉

🇺🇿 O‘quv markazimiz mehmoni — Oʻzbekiston Respublikasi Yoshlar ishlari agentligi direktori Alisher Sa'dullayev!

Kecha o‘quv markazimizga tashrif buyurib, o‘quvchilarimiz bilan ochiq va samimiy muloqot o‘tkazdi.

Uchrashuv davomida yoshlarimiz ta'limning ahamiyati, o‘z oldiga katta maqsadlar qo‘yish, intizom, mehnatsevarlik va doimiy rivojlanish haqida qimmatli tavsiyalar hamda kuchli motivatsiyaga ega bo‘lishdi. Ba'zan birgina uchrashuv insonning fikrlash tarzini o‘zgartirishi, kelajagini belgilab berishi mumkin. Ishonamizki, bu muloqot ham o‘quvchilarimiz xotirasida uzoq vaqt saqlanib qoladi.

Yoshlarimizga vaqt ajratib, ularning savollariga javob bergani va ularga ilhom ulashgani uchun Alisher Sa'dullayev Zafarovichga samimiy minnatdorchiligimizni bildiramiz.

Bizning maqsadimiz nafaqat yuqori natijalarga erishadigan o‘quvchilarni tayyorlash, balki ertangi kunning yetakchilari bo‘ladigan, keng fikrlaydigan va yurt taraqqiyotiga hissa qo‘shadigan yoshlarni tarbiyalashdir.

Katta natijalar kuchli ta'lim va buyuk insonlar bilan bo‘ladigan uchrashuvlardan boshlanadi! 🚀