⛔️ Lug'at yodlayotganda eng ko'p qilinadigan xatolardan biri
3 yildan oshiq vaqt davomida dars berar ekanman, deyarli har safar lug'at daftarlarini tekshirganimda bir xil holatga duch kelaman.

Ko'p o'quvchilar lug'atga so'zning asl shaklini emas, matnda uchragan shaklini yozishadi.
Masalan:
❌ goes → ✅ go
❌ studied → ✅ study
❌ watching → ✅ watch
❌ written → ✅ write
❌ better → ✅ good
❌ best → ✅ good
❌ friendlier → ✅ friendly
❌ happiest → ✅ happy
❌ children → ✅ child
❌ mice → ✅ mouse
❌ bigger → ✅ big
❌ easier → ✅ easy

🤔 Bir qarashda bu oddiy xatodek tuyuladi. Ammo aslida bu o'quvchining vaqtini ham, xotirasini ham bekorga band qiladi.

📖 Lug'at daftarining vazifasi — so'zning lug'atdagi (dictionary/base) shaklini yodlash. -s, -ed, -ing, -er, -est kabi qo'shimchalar esa grammatika orqali hosil bo'ladi.
Masalan, agar siz goes ni alohida so'z deb yodlasangiz, keyin going, went, gone ni ham alohida yodlashga harakat qilasiz. Aslida esa ularning barchasi bitta go fe'lidan kelib chiqqan.

🎯 Shuning uchun bugundan boshlab bitta odatni shakllantiring:

✔️ Lug'at daftariga har doim so'zning asl (dictionary/base) shaklini yozing.

Ishoning, shu bitta odatning o'zi ham lug'atni tezroq yodlashga, grammatikani osonroq tushunishga va eng muhimi, vaqtingizni tejashga yordam beradi.