( كِلُ نَفَسٍِ ذَائقًةِ الُمٌوَتْ )
بقلوبٍ مؤمنه بقضاء الله و قدره ينقل #إتحاد_الشعراء_والمنشدين
احر التعازي واصدق المواساه للشاعر الكبير عزيز الردماني في وفاة والدته التي وافتها المنيه صباح يومنا هذا
عظم الله اجره و رحمها الله رحمة الابرار و اسكنها مساكن الاخيار في جنات تجري من تحتها الانهار و الهمهم الصبر و السلوان
(( انَا لُلُُه وَ انَا الُيَُه رَاجْْعوَنَ ))

عنهم رئيس الإتحاد .
أ .#ضيف_الله_سلمان

بيان نعي
{بسم الله الرحمن الرحيم}
(وَلَا تَحْسَبَنَّ الَّذِينَ قُتِلُوا في سَبِيلِ اللَّهِ أَمْوَاتًا ۚ بَلْ أَحْيَاءٌ عِنْدَ رَبِّهِمْ 6يُرْزَقُونَ)..صدق الله العظيم..
بكل شموخ واعتزاز ينعى ( #إتحاد_الشعراء_والمنشدين) الأستاذ المنشد/ #عبدالعظيم_عزالدين
في إستشهاد نجله المجاهد/ #شرف_عبدالعظيم_عزالدين.
.. الذي نال وسام الشهادة في سبيل الله في ميدان العزة والكرامة والشرف بعد أن قدم الشاهد الحقيقي للمؤمن المجاهد في وعيه وتحمله للمسؤلية..والثبات في الموقف الحق ..وتحت راية اعلام الهدى من ال بيت رسول الله صلوات الله عليهم اجمعين..
وإننا اذ نعزي انفسنا ونعزي الشعب اليمني وفي مقدمتهم أسرة  الشهيد وجميع أقاربه.. نجدد العهد على التمسك بخيار الصمود والتحرك في مواجهة قوى العدوان والاستكبار وعلى رأسهم أمريكا وإسرائيل واذنابهم المنافقين..
ونعاهد كل شهدائنا الابرار باننا على دربهم ماضون بكل ثبات في سبيل الله..
نسال الله ان يرحم الشهيد وان يرفع مقامه في اعلى عليين مع النبيين و الصديقيين والشهداء والصالحين وحسن أولئك رفيقا..
صادر عن #إتحاد_الشعراء_والمنشدين
السبت 24 /7/ 2021

عنهم رئيس الإتحاد #ضيف_الله_سلمان .

قصيدة الولاية

الشهيد #عبدالمحسن_النمري
#إتحاد_الشعراء_والمنشدين

"حديث الـولايه"

بعطـــر الـــتولي ياخـــيالي تـعطـــر
عليك السماء تنزل وتتساقط اشعار

حديث الولايه ميز الخيـــر والشـــر
وحب الوصي فطره وميزه فالاخيار

تــربى علــى يـــد الرسـول المطهـــر
وآمن وعــاد الــكل فـــي الكل كـفار

وفـي مكــه استغفــر و هــلل وكبـر
وعاد العــرب تعبد تماثيل واحــجار

علي ذي طرح في بدر كمن غظنفـر
ورد الـتحالف يــوم الاحزاب مـنهار

علي ذي رفــع راس النبي يوم خيبر
قفى ماجنوا ذي قبلـه الخزي والعــار

علـي موعظـة ايـمان فـي كل منــبر
علـي يوم عـجات الوغا سـيف بــتار

علي لانتصر ما ضـر وان كــر ما فــر
يبـرك رقـاب الشــر ويصـــد الاخطار

علـي لاظهر يصنع رجل مثل طومر
يفــض الــبديـهيــات ويــرد الاقــدار

رفع كفه المختار فــي خُــم واظــهر
كنين الرســاله والــخفايا والاســرار

وبلـــغ علئ مسمع مائة الف واكــثر
و عم الخبر كل الـنواحي والاقــطار

ويشهد لـه المنذر وطلحـه وابـو ذر
وعثمان والحــارث وعــقبه وبــشار

على انه الٲَولى والانسب والاجــدر
بـ امر الــخلافه لكــن الوقت غــدار

وماحد فــي الامـــر الالهي مـــخير
ولا امرهم شورى هـــو الله يــختار

الايـــات يتـــذكر بـــها مـــن تـــذكر
والاحداث تحكــي كيف كنا وماصار

الاســلام مـن ذروة ســـنامه تحـــدر
وشدت على حلــقه زنانيــر الاحــبار

وطحنا كما طاح المقوقـس وقيصـر
وضعنا بـغرناطـه وضــيعنا الامــصار

وكان الخــليـفه ذي يـقامـر ويسكـر
في اسواق قرطاجه وحانات عشتار

ولا اعتزت الامـــه ولا الديـن سيطـر
ولاعشــش الــدوري فــي اوراق اذار

وتاريخنا المكتـــوب بالدم الاحـــمر
سقط وانتهـت ذات المعالــم والاثار

لان (الوســاده) ماتــساوت لحيـــدر
هُــزمنا وقادونا صــعاليك واشـــرار

تــولي علـي مطـلوب من اجل ننصر
ولــو ماورا المــوضوع جـــنه ولا نار

وشـعب اليمــن عيّــد و والى ونصّـر
وكـــنا ولازلنــا محـــبــين وانـــصــار

زُرع منهج الكــرار بالامـــس واثمـــر
في اهل اليمن مـن كل زوجين كــرار

في الحــرب نتـولاه بـ اقدام الاشــتر
وفي السلم نتولاه بـ اخــلاص عمـــار

ومن حال يثبت لـــك ولانا المسيـــر
ومن حال تثبت لك مسيرات الاحرار

ولا بانــــفـرط بالحفيــــد المـــوقــر
ولو باتشــب الحـرب مـــن دار لادار

#صقر_بن_منصور_اللاحجي.
#إتحاد_الشعراء_والمنشدين

https://t.me/aboyahyaalshami

مجاهد جريح صوته قووة القووة

والدة الشهيد العظيم #عبدالقوي_الجبري الذي دفنه المرتزقة في تعز.

زامل / #يا_باعث_الجيل_الجديد
اداء / الشهيد #لطف_القحوم
كلمات / #يوسف_الفيشي
#إتحاد_الشعراء_والمنشدين

المجاراة عن المسلسل السعودي #رشاش الذي تعمد النيل من قداسة وطهارة بنات اليمن ..

البداية من #الشاعر_بندر_السقاف

الصندل الي تلبسي ياالطاهره بنت اليمن
اغلا اعز أشرف واطهر من دقون ابنا سعود

يابنت بلقيس الحضاره يامحارم ذي يزن
لازم نأدبهم أدب يرضيش من خلف الحدود

#ضيف_الله_سلمان

عيال(إم بي سي)تمادوا في سفاهتهم علن
اتوحدوا هذا شرفكم يا الشوافع يا الزيود..!!

من اجل نآخذ ثارنا في ما ظهر وما بطن
ممن تربوا من بدايتهم فيَ احضان اليهود..!!

الشاعر ابو رواسي ارحب

يشهد عليناالله وأنت أشهد علينا يازمن
مارد قذف المحصنات إلا نقا ذات الوقود

هذه ثقافة من لامريكا وصهيون ارتهن
بلا قيم وبلا مباديء من نتائج (هوليود)!!

#عزيز_الردماني

وش قال سواق المشاكل والخيانه والفتن.
الخاسي المتأسلم الأفاك نقاض العهود.

في زينبيه تعشق الإيمان وتحب الوطن.
وترضع ابناها التولي والشجاعه والصمود.

#الشاعر_عكام_القصاد

العار ثم العار في وجه. العميل. المرتهن
ذي ماكرامه له ولاغيره ولانخوه وجود

من يرتضي ف الارض باع العرض من دون الثمن
عرض اليمن غالي على اولد الملاهي والهنود

#أبومنار_العشي

صبراً ولن ننسى تطاولهم وموعدنا غداً
شيناتهم فيها المحدش من دماهم والجلود

الرد في الميدان والله لا ندفعهم ثمن
وبا يروا يا (بندر السقاف) مصفاة الوقود

#عاقل_بن_صبر

بنت اليمن تحمي كرامتها رصاص الميم ون
ياجنس ثالث بعت دينك والرجوله والعهود..!!

يا سام صنعاء يا سبأ التاريخ ياالحره عدن
دون الشرف لومابقي رجال منا في الوجود..!!

#أبوحيدر_الحمزي

بنت اليمن يا كنز ما يعدل طهارتها ثمن
غلطان خايب ظن بل ما لك شرف يا بن سعود

من دون عزتها لبسنا في الميادين "الكفن"
ولجلها نفنا على العزه ونقدح للزنود

#أحمد_درهم

ماباع عرضه والشرف تُبَّع وبعده (ذويزن)
والسيدة (بلقيس) وثَّق قولها رب الوجود

فكيف باتسكت لهدر اعراضها اقيال اليمن..؟
أمام حفنة من ملوك النفط حذيان اليهـ ـود.

#فارس_المعزبي

من باع نفسه كــ السعودي لليهـ ـودي بــ الثمن
إتوقعوا منه فعايل تستحي منها اليهود

مافي أبتهم خير للأمه ولا فيهم ركن
الواحده منـّـا تساوي منهم كل الحشود

#أبـو_إســـمـاعــيـل_الـجـابـري

ياشلت الترفـيه وافكار النجاســة والعفن
خالطتم البنقال يابن سعود عاشرت الهنود

ولا بكم ذرة كـرامــة بعـتها بارخـص ثـمن
واليوم تتطاول على اشراف النماره والاسود

#ابوالمازن_عبدالله_الشريف

يا الله تجنبنا رذال القوم واصحاب الفتن
ذي اتطاولوا باقوالهم وافعالهم فوق الحدود

ولو بغينا الرد كم نحكي فضايح عن وعن
لكن قيمنا العاليه ترقى عن اسفاف الردود

لكن بعون الله لازم يدفعون اغلا ثمن
والنذل بايندم ويترجا حذات ام الاسود

#محمود_الجنيد

اشرف نساء الخلق فاالدنيا واطهر من قطن
في هذه العالم نساء اهل اليمن يابن سعود

ياولاد هند الساقطه يهل الفواحش والفتن
ايش انتم إلا جند لامريكاء وحذيان اليهـ ـود

#حسن_السعيدي

نجم القيامة لاح ياكمن منافق مرتهن
والعيب الاسود بايشل الدم ذي وسط الكبود

ومن تعدانا بقبحه يدفع اليوم الثمن
ويندعس راسه بحذيان النمارة والاسود

#وضاح_الحميصي

ياعائض القرني يكفي عن وعن عن عن وعن
اتبين الخافي يكفي عن حميد وعن حمود

اليوم ضاع الفرض والمسواك ياصحاب السنن
ودينكم شفناه يااهل الزيت واهل العنبرود

#ابوغبري_الغبري

الدهر بايشهد مظامينه مع(السيد حسن)
لا الزينبيات العفاف الي خلايفهن اسود

والمملكه معروف شمطا ماتفارقها الفتن.
حكامها عيله تعاقر خمر وتعاشر قرود..

#عدنان_سالم_أحمد_الذويبي

بنت اليمن دايم شريفه يا مماليك الوهن
عرشها شامخ مخلد قبل عرشك ياسعودي

أمانة بالله وحده يوم لبيتو الوثن
هي عزيزه هي شريفه يامالك (بوليود)

#صالح_حسين_أبواحمد

يخسى السعودي جزمة امريكا لنفسه ماضمن
احفاد للبنغال والهندي مطايا لليهود

بنت اليمن يالفسل محشومه شريفه واليمن
ارض الشرف والجود من جاها يردى باللحود

#عز_الدين_جحاف

لا لوم ياأهل الحقارة والوضاعة والفتن
هذي ثقافتكم وهذا أصلكم من عهد هود

اتكلموا في شاشة التلفاز على شعب اليمن
في ساحة الهيجاء باتلقوا عنيفات الردود

#ابو_برق_الظرافي

بنت اليمن حرة ابية شامخة باالعز من
حط السفاهة في شرفها بايلاقي ايام سود

نقسم بخّلاق السماء والأرض يا ارباب الفتن
ماتخرجو من نار حمرا في اليمن تِبْدِل جلود

#ابومحمد_العفاري

اليوم يوم الشل ياقومي شليت الكفن
حملت ادوني لأجل العرض طلقت القعود

لعنه على من قد سكت منا على هذا العفن
ذي تطلقه شبكات اعلاميه باحضان اليهـ ـود

#إبتســام_شــرف_المحطوري

بنت اليمن أصل الكرامة صيتها عبر الزمن
ام الرجاجيل في المواقف جودها اعمى الحسود

تدفع بفلذة كبدها يدعس على انف الخون
ماضي وحاضر صانعه جيل الشجاعه لايذود

#إتحاد_الشعراء_والمنشدين

https://t.me/aboyahyaalshami

تابع المجاراة عن المسلسل السعودي #رشاش الذي تعمد النيل من قداسة وطهارة بنات اليمن ..

#ابوهكام_الحشيشي

بوبدر من جانب وبونصر الشعف وابن المشن
ومسيرات الحق والبركان واحد والسكود

والجيش ولجانه يلشون النقاء حسب السنن
كرما لعينش بانخذ بالثار ياذات الجعود

#ابوروعه_الجوفي

أقسم بذي ما خاب فيه الظن يابنت اليمن
ان انتي اغلا من ابو سلمان واحفاد القرود

ولأجل هذا عهد بأذن الله نواريه الدفن
وإلا فلا أحنا من بني الأنصار ذي عاشو اسود

#الشاعر_رايد_الخمري

بنت اليمن أشرف واطهر من وجيه اكبر خين
ولابد مايندم على فعله وذي جلى ثمود

واقسم برب البيت ماقل اسفيه يدفع ثمن
ويتجرع العلقم ونصلهيم الاعمق اللحود

#مصطفى_الضبياني

رشاش له رشاشنا سنه جليه في السنن
اذا حدا منكم سكت باتنتفض عيلة ( سكود )

توحدوا ياشعبنا ياكل ثاير في الوطن
مادون عارك يايمن الا فنى ابنا سعود

#أبويونس_العويري

الله أكبــر الله أكبــر لاتـــــراجع لاوهــــن
عارنا أكبــر قضيـة كلنا نحو الحــدود

شعـبنا كلة توحــد من تـهـامة لاعــدن
دام عزك يايمنا دام شعبي في الوجود

#حسن_المهدي

ما عاب فـ القدر الرّفيع الّا المناقيص الهَيَن
تبقى على الأشراف بالعيبه لساسنهم مدود
..
والسّاكتين اللِّي تغطّوا بالشّراشف والخُنَن
عن قدح الاعراض ارتموافي قبلةالبقشه سجود

#نجيب_العوسة

حنين قلبي للمعارك يا النشاما اليوم حن
جوابنا باتسمعه يا نذل في عمق الحدود

مهما تطاولتو واجرمتو بحق اهل اليمن
تبقو لامريـ ـكا حذاء واذناب لأذناب اليهـ ـود

#ياسين_الفروي

بنت اليمن من غيرها في قلعة العليا سكن
من غيرها ربت ولدها بين غابات الاسود

في يدها الرشاش رشت كل غازي مرتهن
طبعة حذاها اشرف وأعظم من ممالك بن سعود

#صابر_حسن

يا شعبنا اركن أن نسوان اليمن أطهر وأكن
من أن يشهوهن سعودي من سلالات اليهـ ـود

ملعون ماله عرض ونسائه لهن واتهتكن
وضنه أن بنت اليمن تشبه لنوره والعنود

#ابوفيصل_المهذري

بنـــت اليـمن فيــها الــشــــرف طــول الزمن
حذاينها اشرف من عبيد الشر واذناب اليـ ـهود

تخسى وجية العار تخـــسى مامعها الا الفتن
ذا اخـر الاحقـــاد. ونهـــــايت قواهم والبنود

#علي_حشفول_الهلالي

بنت اليمن تبقى على مر الزمن
أطهر وأشرف من وجد في ذا الوجود

يا ارذل عباد الله كم تشتوا لعن
الله يلعنا لو سكتنا وظلينا رقود

#عبدالغني_ضبعان

بنت اليمن فيها الشهامه والكرم اغلى ثمن
ومن يوطي قدرها بـ(انفيه)من عين الوجود

بنت اليمن ماهي كما اختك راقصه يا مرتهن
هذه يمانيه اصيله اصل اباها والجدود

#عبدالقوي_البطل

والله ما بايفلحوا واحنا ورااهم والزمن
شاهد عليهم باالذي سووه في هذا الوجود

ومارسوا في حق هذا الشعب وذروا من فتن
لابد مايلقوا جزا ماقد تعدو من حدود

#الشاعر_فرحان_السلامي

بنت اليمن تاج الشرف و العز يا حفنه خون
نعالها اشرف من وجيه السعوده نسل القرود

لابد ما ننزع جذور الكفر و اشرار الفتن
أقسم بربي لو تموج الارض و تذوب الحيود

#إتحاد_الشعراء_والمنشدين

https://t.me/aboyahyaalshami

خاض من أجلها الحُتوفَ اقتحاما


هيَّأَ الناسَ للمسيرةِ حتى
لامسَ الهديُ في النفوس انسجاما
* * *
بعد عمرٍ من الجهادِ طويلٍ
ذاق فيه العناءَ والآلاما

اجتبى الله من سناهُ وليَّاً
حينها قلَّدَ (الحسينَ) الزِماما

ورأى جُهدَهُ العظيمَ أخيراً
صار نهجاً وأُمّةً وإماما

خبرُ الحرب كان أعظمَ بُشرى
عند (بدر الهدى) يراها وِساما

ولطلابه يسوقُ التهاني:
بلَّغَ الله بالجهاد المراما

كان كهفَ المجاهدين ملاذاً
كان يأتي سكينةً وغماما

كان يزدادُ قوّةً وثباتاً
كلما زادت الحروبُ احتِداما

عزمُهُ يُخجلُ الشبابَ نشاطاً
مُولِيَاً أصغرَ الأمورِ اهتماما

أصبرُ الصابرين لو أن طوداً
عاشَ ما عاشهُ لصار حُطاما

جُلُّ طلابِهِ ارتقوا وهو يدعو:
ربَّنا اغفِرْ وثبِّتِ الأقداما

كلما شيّعوا حفيداً أو ابناً
يحمدُ الله لا يقول: إلى ما؟

عندما ودَّعَ (الحسينَ) شهيداً
بارَكَ الله صبرَهُ وأداما

باعِثاً للورى (أبا جبريلٍ)
علَمَاً، قائداً، شجاعاً، هُماما

لم تزل حول (سيِّدي بدر) تجري
سُنَّةُ الله حِكمةً واحتِكاما

أكملَ العُمرَ في القِفارِ طريداً
وهو يسقي الطغاةَ موتاً زؤاما

أقلقَ الظالمين في البحث عنهُ
وأذلَّ المنافقين اللئاما

عاشَ لله قانتاً ومُنيباً
ولهُ عبَّدَ الثمانينَ عاما

فأراهُ الإلهُ ما كان يرجو
واقِعاً عاشَ فيه لا أحلاما

قِفْ بأيامِهِ الأخيرةِ لمَّا
أوهنَ العمرُ جسمَهُ والعِظاما

صار لا يقدِرُ الوقوفَ لشيءٍ
إنَّما لم يزل يُصلِّي قياما

إنّهُ العشقُ للإلهِ عظيمٌ
حين يستوطِنُ الرجالَ العِظاما

بالتُقى الكامِلِ الذي كان فيهِ
أدهشَ (البدرُ) كاتِبينَ كِراما
* * *
(سيِّدي بدر).. وانحنى الشعرُ عجزاً
(سيِّدي بدر).. وانحنيتُ احتراما

(سيِّدي بدر).. واللغاتُ حيارَى
وأضاعَ الكلامُ فيه الكلاما

لا يُوفِّيهِ غيرُ جنَّةِ خُلدٍ
فهو في نيلها استحقَّ المُقاما

جنَّةٍ يلتقي النبيِّين فيها
ويُلَقَّى تحيَّةً وسلاما

#معاذ_الجنيد
#إتحاد_الشعراء_والمنشدين

https://t.me/aboyahyaalshami

المجاراة عن موضوع((دعم وثيقة وقرار تيسير تكاليف الزواج))

البداية الشاعر #ابو_يوسف_القاري

موضوع تيسيرالزواج انؤيده
نعمل لتنفيذ الوثيقه والقرار

تحصين ضدالناعمه والمفسدة
تجسيدللإيمان قاهرللحصار

يكفي تكاليف أوشروط معقدة
مخالفه للدين بطره وإتجار

حان التعاون والجميع يجسده
ولدعوة السيد نلبي بإختصار..

# الشاعر ابو رواسي ارحب

لبيك ياروح الجهاد وسيده..
يانفس طه والمكمل للمسار

مسجد (قبئ)مسجد أبوه ومسجده
وعاصي أمره مسجده مسجد ضرار

قرار ترخيص المهور نأكده..
بالعهد فوق (الغاشيه والانفطار)

(علي) دفع في (فاطمه) خاتم يده..
يامن تدور من قفا بنتك ضمار

ضيف الله سلمان

خطوة عظيمة ناجحة ومسددة
يفرح بها شعب اليمن في كل دار..!!

مافي الوثيقة والقرار انعمّده
واحنا على مافي الوثيقة والقرار..!!

قرار (تيسير الزواج) انجسّده
ونتّجه ياشعب في هذا الاطار..

الكل جاهز والبنود امحدّدة
بعد العلم لو يشتي انخوض البحار..

#احمد_درهم_المؤيد

قرار يستهدف أيادي اليهودة
ويجعل الشيطان يشعر باانهيار

نؤكده ونشيد به ونأيده
ونردده في شعرنا ليل ونهار

ومن رفض مااتظمنّه تبَّت يده
وعاش في ذلّة وخسَّة وانكسار

لا تفتحوا ثغرة للاعدا واحدة
وتأملوا ماقال (رشاش) الحمار

# مهدي احمد مفلح

هذا عمل خيري اموره جيدة
يزيل ما اتعسر ويسعد كل دار

لازم علينا ندعمه ونؤيده
نرخص تكاليف الزواجة باقتدار

وابصم واوقع له بقولي واسنده
انا وربعي كلهم دون انتظار

كي تبتني اسرة قوية واعدة
وامة لها ف الكون قوة واعتبار

#صالح_حسين_أبواحمد

تيسير موضوع الزواج نشدده
وبالعشر بانبصم لتاكيد المسار

تزويج عازب كل عمره بدده
طول العزوبيه ولوعات العسار

وان كان متزوج ولاقى عردده
من بو المره واصبح معرض للنبار

الشرع جاز اربع وربي حدده
لابد مايشمل ويدخل في القرار

#ابوقصي_العويري

باننصره ونوافقه ونئيده
قل للعزب يفرح ويصرخ بالشعار

قرار ناجح مستحيل نجمده
لازم نسير الكل في هذا المسار

قرار من حاول بحقده يفسده
ماعاد له كلمه معانا واعتبار

واحنا مع السيد وعهد نجدده
بقلوبنا مابا نخالف له قرار

#وضاح_الحميصي

مادام واحنا قوم الين افئده
وقلوبنا فوق العدوا مثل الحجار

عقد الزواج للمؤمنين بانعقده
ونيسره مدام والله قد اشار

لا للشجع لا للشروط المجحده
كلن يخاف الله قبل الاحتضار

قال المثل دور لبنتك مسعده
ياحج مسعد لانها مكلف وعار

#الشاعر_ابو_حمزة_ماجد_نشير

شعب اليمن ياقوم الين افئده
وارق قلوباً في اتخاذات القرار

حكمه يمانيه امم متجدده
لكنها تمشي على نفس المسار

متعاونين وكلماتهم متوحده
بيناتهم حتى يحين الانتصار

متكاتفين مثل الدما والاورده
مهما يكون حجم المصاعب والحصار

#سلطان_خضران

هذي الوثيقه كم لها من فايـــده
لو طبقوها الناس جمعه باختصار

انصح رؤوس المال واهل الارصده
ان ينظرو فيها بعــــــين الاعــــتبار

من زوج ابنه جعل ربي يسعده
ماعاد به داعي الى كـــثر الهدار

يطرح تكاليف الزواج الزايـــــده
ويزيد للمسكين من راس الضمار

#ابوهكام_الحشيشي

قد عمد الاستاذ خطوه جيده
هذالوثيقه امس واحنا في حصار

وذي ملتزمشي بالبنود نقيده
واجب ونصرخ باب بيته بالشعار

هذه اومر رسميه وامشيده
قل للعزب ياذاك ما فات القطار

والاب ذي للشرط رام يزيده
والله لو با ندخله ........الحمار

#ابو_مالك_الكوماني

ما قال ابو جبريل لازم نرفده
واليسر بايأتي وراه الانتصار

اذا بذرنا الخير لازم نحصده
من الوثيقة نجتني طيب الثمار

من ظن بايجني من البنت ارصده
لا فيه دين ولا رجوله لا اعتبار

الخط واضح والطريق امعبّده
لاحد يظن انها تجاره واحتكار

#زيد_الخراشي

بقائد الثورة تأسى واقتده ..
ياشعب وانظرله بعين الاعتبار.

فرحة زواج اطرف مجاهد تسعده..
كنه عرس جبريل عنده باختصار .

ما اردى النفوس الا فساد اليهوده.
وابن النبي زكى النفوس بذا القرار..

قولوا لسبط الصطفى انا في يده ..
ما يطلبه منا ابن بدر الدين صار

#جميل_جعفر_ابوشامخ

خطوه عظيمه حكيمه جـيّـده
يحسب لها العدوان مليون اعتبار

هي من ثـمـار أعلامنا و الأرصده
أهـل الهُدى و الدين واصحاب الوقار

تبني جسور المجتمع و الأعمده
أقوى من الأسمنت أيضاً والحجار

هذا القرار يسعد جميع الأفئده
ويعتبر إيمان عـزّه و انتصار

#براق_المنبهي

فكره رزينه من قيادة واحده
فيها المسار اللي نما بالإزدهار

لازم نكون قدوه لأمة صاعده
ونرسخ المشروع يوصل كل دار

نشمخ وطرق الحق لانستعبده
لأن التكاتف عز قووه وافتخار

واِللي يجاحد باندمه نضهده
يعرف ميول تيسير مشروع القرار

#ابوغبري_الغبري

ياشيخ مسعد واسمعي يامسعده.
ماعاد باندفع سوا مافي القرار..

قرار من بطن الرؤى المتعدده..
من يلتزم به زاد حسباه اعتبار..

باندعمه ونوثقه ونعسجده...
تثبيت مضمونه على الشر انتصار.

وسيوف الاستقرار عافت لاغمده
رغم التكالب والتئأمر والحصار

#إتحاد_الشعراء_والمنشدين

https://t.me/aboyahyaalshami

تابع المجاراة عن موضوع((دعم وثيقة وقرار تيسير تكاليف الزواج))

#ابوإسلام_الحداء

حكمـــه يــمانـيه تريْح الأفــئده
ثمارها في ذا الزمن خير الثـمار

موضوع تيسير الزواج ذي حدده
السيـد آمال الجميع بـ الاختصار

ماهو بخسران من سمع قوْل سيده
الخاسرين ذي ما معاهم ذا القـــرار

بعــــــد الـعلـــــم كلاً يشمر ساعده
ياشعبنا اعمل بالقرار دون انتضار

#عز_الدين_جحاف

شبابنا العزبان هذا يسعده
ويسعد الشابات ما أحلاه قرار

قرار صائب فشكر الله واحمده
ياشعبنا دايم بليلك والنهار

واسعى لتطبيقه بقوه عمده
واشعل مصابيح الفرح في كل دار

ولاتأخر بالتكاسل موعده
ياشعبنا عجل كفانا إنتظار

#ياسين_الفروي

خطه بروح المجتمع متجسده
شفنا لها في واقع الامه ثمار

خطه عظيمة والخطى متوحده
واجب نقابلها بعين الاعتبار

معنا علم تهوي إليه الافئده
جده رسول الله خيار من خيار

الكل يسمع له ويفهم مقصده
جا من هدا فاطر وهدي الانفطار

#عبدالكريم_صلاح

الحمد لك يا من وجب أن نحمده
حمداً على نصرك مع طول الحصار

وتيسيركم للمهر يسعد أفئدة
حتى يصير الشعب تعداده كِثار

تحصين طيب للشباب تأكده
كل اليمن والفائده في كل دار

سورة من القرآن طيب يسرده
تكفي ورب العرش من غير إنتظار

#ابومطلق_أبوشوصاء

ياسـيــدي رأيـك إلـهـي سـدده
قرار تيسير الزواجـة باختـصار

الشَور واحد والقلوب متوحدة
والكـل بتـأيـيد يعـلـنـها جـهـار

الكـل يـتـزوج نـسـاء متعــددة
لايخـاف الجـوع والا الإفــتـقار

ومـن كـان عـاده للـقـرار بيعـانده
يبشر من الباري بضربة ذو الفقار

#أبـورازح_القـعـود

خفو المهور ياشعب يكفي يهوده
كم شفت أنا عزبان بيلقط حجار

من باطل الشرط الظروف امعقده
قد العزب في وضع مزري وانهيار

لاصار يخطب بنت عمه نهده
يشرط مقابل خطبته الف دولار

على السياق هذا وعمه يهدده
يوم العرس ادفع ملأيين بااختصار

#ابوناصح_منصور_العزي

قرار. صايب. كلنا. له. نرفده
نبصم عليه باالعشر.نصرخ بالشعار

خطوه حكيمه. لليمن. من سيده
في. مصلحتنا. الكل. رايه. والخيار

قرار تحديد. المهور. ا نعمده
ونطبقه. تطبيق. مايقبل. حوار

مابش. ورى مهر. البنيه. ارصده
يامن يفكر. من قفا. بنته. عقار

#علي_درهم_المؤيد

اللي رفــع سعـر الزواج المفسده
عدة قـرارات اخربوا قبـل القرار

من هـو ضعيف وما بيده ارصده
ماله نصيب من الزواجه واعتبار

حرب الفساد افضل قرار نشيده
والوضـع بايسبر ولـو كـانـه دمار

#سعيد_الحداد_الكهالي

قرار تبسيرالمهورالمبعده
نكسرحواجزهالتقريب المسار

جنسين يسهركلمن في مرقده
بالحزن والمأساه لاصبح النهار

الظلم ابوجبريل بابه بنده
وعن دروب الخيرقدزاح الستار

قراره الصايب جميعآنسده
ويطمئن الكل من فحشاء وعار

هذا هدف شرعي وغايت مقصده
ونعم بقايدنا قرارته شعار

#صلاح_ناصر

حدد مسارك ياهجوسي حدده
بادر معاهم ثم ناقش في الحوار

مبادره حلوه و جداً جيده
وانا مع الشاعر لتصحيح المسار

يامعشر الأباء يكفي يهوده
وزوجوهن لو بتمره في الفطار

ولا تدور للضمار والأرصده
ولا تزوجها تباهي وافتخار

#بلال_الصوفي

باب الطمع لازم نسده ونوصده
وبقوة الثورة العظيمة والشعار

لازم نوعي شعبنا بل نرشده
أن العنوسة هي سبب كل الدمار

واللي يخالف لا جهنم يورده
رب البرايا والسكن دار البوار

وكل خاطب ما استطاعت له يده
يدفع ويتزوج وذا نعم القرار

#الشاعر_رايد_الخمري

لازم نطبق كلمته ونساعدة
ونكون في واقع مجسد بالقرار

ياكل نشمي كل مؤقف حددة
وبادر الأحسان في هاذا الحصار

واجب وجبه الله فينا نعقدة
ونزوج المسكين ألو الأفتقار

ذي مكتمل فيه الصفات الشاهد
وانشيد الأيمان واقع وانتصار

#ابويحيى_القهده

هذا كلام الحق يا اهل الافئده
واجب وجوب إنا نعزز ذا القرار

الله أكد والنبي قد أكّده
يوم زوج الزهراء بصاحب ذوالفقار

ياناس لا تبقى الشروط متعقّده
 وحصنوهن ما تروا ذله وعار

والمهر يا ويل الذي بيزيده
 ماهي بظاعه ترتفع بالاحتكار

#إتحاد_الشعراء_والمنشدين

https://t.me/aboyahyaalshami

أول ظهور لأبن شاعر اليمن الكبير
الشهيد #عبدالمحسن_النمري #بندر_عبدالمحسن_النمري

#إتحاد_الشعراء_والمنشدين

المجاراة عن استهداف الاقتصاد اليمني واستمرار الحصار على الشعب اليمني قرار امريكي..

البداية من #الشاعر_عابد_المدم

قل للمسير والكروز اتحركي
دكي المصافي والمواني والثكن

ردي على حرب الرسوم الجمركي
دقي من اتطاول على بنت اليمن

#الشاعر_أحمد_درهم
.....
قولوا (لامريكا) على من تضحكي..؟
يا ام الجرايم والمصايب والمحن.

هي ذي تحاصرنا وهي ذي تشتكي
وهي ذي ادت بنك (صنعاء) لا (عدن)

#ضيف_الله_سلمان

كسّر قرون ابليس يالبدر الذكي
قال النبي (منها الزلازل والفتن)

بشّر ملوك المملكة يا(مالكي)
بأسوأ نهاية قادمة(mide.in.yemen)!!

#أبورواسي_أرحب

تمضمضي يامملكه وأتمسوكي..
ماعذر من مكه ولو طال الزمن.

أحناولو بالجمركه .....تتأمركي
في أبتغاء القوم مانشكي وهن

#يحيى_الوحيشي

انا اليماني والكرامة مسلكي..
من دونها حيا بنعشي والكفن..

للحرب والا الجمركة ضهري وكي..
صامد صمود الحيد واشهد يازمن..

#صالح_حسين_أبواحمد

ياثلة البعران خصرش حركي
اقسمت بعد اليوم عمقك ماامن

الشعب صامد فوق مجده متكي
لجل الكرامه دافعين اغلى الثمن

#مهدي_أحمد_مفلح

بالله نتوكل وعونه نرتكي
في دعس الامر يكي وغازي مرتهن

لي سبرو في شعب الايمان الزكي
كل التامر واشعلو كل الفتن

#عاقل_بن_صبر

فكي جناحينك ونكي وافتكي
تبكي عيونه دم من باع الوطن

قرار الامريكي و حلف المالكي
في حربنا با يدفع الغالي ثمن

#الشاعر_عزيز_الردماني

تَصهيني يا(نجد) ولا اتأمركي.
ولا ارفعي سعر الجمارك والمؤن

على عصا موسى اليماني متَّكي.
وإقتصاده فوق ما صابه وهن.

#عبد القادر_داود

يا سيدي يا القايد الفذ الزكي
يشهد علينا الله ما نعرف وهن


ندعس على حرب الرسوم الجمركي
سعما دعسنا المرتزق و المرتهن

#جميل_جعفر_ابوشامخ

يا ناقة النفط قـرّري و ابركي
لن ننحني كـلّا ولـن نخضع ولـن

من هو يحاصرنا في الآخـر بـكـي
يعيش ابو جبريل و السيّد حسن

#ابوغبري_الغبري

الفعل يا حلف الغوا غير الحكي.
وافعالنا تِلّبس اعادينا الكفن..

يانجد با الشيطان لا تتمسكي..
با ترجعي لا حكم عباد الوثن..

#علي_مغلي

يالامركة بالحرب لا تتحثكي
قلنا لكم مابا نسلم لا ولن

اقسم قسم بالله لا تتشعبكي
ونلبسش ثوب الهزيمة والكفن

#ابوقصي_العويري

لله وحده بانخاف ونرتكي
من خاف غيره باع نفسه وارتهن

ياذي تحالفتو على الشعب الزكي
حانت نهايتكم في اطراف اليمن

#الشاعر_رايد_الخمري

قال اليماني يارجال اتحركي
وهاجمي من حاصرونا بالعلن

في ساع ياكل الطقوم اتحركي
حانت نهاية كل عباد الــوثن

#محمود_الجنيد

وكل من صفق وبالغ باالحكي
يوم التحالف جا لتدميرة علن

فرح ببو الف الجديده وارتكي
واليوم رزمةُ مابها كيلو لبن

#أبوالمازن_عبدالله_الشريف

شعب اليمن صامد ولا بايشتكي
الا لرب الكون ذي باسمه ركن

ولا يهزه مكر كمن مشركي
لومابقي ما ياكله غير اللبن

#ياسين_الفروي

ذي جا مهنجم في اواخرها بكي
واصبح بخشم رجال وابطال اليمن

الحرب قل (المالكي) ما هي حكي
من حارب الانصار في الميدان جن

#عبدالكريم_صلاح

يا حزب ربي يا فلول إتحركي
من البوادي يا رجالي والمدن

فكوا حصاري يا ذوي الدم الزكي
في حرب شامل ضد جيرانٍ خون

#سلطان_خضران

مافايده ياقوم في كثر الحـكي
بوابة العالم عــــــلى ايدينا أذن

هاتو نغلـــــقها في المـــــندب لكي
يرفع حصاره من على شعب اليمن

#الشاعر_عبدربه_الحداد_البيحاني

مهما على شعب اليمن تتانتكي
يامملكة سلمان معلول البدن

شعب اليمن باقي بعزه مرتكي
باحفاد حمير والغضنفر ذويزن

#ابومقبل_الشعيثي

ياحلف قرن الخاين المتأمركي
خلاص مشروعك على الشعب ادفن

هوشعب واكي كل متحاصر وكي
ولاستكان ولايخاف ولاوهن

#البراق_المنبهي

لو حاصرونا عاد قوم ترتكي
فوق التباب الغبر ماتخشى الزمن

تسري عليهم والقــذايف تفتكي
تقطع وريد الخصم صاعقها يرن

#وضاح_الحميصي

يامملكه يامملكه ماتملكي
سوى السفاهه والتفاهه والمحن

تحاصري شعب اليمن وتشاركي
في دعم اسرائـ ـيل وامريـ ـكا معن

#ابوإسلام_الحداء

يا قـــوة الجو اليــــمانــيه أهتُـكي
عرض السعوديه بلاد أهل الفتن

لاما يسير النفط بـ القفنا حَكي
أو يرجع المهــفوف غَرّآم للـيمن

#ابو_بدر_الفرجه

ياجيش شمر يالجان اتحركــــي
دكي ملوك العار واحلاف الخون

ردي على رفع الرسوم الجـمركـــي
واسحق قرون ابليس زيله وافتهن

#سعيد_الكهالي_الحداد

ياجندربي بالثبات اتمسكي
في كل ساحه وانجزي خبره وفن

هدي عروش الظلم دقي دكدكي
وانهى بقياالرجس فيهاوالخون

#الشاعر_ابوحيدر_عامر

يا جند ربي جيش الاعدا اسلكي
دوسي ابتهم كل عباد الوثن

بل قدس قصر ابليس هديه اصمكي
اشوي حشود الكفر ذي ضد اليمن

#إبتســام_شــرف_المحطوري

مادام قايدنا (علم ضرغام زكي)
ندوس امريكا وشُبَّاب الفتن

انصار لله من يواجهنا بِكِي
يقفز حيود الموت للذله ذعن

#إتحاد_الشعراء_والمنشدين

https://t.me/aboyahyaalshami

تابع المجاراة عن استهداف الاقتصاد اليمني واستمرار الحصار على الشعب اليمني قرار امريـكي..

#بندر_السقاف

باتهلكي بعد العلو باتهلكي
هي مرتين اعلوكم عبر الزمن

فرعون وانتي بعدهم باتدركي
مهما يكون القرح مافينا وهن

#هادي_حسين_الرزامي

الحرب مفروضه ولعدا تحبكي
والشعب صامد للحروب وما وهن

عدونا امريكا بحلفه يرتكي
واحنا على الله من وثق به ماغتبن

#نجيب_العوسه

ذي بدأت العدوان رجعت تشتكي
في مجلس الخوف المسمى با الأمن

واليوم هي نفس الحكاية والحكي
تشتي تحاصرنا وباترجع تأن

#بشار_العفيري

لله وحده من اليه بانشتكي
ولغير ربي منحني كلا ولن

يهزني رفع الحصار الجمركي
لني مع الله في السريره والعلن

#أبورازح_القعود

هذا النهايه والخلاصه فى الحكي
شعب اليمن صامد على مر الزمن

والمملكه وأذنابه اليوم تشتكي
هانوا كرامتها رجاجيل اليمن

#ابومطلق_ابوشوصاء

مهما تحصارنا محاله نهلكي
لويمنعوا البترول عنا والسفن

محال بدرالدين دربه نتركي
وهيهات منا الذل ياحلف الهين

#ابو_السرايا_المقدشي

بالله ي التوشكا تخله يشتكي
يَصّبًحًوٌ عبرة على مر الزمن.

لاما حصار الشعب حلفه يتركي..
والمـ ـوت ل امريـ ـكا وتحيا ي وطن.

#راجح_بن_صبر

دكي ابتهم يلمسير دكدكي
احنا لنصر الحق قدمنا الثمن

الاقتصاد اليوم لامن يرتكي
ذي صابحو يتلاعبو فيه الهين

#صدام_العزب

إلى أرامكو ياالصواريخ اسلكي
دقي حقول الشر مملكة العفن

صُبي غضب ربي عليهم واحركي
قواعد الورع السعودي المرتهن

#أبـوإســـمـاعــيـل_الـجـابـري

ياشــله امـريكا لزم تتـبكـبـكي
من ردعة الأنصار وأشهد يازمن

قد صارت ضلوعك مع ظهرك نكي
والنصر قادم والفرج لاهل اليمن

#نصر_حمودي

المملكه بالـــبيت الابيض ترتكي
وشـعبنا اتوكّل عــلى الله وافـتهن

يا الحيّه الرّقطى كفى تتصعلكي
ـ today يقطع لسانش اتش one

#صلاح_الدين_كامل

بالله كافيهم نصايح واتركي
للنار والصاروخ يا أرضي شجن

واقسم لكم بالله والدين الزكي
ما قل ما الصعلوك يدفع للثمن

الوليد_النفيش

والمرتزق في ظهر من بايرتكي
لا جف ضرع المملكه والا احتقن

وعند من يبكي واينه يشتكي !!؟
ما تنفعه طول الشوارب والدقن

#فواز_هادي_أبوحسن

شلي عزومش ياالمسير وافركي
دقي قرون إبليس وملوك الوثن

ويا قبائلنا انفري وتحركي
رغم الحصار اللي على شعب اليمن

#علي_المؤيد

عن اليمن يامريك كفي شركي
يكفي كفا كفي حصارك لليمن

الموت لك ما نتركه لـو تتركي
وشعارنا بعدك ولو طال الزمن

#الشاعر_جبر_المهدمي

ياطايرة صماد طيري وافتكي
بالحلف الارعن والعميل المرتهن

يالمـملكه لابـد مـاتتبكبكي
رُغم الحصار الاأقتصادي للوطن

#ابوعلي_صايل

باتهلكي يا المملكه با تهلكي..
فرعون من قبلش وقارون أدفن..

وألولي خيوط الحقد كفما ودكي..
ما من خيوط العنكوت وحش أستجن.

#الشاعر_ابوفتح_الاشول

يا مملكة نجد الشياطين إشركي
جمب اليهود احفاد صُناع الفتن

شعب اليمن لا زال في الحرب الذكي
با يصتنع من أفتك سلاح الف طن

#إتحاد_الشعراء_والمنشدين

https://t.me/aboyahyaalshami

المجاراة عن ذكرى الهجرة النبوية الشريفة على صاحبها وآله أفضل الصلاة والسلام.

البداية للشاعر #ابومنار_العشي

في يوم ذكرى هجرة الهادي
نرفع تهانينا إلى أحفاده

والعهد ذي وفّوه الاجدادي
جئنا لتثبيته وجدّاده

اهل اليمن وآخير الاجنادي
مع آل طه خيرة القاده

يا فتح مكه بشر الوادي
نعيد فتحه بعد وصّاده

#نشوان_الغولي

هاجرت من وادي الى وادي.
مع النبي و ابناه و احفاده.

و انا على عهدي و ميعادي.
في سلم و الا حرب وقّادة.

يا ساعدي فالحرب و زنادي.
لي منعكم لا نخلف العادة.

تاريخنا هجري و ميلادي.
من هجرة الهادي و ميلاده.

#ضيف_الله_سلمان

والله منحنا اعظم اقيادي
واختصنا من سائر اعباده..

في واقع ايمانيّ وجهادي
امّة لها منهاج وقيادة..

سابع سنه والحلف متمادي
في حربنا تجويع وإبادة..

مازال غارق في التِيِهْوادي
في وحل تطبيعه وإفساده..

#الشاعر_احمد_درهم

وقِّف رحال (العيس) ياحادي
وردد ألحانك كما العادة

لو حاصروني قوم الاوغادي
بقول قولي عزم وإرادة :

حب (النبي) شربي وهو زادي
وفوق ما بحتاج وزيادة

ولو قُتلت فبعدي (أولادي)
مسيرة (الأنصار) ولاّدة

#الشاعر_ابو_رواسي_ارحب

من واقع الهجره بداء أعدادي.
من حيث ماطه بداء أعداده..

أوالي من والاااه وأعادي..
عدوه المعروف بأحقاده..

العصر هذا عصر صمادي..
وأبن النبي واقف علئ أشهاده.

وأحنا جنوده لابدى بأدي
وكلمن كفه علئ. زناده..

#ياسين_الفروي

الأوس والخزرج هم أجدادي
كلن فدا المختار بفؤاده

في يثرب الهجره لها ابعادي
لليوم ما زلنا على العاده

نبذل معه فلذات الاكبادي
والمعركه والحرب وقاده

ايماني الايمان وجهادي
من هجرة المختار وجهاده

#ابو_مالك_الكوماني

اجدادنا انصاره و الاحفادي
في ذا الزمان تناصر احفاده

بعنا النفوس وبعنا الاولادي
في منهج المختار وجهاده

نضرب غـوايـة كل متمادي
ومن تعدا ننـهش اكبـاده

يا لابتي صنـّاع الامجـادي
تحـرير مكـه حان ميعاده

#مهدي_احمد_مفلح

شل الوفاء والعهد يا شادي
ما نختلف عن منهج السادة

منهج محمد ذي به اجدادي
قامو وصانو الحق بارادة

واحنا لهم من خير الاولادي
ما نختلف والعادة العادة

نخرج حقارة كل متمادي
لا جاء نشب النار بافراده

والعزم فينا عزم صمادي
والعز منا قام ميلاده

#زيد_الخراشي

يابدر بانوار الهُدى بادي ..
صارت الينا هجرتك عادة .

نستقبلك بالصوت الانشادي..
من الفرح ياسيّد السادة

عمار بن ياسر سلك وادي..
علي وساروا بعده احفاده.

احنا فدى لك لابدى البادي..
وارقابنا بالغُرم سداده

#أبويوسف_القاري

حسب الولاء للمرتضى الفادي
للمصطفى بالروح وفؤاده

أنصار صدق ودعم واسنادي
نمضي ونطلب نصروشهاده

في وجه أكالين الأكبادي
سيوفنا للثأر طراده

واهل العماله والتيهوادي
عشاء لابوجبريل وافراده

#عاقل_بن_صبر

يا سيـــــدي لبيك،، وبلادي
مستنقع العدوان واحقاده

شعب الكرامه غادي بغادي
انصار دين الله و اوتاده

الركن الاسحم بسمي ينادي
والقدس ناظِرنا لميعاده

ونهاية الرجس التيـ ـهوادي
على ايادينا وموسـ ـاده

#صالح_حسين_أبواحمد

يامرحبا ماحن رعادي
ماصب قاصف نار وقاده

بك يامهاجر للبشر هادي
صوب المدينه قايد القاده

طه المشفع ساعة النادي
يوم القيامه رغم حساده

ذاكراك فينا ماحدا الحادي
باقي بنا الى يوم ميعاده

#ابوإسلام_الحداء

نهنئ الاحرار يا اسيادي
في ذكرئ هجرة سيد الساده

بانحيي الجبهه رصاص عادي
وبالرصـاص الكاشـــف ازياده

من اجل ندحر حلف الاوغادي
من ارضنا ذي حان ميعاده

بانقتحم غادي وراء غادي
لما نصل يثرب مع الـقاده

#وضاح_الحميصي

ياسيدي يالطاهر الهادي
شعب قد اعلن اجـــهاده

وقاتل امريـ ـكي وموسـ ـادي
وابو لهب سلمان واوغاده

وله مع مسراك مــيعادي
يستاصل الكافر وموساده

في المحور السيني والصادي
جهز ورتب وضع افراده

#بلال_الصوفي

حب النبي وآل النبي زادي
ما دام عندي روح وقادة

واعداء ربي كلنا نعادي
لنا بهذا قد جرت عادة

وأزكى صلاتي عد الاعدادي
على النبي المختار واحفادة

ما البدر يسطع من سما الوادي
ولكامل الاعلام والقادة

#ابومقبل_الشعيثي

ياخير مومن في تعبادي
يصبح ويمسي فوق سجاده

اداء الرساله رغم الاحقادي
وثق عمود الدين ووتاده

في عصر جهال التعبادي
خضع قريش الدين وسياده

واليوم في عصر التسعوادي
حاول يرد الدين يهـ ـواده

#عز_الدين_جحاف

زواملي تحلو وإنشادي
في ذكر طه وأحفاده

من منهله يرتوي الصادي
ويطيب شربه مع زاده

واهل اليمن خير الاجنادي
للمصطفى من يوم ميلاده

واليوم مازالوا للاحفادي
أهل الوفا والحرب وقاده

#ابو_ربيش_الجدوحي

في يوم حاقو مكرهم لوغادي
على نبي الله خير اعباده

هاجر صلا خير العرب لاجوادي
ذي يامنو به من قبل ميلاده

واليوم قصة لأمس به تنعادي
كلن على صيغة وطبع اجداده

احنا مع آل البيت باستعدادي
وأعداء النبي حلو العدا لاحفاده

#إتحاد_الشعراء_والمنشدين

https://t.me/aboyahyaalshami

تابع المجاراة عن ذكرى الهجرة النبوية الشريفة على صاحبها وآله أفضل الصلاة والسلام.

#محمد_الشعيثي

شعب اليمن ياشعب الاجوادي
العز طبعك والكرم عاده

الاوس والخزرج هم امجادي
اجداد هذاء الشعب وامجاده

وانصار ابوجبريل وابوهادي
وانصار دين الله واجناده

حزم الطوارف لابادا بادي
ينكف الوالد مع اولاده

#بدر_الكهالي

حان اللقاء ياشهد الاكبادي
يا كعبة الله عشق عُباده

الى النبي من كل صمادي
نرفع سلام الله و اعهاده

لعترة الهادي و الاحفادي
أعلام هدي الله وارشاده

أنا لهم أنـصار و اجنادي
حتى نبيد الكُفـ ـر واغاده

#محمد_عيشان

صلوا على المصطفى. الهادي
من ...بالهدى ....ربنا..... زاده

صلوا عليه ...جمْع وافرادي
واحيوا بها.... كـل..... اعياده

هاجر. .....ولله ...... منقادي
روحه إلى ....الله...... منقاده

فداه..... روحي.. مع.. اولادي
مادمت واحد مـن ..احفاده..

#علي_حشفول_الهلالي

هجرة جنت تأسيس الامجادي
من يومها بين الإسلام بأمجاده

ورايته اعتلت في روس الاشهادي
واتنكست رايه الكفر واوغاده

من يوم حيدر فدى طه بمرقادي
فدى رسول الهدى جبى له اكباده

فاحنا عرفنا الهدايه بأنها الزادي
في يوم كلا عرف ان الزلط زاده

#ابو_السرايا_المقدشي

ذكرى تجسد بدء الامجادي..
ومنبع التاريخ وامجاده...

اي والله انها خيرة اعيادي..
هاجر نبيي حسب ميعاده...

وقل لحيدر ذاك مرقادي..
نام الوصي في وسط مرقاده...

حب النبي ب اوصي به احفادي..
وعترته هم خيرة الساده...

#أبـورازح_القـعـود

شعب اليمن صناع الامجادي
رجالها ذي تصنـع أمجـاده

كم ياأسر قدمت فلذات الاكبادي
وبعضهم قد طرح خمسه من اولاده

أرض اليمن ماهي للا أوغاودي
وكل غازي يذوق السم فى اكباده

صلوا على (طـه)النبي الهاااادي
وكل مؤمن معا الله يعلن جهاده

#عبدالقوي_البطل

للمعتدي بااعد مرصادي
والله عليهم عد مرصاده

مادام واحنا في السوا عادي
دام اخرتها نصر وشهادة

على طريق المصطفى الهادي
انصار ابو جبريل واجناده

ماهاننا الغازي ولا العادي
والتضحية في دربنا عادة

#بشار_العفيري

بفصل ربي والنبي الهادي
وفصل من كانوا من احفاده

مولاي ابو جبريل يزدادي
العزم والتصميم كالعاده

وقل لبن سلمان ألإحادي
ماينفعه حتى تيهواده

دسناء رقاب اوغاد الاوغادي
وعتا طغات الكفر واسياده

#عبدالاله_العويري

تاريخ هجرة رسولنا الهادي
دايم بنحيها كما العاده

ثابت على عهدي وميعادي
في المعركه سلمت للقاده

هاجر محمد بسب الوغادي
أتامرو يقتل بمرقاده

#ابومحمد_عبدالله_المقدشي

ذكرى عظيمه نورها بادي
رغم انف قرن ابليس واسياده

وازكى التهاني ماشدى شادي
ل آل طه مثلما العاده

معهم نواصل حرب وجهادي
ضد الاعادي نار وقاده

نطحن رؤوس الكفر الاوغادي
وندهف المحتل وافراده

#فخر_الدين_المساوى

في هجرة النورطه سيد لسيادي
اطل بدر الكمال في يوم ميعاده

من الثنايا ظهر المصطفى الهادي
وانشد الاؤس والخزرج بانشاده

توافد القوم ذا رايح وذاغادي
والكل يهتف بترحيبه وانشاده

واليوم ياسيدي بصدح بانشادي
بمدح طه حبيب الله وحفاده

#ابوقصي_العويري

نفسي ودمي روحي فوادي
تفدا رسول الله واحفاده

ومثل ما فالسابق اجدادي
جابو على وعده وميعاده

اليوم انا بارضيه واولادي
بعدي معه في نصر وشهاده

وبعدهم بايصبح احفادي
قادات في صفّه كما العاده

#إتحاد_الشعراء_والمنشدين

https://t.me/aboyahyaalshami

المجاراة بعنوان مبادرة سيد الحكمة اليمانية بشأن مأرب..

البداية للشاعر #يحيى_الوحيشي

مبادرة خير قدمها عليه السلام
ياصحاب مأرب نصيحة لا تردونها

هقاوي القوم فيكم يالنشاما جسام
والاولوية لكم لانتو تودونها

تجسيد الإيمان والحكمة هو الإلتزام
ببنودها والحماقة رفض مضمونها

واحنا جسد ما يفرقنا خفوش الضلام
وارض اليمن حقنا وحلوقنا دونها

# عناش المشرقي

يعطي جزيل المقام اصلاً كبير المقام
"فرصه" إذا ما وعوها لن يشوفونها

مثل الذي قال ربي إذبحوا والسلام
قالوا وما شكلها أيضاً وما لونها

نخشى عليكم فقط من ذلة الأنهزام
لأن المخوه نطبقها بقانونهـا

من بعدها لا تلومونا بكل اقتحام
انفسكم اللي رضت بالذل لومونها

# الحمزة المغربي

يا مــأرب العز وجه الـبدر مابه ملام
والأرض بعد ابن طـه با ترى صَونها

لازال فينـا لمـأرب واهـلـها الإحترام
فـلا تقولـوا لابـو جبريل ما لونهـا؟!

والله ما تكسبوا بالبغي ملـّي جرام
وبالعمالة وطنـــّا ضـــاع مخزونهـــا!!

إمــّا قبول النقاط التسع والاحتكام
وإلّا فـساح الوغى تحكـُم بمسنونهـا

#عزيز_الردماني

يولاد عمي وربعي والسند والحزام.
يبنا سبا قلعة الأمجاد وحصونها.

السلم والصلح عادات الرجال الكرام.
وافضل من اموال بالإرهاب تجنونها.

مبادرة قايد الثوره عليا الحرام.
إن هي كما الميل والإنصاف مكنونها.

ردوا عليها بكل الود والإحترام.
وطنشوا مملكة نوره ومجنونها.

# الشاعر ابو رواسي ارحب

قال المثل ماتوطي روسها الا النعام..
والسايق الحر من يحكم دركسونها..

فرصه عظيمه لمارب نسل حمير وسام..
مبادره. حجم سبع سنين بستونها..

يافتية الكهف مر الوقت وأنتو نيام..
اليوم قد بان موساها وفرعونها..

سجاح خيبر وأمريـ ـكا ألد الخصام..
لاتسهنو سمنها الرايب وصابونها

#جميل_جعفر_ابوشامخ

منهاج الأعلام لـمّ الشمل و الإلتمام
ووحدة الصف أسمى اهداف يشتونها

يا مارب الخير إصغوا و انصتوا للإمام
لا تلحقوا بعد امريـ ـكا و صهـ ـيونها

الحرب و التفرقه مابين الاخوه حرام
ووحـدة الـصـف ديـن الله صابونها

هذا كلام الحقيقه ليس غيره كلام
يا كل مقدام صون ارض اليمن صونها

#الشاعر_بندر_السقاف

احرار مارب ترحب ماتبقا كلام
نحيا بها سيدي ونموت من دونها

ومن رفض مامعه غير الخزا والملام
اقسم برب السماء لانطفي اعيونها

بقاء التحالف بمارب يانشاما حرام
مع اهلها الاوفيا يااحرار صفونها

مندونها ماغمض جفني وعاف المنام
عبله تبا قيس وانا قيس مجنونها

#ابوالمازن_عبدالله_الشريف

مبادرة قايد الثورة ختام الكلام
مبادرة وافيه يا ليت يوعونها

وتستحق النظر فيها بعين اهتمام
لا ودهم حل يرضي الناس ويصونها

تحقن دم الكل وتوحد جهود الانام
توجِب على احرار مارب ان يلبونها

والا فلابد من مارب بضرب الحسام
والمعركه في طوارفها يشبونها

#أبومنار_العشي

يا أصحابنا جيبوا الداعي وقولوا تمام
لا جاتكم يد صاحب لا تردونها

السيد احرص عليكم من عيال الحرام
ذي جو لكم بالسعوديه ومجنونها

وسبعه أعوام قد بأن الحبل والوحام
وبان للناس طاهرها وملعونها

يا احفاد تبع وحمير يا سلالات سام
هذا المسيره عظيمه لا تفكونها

#أحسن_هادي_زربه

عندالمهمات يظهرلك رجال المهام
لو القضيه معقَّد بايحلونها

والبدر يشرق بنوره في ليال الظلام
دعوه عسا اصحاب مارب يستجيبونها

نقاط تبقي مجمعها بأمن وسلام
وكل من حولها ساكن ومن دونها

العرض مفتوح والا الفرض عند الختام
رجال ربي ذخيرتها ومخزونها

#صالح_حسين_أبواحمد

بايسلم اليوم ذي يهجع ببيته ونام
ومن تفقعس دعس وانجر لاهونها

ماشي تراجع ومارب هي الهدف والمرام
والفتح قادم وماشي صدنا دونها

ويالمرتزق فر لا منجى ولا لك حزام
فكوك وحدك وماحد قال لك عونها

اما تحكم لعقلك وارتقي للغمام
أو يدفنك ذل وانت افهم لمضمونها

#ابوغبري_الغبري

قد قالها(ابن النبي) مابه وراها كلام
اما رضيتو بها وإلا الوغى دونها

لاتطمئنو الى حلف الغوا والضلام
مارب تعيش الشقا من شر فرعونها

الي قتل وانتهك حق المره والغلام
لن يفرض العدل فيها حسب مكنونها

مابه على شعبنا في الحرب هذا ملام.
ما اظن به نفس تتعايش بطاعونها..

#أبوقصي_العويري

يامارب المجد والتاريخ جاك الوسام
الحريه لعن ابو من عاش من دونها

جاك ابن طه رسول الله عليه السلام
بمبادره حي داعيها ومضمونها

جيبو ندا النور والرحمه بكل احترام
لاتقلو ايش اصل ذالنقطه ومالونها

ان ودكم نتّحد بالله ويكفي خصام
استقبلو كلمة السيد ولبّونها

#محمود_الجنيد

هذا هو القائد الفعلي ورب الأنام
انه رجل يعرف الحكمة ومضمونها

صادق إذا قال كلمه ياالرجال الكرام
مبادراته وجب ع الكل يقرونها

الحلف يشتي يرد ابراج مارب حُطام
يااصحاب مارب حذاري لاتدومونها

كونو قبايل مع الله في الصفوف الامام
نحمي يمنا من الأنجاس ونصونها

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان مبادرة سيد الحكمة اليمانية بشأن مأرب..

#قاسم_السقاف

مبادرة قالها العلم الشجاع الهمام
ينص بالخير منطقها ومكنونها

مايرفضوها عدا اذناب اللئام اللئام
ماهمهم غير ثروتهم ومخزونها

بايغرفوا لا انحدر سيله من اعلى اللكام
ويخسروا والخسئ والخزي لدقونها

بالله وبابطال يخطو بالخطى للامام
تطهير مارب وتقطع يد قارونها

#سيف_حسن_العامري

في مطلع العام جاكم حل سبعين عام
من القائد العام للامه ومأمونها

مظمونها هام ماشي فيه نقطة نظام
مفعولها خام تغنيكم بمخزونها

من كان ضرغام من نسل الملوك العظام
يصحى ويلتام يدعس خشم آمونها

داع الاخاء قام واستنفر وشد الحزام
ضد الوباء السام من داعش وشمعونها

#كمال_الذيـباني

فرصـه عظيـمه لكم لا انتو نشاما كرام
هيا اعقلوها وفوق الراس حطونها

اجنـــح..وبـادر..ومد اليوم يــد الســــلام
وإلاكـؤس المنـــــيه باتــذوقـــونها

ما بعد هذا الكلام الا رصاص الحزام
وجعبة القوم با تسخى بمخـــــــزونها

وانت المخـّير. وشل الشمس والا الضلام
دوسوا على عاصفة سلمان دوسونها..

#الشاعر_رايد_الخمري

يــامارب الجود بعد البدر مابه كلام
وش عاد باقي نصون الأض ونـصونها!!

يكفي للقزام وأهل الخمر وبن الحرام
ياأهل مارب قــسم بالله مــا نخــــونها!!

مادام (عبدالملك) قائـد عليه السـلام
حرام مـــابـــا نفلت شبــــر قــــانونـــها!!

يا مــارب الخـــير يارمــز الوفـــاء والأنام
بادر وسارع عـسىَ للخير فــي شــأنـــها!!

#عبدربه_الحداد_البيحاني

ياحفاد معدي كرب لاتجهلون الكلام
مبادرة خير والواجب تحيووونها

بدرالهدى نوره الوهاج زاح الضلام
نقاطه التسع مشروحه بقانونها

ومن نوى الصد ماوالله علينا ملام
لاباحت ام القصيب السود مكنونها

مايجهل السلميات الا عدو السلام
مارب لنا لوفنينا كلنا دونها

#بلبل_النصر_حسن_المهدي

مارب عماد الحضاره شرَّفت ارض سام
امجاد بلقيس وسليمان يكسونها

ابنائها خير من يثمِن جهود الوئام
ترعى التَّقاليد والأعراف وتصونها

اليوم جينا لهم نطرح سديد الكلام
بـ مبادره بـ التَّآخي ضاح مكنونها

نتظافر الكُــلّ ونقارع لئــام الأنام
لـ نواجه الغطرسه ونكسِّر اقرونها

#ابوأسلام_الحداء

يااصحاب مارب ترونا فاهميكم تمام
وانتو افهمو بالنقاط التسع وارضونها

مبادرة سـيدي ذي قال بيها احتـرام
لـ مارب العز وواضـــــح كـــل مكنونها

إن تقبـلوها ترونا ياهــل مارب كِرام
ون ترفضــوها حرام ما با تــخزونها

با تقتلب فوقــكم بقعاء وأنتم نيام
محال بعدا الـنـــقاط التسع تلقونها

#عبدالقوي_البطل

مادام وانتو على درب الكرامة كرام
وتريدوا العزة والعزة بمظمونها

قولو نعم تم بعدك يابن طه حرام
إن الطريق التي سطرت لا دونها

نمضي عليها ولايبقى الغزاة اللئام
ساعة علي طول هذة الارض يعدونها

حاشا وكلا تعيشوا في رخاء وانسجام
وانتوا موالين لاامريـ ـكا وشيطانها

#خليل_الشرقي

يالهاجس اركب على شاصك وشد الحزام
فحط بشاص القوافي صف طبلونها

الحق واضح وصون العرض طبع الكرام
ورجال مارب للأعدا لن يخلونها

مبادرة سيد الحكمةتشكل وسام
على صدر مارب الاحرار شلونها

بنود صرح بهاالاستاذعبدالسلام
ملطام للعاصفة في وجه ملعونها

#علي_حشفول_الهلالي

انا اشهد انه يقول الختصر في الكلام
وفصل الوضع للعربان وعلومها

فانتوا استجيبوا ولبوا يالرجال الكرام
لانتو تبو العز والعزه تريدونها

أما ارتفعتوا مع القائد برأس السنام
ولا فالأيام تبطحكم على هونها

ما تنفع القبيله بانوارها في الظلام
ما دام هي للاسف ما تستضي اعيونها

#ابوكرم_نشوان

مبادره والقسم مابعدها الا القيام.
كلين يعرف بفواحها ومضمونها

ماشي علينا قفاها ياهل مأرب ملام
ولا عليكم ملامه لا قبلتونها

قد انصفت للكرام من الرجال الكرام
بلادكم من دعاة. الشر صفونها

هي واحده مامعنا غيرها والسلام
ويشهد الله لو باننتهي دونها

#عز_الدين_جحاف

مبادرة تستحق الشكر والإغتنام
فرصة عظيمة وأهل الرأي يشتونها

يا احرار مارب تلقوها بكل اهتمام
وجنبوا أرضكم لنتوا تحبونها

مكائد المعتدين الخائنين اللئآم
ذي همهم يستبيحوها ويسبونها

سمعا وطاعة لقائدنا الحكيم الهمام
يا احرار مارب لبو جبريل قولونها

#أحمد_الغبسي

يامارب الخير بادرنا وفا واحترام
فرصه أخيره وصُفّوا كللكم عونها

مادام باب التفاوض وابن عبدالسلام
من قبلما ابو علي حاكم يجي (كونها)

مجمع قوى الشر والطغيان واخر كلام
تحريرها لو هلكنا كللنا دونها

يوم العراده يبصم في سند الاستلام
للسيد البدر لاقرر يكمونها


#إتحاد_الشعراء_والمنشدين

https://t.me/aboyahyaalshami

باسم الذي باسمه الإنسان قد سمّى.
و الحي و الميت و الموجود و المعدوم.

خلق و صوّر و علّم آدم الأسما.
و كل مخلوق ساقه بالقضا المحتوم.

يا الله يا من جعلت النور و الظلما.
رضاك ترضى على من قال يا ملهوم.

يا رازق الدود جوف الصخرة الصمّا.
أسألك يا الله ترزق عبدك المحروم.

يا ذي مخازين جودك و النعم جمّا.
ما كاين الا و رزقه فالسما مقسوم.

أنا احمدك ما قنيف السابلة يهما.
و امسى يفك العواند سيلها الطغموم.

و العالية و الوطيّة كمّها كمّا.
لوما سفح من عريم الحرث و المجدوم.

و استغفرك من علوم الضرب و الرجما.
في عالم الغيب و الخارج عن المعلوم.

من بعدها قال ابو عبدالملك مهما.
ضاقت فبا يفرج الله ضيقة المهموم.

يجلي جميع الكرب و الهمّ و الغمّا.
عنا لو الروح منها تبلغ الحلقوم.

و من رمى شعبنا لا بد ما يرمى.
في يوم يتميز اللاطم من الملطوم.

يا رب كانوا رعاة الناقة الجهما.
و اليوم قالوا رعاة الإف و الفانتوم.

حمى و بااقولها حمى مية حمى.
و احنّ منها خراجك حيّ يا قيوم.

و انا بعلمك إلهي لم أحط علما.
ما غير انا في حدود المعرفة ملزوم.

ارحبت يا هاجسي فالليلة الدلما.
بزين الاخبار ما ودّي حديث الشوم.

تنقّح العلم تنقيح ابن ابو سلمى.
و انظم لذي ما نظمها عمرو بن كلثوم.

و اصدع بما يأمر البدّاع و النظما.
و القافية با تساوي حرفها المنظوم.

هات الحكم ذي ترد العاطشة للما.
من بعد حيف الهواجر يا برود الحوم.

ما باقي الا قفاها تنطق العجما.
و عين الاعمى تشوف الخردل المخروم.

مالي و من يفتتح بالروضة النعما.
بيتين و اقبل عجاج الحصن و السعموم.

يبني من الشلف و الزابور و الجعما.
بيت القصيدة كما علط المرق بالزوم.

شاعر و لا يعرف القرنا من الجمّا.
أو فرق ظفر البقر من مخلب الزيزوم.

يا طاري العلم عن حال العرب أمّا.
بعد البدا لا تحيّر من حديث اليوم.

في نشرة اخبار بالفصحى و بالعجمى.
و الا تقارير يقراها حسن عردوم.

من عرف الازغان مهفوف العرب شمّا.
في وقت ما يعرف الشمّام و المشموم.

سبّح بالامريك و استغفر بني هوما.
و اوطى على ركبة القسيّس و العيلوم.

و اعلن من البيت الابيض عاصفة حزما.
بما قضى فيه ملعون الجدف حيّوم.

حكم الذي من تراثه أكلهم لمّا.
و من مواصير نفطه شلّوا المعلوم.

فوق اليمن يا تحالف نقطع النسما.
و لا يهيمن عليه الحوثي المشؤوم.

شيعي مجوسي سعى بالقتل و الهدما.
من مال فارس و لوجستيّها مدعوم.

و احنا عرب ما نبا إيران تتسمّى.
تنفث براس العروبة فكرها المسموم.

و احنا الذي با نردّ الشرعية حتما.
و با نشلّ المجوسي في غديّة يوم.

أعذار و العذر بات اقبح من الجرما.
رابع سنة و الطواير فوقنا بتحوم.

لا وين لا وين يا ابن البغلة الخطما.
من بعد ما قد تبيّن حزمك المزعوم.

يا من تجاوزت حد الكيف و الكمّا.
في حرب عدوان ما فيها هدف مرسوم.

تستهدف الأبريا ذي ما جنوا إثما.
ماشي ضحية سوى ابن الضرع و المفطوم.

و ادمنت قتل النسا و الشيبة الرما.
و الغرب يخبز لك الناقف مع العرموم.

و كم جرايم لها عين السما تدمى.
و الأرض ترجف رجيف البارد المحموم.

يا قاتل الأبريا فالأشهر الحرما.
في سوق ضحيان يا ابشع ما صنعت اليوم.

أطفال و اطفال يا ظلماه يا ظلما.
أجسادهم و الدفاتر و الحقايب خوم.

و اعلنتها يا عدو الأمن و السلما.
وحدة خطر و انت باستهدافها ملزوم.

براعم الروح و الريحان و النسما.
و الوارفة ذي تنسّم بردها و الغوم.

ثوّر عليها هشيم النخلة الجذما.
و اوتادها في جهنم ظل من يحموم.

يا مجلس الأمن لا كلا و لا لمّا.
و من طلب لجنة التحقيق صح النوم.

أين الأخا يا عرب و الدين و الدمّا.
و السلف و العرف ذي هو بيننا مرقوم.

قلتوا مضى في حليف الدولة العظمى.
كما مضى للمغيرة من بني مخزوم .

و احنا معه من مدينة فاس لا شرما.
لا صيّحت نجد جوّبنا من الخرطوم.

جنت على نفسها الحوزات في قمّا.
و احنا عليها جعلنا شورنا محزوم.

عرب و جيش العروبة قد مضى قدما.
في ظل رايات شرم الشيخ و الفيّوم.

قلت الرزى يا حثالة مالها عزما.
خفوا على اعصابكم لا يحرق الفليوم.

هي عروة الله يا اهل العروة الفصما.
في كف هاشم تخلّي حلفكم مهشوم.

يوم اللقا با يبان الفسل و القرما.
و با يبان المنقّل من عقيد القوم.

و من تزعم حلوف النعجة الطرما.
ينطح و كم با يناطح قرنه المقطوم.

لا بد ما يسمع الخاضل مع الحمى.
و علّته با تبيّن سره المكتوم.

قل لابن سلمان يا باقي بني سلمى.
و خبّر اولاد زايد يا ولد مكتوم.

ما تفلع القاسية غير اختها الصما.
و الدوم ما يهرطه للراعي الا الدوم.

ما يمدي البغي و العدوان و الظلما.
و حلفكم يا حثالات البشر مهزوم.

و اذكر محمد و آله ما تلوا عمّا.
هم في مخاتيم قولي مسكه المختوم .

#نشوان_الغولي
#إتحاد_الشعراء_والمنشدين

https://t.me/aboyahyaalshami

عاد دمي شديد الحراره
ليت وانا موجه حراري

كل من شب في القلب ناره
يطلقوني له إطلاق ناري

#بسام_شانع
#إتحاد_الشعراء_والمنشدين