عايزين مقالات زي اللي نزلت قبل كدا ؟
Anonymous Poll
4%
لا شكراً. ملهوش لزوم.
55%
يا ريت. احنا فاضيين وادينا بنتسلى.
41%
معرفش أنت بتتكلم عن ايه.
👏6👍1🥰1🎉1
🤎 خطط ونوايا 💖
قبل التوغل في أدغال سنة قابلة، ننظر إلى منهج التفسير النفسي من واقع استقراء خافت لينبثق من.....
-ثواني بس أتكلم عادي عشان مش فاهم بقول ايه-
من الأول، إن شاء الله قبل ما ندخل سنة رابعة نكون خلصنا 3 حاجات. خلينا نسميهم
"ثلاثية البدء" شارحة نفسها اهي.
ثلاثية عشان عشان عددهم تلاتة،
البدء عشان هنبدأ بيهم إن شاء الله.
1) إعادة التدوير.
2) سلسلة الشيطان شاطر. ( سبب 70% من مشاكلنا في الدنيا )
3) Top Twenty.
( بعض التحسينات والتطويرات إن شاء الله ، عايزين صورة حية عن التعاون والإيجابية)
💖🤎💖🤎💖🤎💖🤎💖🤎💖🤎💖🤎
1) 🧤 إعادة التدوير 🌨️
لو نفتكر الترم اللي فات من سنة تالتة إزاي البوت اللي خدناه من طلاب سنة رابعة فادنا جداً.
وهنا نتعلم نستفيد من تجارب السابقين.
فكل اللي عايزينه إننا نشوف حد من سنة رابعة اللي خلصوا وناخد منهم الجروبات والتلخيصات والامتحانات والأسئلة اللي عملوها وكل حاجة. بس كدا خلصنا.
= وعمال تقولي مقال ، والساعة ٨ ودقيقة. خلص بالسرعة دي ؟
- اه اومال انتو فاكرين ده ايه ؟ مقال !
= عشان كدا يعني اسمها إعادة التدوير ؟ بنستخدم الحاجات تاني ؟
اسمها إعادة التدوير عشان حاولت أجيب الحاجات دي بس بتوع سنة رابعة مردوش عليا برد مفيد.
فاحنا محتاجين حد يدور على الحاجات دي تاني.
يعيد التدوير. عشان كدا اسمها إعادة التدوير 💁.
شارحة نفسها اهي. إعادة عشان بندور. التدوير عشان بنعمل إعادة.
فياريت لو حد قدر يوصل للجروبات دي يبعتها عشان ننشرها.
لحد دلوقتي جبنا منهم الكتب بس. وده إن شاء الله هيخلينا نصورهم علطول مش نستنى الكتب تنزل بالسلامة على آخر الترم.
وبكدا نكون النهاردة اتكلمنا عن
🧤 إعادة التدوير 🌨️
قبل التوغل في أدغال سنة قابلة، ننظر إلى منهج التفسير النفسي من واقع استقراء خافت لينبثق من.....
-ثواني بس أتكلم عادي عشان مش فاهم بقول ايه-
من الأول، إن شاء الله قبل ما ندخل سنة رابعة نكون خلصنا 3 حاجات. خلينا نسميهم
"ثلاثية البدء" شارحة نفسها اهي.
ثلاثية عشان عشان عددهم تلاتة،
البدء عشان هنبدأ بيهم إن شاء الله.
1) إعادة التدوير.
2) سلسلة الشيطان شاطر. ( سبب 70% من مشاكلنا في الدنيا )
3) Top Twenty.
( بعض التحسينات والتطويرات إن شاء الله ، عايزين صورة حية عن التعاون والإيجابية)
💖🤎💖🤎💖🤎💖🤎💖🤎💖🤎💖🤎
1) 🧤 إعادة التدوير 🌨️
لو نفتكر الترم اللي فات من سنة تالتة إزاي البوت اللي خدناه من طلاب سنة رابعة فادنا جداً.
وهنا نتعلم نستفيد من تجارب السابقين.
فكل اللي عايزينه إننا نشوف حد من سنة رابعة اللي خلصوا وناخد منهم الجروبات والتلخيصات والامتحانات والأسئلة اللي عملوها وكل حاجة. بس كدا خلصنا.
= وعمال تقولي مقال ، والساعة ٨ ودقيقة. خلص بالسرعة دي ؟
- اه اومال انتو فاكرين ده ايه ؟ مقال !
= عشان كدا يعني اسمها إعادة التدوير ؟ بنستخدم الحاجات تاني ؟
اسمها إعادة التدوير عشان حاولت أجيب الحاجات دي بس بتوع سنة رابعة مردوش عليا برد مفيد.
فاحنا محتاجين حد يدور على الحاجات دي تاني.
يعيد التدوير. عشان كدا اسمها إعادة التدوير 💁.
شارحة نفسها اهي. إعادة عشان بندور. التدوير عشان بنعمل إعادة.
فياريت لو حد قدر يوصل للجروبات دي يبعتها عشان ننشرها.
لحد دلوقتي جبنا منهم الكتب بس. وده إن شاء الله هيخلينا نصورهم علطول مش نستنى الكتب تنزل بالسلامة على آخر الترم.
وبكدا نكون النهاردة اتكلمنا عن
🧤 إعادة التدوير 🌨️
❤12🔥1
استعد نفسياً لسنة رابعة 💛
وعشان تعرف ازاي تابع المقالات القادمة إن شاء الله 🧡
وعشان تعرف ازاي تابع المقالات القادمة إن شاء الله 🧡
❤4🥰2
😈 سلسلة الشيطان شاطر 😈
يقول الله سبحانه وتعالى {يَا أَيُّهَا النَّاسُ إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ(٥)إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ(٦)}
وهنا نلاحظ إن الشيطان عدو للناس كلها
مؤمنين، كافرين، مطيعين، عاصين....
لكن الأغرب من كده إن في ناس كتير جدا مش بتتخذ الشيطان عدو رغم إنهم عارفين إن هو عدوهم. عشان كده كان تأكيد في الآية الكريمة (فاتخذوه عدوًا).
العداوة بين الشيطان والإنسان ممتدة على مدار العمر. والشيطان مش هيسيب الإنسان غير لما يموت.
أساليب الشيطان أساليب شيطانية، محترفة، دقيقة جداً.
الشيطان تحس إنه معاه كتاب لكل فرد، عارف إزاي يتعامل معاه خطوة بخطوة. عنده الخطة الأولى، لو منفعتش بيروح للتانية، لو ما نفعتش يروح للتالتة، عنده خطط كتير ومنظم.
🙇 الواد ده كان نفسه في حاجة جداً هيموت عليها لكن للأسف متحققتش. الشيطان هنا يبدأ يفكره كل شوية بالحاجة دي ويهجم عليه بالأفكار السلبية، ويقوله أنت ملكش حظ في الدنيا، ملكش نصيب، وملكش لازمة، وملكش عازة أصلاً.
👧 البنت دي حصل لها مشكلة زمان لخبطت حياتها، مع مرور الوقت الشيطان بيبدأ يفكرها كل شوية بالمشكلة، فاكرة المشكلة اللي حصلت زمان؟ فاكرة لما فشلتي؟ أنتِ مش هتنجحي في حاجة أبدًا، أنتِ فاشلة، مع أول صعوبة واجهتك فشلتي، كل النجاحات اللي كانت قبل كده كانت وهم، كانت بالحظ، لكن لما واجهتك صعوبة حقيقية فشلتي. عارفة ليه؟ عشان دي طبيعتك أنتِ فاشلة أصلاً، وملكيش عازة برضو زي الواد اللي فوق ده.
لكن رغم كل التخطيط والتنظيم يبقى كيد الشيطان ضعيف؛ لأن في النهاية إحنا اللي بنحدد إذا كان خطته هتنجح ولا لأ. في النهاية إحنا اللي بنفذ أو بنرفض.
⁉️ هنستفاد ايه لما نتكلم عن الشيطان وإحنا داخلين سنة دراسية؟ هو عشان الشيطان شاطر هنذاكر معاه؟
🧐 في نظرية بتقول إن عشان تنجح في حاجة لازم يتوفر عندك تلات حاجات:
1) الروح.
2) العقل.
3) الجسم.
محتاج حد أدنى فيهم مش شرط تبقى خارق في كل حاجة منهم عشان تعمل اللي بتعمله.
في السلسلة دي إن شاء الله هتركز على رقم 1) الروح. (الحالة النفسية).
أما بالنسبة لرقم 2) العقل. (الطريقة) فاحنا تكلمنا عن طريقة المذاكرة في سلسلة نصائح سعيدة.
أما رقم 3) الجسم: العب شوية رياضة ونام كويس واتغذى وكدا.
وزي ما عرفنا إن النفسية ليها علاقة بالنجاح، فلو جبنا واحد عبقرينو، وجسمه كويس. لكنه فاقد التحفيز والأمل، فاقد معنى الحياة. بيسأل نفسه أنا عايش ليه؟ لماذا نحن هنا؟
في الغالب مش هيأدي ومش هيستخدم قدراته.
وكذلك لو جبنا حد متحفز جداً جداً وروحه المعنوية عالية جداً، لكنه لا يملك الطريقة (العقل)، فإن الحماسة وحدها لا تكفي، هيواجه صعوبات هتسحب عزيمته واحدة واحدة.
هي دورة،
الروح بتغذي العقل والجسد.
والعقل بيغذي الروح والجسد.
والجسد بيغذي الروح والعقل.
والروح بالذات بتغذي العقل وبتغذي الجسد لو كان فيهم نقص، فلو واحد روحه ونفسيته عالية وعنده مشكلة في الطريقة اللي بينفذ بيها الأعمال، هيبدأ يدور على الطريقة دي لحد ما يلاقيها، ولو عنده مشكلة جسدية، هيبدأ يشوف طريقة تانية عشان يتغلب عليها، ده كله نابع من الروح اللي هي الحالة النفسية يعني.
وهنا إحنا طبعاً بنتكلم عن المذاكرة لكن طبعاً أنت محتاج تطبق المعلومات دي في أبسط تفاصيل حياتك؛ عشان الشيطان بيطبق ضدها معاك من أول ما تصحى من النوم لحد ما ترجع تنام تاني واحتمال في الأحلام.
معرفتك لهذه الأساليب الشيطانية الخبيثة خالص، هتوفر عليك جداً، ولكن الأهم من المعرفة، التطبيق والإدراك.
بإذن الله 70% من مشاكلك هتتحل لما تعرف الأساليب دي وتاخذ بالك منها.
والأساليب هي "دوامة الشيطان"
يُتبع...
🥇 الحلقة الأولى 🌑
"أهمية السلسلة"
يقول الله سبحانه وتعالى {يَا أَيُّهَا النَّاسُ إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ(٥)إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ(٦)}
وهنا نلاحظ إن الشيطان عدو للناس كلها
مؤمنين، كافرين، مطيعين، عاصين....
لكن الأغرب من كده إن في ناس كتير جدا مش بتتخذ الشيطان عدو رغم إنهم عارفين إن هو عدوهم. عشان كده كان تأكيد في الآية الكريمة (فاتخذوه عدوًا).
العداوة بين الشيطان والإنسان ممتدة على مدار العمر. والشيطان مش هيسيب الإنسان غير لما يموت.
أساليب الشيطان أساليب شيطانية، محترفة، دقيقة جداً.
الشيطان تحس إنه معاه كتاب لكل فرد، عارف إزاي يتعامل معاه خطوة بخطوة. عنده الخطة الأولى، لو منفعتش بيروح للتانية، لو ما نفعتش يروح للتالتة، عنده خطط كتير ومنظم.
🙇 الواد ده كان نفسه في حاجة جداً هيموت عليها لكن للأسف متحققتش. الشيطان هنا يبدأ يفكره كل شوية بالحاجة دي ويهجم عليه بالأفكار السلبية، ويقوله أنت ملكش حظ في الدنيا، ملكش نصيب، وملكش لازمة، وملكش عازة أصلاً.
👧 البنت دي حصل لها مشكلة زمان لخبطت حياتها، مع مرور الوقت الشيطان بيبدأ يفكرها كل شوية بالمشكلة، فاكرة المشكلة اللي حصلت زمان؟ فاكرة لما فشلتي؟ أنتِ مش هتنجحي في حاجة أبدًا، أنتِ فاشلة، مع أول صعوبة واجهتك فشلتي، كل النجاحات اللي كانت قبل كده كانت وهم، كانت بالحظ، لكن لما واجهتك صعوبة حقيقية فشلتي. عارفة ليه؟ عشان دي طبيعتك أنتِ فاشلة أصلاً، وملكيش عازة برضو زي الواد اللي فوق ده.
لكن رغم كل التخطيط والتنظيم يبقى كيد الشيطان ضعيف؛ لأن في النهاية إحنا اللي بنحدد إذا كان خطته هتنجح ولا لأ. في النهاية إحنا اللي بنفذ أو بنرفض.
⁉️ هنستفاد ايه لما نتكلم عن الشيطان وإحنا داخلين سنة دراسية؟ هو عشان الشيطان شاطر هنذاكر معاه؟
🧐 في نظرية بتقول إن عشان تنجح في حاجة لازم يتوفر عندك تلات حاجات:
1) الروح.
2) العقل.
3) الجسم.
محتاج حد أدنى فيهم مش شرط تبقى خارق في كل حاجة منهم عشان تعمل اللي بتعمله.
في السلسلة دي إن شاء الله هتركز على رقم 1) الروح. (الحالة النفسية).
أما بالنسبة لرقم 2) العقل. (الطريقة) فاحنا تكلمنا عن طريقة المذاكرة في سلسلة نصائح سعيدة.
أما رقم 3) الجسم: العب شوية رياضة ونام كويس واتغذى وكدا.
وزي ما عرفنا إن النفسية ليها علاقة بالنجاح، فلو جبنا واحد عبقرينو، وجسمه كويس. لكنه فاقد التحفيز والأمل، فاقد معنى الحياة. بيسأل نفسه أنا عايش ليه؟ لماذا نحن هنا؟
في الغالب مش هيأدي ومش هيستخدم قدراته.
وكذلك لو جبنا حد متحفز جداً جداً وروحه المعنوية عالية جداً، لكنه لا يملك الطريقة (العقل)، فإن الحماسة وحدها لا تكفي، هيواجه صعوبات هتسحب عزيمته واحدة واحدة.
هي دورة،
الروح بتغذي العقل والجسد.
والعقل بيغذي الروح والجسد.
والجسد بيغذي الروح والعقل.
والروح بالذات بتغذي العقل وبتغذي الجسد لو كان فيهم نقص، فلو واحد روحه ونفسيته عالية وعنده مشكلة في الطريقة اللي بينفذ بيها الأعمال، هيبدأ يدور على الطريقة دي لحد ما يلاقيها، ولو عنده مشكلة جسدية، هيبدأ يشوف طريقة تانية عشان يتغلب عليها، ده كله نابع من الروح اللي هي الحالة النفسية يعني.
وهنا إحنا طبعاً بنتكلم عن المذاكرة لكن طبعاً أنت محتاج تطبق المعلومات دي في أبسط تفاصيل حياتك؛ عشان الشيطان بيطبق ضدها معاك من أول ما تصحى من النوم لحد ما ترجع تنام تاني واحتمال في الأحلام.
معرفتك لهذه الأساليب الشيطانية الخبيثة خالص، هتوفر عليك جداً، ولكن الأهم من المعرفة، التطبيق والإدراك.
بإذن الله 70% من مشاكلك هتتحل لما تعرف الأساليب دي وتاخذ بالك منها.
والأساليب هي "دوامة الشيطان"
يُتبع...
❤14👍9🥰2👏2🤩2🎉1
😈 سلسلة الشيطان شاطر 😈
كان في أستاذ معاه تلاميذ شاطرين جداً، لكن في سنة معينة، درجاتهم كانت أقل بكتير من المعتاد. بدأ الأستاذ يشك ويبحث عن السبب، فوجد أن المشكلة نفسية. اكتشف أن بعض الطلاب كانوا عايشين في الماضي، مشغولين بذكريات الفشل والإخفاقات، والبعض الآخر كان عايش في المستقبل، خايفين من المجهول.
الطلاب كانوا عايشين في الماضي أو في المستقبل، مكانوش عايشين في الحاضر. الأستاذ عطاهم دروس عن أساليب الشيطان وألاعيبه، وتحسنت حالتهم بشكل كبير. واحد من الطلاب كان في حالة سيئة لدرجة أنه قال "أنا مش لاقي معنى لحياتي"، لكن بعد الدروس قال "أنا حاسس إني كنت أعمى، ودلوقتي بقيت قادر أشوف".
في السلسلة دي، هنحاول نلخص الأساليب، لكن حاول تتوسع وتسمع قصص كتير؛ لأن القصص بتغير التفكير. الشيطان بيستخدم الأساليب دي في كل القصص، وفي ناس مشاكلنا بالنسبالهم ترفيه وقدروا يتغلبوا عليها بفضل الله وبأخذهم بالأسباب.
الأستاذ قرر يسمي كل أسلوب باسم عشان يساعد الطلاب إنهم يفتكروه. سمي الأساليب كلها "دوامة الشيطان". لما حد يقول إنه دخل في دوامة ومش معاه عوامة، هنا بيقصد "دوامة الشيطان".
🏁 لما تبدأ تعمل حاجة مفيدة، الشيطان بيبدأ باستخدام الدوامة خطوة بخطوة. الدوامة بتتكون من خمس خطوات:
1️⃣ الصدمة.
2️⃣ دروع الظلام.
3️⃣ مصيدة التشتت (التشويش والانشغال بدون إنجاز).
4️⃣ عصا الصياد النارية.
5️⃣ نقطة الصفر.
1️⃣ خلينا نتكلم عن أول وأخطر خطوة؛ لأن فيها أكبر خدعة عملها الشيطان. أكبر خدعة هي إقناع الناس بأنه غير موجود.
يُتبع.
💥 الحلقة الثانية ❄️
"دوامة الشيطان"
كان في أستاذ معاه تلاميذ شاطرين جداً، لكن في سنة معينة، درجاتهم كانت أقل بكتير من المعتاد. بدأ الأستاذ يشك ويبحث عن السبب، فوجد أن المشكلة نفسية. اكتشف أن بعض الطلاب كانوا عايشين في الماضي، مشغولين بذكريات الفشل والإخفاقات، والبعض الآخر كان عايش في المستقبل، خايفين من المجهول.
الطلاب كانوا عايشين في الماضي أو في المستقبل، مكانوش عايشين في الحاضر. الأستاذ عطاهم دروس عن أساليب الشيطان وألاعيبه، وتحسنت حالتهم بشكل كبير. واحد من الطلاب كان في حالة سيئة لدرجة أنه قال "أنا مش لاقي معنى لحياتي"، لكن بعد الدروس قال "أنا حاسس إني كنت أعمى، ودلوقتي بقيت قادر أشوف".
في السلسلة دي، هنحاول نلخص الأساليب، لكن حاول تتوسع وتسمع قصص كتير؛ لأن القصص بتغير التفكير. الشيطان بيستخدم الأساليب دي في كل القصص، وفي ناس مشاكلنا بالنسبالهم ترفيه وقدروا يتغلبوا عليها بفضل الله وبأخذهم بالأسباب.
الأستاذ قرر يسمي كل أسلوب باسم عشان يساعد الطلاب إنهم يفتكروه. سمي الأساليب كلها "دوامة الشيطان". لما حد يقول إنه دخل في دوامة ومش معاه عوامة، هنا بيقصد "دوامة الشيطان".
🏁 لما تبدأ تعمل حاجة مفيدة، الشيطان بيبدأ باستخدام الدوامة خطوة بخطوة. الدوامة بتتكون من خمس خطوات:
1️⃣ الصدمة.
2️⃣ دروع الظلام.
3️⃣ مصيدة التشتت (التشويش والانشغال بدون إنجاز).
4️⃣ عصا الصياد النارية.
5️⃣ نقطة الصفر.
1️⃣ خلينا نتكلم عن أول وأخطر خطوة؛ لأن فيها أكبر خدعة عملها الشيطان. أكبر خدعة هي إقناع الناس بأنه غير موجود.
يُتبع.
❤6👏4👍2🥰1
😈 سلسلة الشيطان شاطر 😈
أول الأساليب اللي الشيطان بيستخدمها معانا لما ننوي نعمل حاجة مفيدة، هي الصدمة.
زي ما اتفقنا، الأساليب دي بيستخدمها في كل الحاجات المفيدة اللي بننوي نعملها. إحنا هنتكلم عن المذاكرة كمثال، وأنت طبق المثال ده على باقي الحاجات المفيدة اللي بتعملها.
دلوقتي إحنا رايحين نذاكر، نفذنا شوية النصايح اللي قلنا عليهم في سلسلة نصائح سعيدة. كدا العقل (الطريقة) ✅.
تقعد تذاكر أي مادة، تلاقي الشيطان بيذاكر جنبك، جايب كتاب اسمه "الصدمة".
الكتاب متقسم لـ 3 فصول، كلهم أفكار سلبية عشان يمنعنا عن الحاجة المفيدة.
دماغك لو شغالة، جسمك هيشتغل. لكن لو دماغك شغالة أكتر من اللازم (تفكير مفرط)، جسمك هيقف. وبالتالي، أحد الطرق للتخلص من التفكير المفرط هي الحركة، لما نتحرك، عقلنا بيوقف تفكير.
ودي حركة كان بيعملها أحد متحدثي التنمية البشرية قبل ما يطلع على المسرح، كان بيحس إنه هيموت من الخوف بالرغم إنه مشهور جداً، والساعة بتاعته كانت بتوصل لعشر آلاف دولار. فكان بيلعب ضغط لحد ما دراعه يتعب، وبالتالي مش هيقدر يفكر غير في الحاضر.
📕 كتاب "الصدمة"
1️⃣ الفصل الأول: النفس.
2️⃣ الفصل الثاني: البيئة.
3️⃣ الفصل الثالث: المهمة.
📝 الفصل الأول: النفس
نبدأ نذاكر، يجيبلنا كل الأفكار السلبية عن نفسنا:
(أنا + جملة سلبية).
☣️ وهنا أكبر خدعة عملها الشيطان، هو مش بيقول لك "أنت وحش". لا، بيقول "أنا وحش"، بحيث نعتقد إن الصوت بيمثلنا إحنا. لأن لو حد قالك "أنت وحش"، مهما كان، هتاخد موقف دفاعي وهترد عليه، لكن لما تقول لنفسك "أنا وحش"، فمش هترد على نفسك، بالعكس هتصدقها مع التكرار، حتى لو أنت أفضل واحد.
فلازم تميز الصوت اللي جواك، هو عايزلك الخير ولا الشر. لو كان عايزلك الخير يبقى ده فعلاً ضميرك، لو كان عايزلك الشر يبقى ده الشيطان.
خد بالك إن الشيطان هيحاول يخليك مش عارف انهي صوت نفسك وانهي صوت هو، لأنه بيتكلم باسمك.
فلازم تفصل اسمه عن اسمك وتديه اسم، عشان لما يتكلم، تقوله "بس يا ...."، وتاخد الكلام اللي جاي منه وتحلله.
لكن لو ظنيت إن الكلام ده نابع منك أنت، فمش هتحلله.
أمثلة على الفصل الأول:
😢 أنا ذاكرتي ضعيفة.
😢 أنا هذاكر وهنسى.
😢 أنا مليش في الفهم.
😢 أنا مفيش فايدة مني.
😢 أنا حاولت كتير قبل كده، بس مفيش ولا مرة قدرت أنجح.
😢 أنا المذاكرة بالنسبة لي عقدة.
😢 أنا، أنا، أنا... وهكذا.
كل "أنا" وراها حاجات سلبية كتيرة، ده لما يكلمك أنت عن نفسك. لكن لما هو تكلم عن نفسه، قال: "أنا خير منه".
وهنا ناخد بالنا، هو مش غبي عشان يجيبلك حاجات محصلتش. هو هيجيبلك حاجات حصلت بالفعل، بس هنا المفروض نقف مع نفسنا ونحلل الكلام، إحنا فشلنا في الماضي، بس الفشل ده كان نتيجة إيه؟ ممكن مكنش عندنا الطريقة أصلاً اللي نعمل بها الحاجة اللي كنا بنعملها. ممكن تكون ظروف خارجة عن إرادتنا، وهكذا. منجيبش كل العيوب على نفسنا ونفضل نجلد في نفسنا.
نشوف المشكلة فين، ونشوف الحل بتاعها وانتهى الأمر.
📝 الفصل الثاني: البيئة
أفكار سلبية عن البيئة اللي حوالينا:
🏜 المكان ده محدش هيعرف يذاكر فيه.
🏜️ بلدنا دي محدش بينجح فيها.
🏜️ اللي بيدرسوا لينا مش بيعرفوا يشرحوا.
🏜️ نظام الدراسة مصعب علينا كل الأمور، حتى البسيطة منها.
🏜️ البيت مش مساعدني.
🏜️ السكن مش مساعدني.
🏜️ الأوضة مش مساعداني.
🏜️ القلم مش مساعدني.
🏜️ الكتاب مش مساعدني.
برضو ناخد الكلام ونحلله. إحنا مش بننفي المشاكل، وبنقول إننا عايشين في الجنة. لأ، في مشاكل فعلاً. بس طالما إحنا عرفنا إن في داء، ندور على الدواء بقا. وجود الداء قدر، ووجود الدواء برضو قدر. وفي عسر فعلاً، بس برضو في يسر. "(إن مع العسر يسراً)". هنصدق ربنا بقا ولا نخدع نفسنا؟ مفيش حل، مفيش فايدة؟
نحاول ونجرب ونسأل، ونفشل ونقع مرة واتنين وألف عادي. وبإذن الله نوصل.
📝 الفصل الثالث: المهمة
أفكار سلبية عن المهمة اللي بنعملها:
🦎 أصلاً المذاكرة ملهاش لازمة.
🦎 هم اللي ذاكروا خدوا إيه؟
🦎 مش كده كده في ناس بتغش، وأنا هتعب نفسي على الفاضي وفي الآخر هيجيبوا أكتر مني.
🦎 أصلاً ده علم لا ينفع.
🦎 المادة أصلاً معقدة، واللي حطينها مش فاهمينها أصلاً، عايزين يبينوا شطارتهم علينا وخلاص... وهكذا.
💝 الحلقة الثالثة 💝
"الصدمة"
أول الأساليب اللي الشيطان بيستخدمها معانا لما ننوي نعمل حاجة مفيدة، هي الصدمة.
زي ما اتفقنا، الأساليب دي بيستخدمها في كل الحاجات المفيدة اللي بننوي نعملها. إحنا هنتكلم عن المذاكرة كمثال، وأنت طبق المثال ده على باقي الحاجات المفيدة اللي بتعملها.
دلوقتي إحنا رايحين نذاكر، نفذنا شوية النصايح اللي قلنا عليهم في سلسلة نصائح سعيدة. كدا العقل (الطريقة) ✅.
تقعد تذاكر أي مادة، تلاقي الشيطان بيذاكر جنبك، جايب كتاب اسمه "الصدمة".
الكتاب متقسم لـ 3 فصول، كلهم أفكار سلبية عشان يمنعنا عن الحاجة المفيدة.
دماغك لو شغالة، جسمك هيشتغل. لكن لو دماغك شغالة أكتر من اللازم (تفكير مفرط)، جسمك هيقف. وبالتالي، أحد الطرق للتخلص من التفكير المفرط هي الحركة، لما نتحرك، عقلنا بيوقف تفكير.
ودي حركة كان بيعملها أحد متحدثي التنمية البشرية قبل ما يطلع على المسرح، كان بيحس إنه هيموت من الخوف بالرغم إنه مشهور جداً، والساعة بتاعته كانت بتوصل لعشر آلاف دولار. فكان بيلعب ضغط لحد ما دراعه يتعب، وبالتالي مش هيقدر يفكر غير في الحاضر.
📕 كتاب "الصدمة"
1️⃣ الفصل الأول: النفس.
2️⃣ الفصل الثاني: البيئة.
3️⃣ الفصل الثالث: المهمة.
📝 الفصل الأول: النفس
نبدأ نذاكر، يجيبلنا كل الأفكار السلبية عن نفسنا:
(أنا + جملة سلبية).
☣️ وهنا أكبر خدعة عملها الشيطان، هو مش بيقول لك "أنت وحش". لا، بيقول "أنا وحش"، بحيث نعتقد إن الصوت بيمثلنا إحنا. لأن لو حد قالك "أنت وحش"، مهما كان، هتاخد موقف دفاعي وهترد عليه، لكن لما تقول لنفسك "أنا وحش"، فمش هترد على نفسك، بالعكس هتصدقها مع التكرار، حتى لو أنت أفضل واحد.
فلازم تميز الصوت اللي جواك، هو عايزلك الخير ولا الشر. لو كان عايزلك الخير يبقى ده فعلاً ضميرك، لو كان عايزلك الشر يبقى ده الشيطان.
خد بالك إن الشيطان هيحاول يخليك مش عارف انهي صوت نفسك وانهي صوت هو، لأنه بيتكلم باسمك.
فلازم تفصل اسمه عن اسمك وتديه اسم، عشان لما يتكلم، تقوله "بس يا ...."، وتاخد الكلام اللي جاي منه وتحلله.
لكن لو ظنيت إن الكلام ده نابع منك أنت، فمش هتحلله.
أمثلة على الفصل الأول:
😢 أنا ذاكرتي ضعيفة.
😢 أنا هذاكر وهنسى.
😢 أنا مليش في الفهم.
😢 أنا مفيش فايدة مني.
😢 أنا حاولت كتير قبل كده، بس مفيش ولا مرة قدرت أنجح.
😢 أنا المذاكرة بالنسبة لي عقدة.
😢 أنا، أنا، أنا... وهكذا.
كل "أنا" وراها حاجات سلبية كتيرة، ده لما يكلمك أنت عن نفسك. لكن لما هو تكلم عن نفسه، قال: "أنا خير منه".
وهنا ناخد بالنا، هو مش غبي عشان يجيبلك حاجات محصلتش. هو هيجيبلك حاجات حصلت بالفعل، بس هنا المفروض نقف مع نفسنا ونحلل الكلام، إحنا فشلنا في الماضي، بس الفشل ده كان نتيجة إيه؟ ممكن مكنش عندنا الطريقة أصلاً اللي نعمل بها الحاجة اللي كنا بنعملها. ممكن تكون ظروف خارجة عن إرادتنا، وهكذا. منجيبش كل العيوب على نفسنا ونفضل نجلد في نفسنا.
نشوف المشكلة فين، ونشوف الحل بتاعها وانتهى الأمر.
📝 الفصل الثاني: البيئة
أفكار سلبية عن البيئة اللي حوالينا:
🏜 المكان ده محدش هيعرف يذاكر فيه.
🏜️ بلدنا دي محدش بينجح فيها.
🏜️ اللي بيدرسوا لينا مش بيعرفوا يشرحوا.
🏜️ نظام الدراسة مصعب علينا كل الأمور، حتى البسيطة منها.
🏜️ البيت مش مساعدني.
🏜️ السكن مش مساعدني.
🏜️ الأوضة مش مساعداني.
🏜️ القلم مش مساعدني.
🏜️ الكتاب مش مساعدني.
برضو ناخد الكلام ونحلله. إحنا مش بننفي المشاكل، وبنقول إننا عايشين في الجنة. لأ، في مشاكل فعلاً. بس طالما إحنا عرفنا إن في داء، ندور على الدواء بقا. وجود الداء قدر، ووجود الدواء برضو قدر. وفي عسر فعلاً، بس برضو في يسر. "(إن مع العسر يسراً)". هنصدق ربنا بقا ولا نخدع نفسنا؟ مفيش حل، مفيش فايدة؟
نحاول ونجرب ونسأل، ونفشل ونقع مرة واتنين وألف عادي. وبإذن الله نوصل.
📝 الفصل الثالث: المهمة
أفكار سلبية عن المهمة اللي بنعملها:
🦎 أصلاً المذاكرة ملهاش لازمة.
🦎 هم اللي ذاكروا خدوا إيه؟
🦎 مش كده كده في ناس بتغش، وأنا هتعب نفسي على الفاضي وفي الآخر هيجيبوا أكتر مني.
🦎 أصلاً ده علم لا ينفع.
🦎 المادة أصلاً معقدة، واللي حطينها مش فاهمينها أصلاً، عايزين يبينوا شطارتهم علينا وخلاص... وهكذا.
❤5😁2🔥1
لو فاكرين إن محدش بيكتب عننا فالشيطان كاتب عننا كتاب كامل اسمه الصدمة، بس كله سلبي عشان متخذنا أعداء.
طب أنا بفضل الله عملت حاجات كتير حلوة أي نعم فشلت بس نجحت كتير. أنا حياتي فيها .... وفيها ..... وفيها .....
كل دي حاجات حلوة موجودة في حياتنا.
بس لأ، يخلينا نشوف الجانب المظلم بس ونركز عليه.
طب والنعم اللي إحنا فيها؟
لا لا سيبك منها خالص وركز على السلبي بس.
لو استمعنا للأفكار دي ومبدأناش، في الغالب هنقفل الكتاب ونروح نعمل حاجة تاني وفي الغالب برضو الحاجة دي هي النوم.
لكن لو صبرنا وتحملنا وسامحنا نفسنا. وبعدنا الأفكار السلبية. وقلنا مش مهم، اللي فات مات ومش هنقدر نغير الماضي لكن ممكن نتوكل على الله ونبدأ دلوقتي، النهاية هتكون سعيدة باذن الله.
😔 منتصرناش؟
عادي ايه المشكلة، دا حتى خير الخلق كلهم ﷺ منتصرش في كل غزواته، وكان قدوة في الصبر والتوكل حتى في المواقف الصعبة، والدنيا كدا، مش جنة.
♦️ اسأل نفسك سؤال بسيط جداً هل أنا كنت قاصد أفشل؟ الإجابة من غير تفكير لأ. خلاص بتلوم نفسك على ايه؟ ما أنت مش قصدك. هتخترق الواقع يعني ولا ايه؟
لو عدينا الصدمة هيبدأ الشيطان في تاني خطوة من الدوامة واللي هي دورع الظلام.
يُتبع.
طب أنا بفضل الله عملت حاجات كتير حلوة أي نعم فشلت بس نجحت كتير. أنا حياتي فيها .... وفيها ..... وفيها .....
كل دي حاجات حلوة موجودة في حياتنا.
بس لأ، يخلينا نشوف الجانب المظلم بس ونركز عليه.
طب والنعم اللي إحنا فيها؟
لا لا سيبك منها خالص وركز على السلبي بس.
لو استمعنا للأفكار دي ومبدأناش، في الغالب هنقفل الكتاب ونروح نعمل حاجة تاني وفي الغالب برضو الحاجة دي هي النوم.
لكن لو صبرنا وتحملنا وسامحنا نفسنا. وبعدنا الأفكار السلبية. وقلنا مش مهم، اللي فات مات ومش هنقدر نغير الماضي لكن ممكن نتوكل على الله ونبدأ دلوقتي، النهاية هتكون سعيدة باذن الله.
😔 منتصرناش؟
عادي ايه المشكلة، دا حتى خير الخلق كلهم ﷺ منتصرش في كل غزواته، وكان قدوة في الصبر والتوكل حتى في المواقف الصعبة، والدنيا كدا، مش جنة.
♦️ اسأل نفسك سؤال بسيط جداً هل أنا كنت قاصد أفشل؟ الإجابة من غير تفكير لأ. خلاص بتلوم نفسك على ايه؟ ما أنت مش قصدك. هتخترق الواقع يعني ولا ايه؟
لو عدينا الصدمة هيبدأ الشيطان في تاني خطوة من الدوامة واللي هي دورع الظلام.
يُتبع.
❤4🥰3👏3👍1
😈 سلسلة الشيطان شاطر 😈
بفضل الله خلاص تخطينا أول وأصعب خطوة. خطوة الصدمة، يبدأ الشيطان بقى يدخل على الخطوة اللي بعدها وهي دروع الظلام.
والدروع دي عبارة عن حواجز بتمنعنا من القيام بالحاجة المفيدة اللي ناويين نقوم بيها.
🛡 دروع الظلام ثلاثة دروع ألا وهي 🛡:
🛡 الدرع الأول: حرام.
🛡 الدرع الثاني: مباح. (في غير وقته)
🛡 الدرع الثالث: تافه أو قليل الأهمية.
🛡 الدرع الأول: حرام.
طب بدل ما تذاكر ما تيجي تعمل حاجة حرام؟
طبعاً هو مش هيقول لنا نعمل حاجة حرام كده وش. لا دي خطوات بالتدريج وحدة وحدة بحيث إن إحنا مناخدش بالنا إننا بنتقدم ناحية الحرام.
وحدة وحدة وبالراحة حتى لو هتاخد وقت مفيش مشاكل خالص.
أصلا سر الطبخة الكويسة:
(النار الخفيفة لمدة طويلة)
منفعش الدرع الأول خش على
🛡 الدرع الثاني: مباح.
اعمل حاجة مباحة بس مش وقتها دلوقتي.
يعني بدل ما تذاكر -أو تعمل الحاجة اللي المفروض تعملها، زي ما اتفقنا إن المذاكرة دي مجرد مثال بس-
طب ما تروح مثلاً تلعب كورة.
طبعاً هنا الكورة مش حرام.
الحرام هو الشتايم اللي بنسمعها لما تخسر ويضيع عليك كاس العالم ومليارات الدولارات وأنت بتلعب في مركز شباب أبو عنزة. 🐐
منفعش الدرع ده خلاص خش على
🛡 الدرع التالت: تافه، أو قليل الأهمية.
عايز تذاكر؟ يقولك اوكي ذاكر بس ذاكر حاجة مش مهمة، مش مفيدة، حاجة تافهة.
أو اعمل حاجة مفيدة بس مش مفيدة قوي يعني.
أقل الخسائر بالنسباله.
👿 منفعتش الدروع معاك وعديت الدرع الأول والتاني والتالت وقبلهم الصدمة، خلاص بقا شكلك مش ناوي تجيبها لبرة ولا لجوة.
خش بينا على الخطوة التالتة من الدوامة يبوعمو. 😾
مصيدة التشتت 😼
يُتبع.
🌼 الحلقة الرابعة 🌼
"دروع الظلام"
بفضل الله خلاص تخطينا أول وأصعب خطوة. خطوة الصدمة، يبدأ الشيطان بقى يدخل على الخطوة اللي بعدها وهي دروع الظلام.
والدروع دي عبارة عن حواجز بتمنعنا من القيام بالحاجة المفيدة اللي ناويين نقوم بيها.
🛡 دروع الظلام ثلاثة دروع ألا وهي 🛡:
🛡 الدرع الأول: حرام.
🛡 الدرع الثاني: مباح. (في غير وقته)
🛡 الدرع الثالث: تافه أو قليل الأهمية.
🛡 الدرع الأول: حرام.
طب بدل ما تذاكر ما تيجي تعمل حاجة حرام؟
طبعاً هو مش هيقول لنا نعمل حاجة حرام كده وش. لا دي خطوات بالتدريج وحدة وحدة بحيث إن إحنا مناخدش بالنا إننا بنتقدم ناحية الحرام.
وحدة وحدة وبالراحة حتى لو هتاخد وقت مفيش مشاكل خالص.
أصلا سر الطبخة الكويسة:
(النار الخفيفة لمدة طويلة)
منفعش الدرع الأول خش على
🛡 الدرع الثاني: مباح.
اعمل حاجة مباحة بس مش وقتها دلوقتي.
يعني بدل ما تذاكر -أو تعمل الحاجة اللي المفروض تعملها، زي ما اتفقنا إن المذاكرة دي مجرد مثال بس-
طب ما تروح مثلاً تلعب كورة.
طبعاً هنا الكورة مش حرام.
الحرام هو الشتايم اللي بنسمعها لما تخسر ويضيع عليك كاس العالم ومليارات الدولارات وأنت بتلعب في مركز شباب أبو عنزة. 🐐
منفعش الدرع ده خلاص خش على
🛡 الدرع التالت: تافه، أو قليل الأهمية.
عايز تذاكر؟ يقولك اوكي ذاكر بس ذاكر حاجة مش مهمة، مش مفيدة، حاجة تافهة.
أو اعمل حاجة مفيدة بس مش مفيدة قوي يعني.
أقل الخسائر بالنسباله.
👿 منفعتش الدروع معاك وعديت الدرع الأول والتاني والتالت وقبلهم الصدمة، خلاص بقا شكلك مش ناوي تجيبها لبرة ولا لجوة.
خش بينا على الخطوة التالتة من الدوامة يبوعمو. 😾
مصيدة التشتت 😼
يُتبع.
❤6👏3👍1🤩1
😈 سلسلة الشيطان شاطر 😈
مصيدة التشتت بتتكون من جزئين:
الجزء الأول: التشويش
الجزء الثاني: انشغال بدون إنجاز
احنا خلاص تخطينا كل اللي فات من خطوات الدوامة. بدأنا نذاكر حاجة مهمة أو نعمل حاجة مفيدة. هنلاقي الشيطان مجهز خطوة التشويش.
في أثناء المذاكرة (مثلاً) نلاقي الشيطان بيمشينا ورا السراب.
السراب بيكون تفكير في الماضي، الحاضر، المستقبل، في حاجات حصلت أو هتحصل، أو حاجات محصلتش ولا هتحصل.
ممكن نكون مشغولين طول اليوم بحاجة لكن ما أنجزناش فيها، في فرق بين إننا نكون مشغولين وإننا نكون منجزين.
بنسبة كبيرة عدم الإنجاز بيكون نتيجة جزء التشويش.
🍅 من الأساليب المستخدمة عشان تكون مركز ومش مشوش، هي تقسيم العمل إلى جلسات وناخد راحة بين كل جلسة وجلسة يعني مثلاً لو هنذاكر، نذاكر نص ساعة وناخد 5 دقايق راحة، نتمشى فيهم، ناكل فيهم، نفتح التلفون (بس نحاسب من التليفون ممكن الخمس دقايق يبقوا ساعتين تلاتة🤕)
وبعد كده نكمل مذاكرة، وبعد كام جلسة ناخد استراحة كبيرة. (نظام الطماطم)
والنظام ده متوفر في تطبيق سلطة الإنجاز.
أما الجزء الثاني من مصيدة التشتت هو الانشغال بدون إنجاز.
يُتبع.
❤️ الحلقة الخامسة ❤️
"مصيدة التشتت: التشويش"
مصيدة التشتت بتتكون من جزئين:
الجزء الأول: التشويش
الجزء الثاني: انشغال بدون إنجاز
احنا خلاص تخطينا كل اللي فات من خطوات الدوامة. بدأنا نذاكر حاجة مهمة أو نعمل حاجة مفيدة. هنلاقي الشيطان مجهز خطوة التشويش.
في أثناء المذاكرة (مثلاً) نلاقي الشيطان بيمشينا ورا السراب.
السراب بيكون تفكير في الماضي، الحاضر، المستقبل، في حاجات حصلت أو هتحصل، أو حاجات محصلتش ولا هتحصل.
ممكن نكون مشغولين طول اليوم بحاجة لكن ما أنجزناش فيها، في فرق بين إننا نكون مشغولين وإننا نكون منجزين.
بنسبة كبيرة عدم الإنجاز بيكون نتيجة جزء التشويش.
🍅 من الأساليب المستخدمة عشان تكون مركز ومش مشوش، هي تقسيم العمل إلى جلسات وناخد راحة بين كل جلسة وجلسة يعني مثلاً لو هنذاكر، نذاكر نص ساعة وناخد 5 دقايق راحة، نتمشى فيهم، ناكل فيهم، نفتح التلفون (بس نحاسب من التليفون ممكن الخمس دقايق يبقوا ساعتين تلاتة🤕)
وبعد كده نكمل مذاكرة، وبعد كام جلسة ناخد استراحة كبيرة. (نظام الطماطم)
والنظام ده متوفر في تطبيق سلطة الإنجاز.
أما الجزء الثاني من مصيدة التشتت هو الانشغال بدون إنجاز.
يُتبع.
❤4🔥1
😈 سلسلة الشيطان شاطر 😈
تاني جزء من مصيدة التشتت هو الانشغال بدون إنجاز.
🍂 بيتكون من تلات مستويات:
1) الكمالية
2) الإهمال
3) المقارنة
تلات مستويات أخطر من بعض.
1) المستوى الأول: الكمالية:
نبدأ نذاكر يجي الشيطان يقولنا الدرس ده لازم نذاكره 100% منسيبش فيه ولا فتفوتة، وندور له على مصادر من برة، ونلون ونرسم ونخطط ونلخص ونعمل أسئلة.
المشكلة في الكمالية إنها بتخلينا نركز على التفاصيل قبل أداء العمل نفسه، ووحدة وحدة بنلاقيها بتصدنا عن العمل نفسه.
أنا مش هعمل العمل ده إلا إذا كان 100% زي ما أنا عايز، فبتكون النتيجة إننا بنهرب من العمل.
ناخد بالنا. ايه المشكلة لما نذاكر وننسى ونغلط ونفشل؟
وزي ما بيقول زين قلب الهجوم
(لا بأس بألا تنجح في أدائك، ولكن عليك أن تكون جادًا فيما تفعله)
الكمال لله وحده. إحنا بشر طبيعي مهما عملنا، العمل هيطلع ناقص.
المستوى الثاني: الإهمال:
😈: عديت من المستوى الأول؟ خد بالك لازم نذاكر المحاضرة دي بسرعة عشان ورانا محاضرات كتير بقا. مش مشكلة لما نراجع عليها هنثبتها.
لو وصلنا 30 أو 40% حلو خالص.
😳 ايه ده مش أنت فوق كنت بتقولي نذاكر 100% يا إما منذاكرش؟
😈: أيوة ما لما الكمالية تفشل ندخل على الإهمال.
⚖ فلازم نعمل توازن (لا تفريط ولا إفراط)
المستوى الثالث: المقارنة:
😈: شايف فلان بيذاكر كام ساعة، شايف فلان درجاته عاملة إزاي، شايف فلان متميز إزاي، شايف فلان ظروفه أحسن منك إزاي.
ممكن المقارنة تكون لتحت.
😈: يا عم كبر دماغك أنت أحسن من ناس كتير، ده في ناس ضايعة حرفياً أنت بالنسبة لهم ملاك، أنت شكلك هتخش الجنة من غير حساب، أنت كده كويس خالص متتعبش نفسك.
(المقارنة مضرة حتى لو كنت أنت الأفضل).
لو بنقارن نفسنا بحد أعلى مننا هنحبط ونيأس. لو بأقل مننا هنكسل لأننا شايفين إن إحنا كده تمام.
أفضل حاجة لتجنب المقارنة إننا نقارن نفسنا بالماضي، نفسنا امبارح، نقارن اللي عملناه باللي كنا نقدر نعمله.
❌ وبكدة تالت خطوة خلصت ولو فشلت الشيطان بيدخل على الخطوة اللي بعدها الخطوة الرابعة وقبل الأخيرة خلاص قربنا نخلص السلسلة بس الأهم إننا نستفيد منها مش نخلصها وخلاص.
يُتبع.
♥️ الحلقة السادسة ♥️
"مصيدة التشتت: انشغال بدون إنجاز"
تاني جزء من مصيدة التشتت هو الانشغال بدون إنجاز.
🍂 بيتكون من تلات مستويات:
1) الكمالية
2) الإهمال
3) المقارنة
تلات مستويات أخطر من بعض.
1) المستوى الأول: الكمالية:
نبدأ نذاكر يجي الشيطان يقولنا الدرس ده لازم نذاكره 100% منسيبش فيه ولا فتفوتة، وندور له على مصادر من برة، ونلون ونرسم ونخطط ونلخص ونعمل أسئلة.
المشكلة في الكمالية إنها بتخلينا نركز على التفاصيل قبل أداء العمل نفسه، ووحدة وحدة بنلاقيها بتصدنا عن العمل نفسه.
أنا مش هعمل العمل ده إلا إذا كان 100% زي ما أنا عايز، فبتكون النتيجة إننا بنهرب من العمل.
ناخد بالنا. ايه المشكلة لما نذاكر وننسى ونغلط ونفشل؟
وزي ما بيقول زين قلب الهجوم
(لا بأس بألا تنجح في أدائك، ولكن عليك أن تكون جادًا فيما تفعله)
الكمال لله وحده. إحنا بشر طبيعي مهما عملنا، العمل هيطلع ناقص.
المستوى الثاني: الإهمال:
😈: عديت من المستوى الأول؟ خد بالك لازم نذاكر المحاضرة دي بسرعة عشان ورانا محاضرات كتير بقا. مش مشكلة لما نراجع عليها هنثبتها.
لو وصلنا 30 أو 40% حلو خالص.
😳 ايه ده مش أنت فوق كنت بتقولي نذاكر 100% يا إما منذاكرش؟
😈: أيوة ما لما الكمالية تفشل ندخل على الإهمال.
⚖ فلازم نعمل توازن (لا تفريط ولا إفراط)
المستوى الثالث: المقارنة:
😈: شايف فلان بيذاكر كام ساعة، شايف فلان درجاته عاملة إزاي، شايف فلان متميز إزاي، شايف فلان ظروفه أحسن منك إزاي.
ممكن المقارنة تكون لتحت.
😈: يا عم كبر دماغك أنت أحسن من ناس كتير، ده في ناس ضايعة حرفياً أنت بالنسبة لهم ملاك، أنت شكلك هتخش الجنة من غير حساب، أنت كده كويس خالص متتعبش نفسك.
(المقارنة مضرة حتى لو كنت أنت الأفضل).
لو بنقارن نفسنا بحد أعلى مننا هنحبط ونيأس. لو بأقل مننا هنكسل لأننا شايفين إن إحنا كده تمام.
أفضل حاجة لتجنب المقارنة إننا نقارن نفسنا بالماضي، نفسنا امبارح، نقارن اللي عملناه باللي كنا نقدر نعمله.
❌ وبكدة تالت خطوة خلصت ولو فشلت الشيطان بيدخل على الخطوة اللي بعدها الخطوة الرابعة وقبل الأخيرة خلاص قربنا نخلص السلسلة بس الأهم إننا نستفيد منها مش نخلصها وخلاص.
يُتبع.
YouTube
أنت البطل - Super Better - علي وكتاب
👇خمس طرق لدعم القناة
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------
-----------------------
روابط شراء كتاب…
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------
-----------------------
روابط شراء كتاب…
❤3👍2🔥1👏1
😈 سلسلة الشيطان شاطر 😈
بعد التلات خطوات من الدوامة تيجي الخطوة الرابعة خلاص هنعمل حاجة مفيدة. في أثناء ما بنعملها نحط في بالنا حاجة مهمة جداً إننا هنلاقي صعوبات في الحاجة دي.
على فكرة الصعوبات بتحافظ على قيمة الشيء، فلو أن شيئاً بدون صعوبات لأصبح بدون قيمة.
المهم لما نقابل صعوبات يجي الشيطان عشان يحبطك من الصعوبات اللي هي أصلاً طبيعي إنك تقابلها.
😈: مش قولتلك بلاش؟ العربية دي مش عربيتك (الكار ده مش كارك)، اديك لقيت صعوبات أهو مش كنت ريحت دماغك من الأول، تعب دماغ على الفاضي.
ببساطة الصعوبة دي إشارة بتقولك أنت محتاج معلومات أكتر، معلومات أكتر يعني صعوبات أقل، والعكس صحيح.
بعد كده يجي دور الخطوة الخامسة إما المتسلل أو نقطة الصفر.
يُتبع.
⌚ الحلقة السابعة ⌚
"صعوبات"
بعد التلات خطوات من الدوامة تيجي الخطوة الرابعة خلاص هنعمل حاجة مفيدة. في أثناء ما بنعملها نحط في بالنا حاجة مهمة جداً إننا هنلاقي صعوبات في الحاجة دي.
على فكرة الصعوبات بتحافظ على قيمة الشيء، فلو أن شيئاً بدون صعوبات لأصبح بدون قيمة.
المهم لما نقابل صعوبات يجي الشيطان عشان يحبطك من الصعوبات اللي هي أصلاً طبيعي إنك تقابلها.
😈: مش قولتلك بلاش؟ العربية دي مش عربيتك (الكار ده مش كارك)، اديك لقيت صعوبات أهو مش كنت ريحت دماغك من الأول، تعب دماغ على الفاضي.
ببساطة الصعوبة دي إشارة بتقولك أنت محتاج معلومات أكتر، معلومات أكتر يعني صعوبات أقل، والعكس صحيح.
بعد كده يجي دور الخطوة الخامسة إما المتسلل أو نقطة الصفر.
يُتبع.
❤2😢1🤩1
😈 سلسلة الشيطان شاطر 😈
🥸 المتسلل معناها إننا بفضل الله نجحنا في الحاجة اللي بنعملها. الشيطان يسكت؟ لا، يجيلك متسللاً ويقولك:
😈: أنت مفيش زيك، أنت أحسن واحد، كل اللي عملته ده بشطارتك بتخطيطك بعبقريتك وذكائك، امسح الأرقام من التليفون بقا، أنت خسارة في القارة والقارات المجاورة.
هو بيحاول يخلينا ننسى فضل ربنا سبحانه وتعالى، ربنا هو اللي وفقنا في العمل، وساعتها نتغر في نفسنا ومن هنا يبدأ السقوط زي ما بيحصل مع كل المغرورين.
0⃣ نقطة الصفر: هي إننا عملنا حاجة لكن للأسف النتيجة مكانتش في صالحنا. يجي الشيطان ياخد الموقف ده ويضيفه لكتاب الصدمة.
ويبدأ يقول
😈: ما كنت سمعت الكلام من الأول اديك فشلت وكل الكلام اللي قلته في البداية مكانش وهم.
وهنا أكتر حاجة مرعبة ممكن تنزل تحت الصفر، الشيطان هيحاول يضرب بشكل مباشر في إيمانك وثقتك بربنا مستغل حالة الحزن بعد الفشل. ويقول لك
😈: شوف ربنا ضيع تعبك إزاي؟ مش ربنا بيقول (إنا لا نضيع أجر من أحسن عملًا) اديك أنت أهو أحسنت العمل وتعبت بس على الفاضي.
طبعا الكلام ده نادراً ما بيحصل وكل اللي حصل معاهم الكلام ده تعبهم مضاعش ولا حاجة، لكن ربنا سبحانه وتعالى كان شايلهم الأفضل في المستقبل سواء كان المستقبل ده في الدنيا أو الآخرة، ولو كانوا خدوا الحاجة اللي بيتمنوها كانت هتمنع عنهم خير كتير.
ضرب مباشر في الإيمان والعقيدة، ودا اللي الشيطان عاوز يوصله، إن من مهمة حياتية لا راحت ولا جت، وصل إنه يخلينا نسيء الظن بالله سبحانه وتعالى.
فلو حصل مننا كده قبل كده، نستغفر ونتيقن أن الخير فيما اختاره الله.
نختم بسؤال بسيط هو إحنا لو خسرنا الدنيا كلها وكسبنا الآخرة يبقى خسرنا حاجة؟
💛 الحلقة الثامنة 💛
"المتسلل أو نقطة الصفر"
🥸 المتسلل معناها إننا بفضل الله نجحنا في الحاجة اللي بنعملها. الشيطان يسكت؟ لا، يجيلك متسللاً ويقولك:
😈: أنت مفيش زيك، أنت أحسن واحد، كل اللي عملته ده بشطارتك بتخطيطك بعبقريتك وذكائك، امسح الأرقام من التليفون بقا، أنت خسارة في القارة والقارات المجاورة.
هو بيحاول يخلينا ننسى فضل ربنا سبحانه وتعالى، ربنا هو اللي وفقنا في العمل، وساعتها نتغر في نفسنا ومن هنا يبدأ السقوط زي ما بيحصل مع كل المغرورين.
0⃣ نقطة الصفر: هي إننا عملنا حاجة لكن للأسف النتيجة مكانتش في صالحنا. يجي الشيطان ياخد الموقف ده ويضيفه لكتاب الصدمة.
ويبدأ يقول
😈: ما كنت سمعت الكلام من الأول اديك فشلت وكل الكلام اللي قلته في البداية مكانش وهم.
وهنا أكتر حاجة مرعبة ممكن تنزل تحت الصفر، الشيطان هيحاول يضرب بشكل مباشر في إيمانك وثقتك بربنا مستغل حالة الحزن بعد الفشل. ويقول لك
😈: شوف ربنا ضيع تعبك إزاي؟ مش ربنا بيقول (إنا لا نضيع أجر من أحسن عملًا) اديك أنت أهو أحسنت العمل وتعبت بس على الفاضي.
طبعا الكلام ده نادراً ما بيحصل وكل اللي حصل معاهم الكلام ده تعبهم مضاعش ولا حاجة، لكن ربنا سبحانه وتعالى كان شايلهم الأفضل في المستقبل سواء كان المستقبل ده في الدنيا أو الآخرة، ولو كانوا خدوا الحاجة اللي بيتمنوها كانت هتمنع عنهم خير كتير.
ضرب مباشر في الإيمان والعقيدة، ودا اللي الشيطان عاوز يوصله، إن من مهمة حياتية لا راحت ولا جت، وصل إنه يخلينا نسيء الظن بالله سبحانه وتعالى.
فلو حصل مننا كده قبل كده، نستغفر ونتيقن أن الخير فيما اختاره الله.
نختم بسؤال بسيط هو إحنا لو خسرنا الدنيا كلها وكسبنا الآخرة يبقى خسرنا حاجة؟
❤3👏1😢1
😈 سلسلة الشيطان شاطر 😈
1) نصيحة لحد متعب نفسياً!
انسى! انسى كل اللي فات وأبدأ من جديد، واعرف إن لو حياتك ناقصة حاجات أنت شايفها سبب سعادتك، فبرضو متنساش إن حياتك فيها نعم كتيرة ممكن يكون تركيزك على اللي ضاع منك مخليك متشوفش غير جانب مظلم من حياتك.
- ياه بالبساطة دي؟ أنت فاكر إن ده سهل عليا؟ أنا اللي راح مني غالي عليا وصعب أتخطاه.
صعب بس مش مستحيل، ارجع لحياتك عيشها بحلوها ومرها، خد قرارات صح وغلط، اغلط وافشل وقوم كل ما تقع.
(كلما تخبطت في مشيتك، عليك إسناد نفسك أكثر)
اعتبر اللي فات مجرد ذكريات لما تكبر، هتضحك عليها، بص للعمر اللي جاي يستاهل تعيشه بحلوه ومره، ولا هتفضل محبوس في ذكريات الماضي.
- ليه أنا الوحيد اللي بيحصل معايا كدا، دا عقاب من ربنا؟ هو أنا وحش للدرجادي!
مين قال إن ده عقاب من ربنا.
حب سيدنا يعقوب لسيدنا يوسف خير ولا شر؟
- أكيد خير طبعاً.
إزاي؟ ده الحب ده كان سبب كره اخواته ليه. فاكر لما رموه في البير؟ يا ترى رميته في البير دي حاجة حلوة ولا وحشة؟
- أكيد حاجة وحشة.
إزاي؟ دا لولا رميته دي مكانش سافر مصر، ولولا حب إمرأة العزيز ليه مكانش اتسجن، ولولا السجن مكانش بقا عزيز مصر.
- عايز تقول ايه معلش؟
عايز أقول إن كل اللي حصل لسيدنا يوسف ده مكتوب ومتقدر عشان يوصل للمكانة اللي وصل ليها. لأن ربنا بيحبه.
وأنت اللي بيحصلك ده لأن ربنا بيحبك وكاتب لك حاجة حلوة. دي حكمته اللي ميعرفهاش غيره. عشان كدا لازم نستقبل كل حاجة بتحصلنا برضا ونصبر حتى لو من جوانا زعلانين، بس برضو نكون راضيين. الوقت والعمر والمستقبل كله قدامك. املى حياتك باللي تحب تشوفه لما حياتك تنتهي ومتعرفش ترجعلها تاني. حياتنا نعمة بس لو نقدرها، اوعى تعرف قيمتها لما تضيع منك، ومتنساش مهما كانت الصعوبات اللي قابلتك فأنت أحسن من ناس كتير، حتى شوف قصصهم بنفسك. فهمتني؟
- أكيد فهمت
2) أنا عملت قناة مخصوص للمقالات دي عشان أرجعلها. إزاي نستفيد من معرفتنا لي الدوامة ونطبقها بشكل عملي؟
عشان نطبق الدوامة بشكل عملي نشوف مين اللي بيطبقها بشكل عملي؟ الشيطان هو اللي بيطبق بشكل غير طبيعي. تخيل لو الشيطان وسوس لحد وفشل معاه. هل لما يجي يوسوس له تاني هيلاقي الصدمة ويقول لأ دا أنا فشلت المرة اللي فاتت؟ ولا هتهمه الحواجز ولا ولا ولا؟
الشيطان بيتخطى الدوامة عشان كدا هو شاطر، فاحنا لو عايزين نكون شاطرين نتخطى الدوامة.
لازم نتحرر من القيود، مش لازم يعني الدوامة نطبقها بحذافيرها 100% احنا كده وقعنا أصلا في مصيدة التشتت: انشغال بدون إنجاز المستوى الأول (الكمالية).
احنا نعمل اللي نقدر عليه، وعشان نقدر نتحرر لازم نبعد عننا القيود اللي مكتفانا.
3) ليه بنتمنى نرجع لنسختنا القديمة أو النسخة اللي بنسميها أيام زمان؟
لأن النسخة دي كانت بسيطة كانت عايشة من غير قيود وضغوط، فاللي احنا نعمله دلوقتي لو عايزين نرجع للنسخة دي، إننا نعيش من غير قيود، منحملش نفسنا فوق طاقتها، ونعمل باستمرار للتعلم من الماضي وتحسين الحاضر والمستقبل بإذن الله.
💝 الحلقة التاسعة 💝
"سؤال وجواب"
1) نصيحة لحد متعب نفسياً!
انسى! انسى كل اللي فات وأبدأ من جديد، واعرف إن لو حياتك ناقصة حاجات أنت شايفها سبب سعادتك، فبرضو متنساش إن حياتك فيها نعم كتيرة ممكن يكون تركيزك على اللي ضاع منك مخليك متشوفش غير جانب مظلم من حياتك.
- ياه بالبساطة دي؟ أنت فاكر إن ده سهل عليا؟ أنا اللي راح مني غالي عليا وصعب أتخطاه.
صعب بس مش مستحيل، ارجع لحياتك عيشها بحلوها ومرها، خد قرارات صح وغلط، اغلط وافشل وقوم كل ما تقع.
(كلما تخبطت في مشيتك، عليك إسناد نفسك أكثر)
اعتبر اللي فات مجرد ذكريات لما تكبر، هتضحك عليها، بص للعمر اللي جاي يستاهل تعيشه بحلوه ومره، ولا هتفضل محبوس في ذكريات الماضي.
- ليه أنا الوحيد اللي بيحصل معايا كدا، دا عقاب من ربنا؟ هو أنا وحش للدرجادي!
مين قال إن ده عقاب من ربنا.
حب سيدنا يعقوب لسيدنا يوسف خير ولا شر؟
- أكيد خير طبعاً.
إزاي؟ ده الحب ده كان سبب كره اخواته ليه. فاكر لما رموه في البير؟ يا ترى رميته في البير دي حاجة حلوة ولا وحشة؟
- أكيد حاجة وحشة.
إزاي؟ دا لولا رميته دي مكانش سافر مصر، ولولا حب إمرأة العزيز ليه مكانش اتسجن، ولولا السجن مكانش بقا عزيز مصر.
- عايز تقول ايه معلش؟
عايز أقول إن كل اللي حصل لسيدنا يوسف ده مكتوب ومتقدر عشان يوصل للمكانة اللي وصل ليها. لأن ربنا بيحبه.
وأنت اللي بيحصلك ده لأن ربنا بيحبك وكاتب لك حاجة حلوة. دي حكمته اللي ميعرفهاش غيره. عشان كدا لازم نستقبل كل حاجة بتحصلنا برضا ونصبر حتى لو من جوانا زعلانين، بس برضو نكون راضيين. الوقت والعمر والمستقبل كله قدامك. املى حياتك باللي تحب تشوفه لما حياتك تنتهي ومتعرفش ترجعلها تاني. حياتنا نعمة بس لو نقدرها، اوعى تعرف قيمتها لما تضيع منك، ومتنساش مهما كانت الصعوبات اللي قابلتك فأنت أحسن من ناس كتير، حتى شوف قصصهم بنفسك. فهمتني؟
- أكيد فهمت
2) أنا عملت قناة مخصوص للمقالات دي عشان أرجعلها. إزاي نستفيد من معرفتنا لي الدوامة ونطبقها بشكل عملي؟
عشان نطبق الدوامة بشكل عملي نشوف مين اللي بيطبقها بشكل عملي؟ الشيطان هو اللي بيطبق بشكل غير طبيعي. تخيل لو الشيطان وسوس لحد وفشل معاه. هل لما يجي يوسوس له تاني هيلاقي الصدمة ويقول لأ دا أنا فشلت المرة اللي فاتت؟ ولا هتهمه الحواجز ولا ولا ولا؟
الشيطان بيتخطى الدوامة عشان كدا هو شاطر، فاحنا لو عايزين نكون شاطرين نتخطى الدوامة.
لازم نتحرر من القيود، مش لازم يعني الدوامة نطبقها بحذافيرها 100% احنا كده وقعنا أصلا في مصيدة التشتت: انشغال بدون إنجاز المستوى الأول (الكمالية).
احنا نعمل اللي نقدر عليه، وعشان نقدر نتحرر لازم نبعد عننا القيود اللي مكتفانا.
3) ليه بنتمنى نرجع لنسختنا القديمة أو النسخة اللي بنسميها أيام زمان؟
لأن النسخة دي كانت بسيطة كانت عايشة من غير قيود وضغوط، فاللي احنا نعمله دلوقتي لو عايزين نرجع للنسخة دي، إننا نعيش من غير قيود، منحملش نفسنا فوق طاقتها، ونعمل باستمرار للتعلم من الماضي وتحسين الحاضر والمستقبل بإذن الله.
👏7❤2👍1🥰1
😈 سلسلة الشيطان شاطر 😈
4) بتزعل؟؟؟
ياه، ده أنا مقضيها أحزان 😌
في الحقيقة كنت بحارب الحزن لحد قبل فترة قريبة، لكن غيرت وجهة نظري لأن كل ما بحارب الحزن بيزيد.
فأنا اتفقت مع نفسي قعدت معها كدا وخدنا وادينا في الكلام، فقلتلها بصي يا بنت الناس إحنا نتفق اتفاق، إحنا هنخلي من المغرب للعشاء لو عايزة تحزني احزني براحتك، ونخلي يوم كامل في الأسبوع للحزن برضو، عايزة تزعلي ازعلي براحتك.
بس برة الوقتين دول مش عايز أحزان قالتلي اوكي. بصراحة لقيتها أحسن من محاربة الأحزان.
لكن زي ما بيقول ماستر فونج:
📢 إن علينا التمتع بحس الفكاهة دائماً.
لازم تكون عندنا روح الفكاهة، بتخفف علينا كتير من الأحداث اللي بتعدي علينا بشكل يومي.
مش لازم ناخد كل حاجة بحساسية. نهزر عادي وخلاص خلص الموقف واليوم اللي بيعدي مبيرجعش تاني وهما كام سنة عايشينهم في الدنيا وخلاص.
وعلى فكرة روح الفكاهة في منها جزء موهبة لكن الجزء الأكبر ممكن نتعلمه عادي، زي معادلات كدا بنطبقها، ممكن ننزلها في سلسلة نسميها مثلاً روح الفكاهة بس للأسف مش هنزلها لأن الفكاهة دي بتطلع في الصيف مش أوانها دلوقتي.
5) بصراحة عجبتني جداً فكرة القنوات الخاصة بينا اللي بنسجل فيها يومياتنا ومشاكلنا، وبعد مرور فترة من الوقت حسيت دلوقت إنها بتطرح ثمرها، فكنت بسأل يا ترى في قنوات جديدة؟
كل فكرة مفيدة ممكن تتحول لقناة عشان تتابعها، بس ممكن نعمل قناة جديدة جداً نسميها مثلاً أوامر. الأوامر دي من القرآن الكريم والأحاديث النبوية الصحيحة. نطلع الأوامر اللي فيها والنواهي ونكتب الأمر كذا هل إحنا منفذينه؟ النهي كذا هل إحنا مبتعدين عنه؟
بالطريقة دي هتلاقي المشاكل قلت جداً؛ لأن المشاكل سببها أمر مش بنفذه أو نهي مش بنبعد عنه، جرب مش هتندم.
إذا كان من أمر واحد (فاتخذوه عدوًا)
عملنا سلسلة كاملة. فما بالك بباقي الأوامر والنواهي؟
ودي كانت نهاية
😈 سلسلة الشيطان شاطر 😈
💛 الحلقة العاشرة 💛
"سؤال وجواب ج٢"
4) بتزعل؟؟؟
ياه، ده أنا مقضيها أحزان 😌
في الحقيقة كنت بحارب الحزن لحد قبل فترة قريبة، لكن غيرت وجهة نظري لأن كل ما بحارب الحزن بيزيد.
فأنا اتفقت مع نفسي قعدت معها كدا وخدنا وادينا في الكلام، فقلتلها بصي يا بنت الناس إحنا نتفق اتفاق، إحنا هنخلي من المغرب للعشاء لو عايزة تحزني احزني براحتك، ونخلي يوم كامل في الأسبوع للحزن برضو، عايزة تزعلي ازعلي براحتك.
بس برة الوقتين دول مش عايز أحزان قالتلي اوكي. بصراحة لقيتها أحسن من محاربة الأحزان.
لكن زي ما بيقول ماستر فونج:
📢 إن علينا التمتع بحس الفكاهة دائماً.
لازم تكون عندنا روح الفكاهة، بتخفف علينا كتير من الأحداث اللي بتعدي علينا بشكل يومي.
مش لازم ناخد كل حاجة بحساسية. نهزر عادي وخلاص خلص الموقف واليوم اللي بيعدي مبيرجعش تاني وهما كام سنة عايشينهم في الدنيا وخلاص.
وعلى فكرة روح الفكاهة في منها جزء موهبة لكن الجزء الأكبر ممكن نتعلمه عادي، زي معادلات كدا بنطبقها، ممكن ننزلها في سلسلة نسميها مثلاً روح الفكاهة بس للأسف مش هنزلها لأن الفكاهة دي بتطلع في الصيف مش أوانها دلوقتي.
5) بصراحة عجبتني جداً فكرة القنوات الخاصة بينا اللي بنسجل فيها يومياتنا ومشاكلنا، وبعد مرور فترة من الوقت حسيت دلوقت إنها بتطرح ثمرها، فكنت بسأل يا ترى في قنوات جديدة؟
كل فكرة مفيدة ممكن تتحول لقناة عشان تتابعها، بس ممكن نعمل قناة جديدة جداً نسميها مثلاً أوامر. الأوامر دي من القرآن الكريم والأحاديث النبوية الصحيحة. نطلع الأوامر اللي فيها والنواهي ونكتب الأمر كذا هل إحنا منفذينه؟ النهي كذا هل إحنا مبتعدين عنه؟
بالطريقة دي هتلاقي المشاكل قلت جداً؛ لأن المشاكل سببها أمر مش بنفذه أو نهي مش بنبعد عنه، جرب مش هتندم.
إذا كان من أمر واحد (فاتخذوه عدوًا)
عملنا سلسلة كاملة. فما بالك بباقي الأوامر والنواهي؟
ودي كانت نهاية
😈 سلسلة الشيطان شاطر 😈
❤2👏2😢1
🎀 Top Twenty 🎀
في البداية يحضرني قول الله سبحانه وتعالى ( وتعاونوا على البر والتقوى )
وقول الرسول ﷺ: ( وخير الناس أنفعهم للناس )
وبعدين قول القائد عامر : باتحاد جهودنا تصبح طاقتنا وقوتنا أكبر بمئات المرات.
-=-=-=-=-=-=-=-=-=-=-=-=-=-=-=-=-=
النهاردة يوم الاتحاد، يوم الكرامة، يوم الخميس.
فاكرين كلنا علم نفس الطفل. إزاي لما تعاونا. قدرنا بفضل الله نلم المادة في 3 أيام ويكون معانا أسئلة كمان.
كان مجهود بجد رائع. أي نعم الامتحان أثبت لنا إن مجهودنا. مكانش ليه أي 30 لازمة. بس عملنا اللي علينا.
ومن هذا المنطلق إن شاء الله هنعمل الآتي:
اللي عايز يتقدم -طوعاً اللي مش عايز عادي خلاص براحته-
احنا عايزين 30 منهم لحد دلوقتي 5 يعني عايزين 25 وده عدد كويس جداً وأكتر من العدد الفعلي اللي إحنا عايزينه؛ بس عشان بعدين لما مثلاً حد يتعب، حد ميكملش، .... يكون في بدائل.
دول إن شاء الله هيكونوا متوزعين كالآتي:
1) سوبر - Super:
بالنسبة لجدولنا الرائع، ممكن كل اللي بلادهم بعيدة يضطروا إنهم مش هيحضرهوا يوم الخميس. فاحنا عايزين ناس تكون في سوبر - Super قريبة من الجامعة تسجل المحاضرات وتبعتهم إن شاء الله.
2) Top Twenty
ودا إن شاء الله يكون فيه كل اللي هيشترك معانا، كل الحكاية هناخد المحاضرات إن شاء الله وكل واحد هيعمل سؤالين - مثلاً - عليهم وبعدين هنقسم الأسئلة ونحولها لبوت كويز بوت، وبعد كده ننشرها على اندر كنترول وبس كده.
وبرضو لو حد عارف أي معلومة عن المحاضرات بيكتبها. عموماً اللي هينضموا إن شاء الله هنفهمهم يعملوا ايه ويعملوه إزاي.
اللي عايز ينضم لينا يتواصل مع
@EL_Sheikh_11
متنساش إنك هتسيب ذكرى كويسة وكمان صدقة جارية متعرفش هتوصل للدفعة رقم كام بعدنا، في نفس الوقت بتستفيد أنت لما تعمل سؤال على المحاضرة يبقى معنى كده إن أنت محتاج تذاكر المحاضرة وتطلع منها أسئلة وده هيشجعك إنك تذاكر وغير كده إن شاء الله كلنا هنكون متفاهمين بحيث بإذن الله تكون سنة جميلة. دمتم موفقين. ♥️
لما يكتمل العدد هنزل منشور أن العدد اكتمل. طالما المنشور لسه منزلش يبقى لسه في مكان.
في البداية يحضرني قول الله سبحانه وتعالى ( وتعاونوا على البر والتقوى )
وقول الرسول ﷺ: ( وخير الناس أنفعهم للناس )
وبعدين قول القائد عامر : باتحاد جهودنا تصبح طاقتنا وقوتنا أكبر بمئات المرات.
-=-=-=-=-=-=-=-=-=-=-=-=-=-=-=-=-=
النهاردة يوم الاتحاد، يوم الكرامة، يوم الخميس.
فاكرين كلنا علم نفس الطفل. إزاي لما تعاونا. قدرنا بفضل الله نلم المادة في 3 أيام ويكون معانا أسئلة كمان.
كان مجهود بجد رائع. أي نعم الامتحان أثبت لنا إن مجهودنا. مكانش ليه أي 30 لازمة. بس عملنا اللي علينا.
ومن هذا المنطلق إن شاء الله هنعمل الآتي:
اللي عايز يتقدم -طوعاً اللي مش عايز عادي خلاص براحته-
احنا عايزين 30 منهم لحد دلوقتي 5 يعني عايزين 25 وده عدد كويس جداً وأكتر من العدد الفعلي اللي إحنا عايزينه؛ بس عشان بعدين لما مثلاً حد يتعب، حد ميكملش، .... يكون في بدائل.
دول إن شاء الله هيكونوا متوزعين كالآتي:
1) سوبر - Super:
بالنسبة لجدولنا الرائع، ممكن كل اللي بلادهم بعيدة يضطروا إنهم مش هيحضرهوا يوم الخميس. فاحنا عايزين ناس تكون في سوبر - Super قريبة من الجامعة تسجل المحاضرات وتبعتهم إن شاء الله.
2) Top Twenty
ودا إن شاء الله يكون فيه كل اللي هيشترك معانا، كل الحكاية هناخد المحاضرات إن شاء الله وكل واحد هيعمل سؤالين - مثلاً - عليهم وبعدين هنقسم الأسئلة ونحولها لبوت كويز بوت، وبعد كده ننشرها على اندر كنترول وبس كده.
وبرضو لو حد عارف أي معلومة عن المحاضرات بيكتبها. عموماً اللي هينضموا إن شاء الله هنفهمهم يعملوا ايه ويعملوه إزاي.
اللي عايز ينضم لينا يتواصل مع
@EL_Sheikh_11
متنساش إنك هتسيب ذكرى كويسة وكمان صدقة جارية متعرفش هتوصل للدفعة رقم كام بعدنا، في نفس الوقت بتستفيد أنت لما تعمل سؤال على المحاضرة يبقى معنى كده إن أنت محتاج تذاكر المحاضرة وتطلع منها أسئلة وده هيشجعك إنك تذاكر وغير كده إن شاء الله كلنا هنكون متفاهمين بحيث بإذن الله تكون سنة جميلة. دمتم موفقين. ♥️
لما يكتمل العدد هنزل منشور أن العدد اكتمل. طالما المنشور لسه منزلش يبقى لسه في مكان.
👏8❤5🥰2
بالنسبة ل Top Twenty.
لحد دلوقتي يؤسفني أقول متستنوش مننا حاجة.
لأن العدد قليل والشغل كتير. تقريباً محدش فكر ينضم أصلا.
عموماً كل واحد ليه تفكير ووجهة نظر بنحترمها.
دمتم موفقين. 🧡
لحد دلوقتي يؤسفني أقول متستنوش مننا حاجة.
لأن العدد قليل والشغل كتير. تقريباً محدش فكر ينضم أصلا.
عموماً كل واحد ليه تفكير ووجهة نظر بنحترمها.
دمتم موفقين. 🧡
😢5
أنا عارف إن لا حياة لمن تنادي. بس عشان يبقى عملنا اللي علينا.
آخر نداء لتوب تونتي لمن أراد الانضمام.
يتواصلوا مع
@EL_Sheikh_11
آخر نداء لتوب تونتي لمن أراد الانضمام.
يتواصلوا مع
@EL_Sheikh_11
❤3👻1