بيقولك في امتحان الانجليزي لو غلبت في حروف الجر احفظ بيت الشعر ده
in
On
at
شهور
أيام
ساعات 🤙✨

هل تعلم ما الذي أسمعه ؟
أسمع دقات الساعة تلك . والوقت لن ينتظرك مهما كان. الحياة مستعجلة. لا تضيع هذه السنوات فقط عشهم ! انهض ! تلك الفكرة لن تنفذ نفسها.

انتهت سنة تانية تمريض سنة عدت بحلوها ومرها. لا يمكن إعادة الماضي لكن يمكن التعلم منه.

شكراً لكل الدفعة علي كل حاجة مفيدة شكراً لسعادتك وسعادتها وسعادته وسعادتنا كلنا.

دمتم بخير وعافية .
كفاية كدا ⚡✨ Stop going

https://www.facebook.com/groups/710210019782034/permalink/887009735435394/

دول قصص الأنبياء في حد بعتهم كمشاركة مفيدة في الإجازة .

ازاي نقدر نستغل الإجازة بحيث نطلع بأكبر إفادة خصوصاً إننا مش مضغوطين ؟!

شاركنا ليعم الأجر وتعم الفائدة .

افضل حاجة تعملها في الإجازة علشان تطور نفسك

https://youtu.be/mQu5GeOo6Aw

انتهى الإستفتاء 👍
مجموعتنا سترى النور الآن ✨
الرابط أول تعليق 👇

✨✨مقال الغلابة الجزء الأول ✨✨

بعد التنسيق ، الحيرة ، الصراع مع نفسي ، الصراع مع العائلة ، يبدو أنني أدخل إلى مغامرة مجهولة اسمها كلية التمريض .

عجباً هل هناك كلية بهذا الإسم ؟ لم أكن أعرف إلا كليات القمة الطبية لأني كنت " علمي علوم " . ما هذه الكلية ؟ ماذا سأفعل ؟ لا تقلق يا رجل الإمتياز من 85 بالمئة فقط . أنت ستحصل عليه بربع مذاكرة الثانوية . حقاً ؟ يبدو أنني سأرتاح حقاً بعد الثانوية .

ستكون سنوات الكلية تلك غاية في المتعة، الكلية ستكون مجرد نزهة بالنسبة لي.

حسناً إنه أول يوم في الكلية سنرى ماذا يوجد بها . يا إلهي ما هذا ؟ ( hand washing )😏 . الآن اتخذت قراري هذه الكلية لا تحتاج مذاكرة ، لا تستحق مجهودي 🚶

لكن حقاً ؟ ما رأيك يا صديقي فأنت أكبر مني سناً وتدرس في نفس الكلية 💁
أجابني الإجابة التي أريدها ( نعم إنها سهلة ) وهذه الإجابة من مَن يفوقني خبرة . حسناً لقد دخلنا إلى مدينة الملاهي التي يسمونها " كلية التمريض " .

ثواني بعد اذنك ، أنت ليه بتعمل كدا ؟ ما تتكلم بالعامية يا عم . ليه محسسني إنك قاعد مع بديع الزمان الهمذاني ولا ابو فراس الحمداني ولا بيتسو موسيماني ؟ كلمنا بالعامية ، وبلاش النبرة الحزينة احنا قاعدين في البيت وحدنا مش عايزين أحزان

لمَ لم تقل ذلك من البداية ؟ يعني اتكلم عادي 😃 طيب ماشي . نكمل بقي 👍

هندخل علي طول علي الباطنة والجراحة عشان وقت سعادتك 🥱 أيوة الباطنة والجراحة بالضبط كدا عرفت ان الكلية صعبة وكل الكلام اللي فوق كان ( illusion ) هلوسة يعني 😃 لا يمت للواقع بصلة 🌰 .

المادتين أصعب من بعض
وأنا المواد مش عارف اعمل ايه معاها ، احفظ بالعافية صفحة بعد دقيقة الاقيني بنساها 🧐 شكلها مفيش حل والأمر بيزداد سوءاً لما تقارن نفسك بحد . يُتبع...

ثواني يبشة هي قصة عبرة بصحيح بس أنا استفدت إيه ؟ أنا مالي بالبصلة ولا مدينة الملاهي ؟

اصبر يبشة إن شاء الله لو مفدتكش مش هضرك بس اوعدك إن شاء الله تستفاد عمليا ونفسياً وإن شاء الله حياتك تتغير 360 درجة فهرنهايت مئوية 👌 .

ايه رأيك نكمل ؟

بمناسبة النتيجة .


✨✨ نتيجة الغلابة ✨✨

النتيجة ظهرت وكانت :

1) إيجابية 💪 : حققت هدفك ، نتيجتك مرضية ليك . حاسس إنك بتجني ثمرة مجهودك ، ثمرة إلتزامك . الفرحة في نفسك ، الفرحة في بيتك ، الدنيا كلها مش مكفية فرحتك . ثمرة النجاح لذيذة جداً 😋

بعد التعب بتحلى الراحة ، والقلب بيعلن أفراحا . 👰
أيام الجد والدوام نحصد ثمارها وأرباحها . 🍓
ها قد بدأنا نجني ثمار التدريبات القاسية في ذلك المكان . 🗡️

حقك ! حقك تفرح من قلبك أنت تعبت ودا ثمرة تعب وسهر واستيقاظ مبكر والتضحية بخروجة بلعب كورة بفسحة بأي حاجة . 🥺

اقولك على حاجة ؟ 😃
- قول ! 🥱
بلاش احتفالات ارقوق . 🥺
- مش لسه سعادتك قايلي احتفل وافرح ؟ 🧐
صح بس تقدر تقولي فيها ايه لو تحتفل من غير ما تجرح مشاعر حد .🤫
- إزاي ؟ 🥱

أنت عارف ازاي ! احتفالات الواتس والفيس . أنت ليه بتعمل كدا ؟ مش ممكن حد يشوف حالة الواتس أو منشور الفيس بس هو موصلش للي هو عايزه . احتفل في بيتك مع اهلك مع بلدك مع العالم كله بس بلاش تجريح من غير ما تحس . يا عم نزل حالة بس اعمله استثناء ! مش هتحس بيه غير لما تكون مكانه .👌

متخليش للغل مطرح ، غيرك حزين وأنت بتفرح .✨

🌪️🌪️🌪️🌪️🌪️🌪️🌪️🌪️🌪️🌪️🌪️

2) سلبية 🥺 : موصلتش للي عايزه ، اجتهدت وموصلتش ، سعيت للنجاح بس حاسس إنك لو سعيت أرانب كان أحسن .
كل مرة بتفشل بس بطريقة مختلفة . 😔
خلاص حاسس مفيش أمل . الناس فرحانة فيك اكتر ما بيفرحوا في العيد .😏

عايز اقولك إن اللي حصل حصل خلاص مش هتقدر تغيره ، بس ممكن تتعلم منه . وبإذن الله كلنا هنساعدك . اوعى تستسلم . مفيش اكتر من عروض الاستسلام دلوقتي . طالما لم تستسلم ستجد حتما من يمد لك يد المساعدة .🙋‍♂️

افتح صفحة جديدة . انسي الماضي. كفاية جلد للذات . لو حد غيرك حصل معاه فشل فأنت ممكن تعذره ! لكن عند نفسك مبتسامحش . إياك واليأس !

لو اليأس هياخد جسم مادي هيكون سم 🐍. لإن اليأس مثل السم الذي يضعف الجسد وقد يؤدي إلى موت الروح .

خليك زي ( السايان ) كائن وهمي - مش ده المهم - المهم إنه لما بيتجرح لو الجرح مموتوش يبقي المرة التانية مش هيأثر فيه إطلاقاً ؛ لانه لما مماتش قعد يفكر ازاي أنا اتصبت بالجرح ده وازاي أقدر اقاومه وازاي المرة التانية أكون سيطرت عليه تماماً .
يعني لا يُلدغ المؤمن من جحر مرتين .

🌺- كلام جميل جداً بس أنا بالذات مينفعش معايا الكلام ده ولا هيحركني لإن أنا شغفي مات وروحي بهتت مش عايز حاجة من الدنيا ولا عايز نجاح ولا فشل كل اللي عايزه من الحياة هو الكلمة المضادة ليها .
كلكم سهل تقولوا الكلام ده لان محدش فيكم تعرض للفشل اللي اتعرضت له . بينما أهلي كان بينتظروا مني إني أكون فوق قمة الجبل ، أنا كنت في بحيرة أسفل الجبل ومش عارف أعوم . دي حالتي باختصار . 🖤

تمام بس مين قالك إن محدش فينا اتعرض للفشل ؟
أنا عايز أقولك حاجة ممكن متكونش واخد بالك منها كويس . لو حاولت ومشيت صح وتوكلت على الله أولاً وخدت بالأسباب واجتهدت بس بذكاء مش عافية هي . فبإذن الله مصيرك الوصول .

🌺- زي ما قولتلك أنا شخصياً مش عايز الوصول ولا ليا رغبة في حاجة خالص .

اللي بتقوله ده نتيجة الجرح اللي تعرضت ليه ، انعكاس للجرح . والدليل أنك قبل الجرح - في ثانوي مثلاً - كنت طَموح وعندك طُموح .
اللي لازم تعرفه إن كليتنا اللي اتكسر فيها ممكن يتصلح عادي . وأنت عارف كويس .
طب هسألك سؤال لو فريق خسر مباراة مهمة ، ومعاه مبارة تاني مهمة . من رأيك يلعب ويتعب ويحاول يكسب وبدل ما يخسر مبارتين يخسر مبارة ويكسب مبارة ولا يقول أنا خسرت المباراة الأولى فمفيش فايدة خلاص كدا كدا هخسر دي كمان . ايه الافضل ؟ الإجابة واضحة .

🌺- الإجابة واضحة فعلاً ومعروفة ، بس الحقيقة بتقول أنه مبيعرفش يلعب فبالعقل والمنطق هيخسر المباراة التانية
لإن المشكلة في الفريق نفسه ، مش في المباراة ممكن نكسب دي ونخسر دي . القصة في إني أنا الخسارة جوايا متثبتة .

طب لو الفريق تدرب كويس وذاكر الفريق التاني وعرف نقاط القوة والضعف عند الفريقين واشتغل عليها وتعب ايه اللي ممكن يحصل ؟ بإذن الله هيفوز وبتفوق .

🌺- مشكلتي إني مش هعرف اتدرب لأني طرقي اللي اتبعتها خذلتني ، أنا مش عارف طريقة أفضل . أنا اكتر واحد عايز أكون رقم 1 في مجالي ، بس مش قادر ودا تحول بمرور الوقت من ( مش قادر ) إلى ( مش عايز ) . مشكلتي مش بس نفسية مشكلتي أيضاً عملية . أنا مش عايز ومش قادر .
ه‍تعمل ايه لو أقصى ما عندك عارف إنه مش هيفيد ؟

لو أقصى ما عندي مش بيفيد ساعتها لازم أطلب المساعدة .
طيب ولو قلتلك إننا بإذن الله تعالى هنقدملك الحل للمشكلتين العملية والنفسية ، إن شاء الله نوفرلك كل الأدوات بس مطلوب منك تساعد نفسك .


🌺- بجد ؟

اه بجد وزي ما قال منصور ( يمكنكم الاعتماد علينا يا شباب أنتم إخوة لنا )

🌺- جميل جداً كلام منصور ده ، هو مين بقي ؟

شخصية كرتونية ، لازم تستفسر يعني .

🌺- يعني اللي اتكسر ممكن يتصلح ؟

بالتأكيد .

🌺- في حد قدر يعمل كدا ؟ 🤔

أكيد . 😌

🌺- ويا ترى حياته عاملة ايه دلوقتي ؟

أكيد أقوي واشرس وأكثر نضوجاً .💪

🌺- يعني في أمل ؟ يعني الدنيا هتبقي فلة ؟ يعني هضحك تاني ؟ 😃

بإذن الله دا كله واكتر كمان يحصل ، يعني في أمل وعمر وكمان الجمل ، الدنيا هتبقي فلة وكمان الاقزام التسعة معاها .

🌺- علفكرة هما سبعة بس . 👨‍🌾

كانوا سبعة . بس أكيد مات منهم شوية وفاضل بس تسعة . 🥱

🌺- تمام ، السؤال اللي بيطرح بلح . إزاي هنحل المشكلتين ؟

... يُتبع في مقال ( مقال الغلابة )

إظهار الفرحة في العيد عبادة حتي وإن كانت الهموم تتساقط من روحك..

﴿ذلِكَ وَمَن يُعَظِّم شَعائِرَ اللَّهِ فَإِنَّها مِن تَقوَى القُلوبِ﴾.

كل عام وحضراتكم بخير وسعادة ديما إن شاء الله 💫🦋
وإن شاء الله السنة الجاية نكون في 2022 🥺

بنحضر لكم في العيدية إن شاء الله تكون أحلى عيدية 👌
أسرار الدحيحة ، المذاكرة لعبتي ، أعلى الدرجات بأقل مجهود .

سميه زي ما تسميه ، إن شاء الله المقال ده هيعمل ذهول للدكاترة من أين جاءت كل هذه الإمتيازات 🤔
ايه اللي حصل للدفعة ، دفعة مفترسة 🐈

وإن شاء الله لا هتحتاج ليلة الإمتحان ولا هوليداي سيزون ولا زين ولا عين 🥱

بس كدا مش هنطول عليكم ، إن شاء الله لما المقال ينزل كل اللي عليك إنك تفكر كويس عشان تاخد القرار السليم في الجسم السليم 🥺

شكراً .
ملحوظة مش هحط اللايك والديس لايك
عشان تفاعلكم بيرفع معنوياتي 😌

معقولة مفيش ديس لايك واحد 🤔
طب حتى حد يعترض عشان ميقولوش متفقين مع بعض 🤠

❤️ وتبقي هي أعظم إنتصاراتي وأجمل إختياراتي ❤️

الحكاية إن دي جملة قالها شخص ما - رحمه الله - عن زوجته
ولكن أعظم انتصاراته وأجمل اختياراته قد قتلته بالنهاية بسبب خلاف بينهما.

مش عايز أتكلم عنهم ولا أدخل في تفاصيل ولا اعرف اكتر من كدا ولا أشغل بالي بحاجة مش هتفيدني ومش هقدر اغيرها لا وكمان ممكن تأثر على نفسيتي. عشان كدا ادعوك تلغي كل متابعات الفيسبوك وبإذن الله النفسية هتكون أحسن بكتير.

أنا عايز اتكلم عننا إحنا كتمريض ، في ناس لحد دلوقتي لسه مش راضية عن حالها وعن حياتها. لسه بيبصوا لكلية كذا اللي كانوا عايزينها ويقولوا حلمنا متحققش ، في ناس بيعتبروا كلية كذا لو كانت جاتله كانت هتبقي أعظم انتصاراته وأجمل اختياراته. ودا مبني على المعلومات اللي زرعها فينا المجتمع.


سلم أمرك لله وتوكل على العزيز الرحيم.
وديما قول الحمد لله . مش في حكاية الكلية بس ، لأ في كل حياتك الكلية كانت مثال وطبق بقا القاعدة على الحياة : حد بتحبه مبقيش من نصيبك ، حاجة عايزها راحت لحد تاني ...... وهكذا.

مش معنى كده إننا نستسلم للظروف و منحاولش نغير حالنا للأفضل ، لأ مش كدا خالص . تخلص من أحزانك وهمومك .
خليك زي واحد كدا -بدون ذكر أسماء-
اسمه ساهر دا كان بيتدرب على ركوب الأمواج ودا شيء مش سهل خالص كان بيقول
" أراجع حساباتي بهدوء لأكتشف أي خطأ ارتكبته وبذلك أعود بسرعة إلى موج البحر بعزيمة أقوى. "

يعني شوف ايه اللي مزعلك وحط له حلول !
إزاي اخليه في صفي ؟

هل ينفع تطفي المروحة وتقول ايه دا هي الدنيا حر ليه ؟
طب ما أنت اللي لسه طافي المروحة.

🦋 - مفهمتش.

قصدي يعني متروحش عند النار وتقول أنا اتلسعت ليه ؟

🦋 - مفهمتش.

بص اقولك جملة علمية جداً وممكن يتكتب فيها محاضرات وكتب ومقالات . واحد صاحبي اسمه عز
بس مش مهم تعرف اسمه - بدون ذكر أسماء - الجملة دي جابها منين ؟ الله أعلم.
بس لو هو اللي قايلها فدا بيدل على رزانته ورجاحة عقله ورصانة علمه. أو لو كان جايبها من حد يبقي كدا برضو. جملة بصراحة خيالية حاولوا تحفظوها.

المهم كان بيقول : " واحد مصاحب علوكة و كُخة ! مستني منه ايه ؟ يطلع طيار مثلاً !! "

🦋 : 👍

في حد أعرفه شخصياً ، واعرف اسمه واحفظه كويس دا لازم نقول اسمه
المهم كان بيشوف ايه اللي زعله في يومه ويكتبه ويحطله حلول ويتجنبه. مش كدا وبس دا كمان كان بيحاول يعمل حاجة تفرحه ! دا تتوقع حياته هتكون إزاي ؟

نختم المقال بجملة :
ما قد تعتقد أنه أعظم انتصاراتك وأجمل اختياراتك ممكن يقتلك في

٠٠٠٠ النهاية ٠٠٠٠

#نظرة

" هدية لن أنساها "
هذا الجزء بعنوان ( التخلية قبل التحلية )

ملحوظة : أنا مش بحكي قصة حياتي ، ولولا إن المقال جزء منها مكنتش حكيت ، أنا عارف إن محدش مهتم يعرف قصة حد . بس بحكي عشان حضراتكم تكونوا في الصورة وأنا بحاول اتجنب التفاصيل على قدر الإمكان

ضيوف :
😠 : الأغضبني : شخصية منفعلة .
😂 : الأضحكني : خط النعنشة والفرفشة .
👿 : الشر : شخصية شريرة .
🧐 : المحلل : شخصية عميقة .

😂 : شخصية عبيطة إزاي يعني ؟

المهم توقفنا لما كانت الإمتحانات على الأبواب والمنهج شبه ضايع خالص ، مذاكرة ضعيفة ونسيان كبير ، خوف كبير ، وياه لما تقارن نفسك بحد كدا بتدخل في اكتئاب علطول .
طب ايه الدنيا الوقت بيضيع مني مفيش تقدم مفيش مذاكرة مفيش حاجة إيجابية خالص . فتحت اليوتيوب ، دروس اونلاين أحمد أبو زيد .

لقيته بيقول الغي الفيسبوك الغي كل المتابعات هو اللي بيضيع الوقت ومخلي النفسية متجمدة تحت الصفر . أنا كدا كدا مش عارف اذاكر ، اجرب كلامه وخلاص ، مكنتش مقتنع تماماً كنت بلغي المتابعات اهو عشان اريح ضميري اللي مبينمشي . الغي الغي الغي فضلت كتير الغي ، كنت متابع كتيير .

صحيح أحمد أبو زيد هو اللي قال الحل بس قريب عرفت إن الحل ده _ تخلص من اللي بيبعدك عن هدفك _ موجود في القرآن الكريم وتحديداً في سورة ص . اللي عايز اقوله إن القرآن فيه حل لكل المشاكل مهما كانت انت بس دور .

والتخلية اتت بالتحلية ، مفيش منشورات بتظهر وبالتالي فرصة الإعلانات اكبر إنها تظهر وفجأة لقيت إعلان بعد ما قريته حسيت الأمل رجع تاني حالي اتغير خالص الروح رجعت من جديد ، مش معقول هو في حاجة زي كدا .
لازم اعرف تفاصيل اكتر . عرفت فعلاً الموضوع مش نصب ده حقيقة هي دورة بتشترك فيها . وقدرتك على الحفظ بتروح في حتة تانية خالص ، بتعلى بشكل رهيب . أنت شخصياً هتكون مستغرب .

دخلت الصفحة اسأل عن تفاصيل لقيت سعر الاشتراك تقريباً 400 ريال سعودي ، بس فعلاً تستحق .

😂 : تستحق ايه انت لو معاك 400 ريال كنت هتقعد في البلد ؟

طب شكراً ، نشوف حاجة مصرية بقي مش بنفس الكفاءة بس اهو نحاول . كورس مذاكرة فعالة ب 300 جنيه . بس هو ده .

😂 : هو ده ايه أنت لو معاك 300 جنيه كنت هتقعد في البلد ؟

😠 : لا احنا نكتفي بهذا القدر ... يُتبع .

" هدية لن أنساها "
الجزء الأخير النظري بعنوان ( بداية التحسن )

ملحوظة : أنا مش بحكي قصة حياتي ، ولولا إن المقال جزء منها مكنتش حكيت ، أنا عارف إن محدش مهتم يعرف قصة حد . بس بحكي عشان حضراتكم تكونوا في الصورة وأنا بحاول اتجنب التفاصيل على قدر الإمكان

ضيوف :
😠 : الأغضبني : شخصية منفعلة .
😂 : الأضحكني : خط النعنشة والفرفشة .
👿 : الشر : شخصية شريرة .
🧐 : المحلل : شخصية عميقة .

وقفنا لحد ما لقينا الكورس بس المشكلة إنه مش مجاني ،
على فكرة أنا مكنش عندي مشكلة ادفع ال 400 ريال ولا ال 300 جنيه ، كل المشكلة كانت في حاجة واحدة بس ، عارفين ايه ؟ عارفين ؟ عارفين ايه ؟ مش هكمل غير لما تقولوا ايه .

😂 : A
🧐 : ماذا ؟
👿 : ويحك .
😠 : اخلص !

جدعان 👌 المشكلة اللي كانت معايا كانت إني مش معايا الفلوس دي .

😂 : لا دا انت تاخد مكاني بقا 😏 .
👿 : ويحك مرة أخرى 😏 .

المهم بحثت عنها طلعتلي دورة تاني كانت بفلوس وبعدين بقيت ببلاش ، ( هي هي أم 300 جنيه ) . قولت بس دا كدا تمام . إن شاء الله هتألق زي ما بيتألق بوو تريكة في المباريات ، زي الشناوي في التصديات ، زي محمد النني في مباراة البرتغال وهولندا 💪

🧐 : النني في مباراة البرتغال وهولندا كان بيعمل ايه ؟ كان بيشجع ؟ ما هو لا بيلعب للبرتغال ولا لهولندا !!!!!

بدأت الكورس وكام يوم والدنيا اتحسنت مش كتير بس أحسن من الأول . لإن الكورس تقريباً من وجهة نظري عايز شهر تدريب . كانت فترة عصيبة جداً محدش يعرفها غير ربنا . بجد أتمنى الفترة دي متتكررش أبداً بأي ثمن .

🧐 : الموضوع ليس بهذا القدر ، تخيل لو مكنتش تعرضت للضغط والخوف والتوتر ، معتقدش إنك كنت هتشعر بشعور الآخرين . ومعتقدش إن ليلة الإمتحان ولا المقال ده كان هيبقى موجود . لانك مش حاسس بحد ولا مجرب شعور الضغط . لعله خير ❣️

النهاية 🏁

كدا خلصنا الجزء النظري . وقريب إن شاء الله نبدأ الجد الجزء العملي ، اللي إن شاء الله هيحدد إذا كان سعادتك عايز تتغير وتبعد عن الضغط النفسي في فترة الامتحانات وكمان الدراسة ولا حضرتك راضي بالضغط والطاقة السلبية . نصيحة حقيقية الفرصة اللي مش هتستغلها هتندم عليها . استعد !! 🦋✨