س1 : - مفيش طاقة الترم التاني لغاية دلوقت يعتبر ماذاكرتش حاجة يعني.

- الواحد عاوز حاجه قويه تشجعه زي مثلا في جروب الاسئله يحددوا كل يوم محاضرات وينزلوا اسئله عليها

في البداية بقول لسه بدري مفيش داعي للتوتر أو الضغط للي لسه مبدأش. لسه في وقت كتير جداً نذاكر ونراجع ونحل امتحانات كمان إن شاء الله.

لو ركزنا في السؤال ده كويس مفيش طاقة بالرغم إننا عايزين نبدأ.
الحالة دي بيكون فيها حاجة بتمنعنا من المذاكرة بس احنا مش عارفين ايه الحاجة دي.

ممكن تكون ايه الحاجة دي ؟
ممكن تكون إننا مش عارفين الطريق.
أنت دلوقتي لو ماشي في طريق، والطريق ده ضلمة هتمشي بسرعة ولا ببطء ؟

أكيد هتمشي ببطء ده ممكن تقف مكانك؛ لأن أنت مش عارف أنت رايح فين ومش شايف حاجة قدامك.

فده اللي ممكن يحصل مع إن أنت عايز تمشي الطريق. فدي نفس الحالة ممكن احنا مش عارفين نبدأ إزاي، مش عارفين نعمل ايه، مش عارفين عندنا كام مادة مش عارفين المادة دي بتتذاكر إزاي، عشان كدا ننصح بقراءة
سلسلة نصائح سعيدة عشان نفهم المذاكرة أكتر وأكتر.

الحالة الثانية إن احنا عارفين هنذاكر إزاي بس برضو مش عايزين نبدأ. وده معناه أن احنا شايفين الطريق صعب جداً. يعني عارف أذاكر آه بس المذاكرة بالنسبة لي صعبة. شايف الطريق ميستاهلش المجهود اللي أنا بعمله، المذاكرة متستاهلش كدا كدا في ناس هتغش وتجيب أكتر مني أو أنا بعد التعب ده كله بروح الامتحان أغلط كتير. وفي الحالة دي تعمل حاجتين تقرأ
سلسلة نصائح سعيدة عشان تخلي الطريق سهل وممتع.
وسلسلة الشيطان شاطر، عشان تجاوب على الأسئلة النفسية اللي ممكن تكون بتمنعك.

يعني الحكاية كلها نعرف ايه السبب اللي مخلي عندنا مفيش طاقة وساعتها نتعامل معاه.


الجزء التاني من السؤال:
مستنيين حاجة تشجعنا.

ودي حاجة مينفعش نعملها مينفعش نستنى حاجة خارجية.
القوة بتكون من الداخل أما الحاجات الخارجية دي بتكون دعامات.
وأغلب الحاجات اللي مستنيين الناس تعملها، احنا ممكن نعملها بنفسنا وكمان هتكون أحسن لأننا خصصناها لينا، عملناها على طريقتنا، على مقاسنا.
طب ايه المانع نعمل قناة احنا مع نفسنا ونحول الأسئلة ليها ونطبق اللي مستنيين الناس تعمله.
➖➖➖➖➖➖➖➖➖➖➖➖
س2 مش عارفه اذاكر خاالص ولا عارفه ابدا ازاي ومنين 😢😢😢

نبدأ إزاي الدنيا تجاوب عليها برضو سلسلة نصائح سعيدة.
احنا حاولنا نلم كل الأسئلة دي في السلسلة.

نبدأ منين ؟ نبدأ بالحاجات المستعجلة، الحاجات اللي امتحاناتها قريبة، مثلاً عندنا شفوي في المادة دي، خلاص أبدأ فيها.
ترتيب المهمات بيكون فيها العاجل قبل المهم. ونفتكر دايما مقولة مفيش وقت إننا نعمل كل حاجة بس في وقت نعمل أهم الحاجات. قد نكون بنضيع وقت كبير جدا في محاضرة وسايبين باقي المحاضرات المهمة.

طب نعرف إزاي إنها مهمة ؟ من السنين السابقة أو الدكاترة قالوا إن هي مهمة، أو بالإحساس والخبرة الشخصية ودي لو معندكش هتلاقيها برضو في السلسلة.
➖➖➖➖➖➖➖➖➖➖➖➖
س3 راسي بتصداع بعد شويه من مذاكره مخي بيقفل مش بيذاكر غير شويه نونو.

الصداع ده ممكن يكون له سبب جسدي وساعتها نشوف دكتور.
نقسم جلسات المذاكرة عشان منزهقش. نذاكر شوية بعدين ناخد راحة ونرجع نذاكر.
➖➖➖➖➖➖➖➖➖➖➖➖
س4: البني ادمين
ايوا المشكله فيهم ان يكون مسجل ريكورد المحاضره ومحدد ف كتابه ولما يتطلب ف جروب الدفعه بياخدوا وضع الميت...!

على فكرة في ناس كتير بتخاف. ممكن يكون مسجل المحاضرة بس خايف لو بعت المحاضرة وهو اتكلم في الريكورد ، خايف حد يقوله أنت ليه بتتكلم في الريكورد. أو هو محدد ورا الدكتور وخايف يبعت التحديدات ممكن يكون فيها غلط والناس تقوله أنت ضيعتنا.
وفي ناس فعلاً مش عايزة تساعد. هو أنا بعد ما حضرت المحاضرة وتعبت وروحت وجيت وحددت أديلك مجهودي كده على الجاهز ؟

طبعاً لو كلنا فكرنا بالطريقة دي محدش فينا هيساعد حد. لكن لازم نفكر إن ربنا بيساعد الناس اللي بتساعد وفي النهاية أنت مش خسران حاجة. يعني لما بعت الريكورد على جروب الدفعة متمسحش من عندك.
بالعكس ده أنت ممكن حد يدعيلك دعوة تنفعك سواء في الدنيا أو في الآخرة. ممكن تكون سهلت على حد مشاكل كتير. ممكن في حد مش قادر يحضر أصلًا مش حكاية كسل. أنت بعت له الريكورد وفرت عليه. ممكن حاجة بسيطة زي دي يكون ليها أجر كبير جداً وتكون سبب في نجاتك. مش كده ولا ايه ؟

دي الأسئلة اللي اتسألت بنفكركم إنكم تقرأوا
سلسلة نصائح سعيدة
وكمان
سلسلة الشيطان شاطر
وكمان متنسوش تشاهدوا الخلاصة:
https://t.me/UnderControl11/1127
فيها كل حاجة عشان متوهش.

وبرضو لو حد عنده أسئلة أو مشاكل برا السلسلتين دول يكتبهم وإن شاء الله مرة تانية نتناقش فيهم.
ولو عايزين كل فترة نخصص لكم منشور لأسئلتكم يا ريت تقولوا. بالتوفيق 💖

محلول وورد، اللي عايز يرفعه يكتب اسمه ويحوله pdf

سلسلة الشيطان شاطر
الحلقة الأخيرة
💝"سؤال وجواب"💝


1) - نصيحه لحد متعب نفسيا

انسى ! انسى كل اللي فات وأبدأ من جديد واعرف إن لو حياتك ناقصة حاجات أنت شايفها سبب سعادتك فبرضو متنساش إن حياتك فيها نعم كتيرة ممكن يكون تركيزك على اللي ضاع منك  مخليك متشوف غير جانب مظلم من حياتك.

- ياه بالبساطة دي ؟ أنت فاكر إن ده سهل عليا ؟ أنا اللي راح مني كان غالي عليا أوي. صعب أتخطاه.

صعب بس مش مستحيل. ارجع لحياتك عيشها بحلوها ومرها. خد قرارات صح وغلط. اغلط وافشل وقوم كل ما تقع.
( كلما تخبطت في مشيتك، عليك إسناد نفسك أكثر. )
اعتبر اللي فات مجرد ذكريات لما تكبر هتحكيها وتضحك عليها. بص للعمر اللي جاي يستاهل تعيشه بحلوه ومره ولا هتفضل محبوس في ذكريات الماضي.

- ليه أنا الوحيد اللي بيحصل معايا كدا ، دا عقاب من ربنا ؟ هو أنا وحش للدرجادي !

مين قال إن ده عقاب من ربنا.
حب سيدنا يعقوب لسيدنا يوسف خير ولا شر ؟

- أكيد خير طبعاً.

ازاي ؟ ده الحب ده كان سبب كره اخواته ليه. فاكر لما رموه في البير. يا ترى رميته في البير دي حاجة حلوة ولا وحشة ؟

- أكيد حاجة وحشه.

إزاي ؟ دا لولا رميته دي مكانش سافر مصر. ولولا حب إمرأة العزيز ليه مكانش اتسجن ولولا السجن مكانش بقا عزيز مصر.

- عايز تقول ايه معلش ؟

عايز أقول إن كل اللي حصل لسيدنا يوسف ده مكتوب ومتقدر عشان يوصل للمكانة اللي وصل ليها. لأن ربنا بيحبه.
وأنت اللي بيحصلك ده لأن ربنا بيحبك وكاتب لك حاجة حلوة. دي حكمته اللي ميعرفهاش غيره. عشان كدا لازم نستقبل كل حاجة بتحصلنا برضا ونصبر حتى لو من جوانا زعلانين بس برضو نكون راضيين. الوقت والعمر والمستقبل كله قدامك. املا حياتك باللي تحب تشوفه لما حياتك تنتهي ومتعرفش ترجعلها تاني. حياتنا نعمة بس لو نقدرها. أوعى تعرف قيمتها لما تضيع منك. ومتنساش مهما كانت الصعوبات اللي قابلتك فأنت أحسن من ناس كتير. حتى شوف قصصهم بنفسك. فهمتني ؟

- أكيد فهمت

يا شباب دا جروب ل اسئله الشفوى ان شاء الله لكل المواد اللى فيها شفوى بحيث اللى يطلع من الامتحان يقول السؤال اللى جاله ايه ونعرف نجمع اكبر عدد من الاسئله ونفيد بعض بيه ونفيد برضو باقى الدفع اللى بعدنا

الكتاب ده متحدد بداخله كل الاسئله بتاعة الشفوي كامله واللي جمعناها ممكن تدخله وتحدد في كتابة علطول بدل ما يحصل لخبطه من كتر تكرار الاسئله

امتحانات تمريض المجتمع | مش محلولة
➖➖➖➖➖➖➖➖➖➖➖➖
شاهد الخلاصة:
https://t.me/UnderControl11/1127
       ➖➖➖➖➖➖➖➖➖➖➖➖
وصلى الله وسلم وبارك على سيدنا محمد وعلى آله وصحبه أجمعين 💖

بنك تمريض مجتمع
➖➖➖➖➖➖➖➖➖➖➖➖
شاهد الخلاصة:
https://t.me/UnderControl11/1127
       ➖➖➖➖➖➖➖➖➖➖➖➖
وصلى الله وسلم وبارك على سيدنا محمد وعلى آله وصحبه أجمعين 💖

السلام عليكم ورحمة الله وبركاته
في آخر أيام رحلتنا، لو كان نفسك تشارك في التوب تونتي أو سوبر أو أندر كونترول بس مشاركتش لأسباب خاصة.

دلوقتي عندي فكرة أخيرة، إن شاء الله نعمل قسم في سوبر نسميه استفسارات، اللي عنده أي سؤال يقوله وإن شاء الله حد يرد عليه. وبما إن الفترة الأخيرة عرفت إن في ناس كان نفسها تساعد بس الحاجة الوحيدة اللي منعتهم إنهم مش حابين يظهروا، حتى التوب تونتي كان شرطهم من البداية إننا منتعرفش فخفيناهم.

دلوقتي نفس الفكرة إن شاء الله في قسم استفسارات سوبر، عايزين ناس وهنخفيهم يعني لما يردوا على حد هيظهر الرد من سوبر مش من حسابهم الشخصي.
ومحدش هيعرفهم خالص غير الناس اللي مخفية معاهم.

مش شرط الناس دي تكون من التوب تونتي، منهم أو براهم عادي.
لو عجبتكم الفكرة إن شاء الله ننفذها بس عايزين متطوعين. ومتخافوش مش لازم تجاوبوا على كل الاستفسارات. جابوا على اللي تعرفوه بس في الوقت اللي فاضيين فيه. حتى لو الإجابة غلط مفيش مشكلة.

عايز أقول إن دي آخر حاجة ممكن نعملها يعني الفرصة الأخيرة تفيد دفعتك لو حابب.
إن شاء الله ننفذ الفكرة بمجرد تطوع ناس ليها.
اللي عايز يشارك يكفي تبعتلي نقطة مش أكتر.
@EL_Sheikh_11
دمتم بخير وسعادة. أطيب الأمنيات 💛