دي لعبة خشوا وبتفهموا الفيها ح تونسكم في الضجر دا🌚💙

6 ابريييل🔥🔥🔥🔥🔥🔥🔥🔥🔥🔥

دخل اعظم يوم في تاريخنااا🔥🔥🔥🔥

‏مرهَق كمن ركض في طريقٍ طويل هاربًا من كل شيء، حتى وصل مُنهكًا إلى مكان يشبه تمامًا ماكان يهرب منه🚶🏻‍♀

في نفس اليوم دا من السنة الفاتت غلبني النوم من الحماس ليوم 6😔🔥🔥🔥🔥

6 ابرييييييييل 🔥🔥🔥🔥🔥😔

صحي الموت ما يغشاك شر ♥️

الشوارع لا تخون.. 💚
#مايونية6ابريل
#7mood

الشوارع لم ولن تخون 💙🔥

ها نحن شعباً لا يعرف الخوف لا يردنا أي شيء

نحن شعباً اذا قال كلمته فلن يتراجع مهما حدث 🤞
كلمتنا الاولى والاخيرة
لن نتراجع عما خرجنا من أجله

ثورتنا ثورة ابطال
ثورة وطن
ثورة بدأت بدماء الشهداء
ولن تنتهي الا بالنصر او النصر 🤞❤️

و اجعله موكبا لا يسمع آخره ما يهتف به أوله ❤️🙌
#مليونية6أبريل
#تسقط_بس

ح نفجر 6 ابريل بالذكرى😔🔥🔥🔥🔥🔥🔥🔥🔥🔥

حتمر سنين طويلة من الحكم المدني
حتلقى نفسك عجووووز ..يوم حتجي ماري تحت النفق حتسمع

كشلو كشلو طرق طق.. كشلو كشلو طرق طق

* حكومة الجوع تسقط بس ولحس الكوع تسقط بس حكومة العسكر تسقط بس الما بتتشكر تسقط بس

*دم الشهيد ما راح لابسنو نحن وشاح مكتوب عليه عديل فليسقط السفاح

* اي كوز وينو؟ ندوسو دوس جييو!

* ما راجع انا لي مطالب جيبو حكومة الحكم المدني ودم الكوز القتل الطالب

* شالو كديسة وحابو فطيسة وعملوا الحركة الما دسيسة

*حرية سلام وعدالة الثورة خيار الشعب

*كنداكة امشي البيييت بابا بشغلا ليك.. كنداكة امشي البيييت ماما خايفة عليك

*كدا يا وداد؟ كضاااابة

* كبرا كبرا.. بالباب الورا

* نحن مرقنا وما راجعين نادوا الفاتح زفت الطين

* حامد يا جامد.. وين دفعة حامد.. الجيش جيش السودان الجيش ما جيش كيزان

* الترس دا ما بتشااال الترس، وراه رجال

*الليلة ما بنرجع الا البيان يطلع الليلة ما بنسكت الا البشير يسقط

*سلمية.... حرية

*نحن منو ثوار الليل جايين لي شنو؟ جاين للصبة.. صبة سنة واقفة قنا. فوووووووو
ما بنرجع وما بنتغشى مالم يتحاسب بشة.. يتحاسب بشة ونايبه وعلي عثمان وكتايبه وجهاز الامن ونافع السرقو دم الشافع

* الجيش ظهر وينو الكجر؟

* بمبان نرجعو لي.. اي والله.. درقة نكسرا لي.. اي والله.. تاتشر نقلبا لي.. اي والله كاكي نشرطو لي
*شالوا الكوز الماعيزنو وجابو الكوز الاوسخ منو

* ساقط يا عمر سااااااقط.. ساقط وجباااان سااااقط هنا في السودان ساااقط ما ليك مكان

*برهن برهن يا برهان ولا حتسقط انت كمان

* يخوانا الشاااااي الشاي بي جاي

*وسع مجاري الدم زيد السجن ترباس الطلقة ما بتقتل بقتل سكات الناس

*صايمين رمضان من غير كيزان

*وداد ام جضوم الليلة ما بتنوم

* سقطت سقطت يا كيزان سقطت سقطت علي عثمان

* نحن الجيل الراكب راس ما بحكمنا رئييس رقاص

* شالوا وداد وجابو اماني وزي ما سقطت تسقط تاني

* الجيش جيشنا ونحن اهلو وبنستاهلوا

*صباح الخيييييير صباح الخير
وي وي وي وي

* يا صايم قوم اتسحر.. ياكوز توب واستغفر

*وردية الليل حتشوفو الويل.. وي وي وي وي

* يا عنصري ومغرور كل البلد دارفور.. يا عنصري وسفاح وين الجنوب وين راح

* ارفع يدك فوووق التفتيش بالذوق.. ماتحمر لاخوك.. ارفع يدك حبه التفتيش بمحبة والما بتفتش كوز

*سقطت ماسقطت؟ صابنها

* ما تمشوا تخلونااااا بالليل بجازفونا

* الليل الليلة يا ليل يا حلااة الثورة بالليل

* الموية ما للرش.. الموية تشرب بس

* صايم ما صايم تفطر بس

* عندك، خت، ما عندك شيل

*الدم قصاد الدم ما بنقبل الدية
الدم قصاد الدم وحكومة مدنية

*يا ماشي لي بيتك... جيب لي معاك غيرك يفهم قضيتنا.. يا حكومة مدنية ياصبة ابدية

* الجاين حلويييين والماشين شينين

*تلفونك في يداااك كيزان حرامية

* رصاصة حية! ثووورة يقولو ليك مطاطة ثوووورة ديل جنجويد ثوووورة جنجويد رباطة

* انا جدي ترهاقا حبوبتي كنداكة

*دم الشهيد بي كم؟ ولا السؤال ممنوع؟

كشلو كشلو طرق طق.. كشلو كشلو طرق طق..مدنيااااااا.. مدنيااااو

مدنياااااااااووو

حيختفي الصوت تدريجيا ...

تتلفت يمين وشمال مخلوع الشارع هااادي تماما ونضييف ولا كوز مافيه انقرضوا ..
ماحد حيعرف انت سمعت شنو✌ بس نحن مصدقينك

يارب.. لطفك

كنا شايلنك بتهتف وجينا شايلنك كفن 😔💔
رحمة الله على شهداء الوطن💙
ولسه دمهم معلق في رقابنا

شهدائنا المحظوظين
ثوارنا المكلومين 💔💔 .. "

ﺻﻒ ﻟﻲ ﺃﺑﺎﻙ ؟
ﻫﻮ ﺍﻟﺬﻱ ﻟﻢ ﺃﺳﻴﺮ ﻳﻮﻣﺎً ﻓﻲ ﻃﺮﻳﻖ ﺇﻻ ﻭ ﺭﺃﻳﺘﻪ ﺳﺒﻘﻨﻲ ﻳﻤﻬﺪﻩ ﻟﻲ💙

مات الألم جواي وانا باقي في ستة..
ستة القيادة هناك وال ماتوا في اللستة...💔
#ذكرى6ابريل

المجد للشهداء في عليائهم 😭💙

- نحن 5 انفار بعد ضربنا الفتة في العمارات قلنا نتحرك من اسي عشان م معروف يحصل شنو مشينا بي اتجاه شارع محمد نجيب وم كان في مواصلات اتقدمنا واتفقنا نتفرق 3 جاكسون 2 شروني ركبنا نحن التلاتة واتجهنا على جاكسون لمن وصلنا لقينا العربي كلو بكاسي وتاتشرات ودفارات كجر نزلتنا كده العربي ده عن بكره ابيه اتملا بمبان زي السحاب😂😂
في عز البمبان ده في موكب قام الساعة 12 واعتقلو كمية خيالية بتاعت ناس وملو دفاراتم وباكسيهم انا وجماعتي مشينا لينا جمب كافتريا واضارينا بي وراها وجا بكسي اعتقل كمية بتاعت ناس من جمبا وشغالين يجلدو فيهم في اللحظة ديك حسينا انو الموكب من هنا صعب يقوم ضربت لي صحبي في شروني قال لي نفس الشي اليوم داك عربات الموصلات كلها اتخارجت نحن لقينا لينا حافلة ماشة الشعبي ركبنا فيها قلنا تمرقنا من المعمعة دي ..ركبنا ونزلنا نهاية كبري الحرية واتقدمنا بي رجلينا وشايفين سحاب البمبان والناس بجو جارين من شروني الوقت داك واحدة قربت تجي لقينا لينا ناس عايزين يصلو اتوضينا وصلينا والتاتشرات والعربية بتاعت الشرطة " البتضرب 8 بمبان في المرة الواحدة كانو لافين"😂😂😂
بعد صلينا صحبي مرق شالو واتكمكم وانا مرقت لي كمامة رغم اني عارفا م بتعمل شي بس لبستها واتقدمنا واحدة كان باقي ليها10 دقايق بدينا نتجمع واي واحد بعاين لي التاني اهاااا واحدة لمن جات سمعنا زغاريد من وين انا م عارف والناس دي بمرقو عشرات عشرات زي الجراد ماشاء الله 😂😂😂😂فجأة الشوراع الفرعية دي كلها اتملت ناس وبقينا نترس وشغالين نهتف عشان الناس تزيد اكتر واكتر والجماعة يفكو لينا في البمبان بنشيلو نرجعو ليهم ونتقدم وتاني نترس . البمبان بتاع اليوم داك كان كافر كمية بتاعت ناس اغمي عليهم دخلناهم البيوت " التحية لي ناس الخرطوم 2 فتحو لينا بيوتم وتقريبا كل بيت بتلقا قدامو حفاظة موية وهم زاتم برة بيوتم بيهتفو ويشجعو فينا 💙💙💙" ..انا الكمامة كأني م لابسة شربتا كده لمن وقعت في الارض من الكحة والدموع دي نزلت مطر وبقيت م شايف قدامي والموكب اتفرق واصحابي راحو مني جا بتاع اكسنت لقا حالتي صعبة قال لي اركب النوصلك قدام اتقدمنا شوية كده لحدي اثر البمبان راح ونزلت قطعت لي صفق بتاع نيم وختيتو جوة الكمامة😂😂😂 الموكب تاني بدى يجمع ولقيت واحد من اصحابي واشتغلنا تتريس واتفقنا رجعة تاني ماف والموكب ده حدو القيادة " في الوقت داك ناس بري المحظوظين وصلو القيادة في عشرة دقايق بس بمبان ساي م شمو 😂😂😂💙..ونحنا بي هنا مدورين فينا بمبان زي الليل ونحن نشيل ونرجع تاني بقينا نفلقم بي الطوب ..يخ لمن قربنا لي شارع المطار سكيناهم عديل وهم بي تاتشراتم بجرو 😂😂😂😂 وصلنا شارع المطار بي جهة بنك الخليج ولقينا الشارع ده كلو ناس مد البصر ناس الجهاز واقفين جمب الرئاسة ومقفلين الشارع ومعاهم تاتشر بتاع جيش وشغالين فينا بمبان ونحن نتفرق وتاني نجي راجعين في النهاية وقفو م عارفم قنعو ولا بمبانم كمل😂😂😂 بقينا واقفين جمب مكاتب الجهاز وشغالين نهتف بي اعلى صوت ونحي في العلم وناس الجهاز شغالين يسبو لينا ساي😂😂😂 في البداية حمونا م نخش لكن لمن شافو العدد بتاع الناس كسرو الحنك ..ودخلنا وبقينا جارين وناس الجيش واقفين الشارع " فيهم ناس قعدو يبكو"💙 الناس الوصلو القيادة قبلينا جو جارين علينا " يخ كانت لحظة م بتتوصف" 💙💙💙💙💙💙💙
والتحمنا معاهم وبقينا نهتف " الحكومة الليلة محتارة الحكومة اللليلة منهااارة ...."❤️🔥

ح اظل فخور بالحاجة دي لحدي اموت وح احكيها لي اولادي❤️❤️❤️
#ابريل_العظيم
#اعتصام_القيادة_العامة

سنظل نحفر في الجدار..
إما صنعنا ثغرةً للنور،أو متنا على صدر الجدار..🇸🇩✨