​Hurmatli abonentlar, Sirdaryo viloyati aholisi!

Mobiuz mobil operatori Sardoba suv omboridan suv chiqishi oqibatida yuzaga kelgan holat bo‘yicha sizlarga hamdard. Hozirda sizlarga har tomonlama mehr va e’tibor kerakligini yaxshi bilamiz.

Shunday ekan, bugundan boshlab Mobiuz’ning Sirdaryodagi abonentlari uchun chiquvchi qo‘ng‘iroqlar narxlanmaydi. Kompaniyaning har qanday tarif rejasida (daqiqalar yakunlangandan keyin) viloyat aholisi may oyi yakunigacha O‘zbekiston bo‘yicha ckeksiz qo‘ng‘iroqlarni amalga oshirishi mumkin.

Biz sizlar bilan, qadrli sirdaryoliklar! Biz birgamiz!

#mobiuz #muhim

​Mobiuz texnik jamoasi Buxoro va Sirdaryo viloyatlaridagi ob’yektlarni tiklash ustida 24/7 rejimida ishlar olib bormoqda.

27-aprel kuni Buxoro viloyatida bo‘lgan kuchli shamol oqibatida Olot va Qorako‘l tumanlarida aloqa obyektlariga zarar yetgan edi. Hozirda ulardan 3 tasi to‘liq tiklandi. Yana bitta basa stansiyasida ishlar olib borilmoqda.

Sirdaryo viloyatining Sardoba, Oqoltin, Mirzaobod tumanlaridagi 15 ta ob’yektda texnik ishlar yakunlandi. Yana 4 ta ob’ektda suv bosishi oqibatlarini bartaraf qilish ishlari bilan bir maromda aloqa tiklanadi.

Ikkala viloyatning ham elektr energiyasi uzilgan hududlarida dizel-generator uskunalari orqali stansiyalar faoliyati ta’minlanib turilmoqda.

#mobiuz #BS