Muhabbat haqida yozgan va aytgan har kishi muhabbatli boʻlavermaydi.
Zotan, ozodlik haqida eng koʻp yozganlar zindondagilar ekanini unutmang!

Mahbubiy

@Umr_Falsafasi 🕊

Sen baxtli yashash uchun, hayotdan zavqlanish, orzularga erishish va gʻolib boʻlish uchun dunyoga kelgansan!
Unutma, toki tirik ekansan taslim boʻlishga haqqing yoʻq.

@Umr_Falsafasi 🕊

Baxtning boshlanishi InshaAllah,  nihoyasi Alhamdulillahdir..
Umidlarini, orzularini duoga joylashning oqibati har doim go‘zal bo‘lgan...

@Umr_Falsafasi 🕊

Go‘zallikni go‘zal qalblar ko‘ra oladi!

🌱 Agar birovning tashvishi seni ham tashvishga solsa – bilki, hali tabiating toza ekan.
🌱 Agar o‘zingdan boshqalarda ham go‘zallikni ko‘ra olsang – bilki, ichki dunyoying go‘zal ekan.
🌱 Agar birodarlik rishtalarini muhofaza qila olsang – bilki, sen uchun nurli yo‘llarda doim hamroh topiladi.
🌱 Agar o‘zingdan boshqalarga ham yaxshilik qila olsang – bilki, sen vafoga juda yaqinsan.
🌱 Bilgin! Aybsiz do‘st qidirgan yolg‘iz yashaydi. Nuqsonsiz juft qidirgan bo‘ydoq o‘tadi. Qiyinchiliksiz yor istasang... istab yuraverasan.

Labingni asosan ikki narsaga ishlat: Biri tabassum, ikkinchisi sukut.

— Tabassum mushkul ishlaringni hal qiladi.
— Sukut esa mushkul ishlarni o‘tkazib yuboradi.

Shayx Sha’roviy rahimahulloh

@Umr_falsafasi 🕊

Shunday o‘g‘rilar borki bizdan o‘g‘irlaydigan narsalarini ko‘proq o‘g‘irlashlarini jon deb istagan bo‘lar edik...
Bu o‘g‘rilar bizning gunohlarimizni o‘g‘irlashadi...
Yana qanday yo‘l bilan?!
• Ortimizdan zavqlanib g‘iybat qilish bilan
• Zavqlanib tuhmat qilish bilan
• Yayrab ig‘vo qilish bilan gunohlarimizni «shilib ketisharkan»...

Biz esa katta-katta gunohlarimiz tunab ketilganligidan gohida bexabar ham qolamiz. Agar bilganimizda edi, o‘sha o‘g‘rilarga rahmatlar aytgan bo‘lardik.
• Sizni g‘iybat qilishyaptimi?
• Ig‘vo qilishyaptimi?
• Xafa bo‘lib o‘zizni siqmang! Balki xursand bo‘ling. Gunohlaringizga O‘GʻRI tushdi!

@Umr_Falsafasi 🕊

KECHA VA BUGUN

• Kecha savoblarni ko‘paytirish payida yurardim, bugun ko‘p gunoh qilmaslikka harakat qilayapman.
• Kecha har narsaning eng yaxshilarini olardim, bugun boriga qanoat qilishni o‘rgandim.
• Kecha tengqurlarim bilan ko‘proq suhbat qilardim, bugun keksalarni tinglagim keladi.
• Kecha yuz yillar yashaydigan odamdek yurardim, bugun umrimning so‘nggi kunlari o‘tayotgandek tuyuladi.
• Kecha nasihat qilaverardim, bugun ibrat bo‘lishga intilaman.
• Kecha ko‘plarni tanqid qilardim, bugun o‘shalarni rag‘batlantiradigan bo‘lganman.
• Kecha ko‘p bilishga qiziqardim, bugun boriga amal qilishga urinayapman.
• Kecha ko‘ngillarni qoldirishdan og‘rinmasdim, bugun ko‘ngillarni ololmayotganimdan siqilaman.
• Kecha xato qilishsa jazolardim, bugun tuzatishlariga imkon bergim keladi.
• Kecha birovning joniga tegib hazil qilishga rag‘batim bor edi, bugun birovning sha’ni to‘kiladigan hazildan nafratlanaman.
• Kecha insonlarga ishonardim, bugun yuragimni faqat Rahmonga ochaman.
• Kecha meni unutganlarni eslab o‘kinardim, bugun meni eslab yashaydiganlarniyam unutib qo‘yayotgandekman.
• Kecha bo‘sh vaqtimda qiladigan ishlarning rejasini qilardim, bugun rejadagi ishlarimni qilish uchun vaqt qidiraman.
• Kecha olimlarning ilmiga havas qilardim, bugun taqvodorlarning amaliga maftunman.
• Kecha Allohdan so‘rayverardim, bugun Alloh oldida so‘ralishim borligini o‘ylayman.
• Kecha sog‘inib yashashni bilardim, bugun sog‘intirib uzoqlashadigan bo‘lganman.
• Kecha bilganlarimni boshqalarga o‘rgansin deb uzatardim, bugun boshqalardan nima o‘rgansam bo‘ladi deb kuzataman.
• Kecha ranjitishsa o‘zim hisob- kitob qilib olardim, bugun hammasini Haqqa topshirib ketaveraman.
• Kecha ko‘zlarimga Kabani ko‘rmoq orzusi tinchlik bermasdi, bugun ko‘nglimda Kabani ko‘rishni duoda so‘rayapman.
• Kecha yashashim kerakligini bilardim, bugun o‘lim muqarrarligini bilyabman.

@Umr_Falsafasi 🕊

Alloh sizni kimdandir uzoqlashtirdimi, demak bunda bir xikmat bor!

@Umr_Falsafasi 🕊

Gʻamim yo‘q hamisha yuraman kulib,
Davlatim yonimda turganin bilib.
Quvonchning borida g‘amlarim qolib,
Bu dunyo turguncha turing Otajon,
Baxtiyor kunlarim ko‘ring Onajon!

Nimani xohlasam muhayyo bo‘ldi,
Ko‘zlarim quvonch-u, nurlarga to‘ldi.
Birgina rahmatim aytishim qoldi,
Bu dunyo turguncha turing Onajon,
Baxtiyor kunlarim ko‘ring Otajon.

Yonimda tog‘dayin suyanchim bo‘ling,
Nogohon yiqilsam tayanchim bo‘ling.
Xatoga yo‘l qo‘ysam tergovchim bo‘ling,
Bu Dunyo turguncha turing Otajon,
Baxtiyor kunlarim ko‘ring Onajon!

Agarda ko‘nglingiz ranjitgan bo‘lsam,
Dilingiz yaralab og‘ritgan bo‘lsam.
Deymanda men sizdan rozilik olsam,
Bu Dunyo turguncha turing Onajon,
Baxtiyor kunlarim ko‘ring Otajon!

Bosh egib men sizga tazimim qilay,
Allohdan hamisha omonlik so‘ray.
Bir umr qadrlab, qadringiz bilay,
Bu dunyo turguncha turing Otajon,
Baxtiyor kunlarim ko‘ring Onajon!

@Umr_Falsafasi 🕊

Ba'zida erisha olmaganimiz eng xayrlisidir... 
Balki Alloh shunday bo'lishi kerakligini bilib bizdan xayrsiz insonlarni yoki xayrsiz moddiyliklarni  uzoqlashtirar...
Zero, Alloh bilguvchi zot!
Siz sabr qilguvchilardan bo‘ling!

@Umr_Falsafasi 🕊

Kun keladi, yuzingizga tabassum yugurishi uchun oʻzini qurbon qiladigan kimsani uchratasiz.
Qalbingizning barcha eshiklarini yopib yubormang, qalbingiz eshigini taqillatgan har bir kimsa ham jarohat yetkazishni niyat qilmaydi!

Shayx Shaʼroviy

@Umr_Falsafasi 🕊

Baxt nima?

Baxt u nima? Allohdan har tun,
Yana bir tong tilanmoqlikmi?
Va uyg‘onib, quyosh nuriga,
"Omonlik!", deb belanmoqlikmi?

Baxt u nima? Dasturxoningda,
Qo‘ling kuyib ushatilgan non.
Yoki qushlar hadiksiz uchgan,
Bizga nasib etilgan osmon!

Baxt u nima? Bola emizgan,
Onalarning siynasida sut.
Yoki yomg‘irlari bilan siylagan,
Qiz sochidek qop-qora bulut!

Baxt u nima? Balki, momoning,
Nabirasin belagan beshik.
Farishtalar risq keltirsin deb,
Tong saharda ochilgan eshik.

Nima u baxt? Xonadoningda,
Qirq kun kelin qilgan ta’zimi?
O‘ttiz, ellik, sakson yoshingda,
Do‘stlaringning qurgan ba’zmimi?

Baxt nima u? Beminnat, halol,
Bitta qoshiq oshing ichganing.
Sog‘indim deb, har zamonda bir,
Onajoning kelib quchganing!

Baxt u nima? Eng so‘ngi damda,
Kalimaga kelolgan tiling,
Va o‘g‘lingning yelkalarida,
Bosib o‘tgan oxirgi yo‘ling...

Malika Salimova

@Umr_Falsafasi 🕊

Baxt nima u?
Nima u baxt?

✍Malika Salimova
🎙Abdusattor Abduqaxxor O‘g‘li

@Umr_Falsafasi 🕊

O‘kinmang! Chunki o‘kinch sizga o‘tgan tashvishlaringizni eslatadi, kelajakdan xavotirga soladi va bugunning barakotidan mahrum etadi.
O‘kinmang! Chunki o‘kinch qalbni azoblaydi, yuzingiz tundlashadi, ruhingiz so‘nadi, orzularingiz barbod bo‘ladi.
O‘kinmang! Chunki qayg‘u g‘animlarni shod, do‘stu yorlarni mahzun qiladi.
O‘kinmang! Chunki o‘kinch qazo bilan munozara qiladi, muqarrar ishlarni tahlikaga soladi, do‘stga qarshi chiqadi, ne’matga nonko‘rlik qiladi.
O‘kinmang! Chunki o‘kinch qo‘ldan ketganni qaytarib bermaydi, o‘likni tiriltirmaydi, qadarga qarshi tura olmaydi va hech qanday foyda keltirmaydi.
O‘kinmang! Chunki o‘kinch shaytondandir. O‘kinish umidsizlikka, tayyor faqirlikka va tushkunlikka olib keladi.

@Umr_Falsafasi 🕊

Ertaning tashvishin bugunga ortib,
Kechani tush kabi eslaymiz go‘yo.
Yuziga maftunkor pardasin tortib,
Orzudan so‘zlaydi yolg‘onchi dunyo...

Gulnoz Sharif

@Umr_Falsafasi 🕊

Keling niyatimizni yangilaylik:

“Niyat qildim Alloh rizosi uchun, shubhaga tushganimda nafsimni emas, vijdonimni ovozini eshitishga...”

Mehmet Yıldız

@Umr_Falsafasi 🕊

Bizni unutganlar sizga tashakkur,
Bizdan ketganlarga tilaymiz oq yo'l!
Bizni unutmoqni istagan do‘stim
Hamisha Allohning panohida bo'l!

✍ Malika Salimova
🎙Gulruh Pirnazarova

@Umr_Falsafasi 🕊

Agar sizga qiyinchilik kelsa, uni tez orada tarqalib ketadigon, yozdagi bulut deb biling. Uning momaqaldirogʻi sizni xavfga solmasin, chaqmogʻi qoʻrqitmasin. Balki u rahmat, baraka yomgʻirini olib kelar…

@Umr_Falsafasi 🕊

Yolg‘izlik alamdir yolg‘izlik bu g‘am,
Aslida bu dunyo bo‘lgan biri kam,
Toshlar ham eriydi bilingki shu dam,
Yostiqni quchoqlab ayol yig‘lasa..

Entikib ketarkan bir zumga osmon,
Bu holni ko‘rish ham emasku oson,
Baxt nima kelgani bo‘larkan yolg‘on,
Yostiqni quchoqlab ayol yig‘lasa.

Farzandi bo‘lmasa fozil, imonli,
Do‘stining do‘stligi bo‘lsa gumonli,
Bir sassiz entikib qolgan xazonli,
Yostiqni quchoqlab ayol yig‘lasa.

Hech duchor etmagin shu holga Alloh,
Bu dunyo faryodga to‘larkan e voh,
Bundayin dard bo‘lmas bu dunyo guvoh,
Yostiqni quchoqlab ayol yig‘lasa.

@Umr_Falsafasi 🕊

Hayot mana shunday:

Gohida sizni xafa qilishadi...
Gohida xavfga solishadi...
Gohida tuhmat qilishadi...
Gohida holatingizni tushunishmaydi...
Gohida zulm qilishadi...
Gohida qahr qilishadi...
Gohida kasal boʻlasiz...
Gohida faqir boʻlasiz...
Aslo mahzun boʻlmang!
Chunki, qiyinchilikdan keyin osonchilik, sabrdan keyin nusrat, tundan keyin tong, baxtsizlilikdan keyin farovonlik va gʻam-alamli kunlardan keyin xursandchilik kunlar bordir...

Jaloliddin Rumiy

@Umr_Falsafasi 🕊

Biz ertaga ertalab bu hayotda bormizmi, yo‘qmizmi bunga kafolat berolmaymiz...
Lekin kechqurun ertalab uyg‘onish uchun soat qo‘ng‘irog‘ini kerakli vaqtga qo‘yamiz.
Bu UMID deyiladi.
Haqiqiy tong, quyosh nuri ila emas, qalbning yangi umidlar ila yorishishi bilan boshlanadi.
Alloh-Razzoq!
Butun olamlarni O‘zi boshqaradi!
Ishlaringizni ham, xayolingizdagidan ko‘ra go‘zalroq hal qiladi!
Qalbi qaynoq, tili - zaboni shirin
so‘zli qadrdonim:
Yangi tong, yangi kuningiz xayrli va barokatli bo‘lsin!

@Umr_Falsafasi 🕊