لطميه ثقيله لسيده زينب ع

يزينب بالحزن خلصت حياتج
واثار الحرك ضل ابعبابج

ضل حرك العبايه
وصرخات السبايه
لحد لحظة مماتج ٢

ضل يوم الطفوف بكلبج اثار
وضلت بالكلب نارين مو نار
وحده من رحلتي والضعن سار
اوحده من بكيتي بغير نغار

ونار الطفت العين
من ودعتي احسين
ماخلصت اهاتج ٢

صارت عشره ويه الاه والنوح
وكلبج ماهده ومسطره اجروح
صورة جف عله التربان مطروح
وصورة رمح بيها النحر مذبوح

الج دمعه جريه
لحد يوم المنيه
لمن كربت وفاتج ٢

اليوم اتجمعن كلهن اكبالج
ورسمتي صورة الطف بخيالج
ذكرتي ايام عزج وي دلالج
مو اللموت ضل منشده بالج

سمعتي حافر اخيول
فوك ابن امج اتجول
وحومه وحس بناتج ٢

جمر سالت عيونج يم الاحزان
بجيتي والدمع بالعين جروان
كل دمعه الجرت خلفت نيشان
يزينب حفر خدج دمع الاخوان

صحتي خويه عباس
وانتي باخر انفاس
وفيه ومن صفاتج ٢


وفيه وياونينج ماكطع يوم
ولبستي يالحزينه سود الهدوم
مو دمع عالخدج يجري دموم
يالخلصت حياتج حزن وهموم

متي بديرة اجناب
ماحضروج الاحباب
يالماكو بغلاتج ٢

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

فزاعيه لزياة زينب ع


متعنيه واجيتج يم الاحزان
جيت اعوانج بمصاب الاخوان
......
جيت اناشدج يم المصايب
بعدج بالدرب لوبالخرايب
ادري ابهالبلد ماكو حبايب
ومصاب الولي رايدله عوان
.....
متعنيه الج واكطعت الدروب
يالكلبج عله الوليان مصيوب
انشدج هم كعدتي وكت الغروب
لوصحتي بحزن ياكمر عدنان
......
جيت اكابلج واشبع مناحه
يالماشفتي من دنياج راحه
كلبج ماخمد همه وجراحه
مكسورة كلب ومضيعه الاحنان
.......
اريد انوح ياحره بحظرتج
وابجي عاللولي ومحنة غربتج
ياهظمت زمانج ياكسرتج
عاشرتي الغرب وبعيده الاوطان
......
اريد اصرخ يبوسكينه عالبابج
واصيحن حيل زينب يامصابج
تلكيهم اجو يمج احبابج
وبصرخت حزن صرخو يعطشان

✍ام زينب كربلاء غير مبري الذمه من ياخذ الكلام وينسبه له او يحذف الاسم


https://telegram.me/um_zainab_kar telgram

مكتبة الغدير
سوق الكيارة بغداد مدينة الصدر
واتساب فايبر ٠٧٧١١٣٩٥٥٨٠

توجد عنده جميع الطبعات للماسي العلويه والفاطميه

‏صورة من حبيبي يا حسين

فزاعيه الزينب بدايتها نعي

لطم زينب يريد مكابل اونات
مواهه عليها جذبن الاهات
هاي معدله يالتسوه الهوسات

نزلت الفزاعيه

وخليها بعداله لطمت ام عون
هاي معدله وبت اليصطرون
.........
تسوه النوح يابت الزجيه
لطمه معدله اونه شجيه
تاج الراس هاي الهاشميه
يرخص للعقيله ماي العيون
........
ماي العين يرخص لنجيبه
الونه بس الج يم المصيبه
الف ياحيف سموج الغريبه
الج خوان لومرو يرهبون
........
يخت عباس تسوين المناحه
متي من الحزن ومن النياحه
يالماشفتي من دنياج راحه
ونيشان الدهر طابع بالمتون
.......
وني وياي والميدان اعدليه
اخوها المايهاب الموت ذكريه
صكار الزلم يامحله طاريه
اهلهامولطم هوسات يسوون
......
يابت الفخر يابت الحيود
وسفه تموت والعباس مفكود
الج دمعه يزينب تجوي الخدود
ماعندج اخو ويه اليدفنون

https://telegram.me/um_zainab_kar telgram

فزاعيه لسيد الصدر قدس الله سره

حكها الونت عليكم يوهامه
ومنك ياصدر ماطخت الهامه
........
اريد عالصدر احجي واذكرنه
اريد بزود اسولف لوكلت عنه
ابومصيفي شجاع وبيش اوصفنه
مرفوعه بكت ماطخت اعلامه

(اعلامك ضلت مرفوعه)
........
ممنونه الك هالجلمه واحجيها
الجمعه جمعة السيد اسميها
ضل تذكار ثابت من خطب بيها
اذكره بيوم ذل النذل وازلامه

(لزلام الحك تحله الهوسه )
.......
يازلم العداله اتوسف عليها
يشيلت راس واتنومس بطاريها
فخر للدين ضل مكتوب ماضيها
يومه وجرح كلبي ايهيج الامه

( الحوزه عليكم مندومه )

الحوزه ياصدر للموت حزنانه
وين الوكف بيها ولاف جفانه
تراهي الشوفتج للدوم عطشانه
مشتاكه عله جفنه وذيج العمامه

(عليك اتون يا راعيها )


المثلك ياصدر واجب يذكرونه
عليك وعله اولادك تهمل عيونه
كل عام اليمر لبنك يعازونه
يضل بزود عوده شايل اوسامه

(بزودك يحجي ويتباها)
...........

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

لطميه ثقيله للامام الهادي ع

يهادينه يهادينه
دمع هاليوم هلينه

عالمصابك يمسموم
نصبنه الماتم اليوم
يهادينه يهادينه


نصبنه الماتم وحاضر اجه ويانه
ابوصالح حزين وعينه جريانه
والزهره الحزينه بروح خلصانه
يالمسموم تصرخ يومك اذانه

تون والكلب مالوم
نصبنه الماتم اليوم
يهادينه يهادينه

مالوم الكلب مايحمل الونه
يبوصالح مكابل نبجي المجنه
خلينه عله يومه ايسيل مدمعنه
الهادي بالغرب حسراته كتلنه

تعال ونبجي ادموم
نصبنه الماتم اليوم

يهادينه يهادينه

......
يبوصالح ييمه جم جرح بينه
وتلجمنه الجروح ابيوم ونينه
يامسموم يامذبوح نادينه
معاون بالونين اليوم خلينه


بينه اسوت الكوم
نصبنه الماتم اليوم

يهادينه يهادينه

صدك هم الكلب ماشالته الدمعه
يالمهدي وكلبنه بيه الف صدعه
يدمع المانشف عالهشمو ضلعه
يانار الطفوف البكت مستعره

ونار الضلت اتحوم
نصبنه الماتم اليوم

يهادينه يهادينه

خن ننصب عزانه ونسجب العبره
يالهادي غريب وبالكلب جمره
محزنه وتنتحب هاليوم سامره
والشيعه تون و اتعازي العتره

تون عالكبره مهدوم
نصبنه الماتم اليوم

يهادينه يهادينه

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://telegram.me/um_zainab_kar telgram

هوسات لسيده زينب ع

يعباس العزيزه كرب منها الموت
تحزم يالحنين وحضر التابوت
تون بالشام زينب والكلب مفتوت

(بالشام اتون يهل الغيره )

كضت بالشام زينب مالها خوان
تريد الطارش اليوصل كمر عدنان
ويخبره بالجنازه بعازت الدفان

(الطارش يوصل لخواني )

يكللهم تعنو يااهل المروه
شدو حزام زينب ودت النخوه
يخياله عليها واعتنو عنوه

( اتحشم وين الخياله)

اليوم اتريد اخوها يكصد عليها
وبيده للكبر هوه اليوديها
موتدري الجنازه تريد واليها

(عباس اليوم اخته اتريده)

اريدنك تجي وتجيبلي ابن امي
اريد احسين باخر ونتي يمي
مشتاكه عله شوفه وبالكلب همي

(اختك والشوفك مشتاكه )

كله احسين عين الاخت مشبوحه
كوم انروح ياعضيدي فرد روحه
يخويه وكلب اختنه انطيب اجروحه

(لوشافتنه اتموت براحه)
..........

✍ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

فزاعيه حول استشهاد الامام الهادي


*اشال اليوم. من عدكم يسادات*
*هذا ابن النبي. وسيد الرسالات*


ذبيتو العمايم شنهو الصار
وتتصارخ عليه ازغار واكبار
هذه ابن الزجيه وعلي الكرار
*سموه العده ويجهر الونات*

*ياحيف تون/يبن الساده*


اشلون تون يهادي وين اهاليك
ابعاد اهلك حسافه وما اجو ليك
حسافه اشبول هاشم مادت بيك
*وعليك العسكري يجذب الحسرات*
*(عليه امكدر//يجذب حسراته)*

: سموه العده وبعاد اهاليه
لاشالو نعش لا صلو عليه
هذه ابن الامامه وفخر طاريه
*ايلوگ عليك لوطلعت عراضات*
*(اليوم الهادي/بهوسه يشيعونه)*


يكون اليوم تحضر ذيج الحيود
وتحضره النشامه الماخذه الزود
تنصب فاتحه ابسامره مريود
*وللهادي تشيل اليوم رايات*

*(عليكم لاگت/تنشال الرايه)*
:

واجب شيعتك تحضر السامره
تنصب فاتحه ومگابله الزهراء
وماتنسه الذبيح الطاح عل غبره
*واخته الغربت وي گوم شمات*
*(حسين نذكره//وماننسه امصابه)*

*عمل مشترك من شاعرات اهل البيت ام زينب كربلاء والعلويه ام جعفر*
غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

نعي حول استشهاد الامام الهادي


يحيف الزمان الغدر بيكم
وحگ الدمع يجري عليكم
مايبطل يسادتنه بجيكم


بل ذبح خلصتو والسموم
والكم عزه منصوب كليوم
يون الموالي بكلب مالوم

ابونات وبدمعه جريه
ومگابل نون ويه الزجيه
وما ننسه يوم الغاضريه

الزهراه جم صواب بيهه
وبكل وكت نبجي عليهه
مكسوره ولايگ بجيهه

اليوم الج جرينه حسره
ومكسوره يا ام الحسن كسره
مسموم ابنج خلص عمره


عل مسموم حزنانه وتونين
ومگابل عله الونه تريدين
مكسور ظلعج ما تگدرين


مكسور ضلعج وعتنيتي
والسامره يالزهره اجيتي
وعل مسموم بل ونه بجيتي


مابيج ونه وحيل مابيج
والضلع يا ام الحسن ماذيج
ابثوب الحزن والظيم غاطيج


عفيه عله كلبج والحملتيه
ويوم العزيز اشلون شلتيه
مذبوح نحره شاهديتيه


ايعين كلبج حامل احزان
ومن الحزن كليوم خلصان
يهم العليج يريد عوان

عمل مشترك لخادمات الزهراء العلويه ام جعفر وام زينب كربلاء
ونسألكم الدعاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

لطميه ثقيله للامام الهادي ع

ونيت/ وبالوعه انادي
ونيت / لجلك يهادي

متعنيه الضريحك وارد اجرونه
اريد ابجي عليك ودمعي اهلنه
ماتم يم ضريحك ارد انصبنه
وجبدك سيدي المسموم اذكرنه

هالجيت / واطلب مرادي
ونيت / لجلك يهادي

مرادي الي اريده بدفتر الزوار
تسجليني عليك بجاه ابو الاحرار
وبجاه المشت لا والي لا نغار
اكتبلي يهادي بدفترك تذكار

وارجاك / ذخري وعمادي
ونيت / لجلك يهادي

..........
ذخر انتم ولا فد يوم ملينه
بكل مصاب منصوبه تعازينه
يالمسموم احنه الخاطرك جينه
نذكر ونتك وعليك ونينه

واتصيح / ذابت افادي
ونيت / لجلك يهادي

.........
السم مرد دليلي وانه بالغربه
ومايمي عشيره وعيني تتربه
بعيده اهلي عليه وحالتي صعبه
هاديكم يشيعه السم مرد كلبه

ياضيم / وعليه سادي
ونيت / لجلك يهادي
..........
يشيعه لو ذكرتو السادي عليه
ونصبتولي عزه والعين مجريه
طلب عندي اطلبه بروح مكضيه
اريد الون عله الودوها مسبيه

للشام/ ويه الاعادي
ونيت / لجلك يهادي
...........

✍ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

فزاعيه للهادي ع

تجر بذيالها ام حسين
متعنيه عله سامره

صاحت يالولد يبني
عليك الحزن جايبني
وضلعي حيل يوجعني
مصيبه وهيجت كسره
........
هاج الضلع واصوابه
وكلبي فجعته احبابه
لكيت اتنوح طلابه
تون وتسجب العبره
..........
عله المسموم حزنانه
شال وعاف ديريانه
جيت بروح حيرانه
وجرح الكلب مايبره
........
ماطاب الجرح بيه
وانه بمصاب يوميه
اون بروح مكضيه
انه فاطمه الزهره

.........
اجيت بروح لهفانه
وروحي عليك حزنانه
وين الصاح مولانه
وعالهادي لطم صدره

.........
✍ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

هوسات العلي الهادي ع

اريد اليلة اشد احزام للونه
ميدان وعزه وهوسه عاللمجنه
حك اليوم ماتم عزه اتنصبنه

ايلوك عليكم / ميدان الهوسه

.............
صدك لايك عليكم ياربات الدين
حسافه بالغدر من غمضيتو العين
محتاره شكولن وامدح الطيبين

طاح اركانه / والدين ايون
.........
ياركن الديانه وياعلوم الدين
شيعتكم عليكم تهل دمع العين
اليلة اتعازي الزهره وابوالحسنين

اليلة الزهره / وتبحي وحزنانه
.........

حزنانه واتون والكلب ضل مالوم
تدك عالهام كامت والضلع ملجوم
نوبه ياحسين ونوبه يامسموم

جم ونه اليوم / اتون بيها
.........
ينار الماطفت تسعر بدلالي
ويوميه الدهر فاجعني بغالي
يشيعه والطم والنوح يحلالي

صواب بضلعي / ودوم يلجمونه
..........
خلينه نون ونسجب العبره
ونذكر يا مصاب الصاب سامره
شال اليوم وابعد عاشر العتره

اتنوح الفكده / وحزنانه الساده
..........

الهادي انشال جثمانه عله الهامه
لفوه بجفن والحسن جدامه
وحسين الشمر هوس بالعمامه

مذبوح ايون / محد الشاله
..........

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

فزاعيه للامام علي الهادي ع

اليلة العسكري يلطم عالهامه
حزنان عله ابوه وذب العمامه

حزنان عله ابوه وهلن عيونه
نحيل الحيل وايريد اليعازونه
اليلة ياامامي حالك شلونه

(شلون بجفك مديته)

شاله والدمع بالعين يتجاره
مندوم عالعوده وبالكلب ناره
وين اشبول هاشم تطلب بثاره

( ثارات الكم ياعياله)

.........
ثار المنذبح والكطعو جفوفه
وثار الغربت لشام مجتوفه
جاليمت يرد الثار وانشوفه

( الثار الجده ايطلبونه)
.......
الله ايعين سادتنه عالونه
يوميه بمصاب وشايل امجنه
ويوميه العزه بديار سادتنه

(اليلة الماتم للهادي)
..........
اليلة ماتم اونات مريوده
يون العسكري والروح ممروده
محزون الامام ايودع بعوده

اليلة اينوح عالمصابه
.......
.✍ام زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram

نعي كرناوي لسيده زينب ع

اشتاكيت وفطر دلالي الفراك
وعيني مانشف ساعه دمعها
النامو بالترايب مايعلمون
روحي تون والاواحد سمعها
صار النوح سلوتها والونين
وصار الحزن والونه طبعها
انه مانسيت اعزاز الكلوب
ولانامت عيوني من وجعها
من كثر الدمع شلعت الجفون
هذا حال المضيعه اوضعها
الفكدت اخو مانامت العين
تذكره من ربه وياها بزغرها
تمر ابالها كعدات الاخوان
ذيج ايامها الحلوه تمرها
جمر دموعها ايهل من العيون
بهالحاله تعاتب بس دهرها
المثل ام الخدر ماماتت شلون
يوم العافت حسين اوكمرها

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

‏صورة من ام مقتدى كربلاء

هذا الكتاب متوفر في محافظة بغداد حاليا

لطميه بعدة اطوار نخوه الزينب ع

من عندج يزينب نطلب الحاجات
بجاه الضلت جفوفه اعله المنسات

.......
ابجاه الضل طريح بغير جفينه
كل مهظوم اجاج ودمعة بعينه
يزينب نضره بعيونج تنظرينه
صديله يحره ونشفي الدمعات
.......
نشفي دموع عينه بجاه دمعاتج
وعليج بحك اخوج وذيج وناتج
يمكسوره نخينه انريد فزعاتج
الج جاه والج معروفه الوكفات
......
اليطيح بشدته يتذكر مصاب البيج
تهل عينه يزينب من يمر طاريج
والمهظوم يخت المجتبى ايناديج
ايصيح دخيل يم الحزن والونات
......
لو مر العسر واتضيك دنيانه
نصيح دخيل زينب حضري ويانه
والمكسور كلبه اسمج عله اللسانه
يمهظومه دخيلج توجع الهظمات
.......
اريد اقسم عليج بجاه ابوسكينه
وبجاه الكفيل واكطع جفينه
دنيا واخره زينب تحظرينه
باسمج يالغريبه تسهل الطلبات
.......

✍ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

نعي لسيده زينب ع


ودت عتبها اليوم زينب
جرت الونه والدمع صب
تعالج وعالخوان تعتب

لاكن عتبهاعتب خوان
اليسوه العتب موياهو الجان
محله المعاتب ويالاحنان

العتب ويعباس ابديه
وانوب لبن امي اوديه
اجر العتب وانوب اردبيه

العتب ويعباس يحله
لوصل خط اخته وتكله
الموت اجاني وكوم عطله

تعطل وخن نحضر لختنه
عمت الولد ودت عتبنه
نحضر دفنها اتريد منه

اختنه غالي واغله من العيون
من غير والي ماتت شلون
ولاخوان تمشي ويالدفنون

ماتت وهظمتها جبيره
صبي العين كل ساعه تديره
ضنها تريده البيه غيره

مرو عله اخيتكم يالعزاز
اليوم النعش دفان محتاز
مطروح النعش وايريد جناز

يخال الولد ماهاي الامروه

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram