فوارق امـل💙🦋

"أصحاب الموضه"

✍رحاب القحم

ياخبره قد احنا نشوف هذه الأيام أشكال البنات والشباب معاد تقدر تفرق بينهم ماتدري من هو الولد من البنت!!
قد احنا نشوف الشباب يجيوك بقصات غريبة شنيعة ماتدري وشذا الشغل يلي فيه شي مثل الديك، وشي مثل التيس، والمشكلة انهم يقولوا انها موضه هه!! ياخبير وش بلااك تتبع #الموضه وهي باتخليك تشبه واحد من الحيوانات؟ لا وعاد يجيك اصحاب الشعر يلي معاد تفرق بينه وبين خواته يشهد الله مربي شعره الى نص كتفه او الى نص ظهره ويهتم بها ويحافظ عليها ويمشطها ويجلس قدام المرايه نص ساعه وهو يدور تسريحه لشعره ويقوم يلبس لك ذا البنطلون الطيحني ويلي نصه مشطط تقول كانه في قل كسوه وعاده يمشي لك في الشارع شايف نفسه الخبير ومصدق روحه انه ضخم ههه والمشكلة لمى تجي تكلمه يقولك موضه الله يلعنه موضه مدام باتخليك بذيه الشكل، وعاد اصحاب القعش يجيك مثل شيطان الحطب والعياذ بالله ههههه، تقول ذا زارع نخله في راسه ويمشي وعاد يجيك يفعل لك ربطه فيه على حسب لون لبسه يزعم يقولك لأعب رياضي على غفله ههه، لاتجي تقولي اصحاب الجبهات ياخبير هولاءك رجال أسود أسد مقعش من جبهه الى جبهه من شاص الى شاص وقد احنا دارين ماهم فارغين يجلسوا يحافظوا على شعورهم قدهم يقدموا حياتهم لاتجي تقارن نفسك بهم امانه،ياخبير اشتحط معاد احنا جاين نعلمك الشحطه قد انت رجال افووه عيب عليك استح على وجهك وارحم الشنب يلي في وجهك، يعني هذا بنسبه للشباب.

نجي للبنات البنات يلي يشوفن المسلسلات ويقومن يقلدن في الكلام في اللبس وانت عليك تجي تتعجب بس، تجي تخرج في الشارع كأنه عارضة أزياء..!! معاد حد يقوله ماهو كذا ولا استحي يابنتي ولأ استحي ياختي ولا استحي فلانه وعلانه المهم.. تجي لك تلبس البرقع وتفتح البرقع ذاك الفتحه يلي معاد فيها تتبرقع قد ودي تجلس فاتشة اخرج، والبالطوهات يلي قدهي فساتين هذه الايام من كافة الألوان الاصفر والاحمر.. الخ، وتجي تعرض بها في الشارع بحقها البالطو وتقول انها الحاليه القمريهه وهي كانها حمار وحشي ههههه استغفر الله العظيم قد انتو تخلوا الواحد يغلط عليكم لو مايشتي، عاد باقي البالطوهات حق اخر صيحهه حق هذه الايام يلي نصه شبك معاد فيه مايستر بها نفسها طبعا هذا حسب الموضه لا الحقه خيرر من موضه، قد انتي تخلي البنات وهن بنات يتغاثن منش خلي ما الشباب يلي يلعنوش انتي واهلش ومن سمح لش تخرجي بهذا الشكل، وعاد لمى كل واحد يرجم لها كلمه ياحاليه قال ياجدتي يا مدري وش، وهي مصدقه روحها انها حاليه وتفرح وخلاص مابش احسن منها مش هي داري انهم يستحقروها ويستهزواء بها، ايش بلاش ياختي تخرجي بذا الشكل من تشتي يعجب بش خلي جمالش لش واستري نفسش وخلي فاطمة الزهراء قدوه لش ومعليش من الفنانات الكافرات الفاجرات.

#حسبي_الله_ونعم_الوكيل🤍

#طبعآ_كلاااامي_مايقصد_الكل_ولكن_كل_واحد_وهو_عارف_بنفسه

#سلامي_للبنات_والشباب_المحترمين_المحشوطينن_المؤدبين_أصحاب_الأخلاق_الرفيعهه_اصحاب_الوعي_والأيمان_سلامي_لكم

#وتحياتي_لكم🌹

156 views♕طِـٖٖـنِــٖٖـآخِ̐ـٖٖـة بِــٖٖـدﯛ̲୭يِــٖٖـۿۿہ♕ ., 17:39