От ФИДЕ 🎥

Как победить гроссмейстера 2600➕

⚡️Ahadjon Kimsanboyev — jahon chempioni!

Bolgariyaning Sofiya shahrida ko‘zi ojiz va zaif ko‘ruvchi shaxmatchilar o‘rtasida o‘tkazilgan IV IBSA Jahon chempionati yakunlandi.

Musobaqa davomida yuksak mahorat, matonat va barqaror o‘yin namoyish etgan O‘zbekiston terma jamoasi a’zosi Ahadjon Kimsanboyev hal qiluvchi bahslarda ham ishonchli g‘alabalarni qo‘lga kiritib, jahon chempioni unvoniga sazovor bo‘ldi.

Ushbu tarixiy natija nafaqat sportchimizning fidokorona mehnati va mahorati, balki O‘zbekiston para shaxmati rivojida erishilgan muhim yutuqlardan biri sifatida e’tirof etiladi.

Ahadjon Kimsanboyevni mazkur ulkan muvaffaqiyat bilan samimiy muborakbod etamiz hamda kelgusi musobaqalarda ham yangi zafarlar tilaymiz!

🕊Telegram 📱Instagram 🔹 Facebook 🌍Veb sayt

⚡️Hurmatli OAV vakillari, blogerlar va fotomuxbirlar!

2026-yil 15–28-sentabr kunlari Samarqand shahrida bo‘lib o‘tadigan 46-Butunjahon shaxmat olimpiadasini yoritish uchun O‘zbekiston ommaviy axborot vositalari vakillari, blogerlar hamda fotomuxbirlar uchun onlayn akkreditatsiya jarayoni boshlandi.

Akkreditatsiyadan o‘tish uchun quyidagi havola orqali ro‘yxatdan o‘ting:
https://chessolympiad2026.fide.com/accreditation-for-media

Barcha OAV vakillarini ushbu nufuzli xalqaro sport tadbirini yoritishda faol ishtirok etishga chorlaymiz.

⚡️Oʻzbekiston yana bir pogʻona yuqoriladi!

FIDE tomonidan e'lon qilingan avgust oyidagi federatsiyalar reytingida Oʻzbekiston erkaklar terma jamoasi 8-oʻringa ko'tarildi.

Avvalgi reytingga nisbatan 1 pogʻona yuqorilagan terma jamoamizning Top-10 shaxmatchilari oʻrtacha reytingi 2626 ni tashkil etdi.

Bu natija Oʻzbekiston shaxmatining xalqaro maydondagi barqaror o'sishi va shaxmatchilarimizning muvaffaqiyatli ishtiroki samarasidir.

🕊Telegram 📱Instagram 🔹 Facebook 🌍Veb sayt

🟣 🟦🟦🟦🟦🟦🟦
#ImkoniyatCheklanmagan

🤝Nogironligi bo‘lgan shaxslarning ijtimoiy faolligini oshirish hamda inklyuziv muhitni rivojlantirish maqsadida O‘zbekiston Xalq demokratik partiyasi Jizzax viloyat Kengashi tashabbusi bilan “Imkoniyat cheklanmagan!” inklyuziv sport musobaqalari tashkil etildi.

🏛Tadbir O’zbekiston Xalq Demokratik Partiyasi Jizzax viloyat Kengashi, Yoshlar ishlari agentligi Jizzax viloyati boshqarmasi, Jizzax viloyati Sport boshqarmasi, Jizzax viloyati Ijtimoiy himoya milliy agentligi hamda Jizzax viloyat shaxmat federatsiyasi bilan hamkorlikda yuqori saviyada o’tkazildi.

♟Musobaqa davomida ishtirokchilar shaxmat va shashka bahslarida o‘z bilim, tafakkur va mahoratlarini namoyon etib, sog‘lom raqobat va do‘stona muhitda bellashdilar.

✅Ayniqsa, Jizzax viloyat shaxmat federatsiyasi tomonidan musobaqalarni tashkil etish, professional hakamlikni yo‘lga qo‘yish va musobaqa jarayonlarini sifatli o’tkazishda ko‘rsatilgan amaliy ko‘mak tadbirning muvaffaqiyatli o’tishiga munosib hissa bo‘ldi.

🏆Musobaqa yakunida g‘olib va sovrindorlar diplom, medal hamda esdalik sovg‘alari bilan taqdirlandi. Barcha ishtirokchilarga esa faol ishtiroki uchun minnatdorlik bildirildi.


#XDP #Jizzax #ImkoniyatCheklanmagan #InklyuzivJamiyat 🤝 #Shaxmat #Shashka

⚡️Green Hills Resort xalqaro shaxmat turniriga mezbonlik qiladi

Joriy yilning, 29–31-avgust kunlari Toshkent viloyati, Bo‘stonliq tumanida joylashgan Green Hills Resort majmuasida Rapid va Blitz yo‘nalishlari bo‘yicha xalqaro shaxmat turniri bo‘lib o‘tadi.

Musobaqaning umumiy mukofot jamg‘armasi 35 000 AQSH dollarini tashkil etadi.

Turnir quyidagi guruhlarda tashkil etiladi:

• Masters — 17 000 AQSH dollari mukofot jamg‘armasi. Ushbu guruhda 8 nafar taklif etilgan kuchli shaxmatchi ishtirok etadi. Ularning 5 nafari O‘zbekiston, 3 nafari esa xorijiy davlatlar vakillaridir. Bahslar Rapid va Blitz yo‘nalishlarida 7 turdan iborat aylanma tizimda o‘tkaziladi.

• Open — 10 000 AQSH dollari mukofot jamg‘armasi. Barcha xohlovchi shaxmatchilar ishtirok etishi mumkin. Ishtirok badali — 300 000 so‘m.

• New Stars — 1 000 AQSH dollari mukofot jamg‘armasi. 2019-yil va undan keyin tug‘ilgan (7 yoshgacha) yosh shaxmatchilar uchun mo‘ljallangan. Ishtirok badali — 200 000 so‘m.

• Teams — 7 000 AQSH dollari mukofot jamg‘armasi. Har bir jamoa 4 nafar shaxmatchidan iborat bo‘ladi.

Musobaqaga ro‘yxatdan o‘tish shu yilning, 25-avgustga qadar davom etadi.

Ro‘yxatdan o‘tish va qo‘shimcha ma’lumot uchun: @Sevara1223