السلام عليكم ورحمة الله
بإذن الله حيكون موعدنا يوم السبت
القروب هذا للطلبة اللي عندهم نية يقروا في قسم ابسط حقوقهم تكون متوفرة فيه
و عادي حتى لو أخرلك سيمستر مفيهاش شي لو توقف مع زملائك باش يقروا في قسم افضل

هاذي فرصتنا لو بنتكلموا
ادارة الكلية تمشي بالرأي العام

فلهذا مدابينا بكر عدد يكون موجود
و باقي التفاصيل موجودة في القروب

https://t.me/+pHHvRnQlHqBkNjU0

#AEC441
إعلان
على طلبة مقرر EC441
التسجيل في الرابط التالي الخاص بالمقرر

https://teams.microsoft.com/dl/launcher/launcher.html?url=%2F_%23%2Fl%2Fteam%2F19%3AZD8YgjUiKNywjC6ot9aZy76UWz3TZ8i4LB87zHWDSE41%40thread.tacv2%2Fconversations%3FgroupId%3D056e8ae8-77c0-4f6a-ae6e-398217324d17%26tenantId%3D922840af-4b75-41c9-a396-fd8817b8c955%26fbclid%3DIwY2xjawI-Ti5leHRuA2FlbQIxMQABHVxueu5sZZgOneru8Risvf73VWNEO7Favz5zaVNXj_XHbidTpJi1f90skw_aem_pdA5r0_f7yiu6qwxA-i-vw&type=team&deeplinkId=9a47bf11-08ba-4ad0-96e7-c1c7d40e1e32&directDl=true&msLaunch=true&enableMobilePage=true&suppressPrompt=true

#AE483
لا توجد محاضرة اليوم

#EC433L
كل المعامل بالنصفي و الفاينل

تذكير انه غذوة في محاضرة
#AEC558

معامل العامة:

معمل ورش
https://t.me/GE129L_spring2024
معمل طبيعة
https://t.me/Gs112L
معمل كيمياء
https://t.me/GS115Ll


#GS115L #GS112L #GE129L

متنسوش غدوة موعدنا، ويلي يسكت ع حقه سلامته فيه!

مفيش حد مدورنا ولا حد معبر التشحيط يلي عايشين فيه فـ متبخلش بنفسك. وقفتك ولو زيادة عدد تكفي وتزيد، إدير الواجب إتجاه نفسك، قسمك، زملائك.

رابط مجموعة التجمع:
https://t.me/+pHHvRnQlHqBkNjU0

السلام عليكم ورحمة الله
التجمع الساعة 9 امام القسم
الانطلاق الساعة 9 و ربع للسكوير

حيكون كل شي سلمي و مش حيكون في تسكير اي قاعة
احني طالعين بنتكلموا على حقوقنا و اللي عنده محاضرة مش حيخسر شي لو جي معانا و وقف يطالب بحقه
شي طبيعي و مدايرينه اكثرًمن قسم قبل باش حصلوا حقوقهم و اكثر، كل شخص فيكم حضوره مهم و كل ما زاد العدد زادت نسبة الحصول على حقوقنا من قاعات و معامل و جداول افضل و اللي حتساعد الجميع في مسيرته في
القسم

باقي التفاصيل في القروب

الجو ملايم

توكلوا للسكوير

محاضرة السّي ملغية، شوية ونأكدلكم

هذا جُزء بسيط من شن يقدر يدير الحاسب ❤️‍🔥
#حراك_اصلاح_الحاسب

كثفو الدعاء لالا صاير منها 😎🔥

جهودكم علي خاطر بعض جبّارة، وبأذن الله حتطلعوا راضيين 🔥

السلام عليكم ورحمة الله وباركاته

بدايةً نشكروا كل حد جي اليوم وما رضاش بالأزمة اللي صايرة والمماطلة في الحلول الواقعية واستمرارهم في الحلول العشوائية اللي استمرت لحوالي سنتين بدون أي بوادر تحسين.

وقفنا اليوم مع بعض لأهداف متشاركة، بيئة دراسية ملائمة وفصل دراسي طبيعي زينا زي باقي الأقسام بدون تعارضات وجدول تلفيقي مش مناسب لأي حد فينا، ولما تجي تتكلم يقولولك مافيش حل وهذا الموجود وهذه القاعات المتوفرة في الأوقات الفلانية ويحطوك قدام الأمر الواقع.

مطالبنا كانت واضحة، جدول محاضرات واقعي بدون تعارضات، جدول امتحانات مش مضغوط، والأهم توفير قاعات نقروا فيها.

اللي جي اليوم سمع الحلول اللي مازال نقولوا عليها ( حلول عشوائية ) ولكن هذه هي المتاحة

اقترحوا علينا الآتي:
-نرجعوا لقاعات القسم ومعامله بعد تصليح الكهرباء والمكيّفات، ويحاولوا تكون أعمال الصيانة تنخدم بعد انتهاء المحاضرات.

-نتحصلوا على مدرج في كلية الصيدلة يغطي بعض المحاضرات.

حسب كلامهم حيبدوا في الصيانة الخفيفة من تصليح كهرباء وإضاءة ومكيفات من غدوا وحنتابعوا معاهم خلال الفترة هذه إلى حين نشوفوا منهم حل نهائي للمشكلة.

لو شفنا أنه الحلول هذه مش عملية وزادت الوضع سوء مش حتكون آخر وقفة لينا، وحتكون وقفتنا قدام رئاسة الجامعة طول!

من خلال الحديث تطرّقنا للمشاكل اللي نمروا بيها كل سيمستر ومطلبنا كان الآتي:

-توفير مبنى مستقل للقسم.

-تغيير جدول المحاضرات والامتحانات بعد توفير الأماكن.

-إضافة أسبوع ثالث في الامتحانات يكون بديهي بدون عرقلة من القسم.

في الختام وزي ما وضحنا هذه مش آخر وقفة مادامنا على حق لأن مش قاعدين نطلبوا شيء تعجيزي وحنستمروا لعند تندار حلول يكون راضي عليها الجميع!

أي حد يبي تواصل مع مكتب شؤون الطلبة لأي شكوى، بإمكانكم التواصل معنا على التيلجرام عن طريق حساب الشكاوي المخصص لمكتب شؤون الطلبة.

معرّف الحساب: @EC_SAO

اذا كان جي 46 ابعتوا