تأكيدا على الكلام هذا وبعد محاضرة ال 310 أمس إلي الموضوع فيها وصل لمرحلة منفرة جدا الصراحة يعني لدرجة طلعنا وسيبنا المحاضرة لو مش منتبهين. فبالله عليكم يعني بدون ما نديرو إحراجات ماليهاش داعي ومش حلوة لا في حقنا ولا في حق الدكاترة، يرحم والديكم إلي عنده سؤال عميق ويبي يسأل الدكتور على مفاهيمه الخاصة وهي 80% غلط ما فيش داعي يطرحها في نص المحاضرة ويشوش تفكير ستين طالب يحاول في أمان الله يفهم الدكتور شن يقول، يقدر زميلي العزيز بكل حضارية يسجل في مذكرة أو ورقة قدامه وبعد المحاضرة يسأل زي ما يحب قد ما يبي أو في الساعات المكتبية هذي كلها مخصصة لهذي الأمور. أيضا بالله عليكم الجماعة الي تشارك ويبدا كلمة بكلمة مع الدكتور راهو ما نحكيلكش كمية التشويش الي يسبب فيها الشي هذا تخيلنا كلنا بنشاركو معش تبدا محاضرة فبالله ما لم يسأل الدكتور يكفي نسمعوا له هو ما يحتاجش حد يعاود وراه. حاجة ثالثة الدوة الجانبية الي أصلا قصدي نتحشم ندوي فيها احني في نص المرحلة الجامعية، تبي تهدرز يا أخي هدرز برا يعني نبيك تتخيل المحاضرة خطبة جمعة شن شكلك وانت مقعمز تهدرز ف الجمعة تخيلها، نفس الشي ره.

اسف على حدة اللهجة بس سبحان الله ما مرتش 24 ساعة على المنشور الي اقتبسته وتحطم رقم قياسي في الدوشة، ف خلونا متفاهمين على رحمة والديكم وشكرا

#EC383
مرة مرة مافيهاش باس...

#EC383
درجات كويز الديجيتال

من المراجع المُفيدة جدًّا في VHDL، فيه هلبة أمثلة
⬇️⬇️⬇️
#EC383

#EC312 #تذكير

نهاركم طيب، ما تنسوش غدوة تسليم الريبورت الي طلبه الدكتور

#Ec252
#تذكير
ماتنسوش واجب مادة الجافا، آخر موعد للتسليم هو يوم الغد السـبت ✅

#EC201
السلام عليكم
الهومورك متاعكم تلقوه قدام مكتب الدراسة و الامتحانات متع القسم، كانوا ملوحات قدام الدائري

#EC202
سلايدات الاولى د. صلاح

#EC301

https://www.youtube.com/playlist?list=PLBlnK6fEyqRhG6s3jYIU48CqsT5cyiDTO

ممكن هادا احسن واحد في اليوتيوب لقيته لتوا

#EC202
AC power سلايدات د.صلاح كانون