“UNG Petro Кубоги” мусобақаси якунига етди

Хабар берганимиздек, жума куни пойтахтимизда Uzbekneftegaz автомобилларга ёқилғи қуйиш шаҳобчаларининг ишчи-ходимлари иштирокида “UNG Petro Кубоги” мусобақаси старт олган эди.

“Ўзбекнефтгаз” акционерлик жамиятининг Республикамиз ҳудудидаги барча шаҳобчаларидан ташриф буюрган 30 га яқин жамоалар иштирокидаги турнирда бугун ғолиб ва совриндорлар аниқланди. Пойтахтимиздаги “Ёшлик” (собиқ NBU) ўйингоҳида бўлиб ўтган ёпилиш маросимида “Бунёдкор” вакиллари ҳам иштирок этди.

Биринчи ўрин ҳал қилувчи баҳсда қўқонлик ҳамкасбларини пенальтилар сериясида мағлубиятга учратган оҳангаронликларга насиб қилди. 3-ўрин учун баҳсда Хива шаҳри ва Зангиота туманининг “Қуёшли” маҳалласида жойлашган ёқилғи қуйиш шаҳобчалари ходимлари майдонга тушиб, пойтахт вилояти вакиллари бронза медалларига эга чиқди.

Ўз йўналишида энг яхши деб топилган ўйинчиларга “Бунёдкор” вакиллари - директор Улуғбек Мирзаев, жамоа сардори Давронжон Эргашев, легионеримиз Францис Нарх ва иқтидорли ҳимоячи Жаҳонгир Ўрозов эсдалик совғаларини топширди.

Айтиш керакки, чиройли ўтган бу турнир ишчи-ходимлар учун ҳар томонлама фойдали бўлди. Соғлом турмуш тарзини тарғиб қилиш, ходимлар ўртасида дўстона алоқаларни ўрнатиш ва мустаҳкамлаш ҳар бир ташкилотнинг устувор вазифаси бўлиши лозим. Тадбир якунида иштирокчилар билан хайрлашар экан, “Бунёдкор” вакиллари Uzbekneftegaz ишчи-ходимларининг кейинги фаолиятига омад тилади!

Самарқандда «Ўзбекнефтгаз» бренди остида биринчи АЁҚШ очилди

Самарқанд шаҳри Рудакий кўчасида «Ўзбекнефтгаз» бренди остида барча қулайликларга эга АЁҚШ фойдаланишга топширилди.


Манба: https://t.me/kunuzofficial/123845
👉 https://kun.uz/95899966

🌐 ungpetro.uz
Telegram | Telegram_Bot |
Instagram | Facebook | YouTube