الموسوعة الجامعية

#التسجيل_بالقبول
شلون اسجل بالجامعة؟

🏷 #الخطوة_الاولى

1⃣- اول شي تروح للمدرسة تاخذ منهم وثيقة الدرجات الفسفورية وتعنونها لمكان قبولك مثلا (جامعة بغداد /كلية الهندسة/قسم المدني) + تستنسخها.
💠| بحال جنت دور اول او ثاني ووثائقكم الفسفورية ما واصلة للمدرسة ف تطلب تأييد درجات من المدرسة وتعنونه لمكان قبولك وتروح تصدّقه من مديرية التربية الي بمحافظتك + تستنسخه.
2⃣- لا تنسى تاخذ سكرين لقبولك وانت رايح للمدرسة لان هاي اجراءات المدرسة حتى يعرفون وين مقبول انت.

⚜| #ملاحظة: اذا أخذت تأييد درجات ف لا تنسى إنه بعدما تسجل بالكلية/المعهد إتابع مدرستك حتى تشوف وثائقكم من توصل تروح تستلمها وتوديها لمكان قبولك.

🏷 #الخطوة_الثانية

1⃣- تروح تاخذ من المدرسة تحويل للمركز الصحي او المستشفى الي طلاب مدرستك تسوي بيها الفحص الطبي (اي مركز صحي جان).
2⃣- ورة ما اخذت التحويل ، تروح للمستشفى يسوولك الفحص وتعنونه لمكان قبولك وياخذون منك ضريبة فحص (٢٥ الف) او (٥ الاف) او بلاش حسب المستشفى + تستنسخه.

🏷 #الخطوة_الثالثة

#المستمسكات_المطلوبة:
1⃣- نسخة ملونة عن جنسيتك وشهادة الجنسية أو البطاقة الوطنية الموحدة.
2⃣- مستمسكات الوالد والوالدة هم كاملات تستنسخهن (الجنسية او الموحدة + شهادة الجنسية).
3⃣- نسخة ملونة عن بطاقة السكن + البطاقة التموينية.
4⃣- صور عدد ٣ (بس عن نفسي انصحك تاخذ ١٢ لان راح تحتاجهن هواي بالايام الجاية).

⚜| #ملاحظة_مهمة: يفضل تسوي خمس نسخ من كل شي حتى لا تحير هناك بحال رادوا أكثر.

🏷 #الخطوة_الرابعة

#الكفيل

🔷| الكفيل ممكن اي شخص اله علاقة بيك: ابوك، امك، اخوك، اختك، عمك، خال.
حتى وان كان عندك معرفه سطحيه معاه.

1⃣- لازم يحضر وياك كفيلك للجامعة لازم لازم سواء انقبلت معهد او كلية.
2⃣- الكفيل اذا جان مستمر بالخدمة فيسوي تأييد استمرار خدمة من دائرته معنون لجامعتك/كليتك/معهدك + يستنسخه.
3⃣- الكفيل اذا جان متقاعد فهويته تكفي (يستنسخها طبعا).
4⃣- الكفيل اذا جان عسكري ف يجيب تأييد من القيادة الي يداوم بيها.

#ملاحظة: اكو كليات او معاهد متقبل بالكفيل العسكري ويطلبون مدني فلذلك حبيت انوهلكم على هالشي!

🏷 #الخطوة_الخامسة

0⃣- قرص CD محطوط بي كل الي ذكرته فوك بشكل (سكنّر) والسكنّر تسوي من يم اقرب مكتب عليك.
🔶| ما ادري ليش الجامعات مُصرّين إنهُ القرص اهم من كل شي فلذلك لازم تجيبه.

🏷 #ملحقات_مهمة:

1⃣- اذا جنت تريد تقدم تقديم اخر مثل (موازي، اهلي، مسائي، منحة.. الخ) ف الافضل متنطي وثيقة الدرجات الفسفورية ومتعنونها وتنطيهم تأييد درجات حتى من تريد تسحب قبولك ميصعبوها عليك.
2⃣- تكدر تسجل وتسحب قبولك اذا طلعلك قبول بغير شي مثل (مسائي، موازي، اهلي، معاهد صحة ونفط.. الخ).
3⃣- التسجيل يستمر مدة اسبوعين (ع الاغلب يمددوه) ويبدي من باجر السبت اما الدوام ف بشهر الواحد.
🔱| #ختامًا: اذا جنت تريد تسوي اعادة ترشيح ف تكدر تسجل بالكلية (وتراعي انه متنجح او تسوي تأجيل سنة) وعادي بعدين تكدر تسوي اعادة ترشيح سنة اللخ.

وهيج تسجلت بقبولك (الكلية او المعهد) من بعد دوخة.

❗️| معلومة: يبدي التسجيل من بعد يومين من القبولات (لما توصل الأسماء للجامعات) ولمدة لا تقل عن شهر.

#الموسوعة_الجامعية
https://t.me/EU_IQ

8.03K views⁦⁦βαÐ ρⓔЯSØ₦, edited 06:42