السلام عليكم اليوم راح نحجيلكم عن التحويل من بعض الكليات الي كليات المجموعة الطبية نبدأ:-

⭕️الكليات الي يحقلك تحول الى كلية طب الاسنان او كلية الصيدلة👇👇
1⃣كلية علوم قسم تحليلات مرضية
2⃣كلية علوم قسم علوم الحياة
3⃣كلية العلوم قسم علوم الكيمياء
4⃣كلية علوم قسم بيئة
5⃣كلية علوم قسم تقنات احيائية
6⃣كلية الطب البيطري
7⃣كلية تقنية طبيه قسم تحليلات مرضية
🚫ملاحظه👇
هاي الكليات الي تكدر من خلالها تحول الى كليات طب الاسنان والصيدلة
اذا حصلت بالمرحلة الاولى الاول على القسم من الاقسام الي ذكرتهن فوك

⭕️كليات الي تكدر من خلالها تحول الي كليات الهندسه
1⃣كلية علوم قسم الجيولوجيا=كليه هندسة نفظ
2⃣كلية علوم قسم الفيزياء=كليه هندسة كهرباء
3⃣كلية علوم الرياضيات والحاسوب
1_قسم حاسوب=كلية هندسة حاسبات 2_قسم رياضيات=كلية هندسه معماري

🚫ملاحظه👇
هاي الكليات الي تكدر من خلالها تحول الى كليات هندسه
اذا حصلت بالمرحلة الاولى الاول على القسم من الاقسام الي ذكرتهن فوك


⭕️معاهد الي تكدر من خلاها تحول الى كليات
1⃣معهد تقني قسم ادارة =كلية الادارة الاقتصاد قسم ادارة الاعمال
2⃣معهد تقني قسم محاسبة=كلية الادارة الاقتصاد قسم محاسبة
3⃣معهد تقني طبي قسم تمريض=كلية التقنية الطبية قسم تمريض
4⃣معهد الطبي قسم صيدلة=كلية الصيدلة


🚫ملاحظة👇
هاي المعاهد الي تكدر من خلالها تحول الى كليات حد الاعلى
اذا حصلت بالمرحلة الاولى الاول على القسم من الاقسام الي ذكرتهن فوك

⭕️ملاحظة
هاي التحويلات فقط تصير بالدراسة الصباحية ماتصير بالدراسة الاهلية او الدراسة المسائية كذلك الموازي.

#الموسوعة_الجامعية
https://t.me/UEAIQ

#كليه_الدفاع_العراقي_رتبه_طيار 🎈

- كل طيار يعمل في شركه طيران يحمل شهاده طبيه Medical class لا يسمح للطيار بممارسه الطيران لحين استكمال كافه الفحوصات ✈️
يجري فحص الطيارين طبياً كل 12 شهر ، يتم من خلالها فحص الضغط والسكر واختبار العين ( النظر ) وتخطيط القلب ونسبه الكوليسترول بالدم 💉 وعمل اجزاء الجسم بصوره طبيعيه ، انف اذن حنجره ، بالنسبه للطيار المدني لايوجد مشكله بالوزن كما هو الحال في الطيران العسكري

- مده الدراسه 4 سنوات ، الشهاده بكالوريوس 🧾 التعيين مركزي ✅ ، يقبل التطبيقي والاحيائي ، الادبي والتجاري لا ❌❌❌
تقبل معدل 65 فما فوق بس ! بحال تقديم طلاب معدلهم اكثر من معدلك حيقبلونهم ويرفضوك 🤙🏻

- شروط التقديم ☝️🏻 :
1⃣ ان يكون المتقدم عراقياً من ام عراقيه واب عراقي
2⃣ ان لا يقل عمر المتطوع عن 18 سنه
3⃣ ان يكون المتقدم خريجي الدراسه الاعداديه الفرع العلمي بفرعيه وبمعدل 65 فما فوق
4⃣ ان ينجح في الفحص الطبي وفحص اللياقه البدنيه والقابليه الذهنيه
5⃣ ان يجتاح المقابله بنجاح
6⃣ ان يكون ولائه للوطن والشعب
7⃣ ان يكون قويم الاخلاق وحسن السمعه والسلوك
8⃣ ان لم يسبق فصله وانسحابه من اي دوره في الكليات العسكريه
9⃣ ان لا يكون محكوم عليه بجنحه او جنايه مخله بالشرف او جرائم

- المستمسكات المطلوبه عند مراجعه لجنه الفحص والمقابله ☝️🏻 :
1⃣ الوثيقه الدراسيه الاصليه + 4 نسخ ملونه
2⃣ هويه الاحوال المدنيه الحديثه الاصليه او البطاقه الموحده + 4 نسخ ملونه
3⃣ شهاده الجنسيه العراقيه الحديثه الاصليه او البطاقه الموحده + 4 نسخ ملونه
4⃣ بطاقه السكن الاصليه + 4 نسخ ملونه
5⃣ البطاقه التموينيه الاصليه + 4 نسخ ملونه
6⃣ عقد الزواج الاصلي للوالدين + 4 نسخ ملونه

- رابط التقديم سيتم نشره بحال اطلاقه ، يعني التقديم الكترونياً 💻


#الموسوعة_الجامعية
https://t.me/UEAIQ

#هندسة_الليزر_والالكترونيات_البصرية

تاسس قسم هندسة الليزر والالكترونيات البصرية وهو الاول من نوعه في العراق بداية العام الدراسي 1994-1995
تستخدم تقنية الليزر في مجالات مختلفة وتطبيقات مختلفة كالطبية والعلوم والصناعية والاتصالات وانظمة الحماية والقياسات. حيث تستغرق الدراسة في هذا القسم اربع سنوات للحصول على شهادة البكالوريوس و سنتين للحصول على شهادة الماجستير في علوم هندسة الليزر والالكترونيات البصرية

#س1 /شكد المعدل الي تقبله ؟
جامعة النهرين
الاحيائي 94.3
التطبيقي 86.4

#س2 /تعينها مركزي ؟
لا

#س3 /بعد الدراسه شنو اكمل دراسه وشلون اتعين ؟؟
تكدر تدرس ماستر
تكدر تدرس معهد خاص بالبصريات وتفتح عيادة مستقله
و التعيين موجود بالمستشفيات الحكومية و الاهلية و مراكز التجميل
وتكدر ايضا تتعين ع قاطع الكهرباء

#س4 /اكو هذا القسم اهلي؟ وشكد تقبل؟ والقسط ؟
الصباحي : ٦١.٥ و المسائي ٥٩.٥ ونص
قسط ٢،٢٥٠،٠٠ الى مليونين متغير

#س5/ الموازي شكد يقبل ؟؟
اقل من القبول المركزي ب ٣ درجات
بقسط 3,000,000

#س6/شلون اكدر اطور نفسي بلعطله قبل الدوام ؟
تدرس الليزرات الموجودة و آلية عملها
و تكدر تدرس برنامج comsol اللي هو يتعلق بالليزر
تكدر تدرس رياضيات وتطور نفسك بي لان موجود ع مدار ٣كورسات

#س7/كيف توزيع الوحدات عل كل مرحله؟
المرحلة الاولى 10 درجات
المرحلة الثانية 20 درجة
المرحلة الثالثة 30 درجة
المرحلة الرابعة 40 درجة

#س8/كيف تكون دراستهه ،؟
صعبه بس مو كلللللش

#س9/كيف تقسيم درجات كل ماده؟
درجة المد من 40 و الفاينل من 60
يكون تقسيم الدرجات بالنسبة للمواد اللي بيها عملي 25 درجة على النظري و 15 درجة على العملي مقسمة الى 7 درجات على التقارير و 8 درجات على امتحان الفاينل العملي

#س10 /اكدر اكمل دراسه الماجستير ؟
نعم تكدر تكمل ماجستير بالقسم

#نصيحة
🔶اذا تريد تكون انسان ناجح فهذا الشيء انته تصنعه بنفسك بارادتك انته وبقدرتك بدراستك كلشي يخص القسم وكلشي تحسه يفيدك بالمستقبل ولتضيع الوقت ع فراغ

#الموسوعة_الجامعية
https://t.me/UEAIQ

👁‍🗨|| #الهندسة_الميكانيكية

🔘تدرس الهندسة الميكانيكية التصميم والتحليل واستخدام الحرارة والطاقة الميكانيكية لتشغيل آلات وأجهزة الأنظمة الميكانيكية.

🔻التخصصات🔻

1⃣الهندسة الصوتية✔️

2⃣هندسة تصنيع✔️

3⃣هندسة حرارية✔️

4⃣هندسة رياضية✔️

5⃣هندسة مركبات✔️
هندسة الطيران والفضاء الجوي✔️
هندسة السيارات✔️
هندسة معمارية✔️
هندسة بحريه✔️

6⃣هندسة محطات توليد✔️
طاقه حراريه جوفيه✔️
محطة طاقة الكهرباء✔️
وقود احفوري✔️
طاقة كهرمائية✔️
طاقة المد والجزر✔️
قوة شمسيه✔️

7⃣هندسة الطاقة✔️
هندسه المجاري✔️

🔻الوظائف🔻

🔘الهندسة الميكانيكية كمجال دراسي واسع يتعامل مع الأمور الفيزيائية والمواد التى يمكن أن تُستخدم ميكانيكياً من كل النواحى، ويوجد العديد من الفرص الوظيفية لخريجين الهندسة الميكانيكية، والوظيفة تكون على حسب التخصص.

⚫️إذا إخترت الدراسة على مستوى الدراسات العليا، مثل دراسة ماجستير العلوم، أو ماجستير الإدارة الهندسية، ستجد أن الدراسة تشمل البحث بجانب الدراسة العملية، وقد تكون الدراسة نقطة إنطلاق للعمل فى التدريس الأكاديمى فى الكليات أو فى أى مهنة علمية بحثية.

⚪️بدراستهم مفاهيم مثل الميكانيكا، والروبوتات؛ فإن الدراسة تؤهل المهندسين الميكانيكين للعمل فى وظائف تتضمن تصميم وحدات ميكانيكية، وأنواع من محركات المركبات، الطائرات وحتى أجزاء مركبات الفضاء والآلات الصناعية.

▫️أبرز وظائف الهندسة الميكانيكية متاحة فى الشركات الصناعية، فى الصيانة أو فى مجال التعامل مع أجهزة توليد الطاقة وأنظمة الحرار والبرودة.

▪️أما فيما يخص معدل الكلية في الجامعات الحكوميه #والحدود_الدنيا_للقبول، كما في مُبين بالصورة أعلاه .

.
• • • • • • • • • • • • • • • • • • • • • •
#الموسوعة_الجامعية
https://t.me/UEAIQ

الاجور الدراسيه . للدراسه المسائيه ٢٠١٩_٢٠٢٠

#الموسوعة_الجامعية
https://t.me/UEAIQ

#قسم_التحليلات_النفطيه 🎈

- هو من اقسام معهد التدريب النفطي ، يكون هذا الاختصاص مؤهل للعمل في جميع المختبرات الكيمياويه لمعرفه نسب الشوائب والماء ومعرفه جميع مكونات النفط الخام 🛢 ، وكذلك معرفه نسبه الغاز المخلوط بالنفط الخام عند استخراجه من الابار النفطيه وكيفيه عزله وكذلك معرفه الكثافه والوزن النوعي وتحديد اسعار النفط والعمل على جميع الاجهزه المختبريه وكذلك القيام بالفحوصات المختبريه على جميع المشتقات النفطيه وحسب المواصفات 🙋🏻‍♀

- خريج هالمجال يكون مؤهل للعمل بالمختبرات الاتيه 🔬 :
1⃣ مختبرات الغاز
2⃣ مختبرات السيطره
3⃣ مختبرات الدهون
4⃣ مختبرات التحليلات
5⃣ مختبرات تحليل المياه

- مده الدراسه سنتين ، الشهاده دبلوم معهد نفط / قسم تحليلات نفطيه ، يقبل الاحيائي والتطبيقي بمعدل 94 للولد ، و 95 للبنات 👷🏻‍♂👷🏽‍♀ ، التعيين مركزي ✅ ، ماكو اهلي ولا مسائي ولا موازي ،
الراتب مليون وربع كبدايه 💰 ، ونظام الدراسه يكون فصلي

- من تتخرج حتتعين بالمختبرات وتشتغل بيهن لان انت اصلاً شغلك مختبري تحلل نفط وتقيس الكثافه عاليه لو واطئه او متوسطه ، زين او مو زين 🤦🏻‍♀ ، ومو بس بالنفط وانما الغاز والبانزين والمي تشوفه بي شوائب او بكتريا تحللهم 🦠🔬
الدراسه كلش سهله عبالك ثاني متوسط ودتدرسه اوربيتالات وتوزيع وكذا 🌚⚡️

- مواد المرحله الاولى 👈🏻 كيمياء عضويه + كيمياء عامه + رياضيات + تقنيه نفط وغاز + حاسوب + الكيمياء العامه + التحليل الالي
المرحله الثانيه 👈🏻 تكون مواد اقل

- نصيحه الي معدله حرج خلي يقدم عليه هم دراسه سهله وهم تعيين مضمون وهم راتب قوي ، وممكن بمرور الايام والسنين يصعد لان رواتب النفط دائما عاليه



#الموسوعة_الجامعية
https://t.me/UEAIQ

#قسم_امراض_الدم_والاورام 🎈

- وهو من اقسام معهد الصحه العالي ، وهو فرع من فروع الطب يهتم بالدراسه والتشخيص والوقايه والعلاج للامراض المتعلقه بالدم ، وكذلك علم الدم يشمل دراسه سبب الامراض المعديه 🩸💉
وهالعلم ضالع بمعالجه الامراض التي تؤثر ع انتاج الدم ومكوناته ، مثل خلايا الدم ، والهيموگلوبين 🔬 وبروتينات الدم ، واليه تخثر الدم ، والاجراءات المختبريه التي تدرس الدم والتي يؤديها غالباً التقني الطبي ، علماء الدم يقومون كذلك بفحوصات الاورام والعلاج الطبي للسرطان 👽


- المعدل يعتمد ع نظام المفاضله ! ، الولد 81 والبنات 87 ( المفاضله ياخذون المعدل الاعلى ) 🥱 ، وهالقسم احتمال يصعد لانو هالقسم جديد 😲 يقبل الفرع الاحيائي ، نظام الدراسه فصلي كورس اول + ثاني ← فاينل

- مده الدراسه سنتين الشهاده دبلوم ، التعيين مركزي ✅ ، ماكو اهلي ولا مسائي ولا موازي ❌❌❌ ، الطلبه الاوائل يحولوهم كليه تمريض ، من تتخرج حتتعين بالمستشفى ردهات امراض الدم والسرطانات والاورام ومرضى فقر الدم و ... الخ ، المسمى الوظيفي هو ممرض فني 👨🏻‍⚕

- المواد ☝️🏻 :
تمريض امراض الدم + الكيمياء السريريه + تطبيقات الحاسوب 1 + اللغه الانگليزيه + اساسيات التمريض + طرائق بحث + تشريح وفسلجه + اخلاقيات المهنه + حقوق الانسان وديمقراطيه + احياء مجهريه + احصاء حياتي 🎃
الدراسه سهله تحتاج قرايه يوم بيومه وتركيز كذلك يعني حتا الاوائل تگدر تطلعه بسهوله اذا حضرت ودرست زين 🌚📚

- الاطباء المتخصصين بالدم يصيحلوهم haematologists عملهم الاعتيادي يشمل رعايه المرضى الذين يعانون من امراض دمويه ورغم هاللشي اكو بعض منهم يشتغلون بالمختبرات مال دم يفحص شرائح مسحات الدم وشرائح مسحات نخاع العظم تحت المجهر 🔬🧪 ، ويفسر نتائج الفحوصات المتنوعه ونتائج فحوصات تخثر الدم وببعض المؤسسات نلگه علماء الدم يديرون مختبرات الدم 🩸💉 ،


#الموسوعة_الجامعية
https://t.me/UEAIQ

🔶معهد الموانئ ( معهد تدريب الموانئ ) 🔶

🟤الموقع : البصرة / المعقل قرب فلكة الساعه

🔵الاقسام : 1⃣التقني .. 2⃣الاداري

🔹 التقني يتخص بالدراسه القريبه لاقسام كلية الهندسه ،
🔹 والاداري ( ادارة موانئ ) قريي للادارة والاقتصاد ونفس المواد بس بصوره ابسط

عدد الطلاب : 120 طالب في كل دفعه

🟡التعيين : غير مركزي

🔴تفاصيل : المعهد تابع لوزارة النقل العراقية ومعترفه بي وزارة التعليم العالي
مستقل وذاتي مثل معهد النفط يأخذ القرارات من وزارة النقل فقط

بخصوص مواعيد الامتحانات وكيفية الدوام والمحاضرات ، يوفر مبلغ مالي للدارسين بحدود ال100 او 150 شهرياً ، اساتذة المعهد مهندسين وماجستير وبكلوريوس من الجامعات المصريه والتركيه وخبرات وشهاداتهم عالية

وجب التحذير انو 😅 :
1-الي يدخل المعهد يتعين فقط في مجال الموانئ اذا اعين بمكان ثاني يدفع غرامة .
2- الشهاده غير مخوله للعمل بأي شركه غير الموانئ

🔷-تساؤلات ممكن تكون ببالك استاذ :

1- ابقه ع شهادة الدبلوم المعهد ؟
لا ، بعد التخرج يكدر يدرس الطالب كلية (على حسابه )
2-تعينه مركزي ؟
لا غير مركزي ولايحق للطالب المطالبة بالتعيين ابدا متى ما كان هناك امكنه شاغره تطلب الوزارة متقدمين
ويقدم الطالب فقط ..

🔶تقبل منو ؟

كل الخريجين ( ادبي ، علمي التطبيقي والاحيائي ، تجارة ، صناعه ) السادس بكل فروعه ماعدا ( اعدادية التمريض ، الاعدادية الفنيه )

🛑المعدل : التقديم مفتوح من 75 وبعدهه تصير المفاضله بين المعدلات العاليه
السنة الاوله اله ( 2019-2020)
اقل معدل للقبول كان 80 واعلى معدل كان بحدود ال93

مدير المعهد : الاستاذ ماهر بريدي
رؤساء القسمين : كابتنيه وبحاره ومهندسين

🟣شهادة حصل عليهه المعهد :

بالوثيقة شهادة الجودة التي حصل عليها معهدنا (2015 :ISO 9001)


〰〰〰〰〰〰〰〰〰〰〰〰〰
#الموسوعة_الجامعية
https://t.me/UEAIQ

🌐 الهندسة الكهربائية⚡️

هي تخصص يهتم بدراسة وتطبيقات علوم الكهرباء والإلكترونات والمجالات الكهرومغناطيسية

التخصص 🚦
1⃣هندسة الطاقة.
(الهندسة الشمسية ، هندسة الرياح)
2⃣هندسة المحركات
3⃣هندسة اتصالات
4⃣هندسة الألكترونيات
5⃣هندسة الحاسوب
6⃣هندسة التحكم الآلي والأتمة الصناعية
7⃣هندسة الكهربائية النظرية
8⃣هندسة الاشارة
.
➖➖➖➖➖➖
الوظيفة 👨🏻‍💼⛑

بعد إنهاء الطالب لفترة الدراسة الجامعية بنجاح يحصل على شهادة جامعية بدرجة بكالوريوس ويطلق عليه عمليا (مهندس ⛑) ملحقا به التخصص مثل مهندس كهرباء, مهندس إلكترونيات,..إلخ.
بعد ذلك يمكن للمهندس أن يبحث عن وظيفة تتناسب مع مجاله أو أن يبدأ مشاريعه الخاصة أو حتى الاستمرار في الدراسة. في الحالة الأخيرة يبدأ المهندس مرحلة دراسية جديدة تسمى الدراسات العليا, الماستر أو الماجستير وتكون عادة لسنتين🎓.
➖➖➖➖➖➖
#الفرق_بين_هندسة_الكهرباء_وهندسة_الألكترونيات 🤭🖤

من الممكن أن نقول أن الهندسة الكهربائية قد تتضمن أيضاً هندسة الإلكترونيات وقد لا تتضمنها. ويمكن التفريق بينهما حيث تهتم هندسة الكهرباء بالأمور المتعلقة بنظم الكهرباء عالية الجهد مثل نقل الطاقة والتحكم في المحركات، بينما تتعامل هندسة الإلكترونيات مع دراسة النظم الإلكترونية ذات المقاييس المنخفضة (تيار منخفض –جهد منخفض)، ويتضمن ذلك علوم الحاسبات والدوائر المتكاملة.
➖➖➖➖➖➖

✅بعض معدل الكلية في الجامعات الحكومية
#الحدود_الدنيا_للقبول

بغداد /تطبيقي معدل القبول ٧٨

جامعة المستنصرية /تطبيقي معدل القبول ٧٢،١

البصرة /تطبيقي معدل القبول ٨٢

الوصل /تطبيقي معدل القبول ٧٤،٣



➖➖➖➖➖➖➖➖➖➖➖➖

#الموسوعة_الجامعية
https://t.me/UEAIQ

الموازي بعد التخفيض

وكيل وزارة التربية فلاح القيسي
تشرين الثاني المقبل موعداً أولياً لانطلاق العام الدراسي الجديد

🟪 تم وضع موعد محدد بأسبوعين من مطلع الشهر المقبل لغاية منتصف الشهر وسيتم اختيار موعد بدء السنة الدراسية خلال المدة المذكورة حال عدم حدوث أي مشكلة

🟪 تم الاتفاق على ان يكون التعليم المدمج
هو المعتمد للسنة الدراسية

🟪 اعتماد التعليم التقليدي للمناهج العلمية حصراً

🟪 لكل مرحلة يوما دوام بالأسبوع تدرس فيهما المواد العلمية فقط

الحدود الدنيا لكلية #العلوم - جامعة بغداد
العام الدراسي ٢٠١٩ ، ٢٠٢٠
#احيائي

• علوم الحياة 90.57
• التقنيات الاحيائية 88.4
• علم الكيمياء 87.57
• علم الفيزياء 85.28
• علم الارض 84.5
• الحاسوب 84.4

#تطبيقي

• علوم كيمياء 73.3
• علىوم فيزياء 69.7
• الحاسوب. 68.7
• علم الارض 67.7
• الفلك والفضاء 67
• التحسس النائي 67

#الموسوعة_الجامعية
https://t.me/UEAIQ

#التخطيط_العمراني 🎈

- هي الكليه الوحيده بالعراق بهالاختصاص انفتحت بسنه 2011 بقسمين ✌️🏻 هو التخطيط الحضري واللاخ التخطيط البيئي بعدين انفتح قسم التخطيط الاقليمي المجمل 3 اقسام بي 🙋🏼
خرجت لحد الان الكليه اكثر من 450 طالب

- من ناحيه التعيين فاللقب الوظيفي موجود ( الي هو معاون مخطط ) لكن التعيينات ضعيفه 🙍🏼❌
الاكثريه من الخريجين ممتعينين لذلك اذا ادور تعيينات بهالاختصاص فيجوز محيخدمك لكن الدراسه بيه متنوعه كأنو تدرس عده اختصاصات فواحد فتخدمك اذا تبدي مشروعك الخاص ، القطاع الخاص هماتين موجود.وداعم لهالاختصاص 👷🏻🏢

- بالنسبه للتعيين الحكومي هو موجود بس مو مركزي وهاي السنه تعينت مجموعه من الطلاب بعده دوائر البلديات بالمحافظات 😃

- الكليه تقبل الفرعين الاحيائي والتطبيقي ، اما بالنسبه للمعدل 👈🏻 التطبيقي 68.6 والاحيائي 68.1 هاي مال 2018 ، اما سنه 2019 قبلت التطبيقي 63.9 والاحيائي 66.1

- الكليه بشكل عام بيها 3 اقسام مضمونه الدراسه بكل قسم مبيها اختلاف جبير ، يعني المرحله الاولى تدرس نفس مواد الثانيه يصير اكو تخصص اكثر وتنوع المواد طبعا لان تكون تخصص اكثر 😐
اما قسم التخطيط الحضري يعتبر اعلى الاقسام بالكليه ومرغوب جداً تدرس بي تخطيط المدن 📉
اما قسم التخطيط الاقليمي تدرس بي مجموعات المدن الي هي اقليم وعلاقاته ويه الاقاليم الباقيه 🗻 ، وقسم التخطيط البيئي يختص بالجانب البيئي يعني يدخل وينوجد بين هذني القسمين وهو اساسي جداً 👀

- هاي الكليه نوعاً ما ممعروفه بشكل عام وهي من الكليات الرائعه ، موجوده بـ البصره ، بغداد ، الكوفه ، الموصل 🙆🏻💕


#الموسوعة_الجامعية
https://t.me/UEAIQ

.
#كلية_التقنيات_الاحيائية
(#Biotechnology) 🔬💊💉

توجد في عدة جامعات :

1⃣ #جامعة_النهرين
#مكانها // بغداد /الجادرية

☆ #اقسامها ☆
🅰 قسم التقنيات الاحيائية الطبية
والجزيئية
🅱 قسم التقنيات الاحيائية النباتية

2⃣ #جامعة_بغداد كلية العلوم قسم التقنيات الاحيائية.
#مكانها بالجادرية
ولا يوجد اقسام يعني يدرسون الفرعين
3️⃣جامعة_القادسية
#مكانها // محافظة القادسية/الديوانية

☆ #اقسامها ☆
🅰 قسم التقنيات الاحيائية الطبية
🅱 قسم التقنيات الاحيائية النباتية

5️⃣ جامعة الانبار كلية العلوم قسم التقنيات الاحيائية
3⃣ #جامعة_القاسم_الخضراء
#مكانها // بابل /الحلة

#اقسامها
🅰 قسم الهندسة الوراثية
🅱 قسم التقنيات الاحيائية

الجامعة التكنلوجية كلية العلوم التطبيقية"تقديم مباشر"

المعدل تقريبا من ٨٥ الى ٩١ يختلف من جامعة لجامعة

💉 ♉️ مستقبل الخريجين واماكن عمله لمختلفة :

▪️خريجو كلية التقنيات الاحيائية
بأمكانهم العمل في الكثير من المجالات الصناعية والطبية والزراعية كما يمكنهم العمل كباحثين في مختلف اختصاصات التقنيات الاحيائية وبأمكانهم العمل في وزارت التربية والتعليم العالي والصحة والصناعة والزراعة والبيئة.
حيث بأمكانهم العمل في مختبرات الصحة والسيطرة والتقييس والصناعات الغذائية والدوائية.
كما يمكنهم العمل ك محللين

•دراستهم صعبه مو سهله والمواد الي يدرسوها عن الوراثة وانسجة وفسلجة وكيمياء والاحياء المجهرية والمناعة وغيرها

《 #الشهادة_الممنوحة/بكلوريوس تقنيات احيائية》

#س1/ تعيين مركزي؟ // نزل قرار تعيينهم المركزي قبل اشهر ولكن لحد الان محد تعين

(( الموزاري اقل ب 5 درجات من معدل الكلية ))
(( القسط السنوي مليون ونص تقريباً ))

#س3 / يحقلي افتح مختبر؟
☆☆ لا ميحقلك تفتح مختبر🔬
الا بعد التعيين(( ع الصحة او التعليم العالي او اي وزارة ))+ ممارسة سنة في المستشفى
او عند الحصول على شهادة الماجستير + ممارسة 6 اشهر في المستشفى .📄🎓
اما عند حصولك ع شهادة الدكتوراه + ممارسة 3 اشهر في المستشفى

#س4 / اكدر احول لكلية لاعلى من خلال هذه الكلية ؟✔️

اي طبعا تكدر تحول اذا طلعت الاول على مرحلة الاولى ومعدلك اقل شي يكون جيد جدا (٨٠) يحقلك تحول الى قسم صيدله💊 او طب الاسنان في نفس الجامعة

تقبل الفرعين احيائي و تطبيقي
.
ماكو بايوتكنولجي اهلي

#الموسوعة_الجامعية
https://t.me/UEAIQ

#صحة_المجتمع....

طبعا تخصص كلش حلووو... وشغله جوكر (طماطة لكل شغلة يعرفون)
تأسس قسم صحة المجتمع سنة 1989 يمنح

القسم موجود بالمعهد الطبي ويمنح #شهادة_الدبلوم_الفني في تقنيات صحة المجتمع ويتم قبول نسبة ال 10% الأوائل من خريجي القسم في كلية التقنيات الطبية والصحية في اختصاص صحة المجتمع #اي موجود بالمعهد معدله ٨٥ فما فوق وبالكلية التقنية معدله ٨٨ صباحي و ٨٢.٧ مسائي فما فوق
الاهلي ماكو

ويهدف القسم إلى تخريج ملاكات تقنية تعمل في حقول (الصحة والسلامة المهنية والتفتيش والرقابة الصحية) والمساعدة في تنفيذ برامج الرعاية الصحية الأولية وحملات التوعية الصحية #ومساعدة_الطبيب_في_الإجراءات_الشخصية_والعلاجية
#يعمل_الخريج في فرق التفتيش والرقابة الصحية والمساعدة في التحري المختبري لعينات من الماء والغذاء لمعرفة مدى مطابقتها للشروط الصحية،

يساهم في تنفيذ برامج الرعاية الصحية الأولية من خلال عمله في السيطرة على مرض الإسهال و الأمراض التنفسية الحادة والتحسن ضد الأمراض السارية والمعدية وتثقيف الأمهات وتشجيعهن على الرضاعة الطبيعية وتقديم النصائح في مجال التغذية

ويعمل الخريج في حقل الصحة والسلامة المهنية ، يعمل الخريج ضمن فرق المسح الصحي وحملات التوعية الصحية.
ويساعد الطبيب في الإجراءات التشخيصية والتمريضية والعلاجية ويقوم بتشغيل الأجهزة والعناية بها والالات المستعملة في التشخيص والعلاج .
ويشارك في المسوحات الخاصة بالأمراض الانتقالية وكيفية السيطرة عليه

#التعيين_مركزي ✔
#الراتــــب 485 لخريج المعهد والكلية 600 وشوية والراتب يزداد بالخدمة✔ #للاحيائي

#الموسوعة_الجامعية
https://t.me/UEAIQ

#الادارة_الصحية

اعداد ملاكات مؤهلة ساندة في الادارة الصحية يتمتعون في كافة المهارات الادارية والإشرافيه ( تخطيط، اشراف ، تحفيز وتوجيه وتقويم ومراقبة ) والتأكيد على ضرورة التنسيق بين الكوادر الصحية والكوادر الساندة في المستشفيات لغرض انجاح انظمة الاحالة وطب الاسرة، وتمكين الخريج على تطبيق نظام مكننة المعلومات وتطوير المهارات في استخدام الحاسبة والانترنت والمحادثة الانكليزية والمصطلحات الطبية للأمراض .
#الهدف
يهدف القسم الى تخرج ملاكات ادارية تقنية مؤهلة للعمل في ادارة القطاع الصحي والعمل في وزارة الصحة والمديريات والمستشفيات التابعة لها.
توصيف عمل الخريج
يمكن ان يوصف عمل الخريج للعمل في المؤسسات الصحية التابعة لوزارة الصحة بما يلي :-
المساهمة في تنفيذ مقومات تطبيق النظم الصحية المعمول بها في مؤسسات وزارة الصحة
يقوم هذا القسم بتخريج ملاكات وسيطة تجمع بين الادارة والمعلومات الطبية التي تعين الطالب على التفاعل مع محيط العمل في الدوائر والمستشفيات التابعة لوزارة الصحة
اعداد وتحرير وطبع الكتب والمذكرات والمراسلات الخاصة بالوحدة الادارية او التنظيمية
القيام بأجرات التعين والنقل والاستقالة والتقاعد واحتساب القدم والعلاوة والترفيع واي نشاطات اخرى تتطلبها وظيفة ادارة الافراد في الدائرة التي سيعمل بها
اعداد السجلات والترميز للمستفيدين من الخدمة الصحية بكافة مستوياتها ( رعاية صحية اولية ثانوية ) وباستخدام التقنيات المتطورة الاخرى .
المساهمة والتنسيق مع المؤسسات الاخرى بما يدعم نظام طب الاسرة ومشروع نظام الاحالة والانظمة الطبية الصحية الاخرى
التنسيق مع الاختصاصات الاخرى في المؤسسات الصحية لتسهيل تنظيم العمليات الادارية والخدمية وتطوير شبل تنظيم المراجعين وسبل تقديم الخدمات التشخيصية والعلاجية والوقائية للمرضى
المساهمة في تنظيم العمليات المحاسبية والمخزنية كالتبويب والترميز ومسك السجلات والبطاقات المخزنية.


#موجود في المعهد الطبي "المنصور "
#معدل القبول 93 تقريباً وموجود الموازي ايضاً
#المسائي 80 او اقل العام
#التعيين مركزي
#للاحيائي فقط
#الاوائل او بعد التعيين يمكنهم التحويل الى كلية الادارة والاقتصاد لغرض الحصول على شهادة البكلوريوس

#الموسوعة_الجامعية
https://t.me/UEAIQ

.
#هندسة_المواد

هو تخصص متداخل يتضمن دراسة خواص المواد وتطبيقاتها للعلوم والهندسة.

تتضمن علوم المواد حقول من الفيزياء التطبيقية والكيمياء، إضافة للهندسة الكيميائية و الهندسة الصناعية والهندسة الميكانيكية، الهندسة المدنية والهندسة الكهربائية. يتركز الاهتمام الإعلامي حاليا على أحد تطورات علوم المواد وهو التقانة النانوية. ما زالت تدريس هذه العلوم بشكل مستقل في العديد من الجامعات موضع بحث.

#وتنقسم_المواد الهندسية_بحسب_طبيعتها_الى
1⃣الفلزات وسبائكها
2⃣الخزفيات
3⃣ البوليمرات

#تقسيم_المواد
ويمكن تقسيم المواد إلى أقسام عدة هي: المعادن، اللدائن، الخزفيات والسيراميك والزجاج. وكل قسم له خواصه الفيزيائية والكيميائية المميزة.

#اعتماد_المادة
تعتمد دراسة علوم المادة بشكل أساسي على معرفة خصائص كل منها تبعا للمعلومات النظريه أو المخبرية ، ويعد هذا المجال من أكثر المجالات الهندسية إرتباطا بالمختبرات العلمية ابتداء من مختبرات الفحص والتقييم إلى مختبرات التصنيع و الأفران الحرارية والمجاهر الإلكترونية عاليه الدقة.

الوظيفة
يستخدم هذا التخصص في كثير من التطبيقات مثلا
في معرفة خواص او خصائص السيراميك والالمنيوم واغلب المعادن الاخرى .وايضا يمكن استخدامه في صناعة حشوة الاسنان.
وايضا معرفة مدى قابلية الاجزاء المجهدة على تحمل الاجهاد المسلط عليها بأجراء بعض الاختبارات مثل الشد والسحب والطرق والتسخين ودراسة تغير خواصها .
ويصنف تخصص هندسة المواد والمعادن من فروع الهندسة الميكانيكية .

#الاختصاص
هذا الاختصاص يهتم بعلم المواد اي دراسة المواد من كل الجوانب وتطويرها كدراسة خصائها والمكونات وكذلك يعمل هذا الاخصاص في تطوير المواد خاصة الكثية الاستعمال مثل المعادن والزجاج والبلاستيك وغيرها للحصول على مواد
عالية الجودة .
#القسم موجود في

#جامعة_المستنصرية
#جامعة_البصرة
#جامعة_الكوفة
#جامعة_القادسية
#جامعة_ديالى
#الجامعة_التكنولوجية
قسم السيراميك ومواد البناء
جامعة_بابل
قسم السيراميك ومواد

معدل الحكومي الصباحي : 81.6 احيائي و 70.9 تطبيقي
المسائي من ٦٣ و فوق

#الموسوعة_الجامعية
https://t.me/UEAIQ

📎 الملف : الحدود الدنيا للدراسة المسائية
📎 للعام الدراسي : 2019-2020
📎 اعداد : وزارة التعليم العالي
.
#الموسوعة_الجامعية
https://t.me/UEAIQ

الفرق بين
#كلية التربية للعلوم الصرفة
#و_كلية التربية للعلوم الإنسانية
#كلية التربية
#و_كلية التربية الاساسية

🔴كلية التربية للعلوم الصرفة
اقسامها كيمياء فيزياء أحياء رياضيات حاسوب
معدل القبول يتراوح ما بين
60 الى 70 للتطبيقي
و من 68 الى 77 للاحيائي
بكلوريوس تربية تصير مدرس


اما🔵 كلية التربية للعلوم الإنسانية
اقسامها عربي انگليزي تاريخ جغرافية ارشاد تربوي . علوم نفسية وتربوية كوردي . تركي
معدل القبول للعلمي من 60 الى 70
والادبي من 62 الى 73 تقريبا
ايضا تتعين بصفة مدرس


#ملاحظة مرات اكو بس كلية التربية
(( مامكتوب وياها لا للعلوم الصرفة ولا للعلوم الانسانية ))
يعني تحتوي على اقسام علمية وانسانية بنفس الوقت

⚫اما كلية التربية الاساسية تتعين بصفة معلم يعني بالمدارس الابتدائية
اقسامها اسلامية. عربي . انكليزي . رياض اطفال . معلم الصفوف الاولى . تاريخ. جغرافية. للعلمي والادبي
بالاضافة لقسمي العلوم والرياضيات للفرع العلمي فقط
المعدل من 59 لل 69 تقريبا

⚠️خريج التربية الأساسية اذا حصل ماجستير يگدر ينقل للملاك الثانوي "يعني يصير مدرس بمتوسطة او اعدادية"


#الكليات ثلاتهن متوفر بيهن الدراسة
#المسائية و #الموازي


#اختيار القسم يكون مفاضلة على المعدل بالنسبة للصباحي
واكو بعض الجامعات يكون اختيار القسم اختياري بالنسبة لطلبة الموازي وذوي الشهداء وذوي التدريسين "طلبة المسائي القسم اختياري"

مدة الدراسة اربع سنوات ومتوفر الماجستير بأغلب الجامعات


‼️التعيين مو مركزي

لكن متوفر تعيين لكون التربية تبقى بحاجة بسبب حركة الملاك"يعني يطلعون تقاعد يخلون جدد بمكانهم"

⚜الراتب

خريج التربية الأساسية ياخذ تقريبا 450 الف

اما التربية (للعلوم الصرفة والإنسانية "تقريبا 500 الف

⚠️الراتب يزداد عندما تضيف زوجية" 150 الف يزيد راتبك والأطفال ع كل طفل 10 الاف

ويبقى يزيد ع الترفيعات كل ما تترقى درجة يزيد


➖➖➖➖➖➖➖
#الموسوعة_الجامعية
https://t.me/UEAIQ

#معهد_التمريض

🔴🔴 طبعا التمريض اخر شي بالمجموعات الطبيه ، معدلات القبول تتراوح بين 85-92 من محافظة لمحافظة وسنه عن سنه تختلف القبولات وايضاً معدلات الذكور تكون اعلى من الاناث ، اكو معهد طبي قسم تمريض بعدين نتكلم عنه و المعهد الطبي العالي ، نفس الشي واقل معدل اله 80 بس الفرق بينه انو معهد التمريض تگدر تكمل كليه تمريض بس معهد الطبي العالي لا متگدر يعني دراسته محدوده.

⚪️⚪️ قبولات العام الدراسي 2023

🔴معهد تمريض صباحي
بصرة / ذكور : 93.5 اناث : 92.1
عمارة / ذكور : 92.4 اناث : 90.7
الموصل / ذكور : 93.5 اناث : 89.7
ناصرية / ذكور : 92.8 اناث : 92
بابل / ذكور : 93.1 اناث : 92.2
الدور / ذكور : 91.1 اناث : 91.1
قادسية / ذكور : 92.8 اناث : 91.4
سماوه / ذكور 92.2 : اناث : 90.8
كركوك / ذكور : 93 اناث : 90.7
باب المعظم / ذكور :93.7
اناث : 90.8
الصويرة / ذكور : 91.7 اناث : 90
بعقوبة / ذكور : 91.5 اناث : 89.7

🔴معهد تمريض مسائي
بصرة : 79.75
موصل : 85
عمارة : 78.4
ناصرية : 86.14
بابل : 82.71
كوفة : 84.29
قادسية : 82.42
سماوه : 79.33
كركوك : 84.57
باب المعظم : 80
الصويرة ذكور : 79.43 اناث : 78
بعقوبة : 81.29

🔴🔴 هو مرحلتين طبعا مده دراسته :

♠️ المرحله الاولى 👈🏻 تاخذ كيمياء + احياء + فسلجه + انگليزي + تشريح + احصاء حياتي + حقوق انسان + اسس التمريض + باطني + حاسبات + رياضه ( هاي طبعـاَ اذا جان مو كورسـات )

♠️ المرحله الثانيه 👈🏻 تدرسون بيها ،
تمريض النسائيه والتوليد 12
تمريض الصحه النفسيه 12
الرعايه الصحيه الاوليه 12
تمريض الاطفال والخدج 12
الدوائيـات 8
تطبيقات الحاسوب 6
مشروع البحث 4
التنميه البشريه 2 + اللغه الانگليزيه 2

🔴 ورا متكمل مرحله اولى بشهر الـ 8 يصير تطبيق بالمستشفى لمده شهر ، يعني تطبيق ورا المرحلتين شهر واحد.

♦️♦️مده الدراسه طبعا سنتين ، والراتب 480 او 500 وبممارسه المهنه يصعد للـ 600

⬅️ تعيينه مركزي طبعاً ، اكو موازي وقسط مليون بعد التخفيض ، ( وماكـــو اهلــي ).

⬅️ العمـل : طوارئ ، نسائيه اطفال ، تگدر تشتغل بأختصاص الاشعه والسونار يعني كل المجالات تگدر تشتغل بيهن ، ورا العمل بالمستشفى تگدر تداوم بصيدليه او مختبرات.


➖➖➖➖➖➖
#الموسوعة_الجامعية
https://t.me/UEAIQ

قبولات اقسام كلية العلوم _جامعة الكوفة
للعام الدراسي 2019_ 2020

التحليلات المرضيه : فقط احيائي
من ٩٦.٤ الى ٨٣.١٤

علوم الحياة : فقط احيائي
من ٨٣ الى ٨٠.٧

الكيمياء احيائي + تطبيقي
الأحيائي من ٨٠.٥ الى ٧٨.٨
التطبيقي من ٩٤.٢ الى ٧٤.٨

الفيزياء : تطبيقي + احيائي
الاحيائي من ٧٨.٧ الى ٧٧.٤
التطبيقي من ٦٩.١ الى ٦٨.٤

البيئة : تطبيقي + احيائي
الاحيائي من ٧٧.٢ الى ٧٦.٤
تطبيقي من ٦٩ الى ٦٧

علم الارض : فقط تطبيقي
من ٧٤.٤ الى ٦٩.٢

#الموسوعة_الجامعية
https://t.me/UEAIQ