#Update

የ12ኛ ክፍል ብሔራዊ ፈተና ውጤት ነገ ይፋ ይደረጋል።

የትምህርት ሚኒስቴር የ12ኛ ክፍል ብሔራዊ ፈተና ውጤት ነገ ይፋ እንደሚደረግ አሳውቋል።

የፈተና ውጤቱን አስመልክቶ ነገ ከቀኑ 10 ሰዓት ጀምሮ መግለጫ ይሰጣል።

#MoE

@tikvahethiopia

" የተፈታኞች የፈተና ውጤት የሚገለጽበትን ጊዜ እና አድራሻዎቹን ነገ የምናሳውቅ ይሆናል " - የትምህርት ምዘናና ፈተናዎች አገልግሎት

ነገ እሁድ ከቀኑ 10:00 ላይ የ2017 ትምህርት ዘመን የ12ኛ ክፍል ብሔራዊ ፈተና ውጤት ትንተና እና አንድምታዎቹን በተመለከተ ማብራሪያ ይሰጣል።

ማብራሪያው መገናኛ ብዙሃን በተገኙበት በትምህርት ሚኒስቴር የስብሰባ አዳራሽ ነው የሚሰጠው።

የትምህርት ምዘናና ፈተናዎች አገልግሎት " በዕለቱ የተፈታኞች የፈተና ውጤት የሚገለጽበትን ጊዜ እና አድራሻዎቹን የምናሳውቅ ይሆናል " ብሏል።

ቲክቫህ ኢትዮጵያ ነገ ከውጤት ጋር በተያያዘ የሚሰጠውን ማብራሪያ ከስፍራው ተከታትሎ ያቀርባል።

በሌላ በኩል ፥ ተማሪዎች እና የተማሪ ወላጆች ከ12ኛ ክፍል ብሔራዊ ፈተና ውጤት ጋር በተያያዘ የተሳሳተ መረጃ ከሚያሰራጩ ማህበራዊ ሚዲያዎች ራሳቸውን እንዲጠብቁ የአገር አቀፍ የትምህርት ምዘናና ፈተናዎች አገልግሎት መልዕክት አስተላልፏል።

የ12ኛ ክፍል ፈተና ውጤት ነገ ይፋ እንደሚደረግ መገለጹን ተከትሎ " ውጤታችሁን በዚህ ሊንክ ግቡና እዩ ፤ ውጤት እየታየ ነው ፤ ውጤት ተለቀቀ ፤ የግል መረጃችሁን ላኩ እኛ እንይላችሁ " የሚሉ የተለያዩ ሀሰተኛ መልዕክቶች በማህበራዊ ትስስር ገጾች እየተዘዋወሩ ይገኛሉ። ተማሪዎች እና የተማሪ ወላጆች ከመሰል ሀሰተኛ መረጃዎች እራሳቸው እንዲጠብቁ ተብሏል።

ቲክቫህ ኢትዮጵያ
አዲስ አበባ
#TikvahEthiopiaFamliyAA

@tikvahethiopia