افضل الأبلكيشنز الي هتحتاجها

1 - Alarmy [ Google Play Link ]
الأبلكيشن هو عبارة عن منبه بس غير اي منبه عادي , فكرتو انك زي بتحل مسألة رياضية او انك تصور المطبخ بتاعك او تعمل Shake لـ الموبايل
مميزات الأبلكيشن المجانية محدودة فا هحطلك الأبلكيشن النسخة البريميم [ Premium Version ]

2 - Foca [ Google Play Link ]
الأبلكيشن بيقدملك بعض الأصوات ممكن تسمعهم يخلوك تركز اكتر , وفي تايمر Stay Focused
ولما بيخلص التايمر بيديك شوية تمارين تحرك جسمك عشان تفضل مركز

3 - MiniReview [ Google Play Link ]
الأبلكيشن هيعرفك اجدد الألعاب الي نازلة السوق والأخبار عنها وأخر الحصريات

4 - Stay Free [ Google Play Link ]
ابلكيشن بيحسبلك يوميا اكثر الأبلكيشنز استهلكت من النت او من البطارية او الذاكرة

5 - Moises [ Google Play Link ]
الأبلكيشن بيفيدك فـ انه تقدر تفصل الموسيقي عن الكلمات او العكس

#Apps

مساء الخير , هتكلم بشكل سريع عن موضوع الألعاب المكركة
طبعا موضوع الألعاب المكركة طويل جدا مهما الواحد تكلم فيه عمره ما هينتهي

ناس كتير بتحمل الألعاب المكركة , في ناس بتفكر بس انها تشتري بي سي عشان تلعب الألعاب المكركة
انك تقدر تلعب اي لعبة انت عايزها بدون ما تدفع المبلغ المادي

بس الألعاب المكركة هترجع عليك بضرر , مفيش اي شئ مجاني بدون مقابل

مع انتشار موضوع تعدين العملات الرقمية والـ بتكوين
بعض العصابات بدأت تستغل موضوع الألعاب المكركة فـ انها تزرع برمجيات لـ التعدين
يعني بمجرد ما تحمل اللعبة وتشغلها علي البي سي كدا البي سي قاعد يعدن
وللأسف مش هتحس بـ اي حاجة ولا عمرك هتقدر تكتشفه
حتي ممكن يكون فيها فيروسات انت متقدرش تكتشفها

ومع استمرار الوضع ده لـ وقت طويل هيقلل من اداء جهازك ومن عمره الإفتراضي

كـ مثال : جربت افحص ملف من الملفات الي عندي ف موقع VirusTotal لقيت فيها Trojan.exe
وجيت افحص نفس الملف ف KasperSky طلعلي ان الملف سليم

ازاي تعرف اذا كان الألعاب الي عندك فيها برامج تعدين او لا ؟
جرب تدخل اي لعبة وانت فاتح النت وشوف الأداء والفريمات
وبعدها افصل النت عن الجهاز وجرب تدخل نفس اللعبة وشوف الأداء نفسه ولا اتغير للأفضل
وتعمل فاحص كامل بـ MalwareBytes

عموما لو الكلام كله ميهمكش وحابب تنزل العاب مكركة
1 - SteamUnlocked
2 - Fitgirl Repacks
3 - Wifi4Games

دول 3 افضل مواقع , لكن برضو التحميل علي مسؤوليتك

#tech_information

هل الـ SSD بيزود فريمات ؟
اه بس لا

لو عملت مقارنة بين الـ SSD و الـ HDD علي بعض الألعاب
كانت الفريمات متساوية تقريبا بس
مع دروبات اكثر لـ الـ HDD فـ اول كام دقيقة

بـ اختصار لما تدخل عالم اللعبة وتكون اللعبة خلصت تحميل
بيكون في بعض الحاجات الناقصة لسه بتتحمل من الدرايف لـ الرام

وبـ حكم ان الـ SSD اسرع من الـ HDD هيقدر انه يعمل العمليات دي من غير ما يأثر علي اللعبة

بس زي ما قولت لأول كام دقيقة لحد ما ينتهي الـ HDD من نقل الملفات لـ الرام
بعدها مش هيكون في فرق فـ الفريمات.

#tech_information

تعمل ايه لو حسيت ان جهازك متهكر ؟ ( PC )

من اول ما تلاحظ حاجة غريبة ف الجهاز زي ان الماوس بيتحرك لوحدو مثلا

1 - هتفصل النت عن الجهاز فـ اسرع وقت

2 - هتجيب اي لاب من عندك او بي سي تاني وتجيب فلاشه وتنزل عليها MalwareBytes

3 - هتثبت البرنامج علي الجهاز المتهكر وهتعمل فحص كامل بيه

برنامج مالوير بايتس بيديك فري تريال 14 يوم
من بعد الـ 14 يوم بييكون مميزاتو المجانية محدودة
تقدر تمسحو وتنزلو تاني وهيديك Free Trial جديد
او كلمني برايفت وهديلك اكونت مدفوع @Youssefxq
#how_to

هتكلم انهارده عن مشكلة شائعة كتير بين الجيمرز
وهي ان استخدام كرت الشاشة بيكون قليل او استخدامو مش بيكون 100%

هوضحلك هنا الموضوع ماشي ازاي وأمتي الموضوع يكون طبيعي وامتي بيدل علي انك عندك مشكلة فـ الجهاز

هقول شوية معلومات جديدة عن عنق الزجاجة او الـ Bottleneck
لإني لاحظت ان بعض الناس فاهمة الموضوع غلط
العنق بين كرت الشاشة والمعالج مش شرط يكون فيه استهلاك المعالج يكون 100%
وطبعا هديلك الحلول الي ممكن تعملها

الوضع المثالي لـ الكرت والمعالج :
الوضع الأمثل لـ الجهاز خلال اللعب ان يكون استخدام الكرت فيه 100% او علي الأقل فوق الـ 90%
وبالنسبة لـ استخدام المعالج علي عكس الكرت , من الضروري ميكونش استعمالو عالي
يعني من المفترض ميطلعش فوق الـ 90%
ودا بسبب ان المعالج بيكون مسؤول عن عمليات تانية كتير ..
كـ مثال : البرامج الي فـ الخلفية , نظام الويندوز إلخ ..

إذا كان المعالج استخدامه عالي هتشوف تقطيع ودروبات فـ الفريمات اثناء اللعب
وطبعا فـ حالة ان اغلب الألعاب الي بتلعبها بيكون استخدام الكرت فيها قليل
فا هنا انت بكل بساطة مش بتستفاد بكل قوة الكرت بتاعك الي انت شاريه
يعني انت فعليا دافع فلوس زيادة فـ كرت قوي ومش بتستغلو بشكل كامل
فا من الضروري جدا انك تشوف الموضوع ده عن طريق استخدامك برنامج MSI Afterburner
عشان تطلع الـ Stats ف اي لعبة بتلعبها

بكل بساطة هتفتح إعدادات البرنامج وهتروح علي اوبشن Monitoring
وهتحدد الأوبشنز الي هتحتاجها زي :
GPU Usage , Memory Usage , Framerate , CPU Usage , Clock Speed
هتختار اي حاجة انت عايزها وهتدوس علي اوبشن Show In On-Screen Display

بعد ما تظبط الإعدادات فـ البرنامج
هتروح تدخل علي كام لعبة من عندك مش بس لعبة واحدة
وشوف استخدام الكرت فيهم , لو كان استخدام الكرت عالي او فوق الـ 90% فا انت كدا وضعك تمام
لو كان استخدامه قليل , خلينا نخش فـ الأسباب والحلول



السبب الأول : انك ممكن تكون مفعل Framerate Limiter او FPS Limiter
وظيفتو انه يعمل ليمت لـ الـ FPS
طبعا اذا كرتك قادر انه يطلع FPS اكتر , كدا معناتها انك مجبر الكرت انه ميشتغلش بكامل قوتو
والشئ دا بيبان بسهولة , هتلاحظ ان الفريمات عندك مش بتطلع فوق رقم معين او ثابتة علي رقم معين

طب ازاي نشيل الليميت ؟
دا بيرجع لـ المكان الي انت عامل منو الليميت
ممكن تكون عاملو من إعدادات الكرت او من برنامج خارجي او من جوا اللعبة نفسها
او مشغل تقنية بتعمل حد لـ الفريمات زي الـ Vertical Sync
او تقنية الـ Radeon Chill لـ كروت AMD
او تقنيات تانية من نفس النوع
وبكل الحالات دي لازم انت الي تطفيه

بس في بعض الأحيان ممكن تكون مش مشغل اي حاجة من الي ذكرتها
ومع ذلك الفريمات معمولها Limit


ودا بينقلنا لـ السبب التاني : وهو الـ Game Engine تبع اللعبة نفسها
في بعض الألعاب المعينة هو بيكون معمولها ليميت لـ الفريمات
وغالبا بيكون علي الـ 60 الفريم ودا حاجة من اللعبة نفسها ومش هتقدر تشيلو من الإعدادات
وفـ الحالة دي من الطبيعي يكون استخدم الكرت قليل
وفـ بعض الحالات اذا اللعبة قديمة بيكون الـ Engine بتاع اللعبة قديم ومش محدث
وفـ الحالة دي المشكلة ف اللعبة نفسها مش فـ جهازك
ودا غالبا بيحصل فـ الألعاب القديمة فقط

طيب ولو اللعبة جديدة ومفيش اي فريم ليميت انت حاطه ولسه استخدام الكرت قليل ؟
فا هنا في بعض الحاجات الي ممكن تجربها من خلال داخل اللعبة نفسها

اولا إذا اللعبة بتدعم عدة Apis
كـ مثال : DirectX 12 , DirectX 11 x Vulkan

فا جرب تبدل بينهم وتشوف المشكلة هتنحل او لا
ودايما بيكون من الأفضل تشوف الإصدار الي عندك فـ الجهاز وتعملو علي اساسو
لو دخلت علي Nvidia Control Panel بعدها الـ System Information
هتلاقي إصدار الـ DirectX مكتوب عندك وبكون دايما الأصدار الأفضل هو 12

طيب لو كل ده منفعش ؟ , كدا هنخش علي السبب التالت والي يعتبر اكثر شيوعا :

مشاكل فـ السوفت وير / Software Problms
وعلي الأغلب بتكون مشكلة فـ الـ Driver بحد ذاته
واحيانا لما بواجه مشكلة زي كدا بحمل برنامج DDU
وبشيل من خلالو الدرايفر من الجزور مش بيترك اي اثر وبيشتغل علي اي كرت
وبرجع احمل اخر درايف لـ الكرت الخاص بيك من موقع الشركة الرسمي
ودي فـ اغلب الأحيان بتحل المشكلة

وفـ بعض الأحيان المشكلة بتكون من الويندوز نفسه
ودي بتتحل انك تشغل الـ Windows Update وتحمل اي ابديت موجود
بس احيانا لو الويندوز فيه مشاكل كتير , ساعات بتحتاج انك تعملو فورمات
في حالات بس نادرة جدا بس إذا حدثت الـ Bios بتاع الماذر بورد ممكن تتحل المشكلة
ودا خليه اخر حل لو كل الحلول الي فوق منفعتش معاك
#tech_information

Part [ 1 ]
ولو كل ده منفعش ؟ , هتخش علي السبب الرابع الي ممكن يكلفك شوية فلوس :

استخدام الرام / Ram Usage
لو كان جهازك مفيهوش مساحة رام كافية لـ اللعبة الي انت فاتحها
فا علي الأغلب هتلاقي استخدام الكرت قليل , وهتلاقي دروبات واضحة ف اللعبة
ودي حاجة سهلة جدا انك تميزها مباشرا بيبان معاك استخدام الرام من برنامج MSI Aferburner
لو لقيت استخدام الرامات 100% , اعمل حسابك انك تشتري حبة رام زيادة
حاليا 16 جيجا بايت رام كافية لـ كل الألعاب

السبب الخامس : عنق الزجاجة / Bottleneck
غلط جدا انك تحدد اذا كان عندك عنق زجاجة او لا من موقع Bottleneck Calculator
لإن اوقات كتير مش بيديلك نتائج صحيحة
موضوع عنق الزجاجة بيرجع علي حسب استخدامك انت لـ جهازك
وخليني اوضحلك الموضوع بـ مثال بسيط

لو عندك كرت RTX 3060 TI مع معالج Ryzen 5 3600
فا علي الكلام الموقع المفروض ميكونش في اي Bottleneck ابدا
حتي لو حطينا RTX 3070 علي كلام الموقع مفيش اي Bottleneck
بس زي ما قولتلك , الموضوع بيرجع علي حسب استخدامك لـ الجهاز

لو بتلعب العاب Story Mode بـ اعلي اعدادات غالبا مش هيكون عندك عنق زجاجة
لكن لو بتلعب العاب باتل رويال او بشكل عام العاب بتضغط علي المعالج
او بتلعب العاب اغلبها علي Low Setting 1080p
فا هيكون في عنق زجاجة اكيد

فا عندك حلين , لو حابب انك تستخدم قوة كارتك بـ الكامل
1 - تعلي إعدادات اللعبة
2 - تشتري معالج اقوي من الي معاك

وأعتقد والله اعلم معلومة مش متاكد منها
الألعاب لسه إلي الأن مش بتستغل الـ Hyper-Threading بشكل كامل
فا دا سبب الي بيكون بيعمل عنق زجاجة.

وفـ الأخر هوضح نقطة اخيرة..
في بعض الألعاب هي مصممة انها متكونش متطلبة علي كرت الشاشة
وبالذات لو بتنزلها لـ الـ Low Settings
زي مثلا لعبة CS:GO او Valorant او PUBG Mobile

بالنهاية هي العاب الجرافيك بتاعها خفيف علي كرت الشاشة بتاعك
صعب جدا العاب زي كدا توصل فيها استخدام الكرت لـ فوق الـ 90%
لإنها بكل بساطة مش بتطلب كل الأداء ده

اتمني اكون جاوبت علي كل الأسئلة الي جات فـ دماغك وأكون حليتلك المشكلة :"
#tech_information

ايه هو افضل برنامج Voicer Changer مجاني لـ البي سي ؟

1 - افتح البراوزر وحمل برنامج VoiceMod

2 - هتثبت البرنامج زي اي برنامج سهل هتضغط علي Next بس وهيتثبت معاك

3 - هتفتح البرنامج وهتسجل فيه وبعدها هيفتح معاك وهيكون جاهز

البرنامج مميزاتو حلوة فشخ لإنه كل يوم بينزلو اصوات مختلفة مش اصوات ثابتة

مش بيعمل منفذ جديد لـ المايك وكدا
بييكون علي نفس المايك

تقدر تعمل Keybind لـ اي صوت انت عايزه


#how_to

* الي عنده افكار او عايز شرح معين برنامج معين الحاجات دي يكتبلي عشان الأفكار خلاص بدأت تخلص مني *