"
"مش إحتمال؟
إنو الظروف الخلتك ، تتوسد الأيام حزن
تصبح سبب في بهجتك
ما إحتمال !
إنو الشدائد والمحن ، كانت طريق لقوتك
ما إحتمال ، فعلا أكيد
العتره عدلت مشيتك" .. 🖤

لسه في خير حيجي ، لسه في ناس گويسين ما قابلناهم ، في حاجات حلوة گتير مستنيانا💛

‏دعوه صباحية🙇🏼‍♀️✨

‏اللهم أكتب لنا أيامًا هينه ، خفيفة لا إحباط يُثقلها ولا خيبة تُعكرها 🤲🏻💕

وصف أحدهم عصرنا بدقة فقال :

كل شيء رائع جداً ولا أحد سعيد 💛

‏الحب مش بيتقاس بكلمه بحبك، او بعشره السنين، بس بيتقاس بـ لما انا كنت فى شده انت كنت فين..!

‏لم يعد الوصل يرمم كسرنا ، بل يرشُ فوق الحطامِ حطامُ. »

#الثالثة_صباحا 🔞
-٣-
بقلم لينا عامر

عليك دوما ان تكون مستعد لاحد مضايقات الرفاق من العالم الاخر لك .
_____________________________
راكان بعد م طلع قعد في حديقه كدا قريبه من الفندق ....اخدت وقت لحد ما ضربت ليه ..... اول م فتح الخط جاهو صوتها وهي بتسأل : mr. R where are you ? م شايفاك ؟
_ I thought the fashion show was over so I went out
_ اهاا ... طيب تعال لي جوه منتظراك .
_ جوه وين بالضبط ؟
وصفت ليهو وهو قام مشا ليها ....
دخل بي حذر للمكان الكان فيه كميه من العلاقات المتحركه بتاعت الهدوم ومعلقه فيها الفساتين ... ومرايات مبروزه بي اضاءات صغيره وقدامها ادوات التجميل والمكياجات .... والجزم مرصرصه ف الارضيه .
والعارضات كانو واقفين مع بعض وبيتكلمو .
قبل وراهو لمن سمع صوتها : R
قالتها ليهو بشقاوه كأنها عايزه تخلعو 😂.
ختت يدها ف رقبتها وهي بتمشي بي نفس الطريقه الكانت ماشا بيها ف العرض : اها كنت كيف بالله 😌؟
عاين ليها لثواني قبل م يقعد ف الكرسي الجمبو وهو بيمد شفتو السفلي وبيهز يدو : يعنييييي نص نص
قعدت في الكرسي حق المكياج وهي بتطلع الرموش المستعاره : كيف يعني نص نص 😳..... راضي قال لي اني كنت اجمل واحده واكيد باقي الرجال حاسدنو علي😌.
ضحكت وهي بتقبل على المرايه عشان تنضف وشها من المكياج : I love my great man, he always motivates me
خلف رجلو وهو بيدخل يدينو في جيب الجكت : great man وديوث .
_ وشنو ؟ 😳
_ ديوث م عارفه معناها ؟
_mmmmmm no 😅
_ من الطبيعي لاي راجل انو م بيحب الحاجه بتاعتو تكون متاحه للكل ... يعني اختو ، بنتو ، حبيبتو ، زوجتو ، حتى صحبتو .
_ قصدك يغير علي ؟
_ ايوه
_ لااا انا وهو متفاهمين ف النقطه دي فعادي يعني .
_ It seems that Radi did not pay attention to the looks that went to your leg
سكتت لمسافه .... رجعت شعرها لورا ومسكتو بي مشبك واتعدلت في قعدتها : دا شي هنا عادي جدا يعني ما غريب .
_ م فهمتك
_ The men here are used to exposed clothes
_ Men's thinking is similar ... انا متأكد انو بعضهم فكروا فيكي بخبث وانتي ماره .... بينما زوجك المستقبلي بيصفق ... لا وكمان بقول انو متأكد انو حسدوه عليكي 😂.
شاتتو في رجلو بغيظ : بس هو بحبني يا شرقي ( احساس شتميه وكدا ).
نفض محل الشوته : انا م قلت انو م بيحبك .... بس م بيغير عليك .
_ اشفقت على زوجتك المستقبليه .... ممكن تقيف ف طريق نجاحها كدا .
_ عشان تكون ناجحه م الا غيري يشوف ادق تفاصيها .
_ طيب ممكن تكون مودل زيي برضو حتمنعها .
_ My wife is just for me...only me
عضت ضفرها وقالت ليه : Well, Mr. Jealous, get out of here ....I want to change my clothes
وقف على حيلو : اوكي .... see you later
_ دقيقه
_ نعم !
_ طلع الجكت حقك دا لانو عجبني .
_ وااااااو الموديل ومصممة الازياء عجبها جكتي
_ ايوه 😌... حبيتو بعدين انيق
ختا يدو في صدرو : دي اشاده اعتز بيها 😂
_ اعتز بيها بعدين هسه اديني ليو ☹.
ابتسم وهو بدنقر راسو وبطلعو : اوكي.
ختاه ليها ف الكرسي وشال لابتوبو وطلع . ( يا اخوانا دي شنو الكياته واللطافه دي 😭💔)
راكان رجع بيتو ولمن جا المساء ضربت ليه وطلبت منو يطلع يتمشى معاها بالعجلات 🚲🚲.
اعتذر ليها لانو كان ماشي المستشفى .... ووراها كمان انو جدولو تاني حيكون مليان شديد وم حيكون متفرغ زي الايام الاولى .
وفعلا بقو م بتلاقو كتير زي الايام الاولى وبقو بيرسلو لبعض ف الواتسب بس .
ومرت الايام يوم ورا يوم لحدي م زواج مها وراضي جا .
وهي بالذات اختارت اليوم البكون فيها راكان فاضي.... عشان م يتحجج ليها بشي .... انو بيقرا او ف الجامعه او المستشفى .
مراسم الزواج كانت صباحيه .
مها كانت مع وصيفاتها وامها الجات تحضر زواجها ف غرفة ف الفندق الحيعملو فيه الزفاف.
راكان كان متأنق بي بدله سوداء ..... كانت ظابطه ظبطه مع جسمو 😍👌..... طولو وعضلاتو والهيبه والوقار الفيه .... واهم شي كان الوحيد البتحس بي ملامحو مقعععععععععده كدا ومظبوطه ومرتبه خصوصا انو كان هو بس العندو دقن وشنب الباقيين حالقنها كلها 😂💔.
كان قاعد ف كرسيه لمن جات واحده من الوصيفات وورتو انو العروس طلبت منو يجي .
قام ومشا معاها لحدي م دخلتو الغرفه .
ابا يدخل لي جوه فضل واقف جمب الباب .... خصوصا انو سامع صوت البنات وهم بيتكلمو .
شويه كدا هي جات طالعه ..... كانت خيااااااال 🔥🔥🔥.
لابسه فستان درجتو بين الابيض والاوف وايت ... على جسمها .... منطقة الضهر واليدين من قماش التل المرصع بي كريستالات مدياهو منظر خرافي .... شعرها مرفوع كعكه بنعومه ومعاه طرحه من التل برضو نازله لحدي الارض .....مكياج عيونها هاااااادئ ..... وعامله روج احمر مع لونها الخمري الصافي وعيونها الزرقاء كان نااااااار 🔥🔥🔥🔥.
مشا يدو في دقنو وهو بعاين ليها وبيضحك بي صدمه واعجاب من منظرها .
لفت حوالين نفسها وهي بتسألو : طلعت كيف ؟
_ مشاء الل

ه تبارك الرحمن .... الليلة راضي بالجد حيتحسد فيكي 😂💜.
ضحكت ومشت بي سرعه جوه .... وتاني جات طالعه وهي ماسكه مره شابه من يدها كانت فيها ملامح كتيره منها لكن لونها ابيض شديد ومحجبه حجاب اسلامي : ماما دا ار الحكيت ليك بيه
امها سلمت عليهو وهي بتقول : مها حكت لي عنك كتير جدا ... واخيرا شفتك ... فرصه سعيده .
سلم عليها بجنتله كدا وهو بقول ليها ؛ انا اسعد والله .
مها : ار .... انت الحتسلمني لي راضي تحت .
_ انا ؟
_ اي .... كان نفسي يكون عندي اخ كبير او بابا يكون حي عشان يكونو معاي ف اللحظه دي 💔.... لكن ربنا م حب اني اعيش اللحظه دي معاهم وبالمقابل جيت انت... فحتنزل معاي صح ؟
_ اكيد .... اكيد حنزل معاك هو انا لاقي انزل مع القمر دا 💜.
مسكتو من يدو وهي مبتسمه بامتنان : Thanke you 💜
جات نغمة الرسايل في تلفونها .... وبي سرعه فتحت الرساله وهي مبتسمه .... وشويه ابتسامتها قلت تدريجيا ووشها لونو اختفى وبقا شاحب وعيونها جحظت والتلفون وقع من يدها .
_ خالو راكان ؟.............
راكان رجع لي واقعو بي ولد اختو البيدق في الباب وبينده عليه
لبس هدومو بسرعه وقام فتح الباب : نعم ؟
_ ماما قالت ليك تخت ليك الغداء ؟
_ لا.... م جعان هسه... احتمال لي بعدين .... عايز انوم بس .... م تزعجوني ... طيب ؟
_ طيب
وقام جاري .... راكان قفل الباب ورجع سريرو .
اخد وقت قبل م يغط في نوم عميق
_________________________
صباح اليوم التالي :
مها وحازم كانو بيراجعو قبل م يدخلو ع الكويز حقهم .
مها وهي بتخت يدها ورا رقبتها بالم : يا اخوانا
حازم وهو مركز ف الشيت : خير ؟
_ تراني حزينه
_جعانه ؟
_اسألني تاني
_جعانه ؟
_ عارف يا حازم انا بحبك لي؟ عشان انت دايما بتفهمني .
حازم بي استهبال : ياخ انا 😌.
رنيم جاتهم : صباح الخير
ردو عليها : صباح النور .
_ بالمناسبه الكويز حيبدا الساعه ١١ .... ومحاضرة دكتور راكان فاضل عليها ٣ دقايق بس
حازم : راكان دا فقري ياخ ... لو اتأخرت ولا بدخلك وجنو طرد واحراج الجامعه كلها بتتكلم بيه 😐.
رنيم بانبراش : لكن يا اخوانا وشو دا بشفع ليه تصرفاتو دي والله 😍
حازم وهو بعاين للساعه : يا بت هوي اتلمي .....انا داخل مع السلامه
مها : جايين معاك .
لي حسن حظهم انو وصلو قبليه بشوييييه ....وهو اول م دخل قفل الباب طوالي وراه احساااس ماف زول تاني يدخل بعديني .
طبعا مها قعدت وراااااا عشان م يشوفها او يلاحظ ليها .
وقف لي ثواني وهو بعاين ليهم قبل م يفتح البروجكتر ويبدا يشرح .
الطلبه كانو كللللهم صانين ومركزين معاهو .... كان اسلوبو ف الشرح وطريقة كلامو بتجبر الكل ينتبه معاهو .
الا بتنا العزيزه مها 😂....
فتحت شنطتها وطلعت منها السندوتش العملتو ليها سحر مع اولادها 💜✨..... وطبعا المكان مضلم .... قرمت منو وركبت سماعتها ودنقرت بالتلفون بعد م فتحت ريڤيو فيلم كوميدي نازل جديد.... كانت بايعه القضيه زي م يقولو من م قاليها م حنجحك دي .
المهم زولتنا تكوضم ساي وتتكشم بي تحت تحت 😂.....
رنيم القاعده جمبها ضربتها ف رجلها كم مره
مها بهمس : يا زفته ياخ م تضربي 😑
لحدي م بعد شويه حست انو الناس دي صانه اكتر من اللازم .... وشمت ريحة عطر قوي جمبها .... ختت تلفونها وهي ماليه جضمها بي جمبة واحده زي السنجاب الداسي ليه بندقه ف جضومو 😁.... عاينت بعيونا بس 🌝بدون م تلف راسها على يمينها وبس لقتو ليك واقف ومكتف يدينو .
بالريموت الصغير الفي يدو قفل البروجكتر .... وبي يدو التانيه شال تلفونها وعاين للشاشه وشاف الريڤيو الشغال .
علا صوتو وهو بقول : خالد لو سمحت افتح الانوار
طوالي ف طالب قاعد قدام قام فتح الانوار ..... طبعا الناس دي كللللها بقت مقبله وراها وبتعاين لي مها ( عاد يا مها م انسترتي نهاااائي 😂)
عاين ليها ف وشها ورجع يعاين للتلفون لكن رجع بي بصرو بسرعه ليها وهو بقول : انتي تاني ؟
ابتسم بي سخريه لمن شاف السندوتش الفي يدها : كمان بتاكلي ؟
ربع يدينو وهو بعاين ليها بنظرات قويه خلتها تدنقر بي احراج : يعني منتهى الاستهتار وعدم الاحترام .... انتي قايله نفسك وين ؟ واصلا محاضرتي م مفروض تدخليها لاني وزي م قلت ليك م حتنجحي .... اتفضلي شيلي حاجاتك وبره بي بسرعه .
جدع ليها تلفونها باستحقار وهو بأشر ليها بيدو على الباب .
طبعا الغصه وقفت ليها ف حلقها وعيونها اتملت دموع واللقمه لسا ف جضمها م بلعتها 😭.
_ سريع م تعطلينا اتفضلي
لملمت حاجاتها وطلعت .
مشت قعدت بره واتفقعت بالبكاء 😭😭😭😭..... زعلت زعل ودعت عليه جنس دعاء م خلت ليه شي .
بعد م المحاضره خلصت حازم ورنيم جوها .
رنيم : يعني يا مها انا شغاله اضرب فيك وانبهك وانتي م عايزه تنتبهي لي .
_ ياخ م كنت قايلاك عايزه تنبهيني
حازم : لكن انتي بتبالغي يعني اكل وبتحضري ف التلفون وف محاضرة دكتور راكان ؟ م نصيحه انتي ؟
نزلت راسها : والله لو قايلاه حيقبضني م كان عملت كدا .
_ كان ف امل انو بعد حركتك حقت المره الفاتت ديك ي

سامحك لكن بعد دا ماف لا امل لا يحزنون .
ابتسمت وهي بتقيف على حيلها بمكابره وادعاء عدم اهتمام: عادي دي م نهاية العالم بي جازو .
رنيم : بالمناسبه لغو الكويز للاسبوع الجاي
مها وهي بترفع يدينها : ياما انت كريم يارب .... انا ارجع البيت كدا واجيب حاجاتي عشان امشي الداخليه
حازم : لقيتي ليك داخليه ؟
_ اي
_ مبروك
_الله يبارك فيك .
رنيم : ارح وصلينا بعربيتك
_ انا م قادره اسوق المسافه دي كلها ....حازم سوق لي انت
طلعت المفتاح ومدتو ليه
حازم : معليش يا شابه يا جميله انا عندي مستشفى وحمشي هسه طوالي
_ خلاص غور
_ مع السلامه
_ الله يسلمك
حازم طلع من الجامعه ... وجوز اللوز مشو العربيه .
مها وهي بتستعدل عشان تطلع : هسه يا رنيم انا غلطانه شديد ؟
_ لي درجة قف تأمل والله قلبك بقا ميت شديد
_ ياخ والله م بكون قصدي اوقع نفسي ف البلاوي دي انا انسانه متهوره 💔.
_ تهورك دا م تخليه شماعه لي تصرفاتك المامسؤوله يا مها ... هسه شوفي خربتي على نفسك كيف .
_ اقول ليك شي
_اها
_ يو ار ذا بي كوظ
_ايام ذا شنو ؟ 😳
_ ذا بي كووووظ يعني انتي السبب
_ يعني انا هسه بقيت السبب ف بلاويك دي
_ يص
_ طيب داونلود مي هير سرييييع ( الاصحاب التافهين ديل رزق يا اخوانا)
_ اجي دا شنو كمان 😳؟
_ اترجمها ليك ؟ يعني نزليني هنا
_ لي لي م تخليني اوصلك البيت .
_ لا لا عايزه انزل هنا جمب الظلط وبمشي برجولي
_ قلتي تمشي عشان تنزلي ليك كم كيلو كدا 🌝؟
_ اي 🌝💔
_ خلاص اتفكفكي سريع .
_ اسمعيني ....عندك مستشفى الليله ؟
_ اي بعد العصر كدا بمشي .
_ خلاص تمام نتلاقى بكره
_ اوكي سلام
مها تابعت طريقها لحدي م وصلت شقة اخوها .... الهدوء كان طاغي ع المكان خصوصا انه الشقه فااااضيه .... احمد وسحر ف شغلهم والاولاد ف المدرسه .
قفلت الباب حق الشقه ودخلت الاوضه حقتها وبدت تلملم ف باقي حاجاتها وتجهزها ف الشنط .
فجأة حست بي الشعور الحست بيه المره الفاتت ..... خوف هادئ بيسري ف اوصالها بسبب الاحساس القوي حق انو ف شي بعاين ليها .... اتلفتت حولينها بتوتر ... لمت حاجاتها كلها بسرعه وشالت شنطه ف ضهرها وواحده ف كتفها والاخيرة جاراها ف الارضيه .
وقفت لمن سمعت صوت كركبه ف المطبخ .
لي ثواني حست نفسها اتجمدت .... استجمعت شجاعتها و علت صوتها وهي بتقول : سحر ؟ انتي جيتي ؟
م جاتها اجابه .
بلعت ريقها ومسكت شنطتها قوي واتحركت على الباب فتحتو بسرعه ..... حست بي سعاده لمن شافت ولد جارتهم ف الشقه التانيه واقف قدام الاصانصير .
نادتو بصوت عال : عمر
قبل عليها .... اول م شافها ابتسم : ازيك يا دكتوره مها .
_ الحمدلله بخير وكيفك انت
_ ميه ميه والله ماشي الحال .
_ ممكن لو سمحت تساعدني انزل شنطي دي تحت ؟
_ دا سؤال ياخ ؟
شال الشنطة الخاتاها ف كتفها والشنطه الجاراها .... وهي قفلت باب الشقه بسرعه ومشت وراهو .
( طبعا من الحاجات الكلنا بننساها وم بنركز معاها ادعية الدخول والخروج من المنزل .... اقل شي وانت داخل بيتك قول بسم الله .... وانت طالع قول بسم الله ولا حول ولا قوة الا بالله توكلنا على الله )
بعد م نزلت تحت شكرتو وهو شال الحاجات ركبها ليها ف الضهريه .... بعد كدا هي ركبت ورسلت مسج لي احمد وسحر : انا جيت شلت حاجاتي وماشا ع الداخليه .
وصلت الداخليه ... الكانت قريبه من جامعتها ومن المستشفى العندها فيها شفتات .
شالت شنطها وحاجاتها ومشت لي واحده من المشرفات الادتها المفتاح حقها .... وبعدها طلعت فوق .
قعدت طوالي رتبت هدومها وكتبها ومكياجاتها وحاجاتها كلها .... وختت ساعه ف الكومودينه الجمب السرير ....
اخدت حكاية ساعة ونص حتن انتهت .... شالت ليها بجامه عشان تمشي تاخد ليها دش .
طلعت لواحده من البنات البره وسألتها من الحمام ... وصفتو ليها .
كان نضيف ومرتب .... في مغاسل رخاميه كبيره وفيها مرايات .... وبعدين الغرف حقت الدش .... حكاية ٦ غرف .
دخلت اخدت ليها دش بي سرعه وجات طالعه دخلت اوضتها سرحت شعرها ضفيريتن .... لبست سماعتها وطلعت ليها كيس شيبس وبقت بتاكل .
رفعت رجولها ف الحيطه وحاولت تاخد ليها غمده قبل م تقوم عشان تمشي المستشفى .
بقت بتغمض ف عيونها وتفتح خلاص النوم عايز يداهمها .
شويه حست بي خدر في رجلها .... وماشي بسرعه لي كل جسمها ..... حاولت تقوم لكن م قدرت كانها مشلوله .
كانت مفتحه عيونها لكن م قادره تتحرك قدر م حاولت م قدرت .... والسماعه كانت لسا ف اضانها وصوت الاغاني مزعج شديد بقا ليها .
عيونها بقت بتتحرك بخوف حواليها .
( الحاله دي اسمها الجاثوم .... او شلل النوم ..... مهما عملت م بتقدر تتحرك زي المشلول طبعا هي شي طبيعي وبيحصل لي بعض الناس ....بياخد بالكتير دقيقه وبزح وفي ناس قابل عندهم انو يوصل للخمسه دقايق وبشوفو فيه هلوسات... بتحاول انك تتحرك لكن م بتقدر نهائيا مخك بكون صاحي لكن جسمك لسا م استجاب .... انا واحده من الناس بعاني منو من طفولتي ) .
كانت دي اول مره ليها ف حياتها يجيها الشي دا ..... ضر

بات قلبها زادت وحست بي خوف اثناء م هي راقده زي المشلوله والموسيقى الصاخبه شويه وتقد اضانها ..... فجأة جا مقطع قرآني قصير .... من المقاطع البرسلوها يوم الجمعه .... اعصابها ارتخت وبسرعه لقت نفسها قعدت .... شالت انفاسها وهي بتحرك ف يدها عشان تطرد الخدر اللسا فيهم دا خوفا من انها تجيها الحاله دي تاني .
عاينت للساعه لقتها يادوب واحده ضهر .... قامت لبست ليها قميص وبنطلون ومسكت شعرها ضنب حصان ولفحت ليها طرحه وخمت لابكوتها وفتحت باب الاوضه .... اول م فتحتو لقت ليها بت واقفه جمب الباب .... مها اتخلعت وشهقت بصوت عالي .
البت بي ابتسامه خجوله : معليش خلعتك ؟
_ شديد والله 💔
_ اسفه
_ لا عادي م مشكله .
_ صحباتي قالو ف بت جديده جات اوضتنا طبعا دي كانت اوضتنا احنا
_ اهاااا معليش شلتها منكم 😁
_ لا لا ولا يهمك ..... المهم قلت اجي اسلم عليك .
_ يا مرحب ... انا مها
_ وانا منال
_ فرصه سعيده .... حشوفك تاني ؟
_ انا اصلا ساكنه هنا ... حتشوفيني كتير
_ ان شاء الله ... يلا عن اذنك انا مستعجله
_اتفضلي
طلعت بره بسرعه ومشت ركبت عربيتها واتوجهت ناحية كافيه.... اول م وصلت مشت قعدت و طلبت قهوه وختت شيتاتها وبقت بتقرا ....
كان كل شويه بخترق ذاكرتها الاحساس البتحس بيه ف شقة اخوها .... والشلل المفاجئ الاصابها .
استغفرت وهي بتحاول تركز .... قبل م يضرب ليها حازم .... ردت عليه بصوت شويه متغير : حازم حازم
_ مهويه مهويه ( بسيوني بسيوني 🌚🔥) .... مالك صوتك دا متغير كدا ؟
_ بري لا متغير ولا شي بس نعسانه شويه
_ طيب نومي
_انوم كيف ياخ قرايتي كتيره شديد
_ انتي وين هسه ؟
_ في كافيه ال ...... قلت اشرب لي قهوه عشان اصحصح وبالتالي اقرا كويس
_قهوة وكافيه ؟
_ اي مالك ؟
_اول شي اسمها جبنه يا بنت الطبقه البرجوازيه القذره ... بعدين كافيه شنو وقلة ادب شنو خالتو التومه بتظبط جبنه من الموت .
_ مممممم .... لا دي اشربها انت براك
_ انتي جايا المستشفى ؟
_ اي ساعه كدا واجي ان شاء الله
_ تمام .... سلام
_ كلام 😆
_ نعم ؟
_ م هو تمام وسلام قلت اكملها ليك بي كلام 😁
_ مها
_اها
_ اقطعي وشك
_ طيب 😅💔
قفل الخط منها وهي فضلت قاعده لحدي م جا وقتها قامت واتحركت على المستشفى .
لبست لابكوتها بسرعه وهي داخله على الطاورئ عشان تلاقي حازم .
لقت الدكاتره والممرضين يتجارو ويطاقشو .
لقتو واقف .... لكزتو في كتفو وهي بتقول ليه : ف شنو ؟
قال ليها بتأثر : مره عجوز مضروبه ف راسها بآله حاده وراسها اتفتح
_ لا اله الا الله .
مشو الاتنين ناحيتها وشافوها ..... المنظر كان مؤلم شديد ... واحد من الدكاتره الواقفين غطا وشها بقطعه وهو بقول : الحاله باصت .... نزفت شديد قبل م يجيبوها .
حازم وهو بجرها لي بعيد : م وريتك
_ اها ؟
_ دكتور راكان شغال هنا
_ وووووووب 😑..... كان شافني بقول ليهم اطردوها
حازم وهو بحاكي في طريقة كلامو : انتي الدكتوره المستهتره ؟ شيلي حاجاتك واتفضلي بررره .
_ م تتفاول لي ابوس يدك .
_طرداتك صراحة تستحق التوثيق ... وتترسل في الواتسب 😂
_ الواتسب لي ؟ احنا ناس اليوتيوب طوالي ... والناقصه تتم 🙂.
حازم بضحكه : غايتو انتي 😂
المهم قضو وقتهم ف المستشفى ورجعو بيوتهم بعد صلاة العشاء .
مها دخلت اوضتها ورتبت هدومها حقت بكره وطوالي طفت النور ونامت .
الساعه : 3 ص
*صوت غنيه .... بطريقه مميزه اشبه بالطريقه البتتقال بيها الترانيم ف الكنيسه .... بلغه عالميه لكن هي م قدرت تميزها ..... اختلطت بصوت نيران ..... اصوات نيران واضحه جدا ..... المكان بدا يسخن .... حر ..... حر شديد ..... صوت همهات وبكاء ..... وفجأة صوت صريخ ..... صريخ عالي مرعب ...... النااااااااااااار ...... ويزداد صوت الصريخ ..... وتاني صوت آهات ..... آهاات ضعيفه متألمه ومتعذبه ..... الضباب حاجب الرؤيه ..... علا صوت الصريخ تاااااني .... صريخ عالي لي اشخاص مرعوبين ..... النااار .... الناااااار ........ النااااااااااااااااااار ..... صريخ لدرجة الاصوات راحت ..... وفجأة صوت ضحكات طفل صغير بطريقه هستيريه .
صحت من النوم وانفاسها قايمه كانها كانت في سباق .... جسمها بيتصبب عرق من راسها لي رجولها .
اعصابها اتشدت وجسمها برد لمن شافت على ركن الحيطه حاجه زي الزول الواقف لكن كأنو متكون من الدخان .... عيونو بتلمع زي عيون الكدايس ف الظلام .
لي ثواني حست انو اصعب شي في الدنيا انك بس تشيل انفاسك .
بيد مرتجفه وبسرعه فتحت النور ..... كانت الاوضه فااااضيه وماف اي شي .
قعدت ف السرير وانكمشت على نفسها بخوف .
خلت النور فاتح وفضلت قاعده كدا لححححححد م اصحبت .
لمن الفجر اذن حست بشوية اطمئنان ..... حست بحركة البنات القامو عشان يتوضو .... طوالي طلعت ....
قبلت وراها لمن في بت ندهت عليها : يا بت
_ نعم ؟
_ انتي كويسه ؟
هزت راسها بمعنى اي
_ طيب لي وشك مصفر كدا وبترجفي .
_ ب ...بردانه .
_ اهاااا .... انتي البت الجديده صح ؟
_ اي

_ انا فاطمة .... جارتك ف الغرفه دي .... لو احتجتي اي شي انا موجوده .
_ تسلمي
مشت اتوضت ورجعت الاوضه ....
صلت ورجعت قعدت في سريرها .
نهائيا م نامت لحدي م جا وقت الجامعه .... مشت الحمام استحمت بي سرعه وجات لبست هدومها واتحركت على جامعتها .
اول م وصلت مشت الكافتريا .... لقت حازم قااااعد .... استغرب انها م جات جاطت واتعاورت ليه زي كل مره .... صبح عليها ردت ليه وطوالي قعدت ف كرسي واتكلت براسها في التربيزه ونامت .
رنيم جات وسلمت ع حازم وعاينت ليها : دي مالا ؟
_ م عارف والله نايمه من قبيل .
_ تكون ساهرت الكلبه .
_ احتمال
_ تعال معاي المكتبه عايزه استعير مراجع .
_ كويس ذكرتيني عشان انا برضو عايز
قام معاها ومشو .
بعد مسافه مها صحت .... ووشها كلو شخوط شخوط من النوم ويدها منمله لانها كانت متكله عليها .
اتمغت وبقت بتتلفت حوالينها .... مسحت عيونها ولبست شنطتها .... طلعت من الكافتريا ..... شافت حازم و رنيم بيتكلمو ودخلو المشرحه .... ندهت عليهم لكن م سمعوها .
مشت على اتجاهم ودخلت .... حكت انفها من ريحة الفورملين القويه ..... خشت لي جوه وهي بتتلفت فجأة سمعت صوت حاجه قويه بتخبط ... قبلت وراها ..... لقت الباب اتقفل .... احتارت ومشت عليه بسرعه وهي بتحاول تفتحو .
سمعت ليها دندنه .... قبلت وراها براااااحه.
شنطتها وقعت منها وبقت واقفه بي صدمه لمن شافت المنظر القدامها ..... كانت العجوز الامبارح ف المستشفى ..... قاعده في التربيزه حقت التشريح .......... لابسه قميص مليان دم .... شعرها ابيض طويل وخفيف ومن قدام ملطخ ببقع دم ...... كانت شايله مشط وبتسرح في شعرها بهدوء اثناء م هي بتدندن .
مها جسمها كلو بقا باااااااارد.... وعيونها قربت تطلع من مكانها .
المره قبلت عليها وبقت بتعاين ليها بنظرات حاده وهي لسا بتسرح وبتدندن .
نزلت من التربيزه الكانت فيها وبقت جايه على مها .... كانت بتعرج والدم بيتطاير منها .... لانها كانت بتعرج بي قوه .
مها لسانها اتربط وبقت فاتحه خشمها بس .... والدموع ملت عيونها .
شويه المره بقت واقفه قدامها .... جدعت المشط بي قوه .... ودخلت يدها جوه راسها المشقوق .... طلعت يدها المليانه دم وهي شايله جزء من مقدمة مخها ومدتها لي مها .
هنا مها يادوب صوتها رجع ليها ..... صرخت صرخه مرعوبه وقعدت ف الارض وهي مغطيه عيونها .
باب المشرحه اتفتح وجو داخلين ٣ دكاتره وعاملين .
دخلو  بسرعه لمن سمعو صوت الصريخ .
دكتور راكان الكان تبع الحاضرين ..... قال لي حارس المشرحه بصوت عالي : مش نبهناك ماف طالب يدخل لاننا جايبين جثه جديده ؟
الحارس بي استغراب وتوتر : والله العظيم م خليت زول يدخل دي خشت كيف م عارف .
واحد من الدكاتره قعد جمبها وختا يدو ف كتفها : يا دكتوره ف شنو ؟
كانت لسا بتصرخ وبصوت عالي بطريقه حيرتهم كلهم وبقو بسمو في الله .
دكتور راكان عرفها دي الطالبه البطردها كل مره... قعد جمبها وقال ليها : يا دكتوره ؟ يا دكتوره اهدي في شنو ؟
بقا جسمها كلو بيتهز وبتبكي وتصرخ اكتر وهي خاتا يدينها ف اضانها ..... بي صوتها الطلبه كلهم اتلمو بره .
دكتور راكان شال انفاسو قبل م يضربها كف وهو بقول ليها بنبره قاسيه  : اهدي
الكف خلاها تفوق من صدمتها ..... دموعها كانت نازله وهي بتتلفت حواليها : هنا ...... كانت هنا .
_ منو ؟
_ المره العجوز الماتت امبارح .... قطعت مخها .
طبعا المكان كان نضييييييف وم فيه اي شي ...... بقو بعاينو ليها بنظرات كأنو بقولو ليها انتي مجنونه .... م عدا راكان القومها .
كانت بتبكي وهي بتقول ليه : صدقني انا م كذابه كانت هنا والله .
_ انتي دخلك المشرحه شنو ؟
_ اصحابي دخلو وجيت وراهم .... وبعدين .... وبعدين الباب اتقفل وهي كانت مغطيه وقامت .... قامت وبقت بتسرح ف شعرها وبعدين جاتني وقطعت مخها والله العظيم .
قالت جملتها الاخيره وحيلها مات وفقدت وعيها بين يدين دكتور راكان .

ـ

‏الله شافَك، من وهم ميّل كِتافك" 💕

ـ

أنا أخشى غضبي , ولهذا تراني
لطيفاً ومسالماً إلى هذا الحد.

السلام وعلیکم شباب😇
جيناكم بعمل خير جديد في الايام العظيمة دي🙃🌸
عندنا خاله وضعها تعبان جداا عندها 7 بنات صغار💔 ..وراجلها واقف عن العمل
محتاجیین مصاریف یمشو بیها حالهم ومعیشتهم لحد م الازمه دی تعدی ..
اذا فی زول ممکن یساعدهم یتواصل معای ..او لو عایز تطلع فطره رمضان لزول من اهلک او لیک انت زاتک ممکن تطلعها لیهم ..💚
الناس تحاول تجتهد وتساهم ولو بالشير
رب الأسرة مريض سكري ونسبة لتجرحات ف الرجل بقى م قادر ع الشغل الاصلنا كان يوميات
الام مريضة بالكلى وعندهم أزمة حتى المبلغ الاتجمع تم به شراء الأدوية ف الناس تجتهد معانا عشان تصلهم حاجة قبل العيد دا ونغتنم أجر العشر الأواخر وكان الله ف عون العبد م كان العبد ف عون أخيه ❤️
العندو كفارة صائم ممكن برضو يساهم بيها ليهو ❤️
وجزاکم الله خیر
الارقام دي للتحويل وللتواصل للمساعدة
🍃🍃🍃
0118500488
0960341899
إحدى حالات داوو مرضاكم بالصدقة شندي
الأسرة تسكن بولاية النيل الابيض ❤️

#الثالثة_صباحا
-٤-

هل تخاف ؟
عزيزي القارئ اذا كانت اجابتك نعم انصحك بعدم المتابعه فأحدهم يتغذى على خوفك .... له رائحه مميزه شهيه بالنسبه له كرائحة الدجاج المشوي بالنسبة لك .
يجعله اقوى واقوى ويجعلك فريسة سهلة المنال .
لذلك ارمي خوفك وراء ظهرك واستبدله ببعض الشجاعه فلا مكان في هذا العالم الا للشجعان .
__________________________________
فتحت عيونها بهدوء على وجوه اصحابها وزملائها المتلميين حوالينها بقلق شديد .
عاينت لليد الماسكه يدها بقوه ..... كانت يد رنيم : مها ؟ انتي كويسه ؟ ولا نمشي المستشفى .
غمضت عيونها لمسافه وشالت انفاسها وهي بتقول ليها : قوموني .
ساندوها ووقفت .
حازم : مالك ف شنو حصل ليك شنو ؟
_ طلعوني من هنا .... م عايزه اقعد هنا .
_ اضرب لي احمد ؟
_ لا لا .... ودوني الداخليه .
ركبوها العربيه واتحركو بيها .
واحد من الدكاتره الكانو واقفين قال بحسره لي راكان : المخدرات البقت منتشره وسط الطلبه دي مشكله .
دخل يدو جوا جيبو وهو متحرك على جوه : م اعتقد مخدرات .... شكلها بالجد شافت شي .
_ م ياها المخدرات بتعمل هلوسات
_ لكن شكلها وملامحها م بتدل انو ف تعاطي .
بي هناك رنيم كانت قاعده بورا جمب مها وحازم قدام سايق .
رنيم : مالك يا مها حصل شنو احكي .
صوتها اتغير وهي بتعاين حوليها : انا خايفه م تصدقوني
حازم بقا مركز معاها بالمرايه الاماميه .
رنيم : كيف م نصدقك
كان صوتها مهتز بطريقه ملاحظه وهي بتقول :حازم .... تتذكر ال..... العجوز الامبارح ؟
_ اها
_ ش .... شفتها
_ مها بسم الله اكيد حتكوني بتتخيلي
_ انا عارفاكم م حتصدقوني 💔
_ انتي عارفاني بصدقك ف اي شي وعارفك كويس .... بس م عايزك تتوهمي وتتعبي نفسك .... دي اسمها هلوسات امبارح الحادث حق المره كان مؤلم ومخيف وانا برضو هلوست بيه بالليل .... بالاضافه لي انك الفتره دي بتساهري كتير .... فعايزك بس تسمي الله وتختيه ف قلبك وم حيجيك شي تاني
ظهرت دموع ف عيونها : انا متأكده انها حقيقيه كانت .
_ طيب وينها ؟ لي ماف زول غيرك شافها .... بعدين المره اصلا بكونو اهلها استلموها ودفنوها يعني اصلا م جابو جثمانها الجامعه .... دي خيالات والله .
_ ط ...طيب لو خيالات انا لي شفتك انت ورنيم داخلين ال ....
قطعت جملتها وسكتت لمن شافت نظراتهم ليها واتيقنت انهم م حيصدقوها .
حازم : داخلين وين ؟
_ انسى انسى .... كلامك صح بكون بتوهم .
جواها كانت بتتمنى كلامو يكون صحححح وانو دا كلو وهم .... وجاتها لحظه بقت بتقنع نفسها بكلامو .
رنيم : انزل معاك ؟
_ لا لا ... م بيحتاج .
_ طيب خلي بالك من نفسك وارتاحي وم تخافي طيب ؟
_ طيب
نزلو من عربيتها وادوها المفتاح .
انتظروها دخلت وبعدها ركبو ليهم ركشه ورجعو الجامعه خصوصا انها قريبه شديد من داخليتها .
مسحت وشها العرقان ومشت ناحية المدخل ....
لقت منال البت الجاتها المره الفاتت .
سلمت عليها وردت ليها السلام .
منال : مالك شكلك تعبانه
_ لا لا ماف شي .... بس فتور ساي .
_ ربنا يعينكم .
_ جمعا
_ اطلعك فوق ؟
_ ممكن
مسكتها من يدها وطلعت معاها لحدي فوق ... ف الممر شافت فاطمه البت التانيه الكانت بتعاين ليها بنظرات جامده وم سلمت عليها .
مها استغربت من تصرفها ... شكرت منال ودخلت قفلت عليها باب الاوضه .
اتلفتت حواليها ومشت قعدت ف السرير وحاولت بقدر الامكان انها م تتذكر الحصل.
طلعت جزمتها ورقدت .
اول م كانت حتنوم تلفونها ضرب .
ظهر ليها اسم ( Mama✨💜)
شالت انفاسها وردت : الو يا ماما
_مهويه كيفك حبيبتي ؟
_ انا كويسه الحمدلله
_ متأكده يا مها ؟
_ لي في شنو ؟
_ م عارفه لكن حاسا بيك كانو ف شي حاصل ليك ( قلب الام 🔥💜)
_ لا ماف شي الحمدلله كلو تمام .
_ ربنا يحفظك ويوفقك يا مها ويبعد عنك كل شر .
_ امين يا ماما الله يخليك لي
_ ويخليك لي يا بنتي ويخلي لي اخوانك ...
_ امين 💜
_ خلاص مع السلامه لي بعدين .... عندي حصه حتبدا هسه
_ طيب الله يسلمك .
قفلت الخط وقلبها ارتاح بسماع صوت امها ..... لكن امها اصصصصلو م ارتاحت .... حست ف شي ف صوت بنتها .
اخدت ليها وقت شويه ونامت .....
والشي الحصل ليها دا زي الخدرها والغريب انها قدرت تنوم بسرعه بدون م تفكر فيه .
بي هناك عند دكتور راكان بعد م خلص شغلو مع زمايلو ف المشرحه طلع من الجامعه واتحرك على المستشفى الشغال فيها .... منظر مها وهي بتصرخ وبتتكلم عن انو ف مره عجوز كانت هنا م غاب عن ذهنو ..... كان متأكد انها بالجد شافت شي لانو صراخها م كان طبيعي .
الشارع كانت زحححمه والعربات ماشا بالسيسي .
وقفت جمبو عربيه كان فيها بنت و ولد .... كانو بضحكو وبتكلمو مع بعض ..... عاين ليهم لمسافه ورجع بذاكرتو لورا تاني .
Flash back ____________________
راكان كان بعاين ليها باستغراب .... مد يدو بتوتر للتلفون الوقع منها ورفعو عشان يشوف في شنو .
لقا رساله محتواها كالاتي :
I do not know what to say but ...i

t seems that the decision of our marriage was urgent....I am not ready yet
sorry💔
رجع ببصرو ليها وهو مدهوش من الحصل
قعدت ف الكنبه وهي بتطلع التاج من راسها وبتمد يدها لي راكان عشان يناولها التلفون : اكيد بهظر ... مستحيل يتخلى عني في يوم زي دا ..... give me my phone .... I will call him .
شالت التلفون منو وضربت ليه وجاها انو التلفون مغلق .
رمتو بقوه ف الارض ووقفت على حيلها وكان باين عليها انها مصدومه : ار .... هو جادي ؟؟؟؟ دا يوم زفافنا .... معقوله ؟ اكيد بيمزح صح ؟ حنزل تحت اشوفو .
مسكها من يدها عشان م تنزل ... لانو كان متأكد انو راضي جادي ف قرارو وهي لو نزلت حتحرج نفسها بس .
رفعت راسها وبقت بتعاين ليه في عيونو .....
كانها بتفتش ف اجابه لي تساؤولاتها المخوفاها .... قعدت ف الارضيه وعيونها بقت حممممممرا لمن شافت الاجابه الخايفه منها .
م عرف يقول ليها شنو .....
واصلا دي ياتو كلمات الحتقدر تقولها لي عروسه زفافها بعد دقايق .... والحيبقى زوجها وحتتزفى ليه يكتفى بي انو يرسل ليها رساله نصيه محتواها انو اتسرعنا ف موضوع زواجنا وانا م مستعد هسه .
امها جات طالعه وشافتها قاعده ف الارض : مها ؟ ف شنو يا ماما ؟
اول م شافت امها بقت بتبكي بصوت عالي وهي خاتا يدها ف قلبها بي وجع . ( لو كان وراها رجال وعمم كان راضي الا يهاجر للمريخ)
باقي صحباتها ووصيفاتها جو جاريين بصوتها .... بقو بتسائلو في شنو ..... قالت ليهم بصوت موجوع ومخذول : He left me
كانت صدمه بالنسبه ليهم وقعدو جمبها بحزن وهم م عارفين يقولو ليها شنو .
كان واقف جمب الباب وبعاين ليها بلا حول ولا قوه قدام صرخاتها ودموعها .
فرق دقيقتين بس .....
الزمن وم ادراك م الزمن ..... قبل دقيقتين كانت عروسه متوهجه ومبسوطه عشان حتتزوج حبيبها .... وبعد دقيقتين .... شخصيه تانيه الكحل سايل مع دموعها وعيونها حمرا ولونها باهت وبتبكي بقههههر .
( ومن اسوأ الحاجات الممكن يعملها اي انسان انو يتخلى ببساطه عن زول شايف فيه الدنيا ومستعد يعمل اي شي عشان يكون معاه .... عن كسرة الروح والخاطر المهما حصل م بتتعالج وم بتروح وبتفضل حاضره ..... قد يزول المها مع مرور الزمن لكن م بننسى انو الشخص الفتحنا ليه قلبنا وائتمناه عليه كان سبب فيها ... لكن م مشكله الحياة م بتدي دروس مجانيه 👌)
امها حضنتها عليها ف اللحظات دي هو طلع من السويت ونزل تحت .
اعتذر للمعازيم ووراهم انو حصل سوء تفاهم بيت العروسين وانو الزواج اتلغى .
صوت الهمهمات والهمسات علا .... وشعور الشفقه والحزن على العرسان ... وشويه بدو يخلو المكان لحدي م بعد شويه بقا مااااف اي زول .
طلع فوق تاني ... كان الباب مفتوح وهي واقعه بين يدين امها البتنده ف اسمها بخوف .
صحبتها كانت شايله التلفون وبتحاول تتصل بالاسعاف .
عاين ليها قبل م يركع على ركبو ويجرها من احضان امها .
طمن امها وهو بخت ليها راسها ف الارض وطلب من واحده من صحباتها تجيب ليه كمية من المخدات .
رصاها ليها ف الارضيه وطلع ليها جزمتها ورفع ليها رجولها ف المخدات . ( من الخطوات حقت الاسعاف الاولي لمن زول يغمر .... مش تنزلو فيه كفيت من طرف 😂)
طلب من امها تفك زراير الفستان.... لانو كان ضيق من جهة بطنها وصدرها
امها فكت ليها الزراير بي سرعه ..... ضربها ف خدها برفق وهو بينده عليها : مها ..... انتي كويسه م عندك اي مشكله فتحي عيونك .
استمر يتكلم معاها ويضرب ف خدها برقه لحدي م فتحت عيونها .
طلب منها تحرك كفينها عشان يطمن عليها حركتهم ودموعها نازله 💔.
جنه ( امها ) : هي كويسه ؟ ولا احسن نروح المستشفى ؟
_ لا لا م يحتاج هي كويسه م عندها مشكله .
قالت ليه بصوت مهزوز : طلعني من هنا .... م عايزه اقعد ف المكان دا .
_ طيب حوديك مكان انتي عايزه .
_ شقتي
اتكلم مع صحبتها الكانت بتعاين ليهم باستغراب وم فاهمه هم بقولو ف شنو .... طلب منها يجهزو ليها حاجاتها عشان حترجع شقتها .
خلال دقايق بس شالو حاجاتها كلها وتكلوها براحة وركبو عربيتها واتوجهو ناحية شقتها .
امها كانت قاعده جمبها في السرير وهي خاتا راسها ف رجول امها ومنكمشه على نفسها...
كل كمية البؤس والحزن كانت مسطره ف وشها .
مرا اسبوع على الزفاف الما اكتمل .
راكان تاني م شافها ... وحب يديها راحتها وم يزعجها .
في اليوم التامن امها رجعت الامارات .
وبقت وحيده ف شقتها وطلبت من صحباتها يخلوها ف حالها وانو مشاعر الشفقه الكاننها ليها ماف اي داعي ليها .
كانت الساعه 8 مساء لمن جرس شقتها ضرب .
مشت فتحت الباب .... كان هو .
دارا صدمتو من هيأتها بي ابتسامه وهو بيمد ليها بوكيه ورد .
اقل شي يتوصف بيه شكلها انو منطفيه وغير متوهجه زي م اعتاد عليها .
الدموع عامله اثار في وشها وكأنو ندوب روحها اتحولت لي وشها .
قال ليها : Good afternoon, beautiful
شالت البوكيه وردت بصوت واطي : good afternoon.... زياره غير متوقعه
_ رسلت ليك مسج اني عايز اقابلك من امبارح بس باين انك م بترا

جعي تلفونك
_ م عارفاه وين اصلا .
_ طيب ممكن تجهزي عشان نطلع نتمشى شويه
_ لا لا م عايزه اطلع
_ لي ؟
سكتت لمسافه وعاينت للارض : ماف سبب معين بس م عايزه اطلع .
_ طيب م مشكله
_ ادخل
_ ممكن نقعد هنا بره ؟
عاينت ليه بتردد قبل تلبس كوتها و تطلع معاه .... قعدو ف المدرجات حقت باب الشقه .
كانت ضامه رجولها وهي متكله بيدينها ورا ضهرها و مركزه قدامها لمن قالت ليه : R
_ نعم ؟
قبلت عليه : تفتكر اكون زعلتو ف شي عشان كدا قرر يلغي الزواج ؟
شال انفاسو وهو بهز راسو :حتى لو زعلتيه ف شي م اعتقد دي طريقه .... م تلومي نفسك .... انتي م غلطانه ف شي . 
_ لكن علاقه اربعه سنين ..... م معقول ..... كيف قدر .... ويوم زواجنا ؟؟؟؟؟ انا لي دايما اي زول بحبو م بيفضل لي ..... اي زول اتعلق بيه لازم يتخلى عني .... المشكله فيني انا اكيد ...... بابا قال لي حكون دايما معاك وم حتخلى عنك في يوم واتخلى عني ..... ماما قالت لي انا صحبتك ودايما معاك وجمبك وبرضو اتخلت عني عشان زوجها وحياتها الجديده .... وهسه ...... وهسه راضي .... الانا افتكرتو تعويض من ربنا اربعه سنين كامله .... كان عارف كل تفاصيل حياتي وكل شي عني .... بحب شنو وبكره شنو ..... كان دايما جمبي وعوضني عن الفقد العظيم الجواي....وعدني انو م حيبعد عني في يوم الا اذا اخذو الموت💔.... لي عمل كدا يعني ؟ انا بس لو كان اتكلم معاي واداني سبب مقنع كنت احتمال اتقبل الموضوع .... لكن من دون اي شي كدا . ( فيه دم سودانيز عشان كدا 😁)
_ مها .... اول شي ابوك م اتخلى عنك بمحض ارادتو .... الله استلم امانتو ودا مصيرنا كلنا .... من ناحية امك فدا حقها ..... حقها تتزوج تاني وتعيش حياة جديده وطالما انها م عملت شي حرام او عيب فماف اي انسان يقدر يلومها.... وبعدين شوفي الناحية الاجابيه للحاجات الحصلت دي ... دراستك ...شغلك ... علاقاتك.
مسحت دموعها : طيب وراضي تبريرك شنو ؟
_ تبريري ؟ انا م عندي تبرير .... وماف اي مبرر لي انو واحد يتخلى عن حبيبتو من دون اي مقدمات وكمان يوم عرسهم .... هو ببساطه اثبت انو هو انسان جبان وم راجل بس .... لكن على كل حال اسمعيها مني .... م حقول ليك م تزعلي وتحزني .... لا اخدي وقتك .... ابكي واكتئبي واعملي اي شي لكن م تخلي الشي دا يطول .... افضل شي انك م تكتمي زعلك وحزنك عشان م يجي يوم تبكي عشان شي تافه جدا جدا .... اخدي وقتك وطلعيه من قلبك .... اقتلعي جزور حبو من جواك وحتقدري ..... بعد فتره حتلقي انو في خير ظهر في حياتك .... م هو اكيد ربنا م خلاه يبعد بي نفسو من طريقك كدا من دون سبب .... حتى لو جرحك .... خلي جرحك يكون سبب في قوتك .... ف نجاحك ... ف استيعابك لي درس جديد من دروس الحياة الغير مجانيه ... بس م تخليه يكون سبب في انطفائك وفشلك .... صدقيني ذكر اتخلى عنك م بيستحق دمعه منك .... بكره حتنسيه وتضحكي على دموعك النزلتيها فيه ( راكان ابن رضوى بنت الشربيني )
زمت شفايفها واكتسى وشها بحمره والدموع اتجمعت في عيونها : لكن ... كيف ؟ حاسا اني م حقدر .... انا خلاص كرهت الحياة شديد .
اشارت لي قلبها : دا حاسا بيه اتكسر وبنزف دم والله 💔
غطت خشمها بكفة يدها البترجف ودنقرت راسها وبقت بتبكي بصوت عالي وبحرقه .
زفر انفاسو بضيق : حاسا مجرد احساس بس م متأكده ومتيقنه ..... وبعدين م بضر اذا كرهنا الحياة دي شويه ... م ضروري نكون دايما بنحبها .
عاين ليها لمن صوت بكاها علا ..... كانت خاتا يدينها في راسها وبتبكي..... فضل السكوت .... كان لازم تبكي وتطلع الوجع الجواها .... وهو كان متأكد انو جرحها م حيشفى طوالي .... وانو كلامو م حيطبطب عليها وتستوعبو بسرعه لانها لسا في طور الصدمه
بعد مسافه مسحت دموعها وبقت بتعاين قدامها وهي بتشهق زي الاطفال ...عاينت للحبه البيضاء الجات نازله برقه على بنطلونها .... لمستها بطرف سبابتها وحست ببرودتها وتلقائيا عاينت للسماء ..... كانت اول حبات التلج بدت تنزل معلنه وصول الليالي الشتوية المثلجه ❄❄❄❄❄⛄.
راكان عاين لي ساعتو ووقف على حيلو : مواعيد المستشفى جات ... انا حمشي بعد دا .
دخلت يدينها جوه جيوب الكوت: اوكي
_ حلاقيك بكره ان شاء الله
ضحكت: دا لو لقيتني حيه 😂
_ يا زوله الله يطول بعمرك وعمري
_ امين .
_ مع السلامه
_ الله يسلمك .
_ يلا ادخلي
عاينت ليه مسافه طويله قبل م تبتسم بهدوء وتدخل .
قال ليها قبل م تقفل الباب : Call me if you need anything
_ ان شاء الله
قفلت الباب وهو طلب تاكسي ومشا المستشفى .
فرك يدينو وهو بيدخل المكتب ..... لبس اللابكوت حقو وشال السماعه وطلع عشان يشوف شغلو .
اما هي دخلت اوضتها ... شالت ليها دفتر وقلم ....
قعدت في طرف سريرها وبقت بتكتب اخدت وقت لحد م انتهت .
قطعت الورقه من الدفتر وختتها في الكومودينه حقتها .... وبعدها قامت دخلت الحمام ..... قعدت في طرف البانيو الرخامي وهي بتمد يدها عشان تفتح الماسوره ..... خلال ثواني اتملا الحوض بالموية الدافيه .
فكت شعرها وط

لعت الروب القطني اللابساه وبهدوء دخلت في الحوض وخلت المويه تغمر جسمها .
استرخت وهي بترجع راسها لورا ....
بغض النظر عن الجو الهادي اول م غمضت عيونها الذكرى السيئة احتلت على تفكيرها .... فتحت عيونها بسرعه ..... وبدت الدموع تسيل بغزاره منها مسحتها وهي بتكب الصابون العطري 🌸.
بعد م خلصت حمامها جففت نفسها ولبست الروب ومرقت .
اتوجهت ناحية المطبخ ..... كبت كمية من الفودكا في كاس زجاجي 🍸ورجعت اوضتها تاني .... قعدت في طرف السرير وبي يدين مرتجفه فتحت الدرج حق الكومودينه وطلعت منو علبه حقت حبوب منومه .... ملت كفت يدها بالحبوب وبلعتها بالفودكا .
طلعت الروب ورقدت خصوصا بعد احساس التنميل الهاجمها فجأة بشراسه .
غمضت عيونها واستسلمت للموت الحيكون ضيفها الاخير .
ف الوقت دا راكان كان قاعد في الطوارئ ..... كان بتكلم مع الطفل الصغير البيخيط ليه في جرح في يدو .... بعد م خلص منو ابتسم وهو بمسح على راسو وبيقول ليه :
You are a brave man
دخل يدو ف جيبو لمن حس بالتلفون بيتهز ..... شالو وزح بعيد شويه ورد : الو
جاهو صوت تنفسها البطيئ .
ختا يدو ف اضانو التانيه عشان يسمع كويس وقال ليها : الووووو ...... مها ؟
سمع صوت حاجه وقعت .
_ مها .... الو .... مها انتي كويسه ؟
م جاهو رد .
قفل التلفون وضرب ليها كم مره .
فتح خشمو لا اراديا وحسا بكهربا سرت ف جسمو لمن اتذكر جملتها ( دا لو لقيتني حية ) .
ختا التلفون جوه جيبو وقلع اللابكوت وجرا بسرعه على الباب متجاهل صوت زميلتو البتنده عليه ....
كان البخار بيطلع من خشمو مع انفاسو الغير منتظمه .
اول تاكسي لقاه ركب فيه بسرعه ....
وصل شقتها وبسرعه بقا بدق في الباب ....
رجع شويه لورا وبقا بعاين بي حيره حيدخل ليها كيف وهو جواه بيدعي انو الفي بالو يكون غلط وم يكون ف شي .
لقا شباك زجاجي بيفتح ف الصاله ..... ضربو بي قطعة حديديه لقاها في الارضيه .
مد يدو وفتح الشباك واتجاوز قطع الزجاج الانغرست في كفو وجرحتو .
دخل وهو بيتلفت بي حيره .... لانو م عارف اوضتها وين اصلا والشقه واسعه .
نده عليها وهو بيفتح اي باب يلقاه .... لحدي م وصل اوضتها .
كانت راقده والتلفون مرمي ف الارض .... اكتسى جلدها بي زرقه مخيفه .
شال علبة الحبوب وهو بقول : لا ... لا .... مستحيل
مسك يدها عشان يشوف في نبض ولا لا .
قعد جمبها وختا سبابتو جمب انفها كان في نفس متقطع وبياخد وقت عشان يظهر تاني .
شالها وختاها في الارضيه وبدا يسعفها بالتنفس الصناعي .... بعدها شال التلفون واتصل بالطواريئ بسرعه .
واستمر في التنفس الصناعي بعد م غطاها بالبطانيه عشان يحافظ على درجة حرارتها ....
كان مراقب نفسها وهو بعاين للساعه عشان يقيس هي بتتنفس كل كم دقيقه .
طبعا معدل النفس م طمنو .... رفع راسو لمن حس بي حركه .... اتفاجئ بي شرطيين موجهين مسدساتهم ناحية راسو وهم بصرخو فيك بصوت عالي :
Raise your hands to see them
عرف انو ف زول حيكون شافو وهو بكسر القزاز وبلغ الشرطه .
رفع يدينو بهدوء وهو بقول :
sir
My friend tried to commit suicide.....the
ambulance will arrive in seconds
الشرطيين قبلو وراهم لمن سمعو صوت الاسعاف .
قام بسرعه عشان يفتح الباب للمسعفين بس وقف بصوت الشرطي القال ليه بنهره :
Stop in your place....don’t move
الشرطي التاني اتحرك على الباب وفتحو .
جو المسعفين داخلين بسرعه ...
وراهم وهم بختو فيها ف النقالة حقتهم انو حاولت تنتحر بحبوب منومه .
شالوها بسرعه وركبو ليها انبوب اوكسجين .... وبقو مراقبين ضربات قلبها الضعيفه .
اما راكان م خلوه يمشي .... كان قاعد في سريرها ... ضامي كفينو على جهة انفو وبرد على اسألتهم .
بعد م خلصو من التحقيق معاه خلوه يمشي ....
كان حاسي كأنو الناس البتجي ماره بيه سامعه صوت ضربات قلبو العاليه .
كل احساس قلق وخوف كان متملكو للنخاع .
اخد وقت طويل لحدي م وصل المستشفى حقتو النزلوها فيه .... وبي سرعه مشا الطواريئ واستفسر من حالتها .... وروه انو عملو ليها غسيل معده ودخلوها العناية المكثفه .
صوت البوري العالي من العربيه الورا رجعو لواقعو ..... عاين للمرايه القدامو ..... مسح وشو بيدو وهو بشيل انفاسو وبتحرك .
_______________________
مها صحت من النوم كانت الساعه خمسه ...
مشت اتوضت وصلت ..... وجات قعدت في سريرها ..... انكمشت على نفسها وهي بتتذكر الحصل ليها قبيل .
همست وهي بتهز راسها : انا اكيد بتوهم .
مشت فرشت شيتاتها في الدرج في محاولة فاشله منها ف انها تقرا .
قدر م حاولت تشغل نفسها وم تتذكر الحصل م قدرت .
رجعت سريرها تاني وانكمشت على نفسها .
قامت بي سرعه ولبست ليها عبايه وشالت تلفونها ومفاتحها ونزلت ....
ركبت عربيتها وساقت لي بيت اخوها .... بركنت عربيتها وطلعت فوق ... ضربت الجرس شويه كدا جا احمد اخوها .
اول م فتح الباب عاين ليها باستغراب .... لونها اصفر وظاهر انو ف شي .... سألها بقلق : يا بت انتي كويسه ؟
ابتسمت ابتسامه اص

طناعيه وهي بتهز كتافينها : اي كويسه بس اشتقت ليكم قلت اجيكم وكدا .
_ لا وشك دا مالو مختوف كدا ؟؟؟ عيانه ولا شنو ؟
دخلت وطلعت طرحتها : لا ساي تعب الجامعه.
جات سحر طالعه من المطبخ : مهااا جيتي ف وقتك والله الليلة ظابطه سماحة غداء .
مها : تمام اغسل يدي .
اتجهت ناحية الحمام دخلت غسلت يدها وهي طالعه لاحظت لي جمال البعاين ليها بتحفز واستغراب ف نفس الوقت .
مدت ليه يدها : جيمي تعال
هزا راسو بمعنى لا وجرا لي امو ف المطبخ .
لحقتو ف المطبخ وهي حاسا بي عدم راحة من نظراتو .... نهائي م اكل وفضل مراقبها بس .
احمد عاين ليه : جيمي اكل يا بابا في شنو بتعاين كدا ؟
عاين لي ابوه بخلعه لانو كان مركز مع عمتو : ماف ثي يا بابا .
مها م قدرت تستمر مع نظراتو اكلت شويه وبعدها قامت ...
قعدت ف الكنبه وفتحت التلفزيون .... قلبت بين القنوات بي ملل .
تلفونها ضرب .... كان حازم ... ردت عليه : الو
_ مهويه كيفك ؟
_ الحمدلله .
_ بقيتي كيف من قبيل .
_ احسن .
_ الحمدلله .... رسلت ليك المحاضرات حقت اليوم .
_ شكرا ليك
_ العفو
ضحكت وهي بتقول ليه : انت بتتكلم بي ادب وذوق كدا مالك ف شنو .
_ والله انا ذاتي محتار 😂... المهم رنيم بتسلم عليك وكالعاده يعني م عندها رصيد عشان تضرب ليك كنت بتكلم معاها قبل شويه .
_ الله يسلمها المفلسه 😂.
قامت من الكرسي عشان تمشي المطبخ ... وقفت فجأة لمن لقت جيمي واقف وبعاين ليها .
شالت انفاسها وهي بتقول لي حازم : عن اذنك ثواني
_ اتفضلي اصلا كنت حقفل .
_ طيب سلام
_ الله يسلمك .
قفلت التلفون وبللت شفايفها بي توتر : جيمي ؟
كان بعاين وراها كأنو م واعي .
علت صوتها  : جمال
م رد عليها .
اتوجهت ناحيتو ودنقرت عليه : جيمي في شنو ؟ مالك من قبيل بتعاين لي ؟
بلع ريقو وعاين ليها ببراءه : البت الما حلوة الواقفه وراك دي منو ؟
نهاية الرابعه

ـ

مطـــــر 💙🌧

ـ