የአዲስ አበባ ትራፊክ ማኔጅመንት ባለስልጣን እግረኞችን መቅጣት መጀመሩን አስታወቀ፡፡

በአዲስ አበባ እስካሁን 89 እግረኞች የትራፊክ ደንብን በመተላለፍ እንዲቀጡ ማድረጉን ባለስልጣኑ አስታወቋል፡፡

በአዲስ አበባ ትራፊክ ማኔጅመንት ባለስልጣን እግረኞችን የሚቀጣ የህግ ማዕቀፍ አዘጋጅቶ ተግባራዊ ማድረግ መጀመሩን ነው ለ ኢትዮ ኤፍ ኤም ያስታወቀው፡፡

በአዲስ አበባ ካሉት 11 ቅርጫፎችም በለሚኩራ ክ/ከተማ ቅርጫፍ ስራው መጀመሩን ቅርጫፍ ፅህፈት ቤቱ ለጣብያችን አስታውቋል፡፡

የለሚ ኩራትራፊክ ማኔጅመንት ቅርጫፍ ፅ/ቤት ስራ አስኪያጅ አቶ ምስጋና ፋንታሁ ቅጣቱ የተጀመረው በጎሮ አደባባይ መሆኑን የገለፁ ሲሆን ምክንያቱ ደግሞ ቦታው በከፍተኛ ሁኔታ የትራፊክ መጨናነቅ የሚስተዋልበት በመሆኑና እግረኞች በመኪና መንገድ ላይ በመግባት አደጋ እየደረሱ በመሆኑ ነው ብለዋል፡፡

ተቀጪዎች የትራፊክ ፍሰቱን እንዲያስተባብሩ እና በመንገድ ትራፊክ መረጃ ላይ በቂ ግንዛቤ እንዲያኙ በማድረግ የተጀመረው የቅጣት ሂደቱ በቀጣይ የገንዘብ ቅጣትን ጨምሮ የተለያዩ እርምጃዎች እንደሚኖሩትም ተጠቁሟል፡፡

በጎሮ አደባባይ በተጀመረው ቅጣት እስካሁን 89 እግረኞች ደንብ ሲተላለፉ በመገኘታቸው ቅጣት ተላልፎባቸዋል ብለዋል፡፡

አሁን ላይ የገንዘብ ቅጣት መጣል ምቹ ሁኔታ ባይፈጠርም ከ40 ብር እስከ 80 ብር የሚደርስ ቅጣት በህግ ማዕቀፉ እንደተቀመጠ ኢትዮ ኤፍ ኤም ከባለስልጣኑ ሰምቷል፡፡

በለሚ ኩራ የተጀመረው እግረኞችን የመቅጣት ስራ በሁሉም አካባቢዎች ቀጣይነት እንደሚኖረውም ያገኘነው መረጃ ያመላክታል፡፡
✅@Adis_media✅
✅@Adis_media✅

ኦነግ ሸኔ በዝቋላ ገብረ መንፈስ ቅዱስ ገዳም አራት አባቶችን መግደሉን የኢትዮጵያ ኦርቶዶክስ ተዋሕዶ ቤተክርስቲያን አስታወቀች

በምሥራቅ ሸዋ ሀገረ ስብከት በሚገኘው ጥታዊው የዝቋላ ደብረ ከዋክብት አቡነ ገብረ መንፈስ ቅዱስ ገዳም እራሱን ኦነግ ሸኔ ብሎ በሚጠራው ቡድን የገዳሙን መጋቢ ጨምሮ አራት አባቶችን መግደሉን ገዳሙ አስታውቋል፡፡

የኢትዮጵያ ኦርቶዶክስ ተዋሕዶ ቤተክርስቲያን የሕዝብ ግንኙነት መምሪያ ኢኦተቤ ቴቪን ዋቢ በማድረግ ሰኞ የካቲት 11 ቀን 2016 ዓመተ ምሕረት ታጣቂዎቹ ሦስት አባቶችን አግተው ወደ በረሃ ከወሰዱ በኋላ የታገቱትን ለማስለቀቅ ገዳሙ ጥረት በሚያርግበት ወቅት የካቲት 13 ቀን 2016 ዓ.ም ተጨማሪ አባቶችን በመያዝ

1.  የገዳሙ መጋቢ አባተክለማርያም ዐሥራት
2.  የገዳሙ ጸሐፊ አባ ኪዳነ ማርያም ጥላሁን
3.  የገዳሙ የመጽሐፍ መምህርና ቀዳሽ አባ ገ/ማርያም አበበ
4.  በአመክሮ የሚኖሩ መናኝ ኃይለማርያም ወልደሰንበት የተባሉት የገዳሙ የሥራ ኃላፊዎች እንደተገደሉና አብረው ከነበሩት አንድ አባት ብቻ ማምለጥ መቻላቸውን እንደተረዱ የገዳሙ ኃላፊዎች ለኢኦተቤ ቴቪ (EOTC TV) መናገራቸውን ዳጉ ጆርናል ሰምቷል፡፡

የገዳሙ የሥራ ኃላፊዎች ቡድኑ ከዚህ ቀደም ገዳሙን በመዝረፍ ለከፋ ችግር አጋልጦት መቆየቱን አስታውሰው ገዳሜ ጸጥታውን የሚያስከብረበት  መሣሪያች በቡድኑ በመወረሳቸው ለከፋ የጸጥታ ችግር መጋለጡን ገልጸዋል፡፡

በአሁኑ ወቅት ገዳማውያ በስጋት ላይ መሆናቸውንና የመንግሥት የጸጥታ አካላትን እገዛ እንደሚሹ አስታውቀው መረጃውንም በየደረጃው ለሚገኙ የሀገረ ስብከቱና የመንግሥት የሥራ ኃላፊዎች ማሳወቃቸውን ገልጸዋል፡፡
✅@Adis_media✅
✅@Adis_media✅

በአዲስ አበባ የ6ኛ እና የ8ኛ ክፍል ከተማ አቀፍ ፈተና በሰኔ መጀመሪያ ላይ እንደሚሰጥ የአዲስ አበባ ከተማ አስተዳደር ትምህርት ቢሮ አስታወቀ።

ይህንንም ተከትሎ በዘንድሮ ዓመት በአዲስ አበባ ለስድስተኛ ክፍል 86 ሺህ 691 ተማሪዎች እንዲሁም ለስምንተኛ ክፍል 88 ሺህ 28 ተማሪዎች በከተማ አቀፍ ፈተናው ይቀመጣሉ ተብሎ እንደሚጠበቅ ተነግሯል።

ተማሪዎች ለፈተናው ብቁ እንዲሆኑ በሥነ-ልቦና የማዘጋጀት፣ ከኩረጃ ነጻ የሆነ አስተሳሰብ እንዲይዙ እና በራስ መተማመን እንዲኖራቸው እየተሰራ መሆኑም ተመላክቷል። ተማሪዎች በስልክና በመሰል የቴክኖሎጂ ውጤቶች ላይ የሚያሳልፉትን ጊዜ እንዲቀነሱና ትምህርት ላይ ትኩረት እንዲያደርጉ ወላጆች ኃላፊነታቸውን እንዲወጡ መነገሩን ኢዜአ ዘግቧል።
✅@Adis_media✅
✅@Adis_media✅

የ2016 ዓ.ም አጋማሽ ዓመት የመውጫ ፈተና የወሰዱ የመንግስት ዩኒቨርሲቲ ተማሪዎች ውጤት ይፋ ሆኗል።

ውጤትዎን ለመመልከት ተከታዩን ሊንክ ይጠቀሙ፦

https://result.ethernet.edu.et/

✅@Adis_media✅
✅@Adis_media✅

በአማራ ከልል ሶስት ከተሞች የትራንስፖርት እንቅስቃሴ አንዲቆም ተደረገ!

በአማራ ከልል ከደሴ ወደ ሸዋሮቢት፣ ከሸዋሮቢት ወደ ደ/ብረሀን እንዲሁም ከደ ብረሀን -ሸዋሮቢት - ደሴ የትኛውም አይነት የትራንስፖርት እንቅስቃሴ ከዛሬ የካቲት 16 ቀን ጀምሮ ላልተወሰነ ጊዜ እንዲቆም መደረጉን ኮማንድ ፖስቱ አስታወቀ።

የማዕከላዊ ሸዋ ኮማንድ ፖስት የትራንስፖርት አንቅስቃሴ እንዲቆም የወሰነው፤ በቀጠናው “ፅንፈኛ ሀይሎች” ላይ እርምጃ እየወሰደ በመሆኑ “ሰላማዊ ዜጎች ጉዳት እንዳይደርስባቸው” እና አካባቢውን በአጭር ቀናት “ከፅንፈኛ” ሀይሉ ነፃ ለማድረግ ኦፕሬሽን ስራ የተጀመረ በመሆኑ ነው ሲል ገልጿል። ኮማንድ ፖስት አክሎም “ህብረተሰቡ አስፈላጊውን ትብብር እንዲያደርግ የፀጥታ ሀይሉም ውሳኔው ይፈፀም ዘንድ ክትትል እንዲያደርግ” በሚል የተወሰነ መሆኑን አስታውቋል።
✅@Adis_media✅
✅@Adis_media✅

"ከጠለሸው ሰማይ ከወረሰን ዳዋ
አለች አንዲት ጀንበር በቅርብ የምትወጣ ዳግማዊት ዓድዋ"

ክብር ለሚኒሊክ!
ክብር ለጣይቱ!
ክብር ኢትዮጵያን ብለው ለተሰዉ ጀግኖች አርበኞቻችን በሙሉ! #ዳን_አድማሱ

⚔መልካም የአድዋ ድል ቀን🛡
✅@Adis_media✅
✅@Adis_media✅

ይመዝገቡ!

የ2016 ዓ.ም የ12ኛ ክፍል መልቀቂያ ፈተና የሚወስዱ ተማሪዎች ምዝገባ ሊጠናቀቅ ጥቂት ቀናት ቀርተዋል።

የተፈታኝ ተማሪዎች ምዝገባ የካቲት 30/2016 ዓ.ም እንደሚጠናቀቅ የትምህርት ምዘናና ፈተናዎች አገልግሎት መግለፁ ይታወቃል።

የመደበኛ እና ማታ መርሐግብር ተማሪዎች ምዝገባ 👉 በትምህርት ቤቶች

የግል | የርቀት | የበይነመረብ ተማሪዎች ምዝገባ 👉 በክፍለ ከተማ፣ በወረዳ እና በትምህርት ጽ/ቤቶች

በ2016 ዓ.ም የሚሰጠውን የ12ኛ ክፍል ፈተና ከ870 ሺህ በላይ ተማሪዎች እንደሚፈተኑ ይጠበቃል።
✅@Adis_media✅
✅@Adis_media✅

በመውጫ ፈተና ሞባይል ስልክ ይዞ በመግባት፣ በመኮረጅና የተለያዩ የፈተና ስነ-ምግባር ጥሰት የፈጸሙ 114 ተፈታኞች ውጤት ሙሉ በሙሉ መሠረዙን የትምህርት ሚኒስቴር አስታወቀ።

የፈተና ስነምግባር ጥሰት የፈጸሙት 114 ተፈታኞች ውጤታቸው ሙሉ በሙሉ መሠረዙን እና የሚወሰዱ ተጨማሪ እርምጃዎች በቀጣይ የሚገለጽ መሆኑንም ጠቅሷል።

ከየካቲት 6 እስከ 11 ቀን 2016 ዓ.ም በመላ ሀገሪቱ በሚገኙ የመንግስት ተቋማት በተሰጠው ሁለተኛ ዙር የመውጫ ፈተና 119 ሺህ 145 ተፈታኞች ፈተናውን መውሰዳቸው ተጠቁሟል።

ትምህርት ሚኒስቴር በከፍተኛ ትምህርት ዘርፍ ጥራትን ለማረጋገጥ ከጀመራቸው ሪፎርሞች አንዱ የሆነው መውጫ ፈተና ተመራቂዎች በዩኒቨርስቲ ቆይታቸው ተገቢውን እውቀትና ክህሎት መቅሰማቸውንና ብቁ መሆናቸውን ዒላማ ያደረገ በመሆኑ ፈተናው በጥብቅ ዲስፕሊን የሚመራ መሆኑን ከሚኒስቴሩ ያገኘነው መረጃ ያመለክታል።
✅@Adis_media✅
✅@Adis_media✅