#ማሳሰቢያ

በኢሚግሬሽንና ዜግነት አገልግሎት ስም የተለያዩ ቻናሎችን በመክፈት የተሳሳተ መረጃ የሚሰጡ ግለሰቦች እንዳሉና አስቸኳይ ፓስፖርት ለማውጣት በአካውንት ብር አስገቡ በማለት በብዙ ሺህ ብር እየጠየቁ ህብረተሰቡን እያታለሉ እንደሆነ ለተቋሙ የተለያዩ ጥቆማዎች እንደደረሰው አሳውቋል።

አስቸኳይ ጉዞ ለመሄድ፣ አስቸኳይ ሰነድ ያላችሁ፣ አስቸኳይ ፓስፖርት ለማውጣት በአካል ብቻ በዋናው ቢሮ በመሄድ የምትስተናገዱ መሆኑን እና ክፍያም እዛው በቢሮው የምትከፍሉ ሲሆን አስቸኳይ ፓስፖርት በኦንላይን የማንሰጥ መሆኑን አውቃችሁ ጥንቃቄ እንድታደርጉ እናሳስባለን።

[የኢሚግሬሽንና ዜግነት አገልግሎት]
✅@Adis_media✅
✅@Adis_media✅

የኢትዮጵያ ንግድ ባንክ በመረጃ ማስተላለፊያ ገመድ ላይ ባጋጠመዉ ጉዳት አገልግሎቱ ተቋረጠ

የኢትዮጵያ ንግድ ባንክ የመረጃ ማስተላለፊያ የፋይበር ኦፕቲክስ ገመድ ላይ በደረሰ ጉዳት በቅርንጫፎች ፣ በኢንተርኔት ባንኪንግ ፣ በሞባይል ባንኪንግ ፣ እንዲሁም በሲቢኢ ብር የአገልግሎት መቋረጥ እንዳጋጠመው ብስራት ራዲዮና ቴሌቪዥን ሰምቷል።

ባንኩ አገልግሎቱን መልሶ ለማስጀመር ከፍተኛ እርብርብ በማድረግ እየተሰራ በመሆኑ ደንበኞች በትዕግስት እንድትጠብቁ ሲል ጥሪ አስተላልፏል። ባንኩ ለተፈጠረው መጉላላት ይቅርታ ጠይቋል።
✅@Adis_media✅
✅@Adis_media✅

ኬንያ በዘረጋችው አዲስ አሰራር ኢትዮጵያውያን ዜጎች ያለ ክፍያ ወደ ሀገሯ እንዲገቡ ፈቀደች

ኬንያ የሌላ ሀገር ዜጎች ያለ ቪዛ ወደ ሀገሯ እንዲገቡ ከፈቀደች በኋላ ከጀመረችው አዲስ የጉዞ ፈቃድ ማረጋገጫ ጥያቄ እና ክፍያ ኢትዮጵያውያን ነጻ እንዲሆኑ መወሰኗን በኬንያ የኢትዮጵያ አምባሳደር የሆኑት አምባሳደር ባጫ ደበሌ አስታውቀዋል።

ኬንያ ካለንበት የፈረንጆቹ ዓመት መጀመሪያ አንስቶ ከመላው አለም ወደ ሀገሪቱ መምጣት የሚፈልጉ ሁሉም ጎብኚዎች ለቪዛ ከማመልከት ይልቅ የኤሌክትሮኒክስ የጉዞ ፍቃድ ቀድመው እንዲያገኙ በማድረግ ክፍያ በመፈጸም ብቻ ወደ ሀገሯ እንዲገቡ አዲስ አሠራር መጀመሯ ይታወሳል።

ሆኖም ግን ይህ የዲጂታል ስርዓት አሰራር ለበርካታ ዘመናት ወደ ኬንያ ያለ ቪዛ እና ክፍያ ወደ ሀገሪቱ ሲገቡ በነበሩት ኢትዮጵያውያን ላይ ወጪን እና በውስብስብ የጉዞ ሂደት ውስጥ እንዲያልፉ በማድረግ ቅሬታ እና ጥያቄን አስነስቶ ነበር።

ይህንን ተከትሎ የኬንያ መንግስት ወደ ሀገሪቱ ለመጓዝ የሚፈልጉ ኢትዮጵያውያን ዜጎችን ከአዲሱ የጉዞ ማረጋገጫ የክፍያ ሥርዓት ውጪ እንዲሆኑ የቀረበለትን ጥያቄ ተቀብሎ የጉዞ ፈቃድ ማረጋገጫ ጥያቄ እና ክፍያ ነፃ እንዲሆኑ መወሰኑን አምባሳደር ባጫ በኤክስ ማህበራዊ ትስስር ገጻቸው ላይ አስታውቀዋል።

አምባሳደር ባጫ ወደ ኬንያ የሚጓዙ ኢትዮጵያውያን ቪዛ እና ተያያዥ ክፍያ እንደማያስፈልጋቸውና የኬንያ መንስግስት ይህንን በማድረጉ ምስጋናቸውን ያቀረቡ ሲሆን ነገር ግን ወደ ሀገሪቱ መጓዝ የሚፈልጉ ኢትዮጵያውያን በበይነ መረብ በኩል የሚሞላውን ፎርም ቀድመው መሙላት እንደሚጠበቅባቸውም ነው የተገለፀው።
✅@Adis_media✅
✅@Adis_media✅

የአዲስ አበባ ትራፊክ ማኔጅመንት ባለስልጣን እግረኞችን መቅጣት መጀመሩን አስታወቀ፡፡

በአዲስ አበባ እስካሁን 89 እግረኞች የትራፊክ ደንብን በመተላለፍ እንዲቀጡ ማድረጉን ባለስልጣኑ አስታወቋል፡፡

በአዲስ አበባ ትራፊክ ማኔጅመንት ባለስልጣን እግረኞችን የሚቀጣ የህግ ማዕቀፍ አዘጋጅቶ ተግባራዊ ማድረግ መጀመሩን ነው ለ ኢትዮ ኤፍ ኤም ያስታወቀው፡፡

በአዲስ አበባ ካሉት 11 ቅርጫፎችም በለሚኩራ ክ/ከተማ ቅርጫፍ ስራው መጀመሩን ቅርጫፍ ፅህፈት ቤቱ ለጣብያችን አስታውቋል፡፡

የለሚ ኩራትራፊክ ማኔጅመንት ቅርጫፍ ፅ/ቤት ስራ አስኪያጅ አቶ ምስጋና ፋንታሁ ቅጣቱ የተጀመረው በጎሮ አደባባይ መሆኑን የገለፁ ሲሆን ምክንያቱ ደግሞ ቦታው በከፍተኛ ሁኔታ የትራፊክ መጨናነቅ የሚስተዋልበት በመሆኑና እግረኞች በመኪና መንገድ ላይ በመግባት አደጋ እየደረሱ በመሆኑ ነው ብለዋል፡፡

ተቀጪዎች የትራፊክ ፍሰቱን እንዲያስተባብሩ እና በመንገድ ትራፊክ መረጃ ላይ በቂ ግንዛቤ እንዲያኙ በማድረግ የተጀመረው የቅጣት ሂደቱ በቀጣይ የገንዘብ ቅጣትን ጨምሮ የተለያዩ እርምጃዎች እንደሚኖሩትም ተጠቁሟል፡፡

በጎሮ አደባባይ በተጀመረው ቅጣት እስካሁን 89 እግረኞች ደንብ ሲተላለፉ በመገኘታቸው ቅጣት ተላልፎባቸዋል ብለዋል፡፡

አሁን ላይ የገንዘብ ቅጣት መጣል ምቹ ሁኔታ ባይፈጠርም ከ40 ብር እስከ 80 ብር የሚደርስ ቅጣት በህግ ማዕቀፉ እንደተቀመጠ ኢትዮ ኤፍ ኤም ከባለስልጣኑ ሰምቷል፡፡

በለሚ ኩራ የተጀመረው እግረኞችን የመቅጣት ስራ በሁሉም አካባቢዎች ቀጣይነት እንደሚኖረውም ያገኘነው መረጃ ያመላክታል፡፡
✅@Adis_media✅
✅@Adis_media✅

ኦነግ ሸኔ በዝቋላ ገብረ መንፈስ ቅዱስ ገዳም አራት አባቶችን መግደሉን የኢትዮጵያ ኦርቶዶክስ ተዋሕዶ ቤተክርስቲያን አስታወቀች

በምሥራቅ ሸዋ ሀገረ ስብከት በሚገኘው ጥታዊው የዝቋላ ደብረ ከዋክብት አቡነ ገብረ መንፈስ ቅዱስ ገዳም እራሱን ኦነግ ሸኔ ብሎ በሚጠራው ቡድን የገዳሙን መጋቢ ጨምሮ አራት አባቶችን መግደሉን ገዳሙ አስታውቋል፡፡

የኢትዮጵያ ኦርቶዶክስ ተዋሕዶ ቤተክርስቲያን የሕዝብ ግንኙነት መምሪያ ኢኦተቤ ቴቪን ዋቢ በማድረግ ሰኞ የካቲት 11 ቀን 2016 ዓመተ ምሕረት ታጣቂዎቹ ሦስት አባቶችን አግተው ወደ በረሃ ከወሰዱ በኋላ የታገቱትን ለማስለቀቅ ገዳሙ ጥረት በሚያርግበት ወቅት የካቲት 13 ቀን 2016 ዓ.ም ተጨማሪ አባቶችን በመያዝ

1.  የገዳሙ መጋቢ አባተክለማርያም ዐሥራት
2.  የገዳሙ ጸሐፊ አባ ኪዳነ ማርያም ጥላሁን
3.  የገዳሙ የመጽሐፍ መምህርና ቀዳሽ አባ ገ/ማርያም አበበ
4.  በአመክሮ የሚኖሩ መናኝ ኃይለማርያም ወልደሰንበት የተባሉት የገዳሙ የሥራ ኃላፊዎች እንደተገደሉና አብረው ከነበሩት አንድ አባት ብቻ ማምለጥ መቻላቸውን እንደተረዱ የገዳሙ ኃላፊዎች ለኢኦተቤ ቴቪ (EOTC TV) መናገራቸውን ዳጉ ጆርናል ሰምቷል፡፡

የገዳሙ የሥራ ኃላፊዎች ቡድኑ ከዚህ ቀደም ገዳሙን በመዝረፍ ለከፋ ችግር አጋልጦት መቆየቱን አስታውሰው ገዳሜ ጸጥታውን የሚያስከብረበት  መሣሪያች በቡድኑ በመወረሳቸው ለከፋ የጸጥታ ችግር መጋለጡን ገልጸዋል፡፡

በአሁኑ ወቅት ገዳማውያ በስጋት ላይ መሆናቸውንና የመንግሥት የጸጥታ አካላትን እገዛ እንደሚሹ አስታውቀው መረጃውንም በየደረጃው ለሚገኙ የሀገረ ስብከቱና የመንግሥት የሥራ ኃላፊዎች ማሳወቃቸውን ገልጸዋል፡፡
✅@Adis_media✅
✅@Adis_media✅